يا مصر قومي

رشا أرنست
(Rasha Ernest)

الحوار المتمدن-العدد: 3386 - 2011 / 6 / 4 - 18:50
المحور: الادب والفن
    

يا مصر قومي وارفعي الراس بالولاد
شفيهم ازاي جايين من كل البلاد
حاملين رايات الحق.... بينادوا في العباد
مصر قادرة من تاني تبقى فوق فوق كل الفساد

يا مصر قومي واحضني شمس النهار
الليل خلاص انطوى والفجر واقف على الباب
بيقولك ولادك نادوني وجيت اشق الضباب
من النهاردة نورك قوي...... والكل يشهد بالقوي
انك يا مصر كنتِ وهاتفضلي للدنيا حصن الآمان

يا مصر قومي وشوفي. فجر جيل جديد بيدعوكِ
ويقولك احنا آمانك والكل هنا خُدامك
مهما طال زمن الخيانة في دمك بتتولد الامانة
من جديد وبدون معاد .....كلنا هنا للنهاية

يا مصر قومي واحفري في القلب نبض الشباب
اللي وقفوا في وش كل ظالم وعرفوا يردوا الذئاب
وكل كلمة بيقولوها بصوتهم العالي يعلنوها
احنا هنا ... واقفين وللعالم كله شاهدين
اننا بنبني حضارة كانت وهاتفضل لآلاف السنيين

يا مصر قومي وسجلي في التاريخ كل الحكاية
واسمعي شعبك بيحكي للعالم من اول البداية
بدايتها كانت ثورة شبابك ع الظلم صبر وانتهى
ودلوقتي دم شهدائك... بينادي في النيل للمنتهى

#رشا_أرنست (هاشتاغ)       Rasha_Ernest#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات