خالد خليل
الحوار المتمدن-العدد: 7890 - 2024 / 2 / 17 - 15:06
المحور:
الادب والفن
متى الصبح يطلع …
انا والذيب ناطرينك
يا صبحي اللي ما طلع
راح العمر وانا ادور عليك
رحت وجيت
وانت ما جيت
ابكي واحكي مع النجم
وانت ما جيت
روحي معلقة بروحك
مربوطة بخيوط الضو
اشوفها بالحلم
واتمنى لو انك جيت
وانت ماجيت
امبارح شفتك طالع مع الشمس
عالي عالي ع السما
رحت وجيت
حوطت الشمس بنبض قلبي
وانت ما جيت
عرفت بالحلم
انك جاي ع الشط البعيد
من يومها نصبت خيمة
ظليت ع الرمل سهران
مثل السمك في البحر
لا رحت ولا جيت
وانت ما جيت
يا ريتك جيت…
يا ريتك جيت
ورحت وجيت
عشت الحلم وغنيت
في عينيك السما والبحر
وصوتك نغمة وشجن
لكنك رحت ونسيت
في وسط الليل
وحدي بقيت
أنا والذيب ننتظرك
يا صبحي اللي ما طلع
راح العمر وأنا ادور عليك
يا ريتك جيت…
#خالد_خليل (هاشتاغ)
كيف تدعم-ين الحوار المتمدن واليسار والعلمانية
على الانترنت؟