(( زغّر صورتي .. او كبّر الصمّونه ))

جواد القابجي

الحوار المتمدن-العدد: 3064 - 2010 / 7 / 15 - 11:25
المحور: الادب والفن
    

في ذكرى ثورة تموز المجيدة وقائدها العظيم

ياكريم احفظ كريم او سلّمه
بعده دنيتنه كوارث مظلمه
********
شفنه كلما طال عمره بقه حي
وحنه بالدنيه ظلام اوهوّه ظي
هوّه نجمه فوگ كل شارع اوحي
تزهي حُب او دايره فوگ السمه
*********
مانسينه انتقاده الصورته
حين قارنها ابشعبنه او خبزته
صاح كُبر الصور إلمن فادته
زغّروها .. لأن ماتشبع ولاتروي ظِمه
**********
عاش قاسم ونتشر قسط العدل
اومارضت بي كل قذارات الإبل
والتآمر من حظيرة اصطبل
بقه حي اوهُمّه تحت المزبله
********
يافخر .. مر بينه مثلك ياكريم
شفنه بيك الكرم والگلب الرحيم
عفو عمّا سَلف حتى للئيم
الما عرف فضلك اوجازاك ابدمه
***********
راح ذاك الطاغيه اولفّه الگبُر
راح لا وسفه عليه روحة غُبر
بس كريم اويانه ظل كل العمر
صرنه ننخاه من تمرنه موزمه
*********
من فقدناه كون حسبالك إمام
حيث ماندري أهو من ياعمام
شيعي .. سنّي لا هوَ طيرالسلام
کلنه شفناه ضیف گهوه او منقله
***********
موش حقنه من نخلّيه بالظلوع
يخفف امنجروحنه اينشف الدموع
ورده حمره اوتزهي مابين الجموع
قاسم اللگمه او كريم إلوادمه
**********
ياكريم احفظ كريم او سلّمه

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات