قصيدة بالعامية - ليه ميقدرنيش غير سجاني ، ميسمعش شعري غيره ويدوب ، يحس بخطري-

السعيد عبدالغني
شاعر
(Elsaied Abdelghani)

الحوار المتمدن-العدد: 6424 - 2019 / 11 / 30 - 15:16
المحور: الادب والفن
    

البطن خاوية
الشفة جافة
الروح زاهدة وزاهية
والكاس فاضي
وبرد الوسع فى الشارع دفا
والندى كمان للمطرود من جوا نفسه
وجوا العالم .
والايد ترتعش على القلم ليريدني ويغيب
ويلضم الجنة بالجنون
والوحي بالجنون .
خايف من دوام الخريف بعد الخريف
وفيض الكلام من راس السيجارة / إمامة العتمة
اللى شحتها من الشيطان
اللى بتزهزه خصر طيفها فى نعش المدى .
ليه ميقدرنيش غير سجاني
ميسمعش شعري غيره ويدوب
يحس بخطري.
الليل يا صاحبي للسكر
معزى للافكار والمشاعر
الليل لله
والشاي السخن والحشيش اللى يخليك تطفى على سطح العالم
وكنز " سقارة " اللى تصاحبه سكرات الشعر زى العسل على الريق
الليل للمكاشفة والكشف
للجحيم اللى مبتوصلش ليه ومبينتهيش
الليل للتسطير والتمول المضروب وزيت العتمة يندلق على صدرك المتخبي فيه حبيبتك السمرا
الليل مش للنوم
للكلام فى الراس والتبشير بالحب فى الشوارع وسط المحطات والوداعات
الليل تلقى فيه الأموات
تبارك القعدة مع القصيدة لوحدك
وتولعلك السيجارة وتخمس معاها النفس الاخير
الليل ليا مش لغيرى .

#السعيد_عبدالغني (هاشتاغ)       Elsaied_Abdelghani#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات