حكاية بنت أسمها حنان

عبدالله صقر

الحوار المتمدن-العدد: 3724 - 2012 / 5 / 11 - 04:42
المحور: الادب والفن
    

هى بنت صغيرة كانت بتركب المراجيح

وبتجرى وتلعب وتحاول تسبق الريح

ضفايرها طويلة وكلامها كله صريح

ضفايرها سودة زى لون الليل

فمها على طول بيضحك ويقول مواويل

.....................................

كانت بتجرى فى المزارع والغيطان

كانت بتحكى لنا قصص وحواديت

عن الشاطر حسن والعفاريت

أسمها حنان وهى حنان

إسم على ما يسمى

ولما كانت بتقعد وسط البنات والصبيان

كان كلامها مختصر

حنان كانت بتحب الطير والحيوان

ولما كنا بنروح نصطاد سمان

كانت بتنهرنا وتبكى وتقول حرام

اللى يقتل الحيوان

هايموت زعلان

وموش هايبقى فرحان

وعمره ما هايدخل الجنان

حنان كان قلبها طيب وغلبان

موش زى أى إنسان

يا خساره , حنان أتحسدت

من الجيران

كانت فى يوم رايحة للمدرسة

سقت رجلها فى بير فارغ

موش مليان

سقطت حنان ميتة

وسابتنا والدمع سايل على الخدود

والفكر حيران

الله يرحمك يا حنان

ياللى علمتينا ركوب المراجيح

وحكايات الحب والحنان

#عبدالله_صقر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات