أوراق حراك تشرين 2019 الحلقة 29

سلام إبراهيم
روائي
(Salam Ibrahim)

الحوار المتمدن-العدد: 7143 - 2022 / 1 / 23 - 15:42
المحور: الثورات والانتفاضات الجماهيرية
    

يوميات
8-1-2019
ويستمر السفلة.. المليشيات العميلة لإيران التنسيق مع مخابراته في اغتيال خيرة شباب العراق وأمل مستقبله
العثور على جثة الناشط المسعف في "ساحة الحبوبي" حيدر ياسر مرمية على حافة النهر في قضاء سوق الشيوخ بعد أختطافه بيوم
أستهداف الشخصيات الثقافية العراقية
مساء هذا اليوم 8-1-2019
تعرض الدكتور ابراهيم سعيد البيضاني رئيس الاتحاد الدولي المؤرخين للثقافة والتنمية الاجتماعية إلى محاولة اغتيال غادرة قرب منزله .
الغدر والنذالة سمة الجبناء... والنيل من أساتذة ورموز العراق مسلسل مستمر منذ سنين ويبدو أن جهلة الأحزاب والسلطة لا يرغبون في تصدر أهل العقل والحكمة لأن في ذلك نهايتهم .
نسأل الله أن يمن على الدكتور ابراهيم بالشفاء العاجل وام يعود إلى بيته واهله سالما غانما
طالعين يوم الجمعة تعال ويانة
مليونية_العراق
كتب الثوار في لافتات ومنشورات في وسائل التواصل الاجتماعي في دعوتهم لتظاهرات ملونية الشعار التالي:
ما طالعين لخاطر أمريكا
ولا طالعين ضد الحشد
ما نريد أحتلال
ولا نريد فقر
نريد (رئيس وزراء شجاع ومستقل
يعرف شنو يتصرف
عادل القناص عدنه وياه طلابة دم
8-1-2020
أكعدوا كافي نوم وطلعوا للشارع
كلمة بالعامية
شنو گلنا
مساكين بعض العراقيين الي خبصوا نفسهم و صاروا ملكيين أكثر من الملك و صارت عدهم الشهادة رمز للنخوة و طريق للجنة و نسوا مصيبة بلدهم المدمر بسبب تدخلات ايران و سيطرتها على الموارد العراقية و كل سنة ميزانية الدولة محد يعرف وين تتسرب و الحقيقة هي تروح دعم لحروب ايران في اليمن و لبنان و سوريا اما الشعب العراقي فأكل وحل باثنين ايدية و محد يجرئ يكول و ين فلوس نفطنا
وين مدارسنا وين صحتنا وين صناعتنا وين زراعتنا ؟؟؟؟
شنو مناسبة هذا الكلام ؟؟
ترامب الان مباشرة يحيي شعب ايران العظيم و يريد ان يحتضن القيادة الإيرانية و الشعب الايراني للعيش بسعادة و خير !!!
ليش ؟؟
لان ولا أمريكي نجرح اصبعة بالصواريخ الإيرانية الاستعراضية !!
ووزير خارجية إيران يكول:
- خلص الأمر نكتفي بهذا!
هسه المطلوب من الشعب يخلي عينة على ساحات التظاهر حتى الشباب ما يخلون ميزانية ٢٠٢٠ تروح تطلع بره خارج الحدود !!!
الشباب هم المعول عليهم يرجعون البسمة لأطفال العراق و مستقبلهم
8-1-2020
حول إضراب طلبة المدارس والجامعات -2-
لكي يُدرَك لم ثار العراقيون
عن أوضاع التعليم في مدارس العراق وتدهورها في ظل سلطة أحزاب الطوائف اللصوص القتلة العملاء
كتب الصديق الشاعر يحيى السماوي هذا التعليق مع الصور الثلاث المنشورة لوضعية صف ليس لدى عديد من التلاميذ مقاعد وعددهم ووضع المعلمة وفي يوم ممطر
(أطلب العلمَ ولو في العراق :)يحيى السماوي
هنا البوست السابق
حول إضرابات الطلبة في مدارس وجامعات العراق -1-
اليوم ٧١٢٠٢٠ سألني صديق عن ذلك وطالب المثقف العراقي بموقف فكتب:
- استاذ سلام ابراهيم ، اين موقف المثقف العراقي من وقف التعليم في العراق ؟
كنا نأمل موقفا على مدى الثلاث اشهر الماضية.
وهنا جوابي
- من خلال اطلاعي وعلاقاتي ومتابعتي وجدت وكتبت العديد من المقالات حول تردي مستوى التعليم إلى أدنى مستوياته في تاريخ العراق الحديث عدا تحوله الى تجارة عن طريق المدارس والجامعات الأهلية التي افتتحتها الأحزاب الطائفية الفاسدة أما مستلزمات التعليم من مرافق مدارس وأدوات وإعداد فكارثة عدا بؤس مدارس الأرياف في كل شيء
عزيزي
جامعاتنا تخرج أعداد كبيرة جدا من اصحاب الشهادات الأميين لا علم ولا معرفة حتى ما يعرف إملاء
وهذا الكلام من أصدقاء لي دكاترة بالجامعات العراقية
دون إزاحة سلطة الفسدة
ودون سلطة وطنية عراقية مخلصة لا مستقبل للتعليم ولا مستقبل للعراق
تحياتي
8-1-2020
اتصال : الان تسعة اصابات وصلت الى مستشفى الحسين التعليمي دون معرفة الاحصائية في باقي المستشفيات.
استخدام السلاح الحي ضد المتظاهرين ووقوع شهيد،
. ساحة الحبوبي.. هجوم للمليشيات وحرق خيم المعتصمين!
الف سلامة يا احرار
الناصرية صامدة
8-1-2020
الحريةلمحمدفاضل
‏‎نطالب بالكشف عن مصير الشاعر الشعبي محمد فاضل العبودي، الناشط المتميز في إسهامه بالانتفاضة منذ انطلاقها، اذ اعتصم الصديق ورفيق الدرب في خيمة ثوار التحرير قرب نصب جواد سليم.
انقطع الاتصال به وأغلق هاتفه، بعد مغادرته ساحة التحرير متوجها الى بيته في مدينة الصدر، بحدود الساعة ٨ من مساء ٧/١/٢٠٢٠.
8-1-2020
الأحزاب والسلطات الثلاث تستهين بتضحيات الشباب العراقي وترسي أس الفساد من خلال المحاصصة في تشكيل المفوضية و بالقضاء وتشريعها بمرسوم جمهوري
دون كنس لكل هذي البني لا حل في الأفق
(طلعوا من الباب و رجعوا من الشباك... نفس توزيع المحاصصة و لكن الآن بأسم القاضى
مرسوم جمهوري بتعيين أعضاء مفوضية الانتخابات
٩‏/١‏/٢٠٢٠
صدر مرسوم جمهوري بتعيين أعضاء مفوضية الانتخابات.
وجاء في وثيقة لرئاسة الجمهورية "استنادا الى أحكام البند {سابعا} من المادة 73 من الدستور والمادة 5 من قانون المفوضية العليا المستقلة للانتخابات رقم 31 بسنة 2019 رسمنا بما هو آت:
أولاً: يُعين المدرجة أسماؤهم في أدناه اعضاء لمجلس المفوضين:
1 - القاضي عباس فرحان حسن.
2- القاضي جليل عدنان خلف.
3- القاضي عامر موسى محمد.
4- القاضي فياض ياسين حسين.
5- القاضي علي رشيد محمد عبد الله.
6- القاضي دهام أكرم عمر.
7- القاضي عمر أحمد محمد.
8- الممستشار فتاح محمد حسين سعيد.
9- المستشار أحلام عدنان لفتة.
ثانيا: يُنفذ هذا المرسوم من تاريخ صدوره وينشر في الجريدة الرسمية.) المقوس من صفحة رفيق الموقف والرؤية كاوة فتاح
9-1-2020
ويستمر أختطاف الناشطين عند عودتهم من التحرير
أختطاف الناشط "اسامة التميمي" ليلة البارحة 8-1-2020 عند عودته من ساحة التحرير
أطلقوا سراح الناشطين يا سليلي الدكتاتور المقبور صدام حسين
لا بل أكثر إجراما
مواقف الأدباء الوطنية الشريفة في محنة الوطن -١
الصديق القاص الجميل والأستاذ د. لؤي حمزة عباس
خلاصة المسألة
إن ما مارسته أحزاب المظلومية الشيعية من إقصاء وإذلال ضد جماهيرها من الشيعة العراقيين منذ 2003 حتى اليوم، يتجاوز ما فعله نظام صدام حسين في أعوامه الستة والثلاثين، فلم ينشغل ساسة الشيعة إلا بأمرين لا ثالث لها، الأول: مصالحهم الخاصة وفسادهم، والثاني: اخراج العراق نهائياً من فلك عروبته واسقاط آخر ملمح قومي من ملامحه، العراق العربي بالنسبة لساسة الشيعة تاريخ يتوجب نسيانه، وإرث ثقيل عملوا جاهدين على نفضه عن كواهلهم والخلاص منه، والضربة النهائية التي وجهوها للعراق كما نعرفه هي جلسة البرلمان التي صوتوا فيها وحدهم على إخراج الأمريكان، بعد أن أقصى شركاء الوطن من الكرد والسنة أنفسهم خارج اللعبة، وفيها قال الحلبوسي قولته (التاريخية)، التي أدان بها سياسيي الشيعة إلى يوم القيامة، لقد ذبح سياسو الشيعة الوطن وعبثوا بجثته، وتلك خلاصة المسألة.
9-1-2020
تخوين شعب
هذا مو تحريض علني على المتظاهرين السلميين، هاي مو دعوة للقتل وإعدام المتظاهرين في الشوارع!!؟
وين هيئة الإعلام والاتصالات من سم هاي القناة!!؟
أتحداكم تسدون هاي القناة، هاي القناة اللي تگدر اتسد الهيئة مالتكم وتشگ حلوگكم.
ويجيك واحد يكلك أكو قانون وقضاء بالعراق!
لا_للتحريض
الدم_العراقي_غالي
كل هذا الدم برگبتك يا قاتل_عبد_المهدي
9-12020
من سرديات ثورة أكتوبر -تشرين - 2019
كلمة بالعامية العراقية
رسالة للثوار من المنفى
الشاعرة بنت الموصل الصديقة العزيزة "ديمة ياسين"
أيها الثوار توحدوا
(
تحذير : پوست عاطفي طويل للعراقيين فقط ..و بالذات الثوار بكل اطيافهم ..
لمن طلعتوا قبل ٣ اشهر و قررتوا تبقون بالساحات.. شعاركم كان نريد_وطن .. و آني و غيري هواية كلش من المغتربين من قررنا نرجع رغم انه هواي من عدنه و آني وحده منهم، قضينا عقود بره البلد و ما رجعنا لأنه كنا مأيسين و معتبرين الوطن راح. حتى لما الديكتاتور راح، الوطن ما رجع بس صار مُحتل و توالت الخيبات و كبر الالم و قصصنا صارت حيل سوداوية، زاد عددنا بالغربة و جوه البحر و جوه التراب و مذبوحين و متفجرين و مخطوفين و مغيبين وووو ..كلنا كنا ميتين.. بس انتو رديتوا بينا الروح. انتو اللي اول مرة شفنا بيكم شنو معنى الوطن. بغداد من شفتها بعد ٢٧ سنة غياب كانت تعبانة، الوسخ و الإهمال الرهيب هالكها، بس كانت فرحانة بيكم كلش، كان العلم (العراقي بس) مزينها و شايلها شيل، أغانيكم و ضحكاتكم و نكاتكم و قصصكم و أرواحكم و افكاركم العظيمة خلت البلد احلى بلد بالعالم، لأنه مليان امل. انتو من طلعتوا و احنا من رجعنا و العراقيين اللي بالخارج من ما ينامون الليل حتى يشوفون اخباركم و يجمعون تبرعات و گلوبهم ترف على صوركم الحلوة و دموعهم تنزل من احد منكم يصير بيه شي ما كان هذا كله لخاطر ايران و لا امريكا، و لا عليهم، احنا صرنا سوه لأنه كلنا ردنا العراق بس، ردنا وطن! وطن نگدر نجيب أطفالنا اله، نگدر نعمره و نشتغل بيه و نبني مستقبل، وطن بيه مستشفيات و مدارس و شوارع مال اوادم، وطن يحافظ على تاريخه مو يعوفه بإيد اللي يساووه ويه الگاع. وطن ما تنباع بيه الاطفال، لو ياكلون من الزبالة. وطن أطفاله يلعبون بالحدايق و بالنهر و ضحكاتهم تملي الدنيا مو يعرفون انواع الأسلحة و المليشيات و الصكاكة اكثر ما يعرفون جدول الضرب.
لا ما نريد ترجع ايّام زمان، نريدها احلى من ايّام زمان، نريده بلد يستاهل تاريخه و تستاهلوه إنتوا قبل اي احد، لأنكم تستاهلون احلى بلد بالعالم، لأنكم احلى و اكرم و اطيب شعب بالعالم. لمن طلعتوا ما طلعتوا لخاطر احد، لمن صمدتوا بسلميتكم رغم كل الموت و الدم اللي شفتوه ما كانت لخاطر احد و لا لخاطر دولة ثانية و لا زعيم. الزعماء يرحلون لأنهم بالآخر بشر ، و الدول الثانية تريد سلامتها و مصالحها مهما كانت. بس العراق باقي .. باقي بيكم و بولدكم و بناتكم اللي راح يجوون لحياة افضل انتو مسوويها و تفتخرون و انتو تحچولهم قصصكم على الساتر و جبل احد و الحبوبي و البصرة و ميسان و الكوت و الديوانية و كل مدن العراق. تفتخرون ببلد نظيف، مليان جمال مثل اللي شفناكم سويتوه بالساحات و الطاقات و الإبداع و الوحدة اللي شفناها بيناتكم. بلد نحترم بيه بعضنا و افكار بعضنا حتى لو مختلفين، نحل مشاكلنا بالقانون مو بالسلاح و القتل و الدم و اليتم. بلد نأمن بيه على أطفالنا من اي خطر. بلد من نذكر اللي خسرناهم نگول ابطال و ما راحوا بلاش. تدرون شگد حلوة اللمعة اللي شفتها بعيون ابن الموصل من يحچي على بغداد و البصرة و لهفة ابن الناصرية انه يزور الموصل و الغربية و ابن بغداد من گالي "امنيتي اشوف العراق كله." تدرون انتو شسويتوا؟ انتو رديتوا الوطن للوطن مثل ما كنتوا تكتبون على حياطين التحرير .. انتو وحدتونا .. انتو بس اللي وحدتونا .. قتلتوا الطائفية و المناطقية اللي حاولوا سنين يزرعوها بيناتنا من اول يوم طلعتوا بيه للساحات. و بعد و بعد شگد عندي حچي ... أظل احچي ايّام و ما يخلص.. بس اللي اعرفه و اللي تعلمته منكم هو انه الوطن موجود، بس لازم ندير بالنا عليه و نحبه و نتوحد على حبه حتى لو مختلفين. لأنه احنا شعب يستاهل يعيش، نعيش ملوك و نگدر، و داعتكم نگدر ، ما بقى شي. و مثل ما صاح ابن الناصرية "امسك الگاع" .. اثبتوا .. كلنا وياكم.. اطلعوا ساندوا اخوتكم مثل ما كسرتوا الحضر و سويتوها حفلة و حميتوا بعضكم، مثل ما الطلاب مِلَّوا الساحات كل مرة طلبتوهم. تگدرون و احنا بظهركم. احنا وياكم لگينا الوطن بس لازم نحافظ عليه. هاي آخر فرصة النا. لا تختلفون على اللي راح، توحدوا على اللي جاي.
حيييييييل احبكم ...
الجمعة_الجاية
مليونية_كانون
الثورة_العراقية
نازل_آخذ_حقي
نريد_وطن)
9-1-2029

#سلام_إبراهيم (هاشتاغ)       Salam_Ibrahim#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات