ميسون نعيم الرومي
الحوار المتمدن-العدد: 6649 - 2020 / 8 / 17 - 16:50
المحور:
الادب والفن
نايم (مدعـينه العام) - واشمحله نـومـِـته
نومة عوافي بالعسل – محروس فدوه الگـِـذلته
امغلس اودومه ع القتل – موت اوذبح ما همته
سفطات راتب يستلم – متضخمه وامْورمه جيبته
بس بالإسم ماكو نفع – احذر او تـقـلق راحته
لو جاله سارق مرتشي – يفرح امأمن حصته
ملفات اعله الفساد امتلتله – بوگ او نهب ما هزته
الآف امن الشباب امعوقه – قتل او خطف ما حركته
مجلس قضاء اومدعي – للباغي شفتوا سندته؟
مشروع السؤال ارد اسأله – وادري الجواب ابجبته
لو ولده دمهه امطشره – يصمت جنابه حضرته؟
او هم بالعسل نايم يظل – نوم العوافي نومته؟
يوم القريب او هم يجي – كلمن ابگصته طينته
نايم مدعينه العام – نوم الكهف يا نومته
----------------------------------------------------------
#ميسون_نعيم_الرومي (هاشتاغ)
كيف تدعم-ين الحوار المتمدن واليسار والعلمانية
على الانترنت؟