زهرة الشمس محمد
الحوار المتمدن-العدد: 3991 - 2013 / 2 / 2 - 18:13
المحور:
الثورات والانتفاضات الجماهيرية
مين حزن بلدى
ومين شيلها الهم؟
مين غير لون نيلها
وخلطه بلون الدم؟
مين شد طرحتها
وكشف شعرها المتحن؟
مين خلى ليالها
سواد وغم فى غم؟
مين عرى رجالتها؟
والله دا عار ماله غير الدم
مين إغتصب زينة بناتها
ومين زرر الكباسين ولم ؟
*****
شهيد بيشيع شهيد !
ياللى بتسأل عن أحوالنا
سبنا فى حالنا غور واتلم
عيشه تسد النفس
وحكام تجيب الهم
بالنهار قصف ومولتوف
وبالليل حظر تجول
قال إيه علشان نخاف ونتلم !
ياعم تلات ترغفتك
لمتنا وجابتلنا فقر الدم
والنهضة هدت حيلنا
وخلت حالتنا زفت يا عم
ياللى بتسأل عن أحوالنا
سبنا فى حالنا غور واتلم
عيشه تسد النفس
وحكام تجيب الهم
*****
#زهرة_الشمس_محمد (هاشتاغ)
كيف تدعم-ين الحوار المتمدن واليسار والعلمانية
على الانترنت؟