كيميا السرطان (4) من أخطر أنواع مسببات السرطانات؛ الأفلاتوكسين

أيمن غالى

الحوار المتمدن-العدد: 8288 - 2025 / 3 / 21 - 08:08
المحور: الطب , والعلوم
    

أكيد كتير مننا تابع أخبار رفض شحنات من القمح بموانى إستيراد القمح والحبوب؛ لوجود نسبة زايدة من الأفلاتوكسين Aflatoxin بها ..
والأفلاتوكسين ده من أهم مسببات سرطان الكبد Liver Cancer ..

إيه حكاية الأفلاتوكسين ده، وهل ده جاي لنا من الخارج مع شحنات القمح من بلاد معينة ؟
مركب الأفلاتوكسين بينتج عن نوع من أنواع العفن إللي بتصيب الحبوب الجافة بصفة عامة ومنها القمح؛ يعني هو مش مرتبط فقط بالقمح ..
وده بيبقي ناتج من سوء التخزين ووجود نسبة رطوبة عالية في مكان تخزين ونقل الحبوب ..
وكل شحنات الحبوب إللي جاية من الخارج بتخضع لعمليات تحليل نسبة الأفلاتوكسين، وضروري إنها تكون بنسبة مسموح بيها (غير مسرطنة)؛ لإنها موجودة وبتصيب كل أنواع الحبوب، وبيتم رفض دخول أي شحنات فيها نسبة أفلاتوكسين أعلى من المسموح بيها ..

طيب دي الرقابة عن الواردات من الخارج؛ طيب وإللي عندنا في مصر ؟
للأسف ما عاليهوش أي رقابة؛ لإن كل فلاح في مصر عنده مخزونة من القمح والحبوب إللي تلزمه طول السنة، وما فيش رقابة علي مخزون كل فلاح، ونفس الكلام لتجار الحبوب، وحتي سكان المدن ممكن يكون عندهم حبوب وتم تخزينها غلط، وبالتالي تتكون فيها الأفلاتوكسين نتيجة العفن؛ مع العلم إن العفن ده مش ضروري يكون واضح للعين ..
ونفس الكلام بيحصل لمنتجات الحبوب الجافة زي الخبز؛ لو تم تخزينه بصورة خاطئة، وبنشوف عفن الخبز بعنينا في حالات تخزين خطأ له خلال يومين تلاتة ..

طيب نعمل إيه في العيش البايت إللي طاله العفن، والحبوب إللي طالها العفن، وليه بيتم إعدام الحبوب إللي طالها العفن وما بنستخدمهاش للحيوانات وفي صناعة الأعلاف ؟
للأسف العادة دي موجودة، وممكن نلاقي ناس بتجمع العيش البايت إللي وصله العفن وبيجمعوها من الزبالة وبيقدموها للحيوانات ونفس الكلام للحبوب إللي طالها العفن ..
نشوف المشكلة دي مع بعض
الأفلاتوكسين ما بتتهضمش في بطون الحيوانات والطيور، وبتترسب في أجسامها ولحومها وألبانها وبيوضها، وبييجي الإنسان ياكل لحومها وبيوضها ويشرب ألبانها وترجع له الأفلاتوكسين مرة تانية، ودي لا بتتأثر بدرجات الحرارة العالية عن طريق الطبخ ولا بعمليات الهضم, ومن خلال تراكمها بجسم الإنسان؛ بتسبب له سرطانات ومنها سرطان الكبد Liver Cancer

طيب نعمل إيه ؟
علي المستوي البسيط (المنزلي)؛ ضروري حرق الحبوب والخبز الملوثة وعدم تقديمها لأي أنواع من الكائنات، ولا حتي إستخدامها في التسميد لإنها ممكن تضر النبات وتوصل لأليافه ..
وضروري نعمل زي الطيور في إننا نشتري الحبوب حسب إحتياجنا وعدم تخزينها لشهور، ونشوف الطيور بتعمل إيه ونعمل زيها؛ حا نلاقي أعشاشها بدون تخزين، وكل ما بتحتاج تاكل بتروح تاكل طازة بطازة ..

طيب ممكن نستفيد إزاى من الخبز والحبوب المصابة بالافلاتوكسين وإللى هى خطر على الإنسان والحيوان فى حال إستخدامها بأكلها؛ علي المستوى الواسع ؟
وده رأيي الشخصي؛ إني ممكن أستغل الحبوب دي صناعياً في إنتاج الكحول عن طريق تخميرها وإعدام مخلفات التخمير, وخسارة التخلص منها بالطرق المعتادة بحرقها ..

الموضوع من سلسلة موضوعات عن تمصير وتبسيط العلوم تحت الهاشتاجات:
#حصة_كيميا
#تمصير_العلوم
#تبسيط_العلوم

#أيمن_غالى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل