حرائق القارورة

جبار عودة الخطاط

الحوار المتمدن-العدد: 2801 - 2009 / 10 / 16 - 21:07
المحور: الادب والفن
    

ثمة اصوات تشتعل
في عينيها
كم حاولت أن 00
أن التقط َ
جمرة مفيدة
إختلط اللغط00دوخني
ثم0000
0000000000
هسيسها يضحك
أصطلي بضحكته الحمراء
يصيح بي
كن حطبي

( 2 )

يعشوشب ليلي
بحميم
قارورتها البنفسجية البارد
تورق
في أصابعي
إنوف عشرة
تتلمس تضاريس عبيرها
أختم انفي
بالشم ِّ الاحمر
لتنطلق اصابعي – الانوف
تفك في زهو الاطفال
أزرار بساتين القارورة
وحين يجن الصبح
تمتد أهداب روحيَّ
لتلامس زغب لظاها الثلجي
أجدني
بلا أصابع
و
ا
ح
ت
ر
ق


0000000000000


إبـﭼـي .. إبـﭼـي
ولا تخلّي الدمع لونز
من حدر جفنك
للشمَّات يحجي
ولاتخلي الدمع يضوي
معلّـﮒ بعينك
تراﭼـي
ابجي
ابجي
***
ولو طفح غيضك وحزنك
إثغب وخيّط بدمعك
زيج جفنك
ولا تخلي الوجع
جدام النذل
فد يوم يلـﭼـي
إبـﭼـي
إبـﭼـي
***
إبـﭼـي وإثغب
وسط روحك
وداوي بدموعك إجروحك
إبـﭼـي إبـﭼـي وسوي من إضلوع صدرك
سجن أبيض
بيه تضم إطيور نوحك
وبالك إتلوح الجنح
إسموم شرجي
إبـﭼـي
إبـﭼـي
***
إبـﭼـي .. إبـﭼـي ولاتخلي الوادم

إتفرهد إعيونك
ولاتظن غير الدمع
من تنكسر
يصير جدامك
يدﮒ صدره ويـﮔلك
آني عونك
وسوي دمعك
علـﭿ بستج
وشاور إعيونك إبسنطه
عيني .. عيني
عيني إبدمعاتي إعلـﭼـي
إبـﭼـي
إبـﭼـي
***

إبـﭼـي
موزلمه الميبـﭼـي
بس حسافة
ليش ما تفهم الوادم
لوبـﭼـه إبلوعته إبنادم
بيه غِربة
وهو كل الناس ﮔربه
عينه دِهلة
والدمع إيخَضر بعينه
ثلج دافي
ويطفي نار زعله
يصير خلـِّه
يرطب إعيونه ويشاشيله
ويـﮔـله
خلّي دمعك
يضحك إبعينك يصاحب

وعلى بختك
لا تظن بالدمع ذلّة
اليبـﭼـي
يبـﭼـي يريد يرتاح
وعـﮔـد همه يفله
بحلـﮔـه سـَّلة
وراد بعويناته يشـﭼـي
إبـﭼـي
إبـﭼـي
***
هي سلـَّة
إتصير وسط الـﮔلب ليطة
إتخربط أحوال الخريطة
ولو بـﭼـه منـﮔاش دمعة
يشيل بسمار الأذيه
برهدنه
يشله ويخيَطه
والعروﮒ الروح
لو طﮔـهه الـﮔحط
ينتخي ويسـﭼـي
ابـﭼـي
ابـﭼـي
***
إبـﭼـي لو صلّت عليك
إجفونك إبساعة وجعهه
خلّي دمعاتك
تداويهه وتسعهه
ﮔلهه يا دمعتي الحرّة
طﮔـّي نافورة برد
بالروح وردي


وروحي ﮔيعان النباعي إتنطرت
إتفيض شمّام وشهد
ومزنة الدمعه نبعهه
ﮔلهه يادمعتي الحرة
مدي أديات النداوه
ولجفن عيني المسخنه
00فرجي 00فرجي
إبـﭼـي
إبـﭼـي
***
إبـﭼـي .. إبـﭼـي
ولا تخلّي الدمع
لونز من حَدِر جفنك
يفز يحفر سواجي فوﮒ خدك
ولا تخلي مصيدة آهك
تسبﮔك
لوتكربح بيهه ﮔلبك
تكوم وبلحضه تمُردك
إبـﭼـي لو تدري الدمع
إيغسل إجروحك بهيده
يبرد إعيونك
يداويهه ويزﭼـّي
إبـﭼـي
إبـﭼـي
إبـﭼـي

#جبار_عودة_الخطاط (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل