لا .. يالكاظمي

ميسون نعيم الرومي

الحوار المتمدن-العدد: 6586 - 2020 / 6 / 7 - 17:50
المحور: الادب والفن
    

ألف شهيد اليوم والآف متعوقين
لا يالكاظمي ماشفنه زودك وين ؟
تنصح شغلتك؟ واتزور نوبه اهناك
ضاع الوكـت والناس متنطريـن
***
كتـّال الشباب التمشي بامره اتريد
ذل اومهانه عار تاريخ مثل الطين
شعبك ينتظر واعمالك ابميزان
ابدي بالقضاء الجونه مدري امنين!
***
سيف اويذبحك والوكت يمشي ابساع
سيطر ع َ السلاح اوعاقب الباغين
احذر وانتبهه كلهم عداوه اوياك
محد يرحمك واتضيع بالصوبين
***
صرنه مهزله يضحك اعلينه الجار
هذا العراق الأبي حكامه مذلولين!!
فلوس امتلتله..ذهب اونفط مليارات
كلها اترحلت والشعب جوعانين
***
-(إسلام السياسي)..للغربه يأتمر وايران
هجمتوه العراق انداس بالرجلين
اسمع للشعب يالكاظمي واتمعنه بالتاريخ
تختار المجد! لو سيىء امن السيئين
***
تتداور اوجوه اتوزرت چا ليش؟
عقدين امن الزمن حسره علينه العيش
صَخـَّـمتوا العراق انداس بالرجلين
يمته الخلاص اشـــلون يالطيبين
***
سحگتوه الشعب موجوع كله اهموم
حل اوينتظر..مو لعب ع الحبلين
هاذي فرصتك واحسبهه كلش زين
محد يرحمك .. تختنگ بالحبلين !!
------------------------------------
7 / حزيران /2020
ســــــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل