يا وردة القداح مع انين الناي

سوسن سيف
شاعر وكاتب وفنان تشكيلي
(Sawsan Saif)

الحوار المتمدن-العدد: 3285 - 2011 / 2 / 22 - 18:13
المحور: الادب والفن
    

http://www.youtube.com/watch?v=fkt0No8Jzpk

يا وردة القداح ........
أشكثر
يا وردة القداح
ونيت ِ
أشكثر
شلت ِ
عذاب وما نسيت ِ

أشكبر حزنج
فاركت ِ
الاهل
و چگد بچيت ِ


يا وردة بصغر سنج
شلت راية
وصحت
على الخلگ
صيروا وراي َ

ودخلت المعتقل
بثوب وعباية

وشلت جبال
وما گلت كفاية

صرت أم
ومن تحت ايدچ
طلعوا ارجال

وظايف احتلوا
اطباء ومحامين
وبالهندسة أشكال

ومشوا
مثل ما مشيت ِ
شعارات
ونضال

اشتغلت
وتعبت
بكل المجالات
معلمة
وطبيبة
ومهندسة

و بالجرايد
والمجلات

ومربية اجيال
وليدات وبنيات

يا وردة القداح
مشيت بالشوارع
وية رجال

شلت اللافتات
وحميت أبطال

و چم مرة
اجاچ الموت
وفوق الراس
اسمچ
ما انسى وانشال

وطلعت ِ
من الوطن
وانت تبچين
وبراسچ حچي
بس
صعب تحچين
وتكولين
الوطن
ما باعنا
احنا الي بعناه
ومن سنين

تغربت ِ
وتشتتت ِ
بهالولايات
وضاعت ايام
حلوة ..
وانت ِ أبد
ما تنسين

البيت
والنخلات
والضحكات
حدر التين

اشتذكرين ؟
صيف
يمر عليچ
لوشتا بغداد
وينه
ذاك الوطن
وتتمنين

محترين بردانين
يظل الوطن
وردة جورية
تشتمين

ويظل ترابه
دوى
وكحل
للعين

لا تبچين
يا خيتي العزيزة
لا تبجين

الوطن
ما بعناه
الوطن
ويانا
وأحنا متغربين

تتذكرين
كل
لحضاتج الحلوة
ونشوف
الامس
چن الامس
إجى توه

وكل
الناس
التحبيهم
وتتمنين
كعدة چاي

لو يم الجرف
تحچين
وية الماي

مانسيت
وانت بهل البلادْ

ربيت ِ
وسهرت ِ
واشتغلت ِ
وكبروا الاولادْ

وزهت
من حولچ الدنيا
وتفتحت اوراد

بس
ما رجع
حلم
ما نسيته
ينخفي مرة
ومرة ينعاد

صور
واغاني
وناي نص
الليل
وابوذية والبستات

اشتذكرين
هو ينسي
عمر
مر عليج
ومن مرت
بالوطن ايام حلوات


يا وردة القداح
بقت حسرة
ببطن گلبچ
يا شوفتج بغداد

يا شوفتج بغداد
اشوفچ
فرد مرة

ما تنسي بغداد
والوطن
احنا دوم نذكره
نذكرة.. نذكرة .. نذكرة


سوسن سيف

#سوسن_سيف (هاشتاغ)       Sawsan_Saif#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات