بعدني......الك اشتاگ

شيرين سباهي

الحوار المتمدن-العدد: 4587 - 2014 / 9 / 28 - 23:22
المحور: الادب والفن
    

بعدني ألك اشتاگ

وبعدها الروح بيك متلوعة..

وبعد بيا لهفة سنين ...

وبعدني أعشگ موت

وعشگي مثل عشگ جبريل ليوم الجمعة

وبعدهن تصاوريك يبچن أعلى الجفن

مثل حظن رضيع لامه امضيعه


دخليك....

حبيبي أخذ العين والشوف اللي رجعه

هلبت المحك بالطيف

ولو مرة تكسر الجرح وتطلع من ضلعه

معلم گلبي اعلى الصدعات وياك

وادري بك نبي حزن

راضي وأرتضي بيك بهل الزمن بدعة

أنا المشطت صوابك اعلى جرف الليل

هاك جروحي أعلى درب الصبر بعدها مفرعة

يا الجنت تتنفس الهوا بيا

والنفس بيا يمر ومن صدرك زفير أتطلعه

نسيت حظني أذكرك بيه

من شلت گلبي من مچانه

وگلت لك گلبك أهنا ازرعه

عجب مامر بيك دفاني أمس

مو أنت الفتحت الباب اله

وگلك ولفك مشتهي شوفتك

تعال حَضرت الجنازة هلبت أتودعه

صدك مر بيك دفاني أمس

بس شوف أشلون جفوفي

مذبوح بيها الحنين

و أعلى بابك بعدها أصابعي مصدعه

أنا الچنت اعد أنفاسك گبل الهوا

أنا السمعت ونينك گبل ما أنتَ تسمعه

أنا الرفعت الصبر من خاطر الموت

ودگيت مسمار الوله وفنك ياحبيبي أتشلعه

#شيرين_سباهي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات