أحزاب السياسة

ميسون نعيم الرومي

الحوار المتمدن-العدد: 7038 - 2021 / 10 / 5 - 23:49
المحور: كتابات ساخرة
    

أحزاب وبالإسم احزاب حسبوهه
اتفـَـرّخ تنشطر وابدم الشعب ربوهه
چا وينه (الفكر) وين الوطن والإصلاح؟
والغايـه نـَهـِـب والبـوگــَه قـَـسموهه
***
يا هـَـيـئة أمم مرتـَـشـْـيـه وديـتي !
(بلسخارت)الإسم وام فتك لقبوهه
أحزاب السياسه الجيتونه مدري امنين!
مليارات امصفطه ببنوگ عـِدّوهـَه
***
-(يالبصره) العزيزه التزهي يم الخير
-(الكويت) اتسيدت (والشطچ) انطوهه
والماي العذب (ايران) گطعـتــَّـه !
من ماي (البزل) واملوحه يهدوهه
***
شوفوه (النخل) والگاع صارت (بور)-
عطشان الفرات اودجله باعوهه
فضائيين اشكثر! الاحزاب فرضتهه
مليارات امعدده والخزنه فرغوهه
***
أحزاب السياسه ابلا مبادئ ليش؟
تتآمر ع الشعب الاحزاب شوفوهه
حراميه اتجمعت (أحزاب) نادوهه
غايتهه النهب والبـوگ گالوهـه
***
و(البنگ المركزي) فـَـلـْسوه هالظلام
هم شفتوا گبل (ذهبات) باعوهه ؟
چا شحچي بعد ع النفط واخباره
احزاب اتقاسمت و(احفاد) حرموهه
***
شو نفس النهج واوجوه (تتكرر)-
-(يتــْعـَـزَّه) الوطن واتصيح زكوهه
يا شعب العراق اشلون تاليهه ؟؟
مثل (جيره ابفرگ) الاحزاب لزگوهه
مثل جيره ابفرگ (بالگصـَّه) لزگوهه
--------------------------------------------
5/ اكتوبر /2021
ســــــــــــــــــتوكهوام

#ميسون_نعيم_الرومي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات