من ادب الانتفاضة الفلسطينية - هتافات المسيرات والتظاهرات - ثامن عشر : شعارات للاصلاح الاجتماعي

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 1063 - 2004 / 12 / 30 - 11:42
المحور: الادب والفن
    

من أدب الانتفاضة الفلسطينية
هتافات المسيرات والتظاهرات

ثامن عشر : شعارات للإصلاح الاجتماعي

عيد العامل يفلسطين
يوم خروج المحتلين
حيو معنا الكادحين
من عمال وفلاحين
**************
عيد الاول من ايار
عيد العزم والاصرار
والشغيلة شعلة نار
علو راية لانتصار
عالمحتل والحصار
**************
صيحو قولو يا رفاق
لا لا للاغلاق
**************
احنا جموع العاملين
للحرية سائرين
**************
كل ما يزيد الاضطهاد
يسهل عنا الاستشهاد
احنا بنرفض لاستعباد
يا حرية يا استشهاد
**************
حاصرتونا وجوّعتونا
جوا سجن حطيتونا
**************

باب العمل سكّرتوه
كل الشعب سجنتوه
**************
العمال مسحوقين
بالمجاعة مهددين
بالبطالة مكبلين
*************
لاجل الخبز ما بننذل
ايد الغاصب بدها شل
ما في حل ما في حل
الا خروجك يا محتل
**************
يا صهيوني ليلك زائل
احنا الحق وانت الباطل
لاجل الوطن بدنا نقاتل
لانتفاضة بدنا نواصل
حتى نحقق حل العادل
**************
لا اعتراف بالحواجز
للتحدي شعبي جاهز
*************
شوفو العامل عالمخصوم
راسو معبى بالهموم
هذا الظلم مابدوم
والقيامة بدها تقوم
**************
مصيبتنا البطالة
سحقت جيش العمال
بدنا نغير هالحالة
**************
احنا دعامة لاقتصاد
كفو عنا الاضطهاد
**************
بدنا قنون للعمال
يرفع عنا لاستغلال
**************
احنا بناة الاستقلال
كفو عنا الاستغلال
**************
انتخبات انتخبات
يا اتحاد النقابات
لازم نعمل اصلاحات
في عموم النقابات
***************
بدنا ضمانة للعمال
قنون يحرم لاستغلال
لا لا للاجحاف
بدنا العدل والانصاف
**************
لاتحاد لاتحاد
يا عمال البلاد
***************
لاستغلال جن جنون
والاحتكار صار فنون
**************
بدنا نقاوم هالغلاء
اللي استشرى كالوباء
**************

بدنا نرفع هالاجور
ضد الغلاء هالمسعور
**************
نهبو الدنيا الهباشين
والعمال محرومين
**************
للحرمية عنا سؤال
كيف جمعتو هالاموال
رشوة وخاوة يا انذال
بلعتو الدنيا ليلكم طال
**************
يا شارون ويا شمعون
بدنا دولة لا كانتون
*************
الحقوق ما بتضيع
بالحصار والتجويع
**************
شعبي انتفض كالبركان
ويلك منا يا سجان
***************
يا أحفاد النازيين
ما انسيناها دير ياسين
من رام الله لجنين
جرائمكو مسجلين
**************
مطلب عادل للعمال
اجر مساوي للاشغال
**************
مطالبنا شرعية
تامينات صحية
واجازات سنوية
**************

اعطو العامل حقّو كامل
حتى يعطي جهدو كامل
**************
حقوق العامل بدها نضال
نفس طويل وطولة بال
***************
تأمينات واجازات
وضد الفصل ضمانات
*************
لانتخاب لانتخاب
مطلب عادل لم يجاب
**************
لا قيادة بالتعيين
او زعامة مابدين
**************
يلي قعدتو بكراسي
فقدتو الصلة بالناس
**************
يا وزير المالية
رواتبنا مهرية
انت بتسكن فنادق
وشعبك خبزو مش لاحق
**************
مدرا ووزرا بسيارات
والبنزين كوبونات
**************
طال الصبر وزاد القهر
والحكومة دارت ظهر
نص الشعب تحت الفقر
والمسؤل جوا قصر
**************
شعبي مل وتململ
وضعه صعب ومهلهل
للحكومة احنا بنسال
قنون الخدمة ليش تأجل
والفساد ليش تغلغل
**************
المسؤل كرشه بكبر
والموظف وضعه تدهور
**************
يا اخوانا بالسلطة
زيدو رواتب هالشرطة
**************
مجتمعنا قسمتو
فوق وتحت رتبتو
لاقتصاد خربتو
ومال الشعب نهبتو
**************
اسمع منا يا وزير
راحة شعبي اهم كثير
من الاسراف والتبذير
بدل تحطو 100 مدير
ويتهموكو بالتقصير
ارفع راتب هالفقير
نفذ خطة للتطوير
سلطة فيها الف مدير
مستقبلهاعالحصير
الله يعينك يا فقير
بكره العيشة كيف بتصير
***************
سلطة بتبني بالفوضى
شعبي منها ما برضى
**************
بلدي الحرة اوعي تنامي
على ابوابك الف حرامي
**************
بلدي الحرة اصحي اصحي
باسم الثورة عم تنذبحي
****************
نهبو الدنيا الهباشين
والعمال محرومين
**************
للحرمية عنا سؤال
كيف جمعتو هالاموال
رشوة وخاوة يا انذال
بلعتو الدنيا ليلكم طال
**************
صاح الشعب يا عرفات
بدنا بدنا اصلاحات
في الدوائر والوزرات
**************
واحنا نواجه هالاعداء
بدنا نوزع هالاعباء
**************
الحرمية الهباشين
جرح بظهرك يفلسطين
**************
قلة تعيش مبحبحين
وكل الشعب محرومين
**************
ناس تقارع لاحتلال
وناس بتجمع بالاموال
**************
ناس بتربح ملايين
وناس بتشحد كيس طحين
**************
يا اصحاب العقارات
خفو شوية إيجارات
**************
يا تجار ويا صناع
كونو معنا عالاوضاع
**************
يا مشافي الاستثمار
رحمة رحمة بالاسعار
شعبي عايش بالحصار
**************
قولو قولو للطبيب
الكشفية منين نجيب
**************
شعبي احتار مش مصدق
جوا السلطة عفن ملزق
*****************
الله يعينو هالوزير
على جريه بمشي كثير
عالحواجز بصلوبوه
وزي الناس بضروبوه
ما بآمن بالتنسيق
وشوف الجيش ما بيطيق
بين الشعب على طول
وغير الحق ما بيقول
****************

#خالد_منصور (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات