ألفروقات العشره

وبالامكان سيد سرمد ان تضيف : الراقصات حلوات ويونسون الناس بس جماعتنه كل واحد كالب خلقته ومن يحجي عبالك مداين ربه فلوس . عمرك شفت راقصة تلغف 40 مليار وتمشي؟ اكو راقصة فجرت نفسهه وكتلت اوادم ؟ سمعت بعمرك واحد جاب راقصة خاطر تركص وجلبت ومتقبل تطلع وتضل تركص ؟

إرسال شكوى على هذا التعليق          52 أعجبنى             المزيد-الاشراك   

---

سأبدأ من السطر قبل الأخير
لازم الطوبة وما ينطيها ... وذاك اللاخ علاوي / ألعب لو أخربط الملعب
أولاً مبروك على فوز الفريق العراقي على الصين في عقر دارهم واحد ... صفر
ولو فوز ضعيف وبالشافعات وجماعتنا ضيعوا 85 دقيقة من ال 90 دقيقة ولعبوا 5 فقط والكولجي وحده ضيع 80 دقيقة ههههههههههه
ولو كنت أتمنى الفوز بشرف , بس معليش ,,, لمسات زيكو واضحة على الفريق وممكن نترشح للدور التالي مع الأردن
**********
بالنسبة للوادم ... وبهذه المناسبة اليوم سمعت خبر من الدانمارك وانها غيّرت من شروط الهجرة وجعلتها أسهل نوعاً ما وألغت بعض المعوقات لكن المهاجر سيتكفل بنفسهِ يعني لازم يعمل ليعيش مو مثل الان ... أكثر المهاجرين يتفاخرون بخديعة بلد المهجر وشهادات طبية ليحصلوا على المعونة , وقد يعملوا بالاسود حتى لايدفعوا ضريبة
******
لقطة صغيرة / كنتُ اليوم في منطقة يكثر فيها المهاجرين , ومطاعم شرقية وماشابه
لوهلة تخيلتُ أنّي في حي في عَمّان او بيروت أو الشام , لكن شوية أبرد وأنظف
لكن النظافة التي اقصدها تقارن مع المدن العربية وليست مع المدن السويدية التي يقل فيها المهاجرين وهي من أنظف مدن العالم على الإطلاق

إرسال شكوى على هذا التعليق          46 أعجبنى             المزيد-الاشراك   

---

اخي سرمد....تره ال27 مليار دولار مال الكهرباء ما ضاعت ,هذي اشاعة المغرضين .بس الويلاد اشتروا بيها شوية كركري وشعر بنات ولفة ابيص وبيض وسيفون ودخلوا سينما بيها فلم علي بابا والربعين حرامي ,وبعدين ركبو مراجيح ودولاب الهوا وبهلشكل انصرفت الفلوس .تحياتي

إرسال شكوى على هذا التعليق          55 أعجبنى             المزيد-الاشراك   

---

الاخ الكريم عباس فاضل, والله يااخي كولة عادل امام كلنا حنرئص يوم القيامه. والظاهر الجماعه هم رواكيص بس بجهنم انشاء الله
الصديق العزيز رعد الحافظ, مبروك للفريق العراقي ولكل مشجعي كرة القدم, اكول ليش ذكرت الدنمارك اعرفك مو لوجه الله لازم بيها ان الشغله؟؟ ههههههه اريد اصير ناصريه اليوم. تحياتي واشواقي
الاخ العزيز حمورابي, يله خلص الحر واجه الشته شيسوون بالكهرباء. كولتك خلي الويلاد يفرحون بالمراجيح وهنه كم فلس لويش هالحسد. تحياتي لك

إرسال شكوى على هذا التعليق          53 أعجبنى             المزيد-الاشراك   

---

ههههههههههههههه
زين هذا خبر من السويد / حار ومكسّب
اليوم يوم الإنتصارات الكروية
العراق فاز على الصين .. هناك
والسويد فازت على هولندا 3 مقابل 2 وصعدت الى نهائي أمم اوربا 2012
وداعتك سرمد ذكري للدانمارك ... ما بيه إنّه لكن هسّه إنت ذكرتني ههههه
بصديقنا الرائع هناك عمر علي , أكثر مهاجر يفهم ويلتزم بقوانين البلد
تحياتي لك ثانيةً

إرسال شكوى على هذا التعليق          55 أعجبنى             المزيد-الاشراك   

---

تحيه استاذ سرمد
انا اتعجب لماذا منع ارتداء (البوشيه)قطعه سوداء شفافه تغطي وجه المرأه
في مجلس النوام (عفوآ) مجلس النواب!!!!!ّ!ا
خصوصآ كان معمولآ به ولا يزال في مجالس المحافظات العراقيه ولا ننسى المحرم مع النائمات المحترمات
هل يوجد قانون يحدد ذالك ام هو تصرف شخصي؟؟؟
مع وافر الاحترام والتقدير لمجلسنا الموقر وسيروا الى الامام ونحن الئائمون ورائكم
والله الموفق
تحيه للجميع

إرسال شكوى على هذا التعليق          45 أعجبنى             المزيد-الاشراك   

---

عيوني استاذ رعد, تره الهولنديين استخطوكم وكالو يله لايرحون يلطمون -خصوصا اكو هوايه لطامه بالسويد- إذا ماوصلتوا للبطوله
تحياتي
الاستاذ السعدي المحترم, أعتقد والله أعلم بمجلس المحافظات يمكن اكو كم زلمه, فيلبسن بوشيه, بس بالبرلمان الضاهر ماكو زلم غيرهن
تحياتي

إرسال شكوى على هذا التعليق          55 أعجبنى             المزيد-الاشراك   

---