يا دار جاي اسألچ

ميسون نعيم الرومي

الحوار المتمدن-العدد: 6626 - 2020 / 7 / 24 - 18:54
المحور: الادب والفن
    

مريت يم دار الولف
والدمع طاح امن العين
لن ولفي شال اوهجر
ضيع العشره امن اسنين
ما ودع اوراح ابعجل
لا گال سافر ليوين
يا دار ضاع الوفه
مزنه اوخذتهه الرجلين
***
مر النسيم او سأل
يا دار اهلچ چا وين
اظلم صفت بيه الغرب
يا دار چنتي التزهين
يشكي الصدى ونته اسمعت
اطلاله تنحب تدرين
يا دار اهلچ گضوا
بسچ بعد واتنطرين
***
هل الدمع يچوي الجفن
دمعچ جره واتنوحين
الروح عذبهه الوكت
مجروح الگلب بي جرحين
حتى الصبر مل الصبر
يوسف جزع من اسنين
ملينه مللنه الوكت
والزمن يركض للبين
***
يا دار جاي اسألچ
هم ضل اثر للطيبين؟
هم الوفه عندچ بقه
لو بس حزن واتونين
احچايات عدنه ابكل كتر
لو كلشي ضاع اوتنسين
يا دار ما ضل عتب
لا دمع بيهه العينين
مريت يم دار الولف
والدمع طاح امن العين

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات