(( لقاء الأخوة الأعداء ))

جواد القابجي

الحوار المتمدن-العدد: 3071 - 2010 / 7 / 22 - 15:50
المحور: الادب والفن
    

لا خبر لا حامض حلو لا شربت
*****
إلتمَّن حمامات السلام اوطارن
من سوريا اوطهران عدنه حطَّن
********
امشابگ اوشفَّه ابشفِّه وتعاضِدن
گلنه الحبايب للحبايب ردَّن
فد نوب سوَّنها صدگ وتَّعدَّن
وتعاضِدن وتحاصصن وتَّفقن
**********
ماردنه منكم غير امن والمأكل
أيَّسنه من احقوقنه اومستقبل
مو بينه .. ردناه للبناء المعْوَل
وفلوسنه اتوزّعت للي أسمَن
************
رحمونه كافي شوفوا إلكم چاره
كلشي عرفنه ابهلوطن وسراره
والظلم لازم تنهدم اسواره
ودمنه عزيز اومن فكركُم أثمن
************
فكّروا ابهاي الناس تاكل تشرب
لا كهربا لا ماي شاطت للرَب
نطلب امنال اسعود ملك امربرب
لو تنقسم دولتنه من چم ارعن
***********
موكافي صاير هلّلعب عالمكشوف
إلكم الگرصه اوناس ماعدها احروف
اوثرواتنه بس للحرامي ويحوف
موسبعه ياقاده العجاف المرَّن
********
لا خبر لا حامض حلو لاشربت
************

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات