أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - الفلسفة ,علم النفس , وعلم الاجتماع - كريمة سلام - الحلم جنين الواقع - الجزء السادس















المزيد.....



الحلم جنين الواقع - الجزء السادس


كريمة سلام

الحوار المتمدن-العدد: 6447 - 2019 / 12 / 26 - 00:09
المحور: الفلسفة ,علم النفس , وعلم الاجتماع
    


مازالت الأحلام حالة نفسية وشعورية لم تنتهِ بعد البحوث النفسية والطبية والاجتماعية في كشف حقيقتها وتحديد تفسيرها بدقة ومع ذلك يمكن رصد الكثير من التفسيرات والرموز والدلالات التي ترسم صورة عامة يمكن تفسير الحلم من خلالها .. ونستعرض هنا نماذج متنوعة من اتصالات الأصدقاء وأحلامهم وتفسيراتنا لعلها تكون مفيدة للقراء الأعزاء
*********^^^^^^^^^^^^^^^^^^^
الأحلام :
بعد إذنك ممكن تفسري حلمي ده أصل أنا قلقانه من وقت ما حلمتهالحلم : حلمت بواحده أنا معرفهاش شعرها كان ناعم وطويل كل ما أحط إيدي علي شعرها الآقيه بيقع كله في أيدي جت أمي حطت أيدها علي شعر البنت قولتلها ده بيقع إزاي لقيته كله وقع في إيد أمي
التفسير :( الواحده حل ليكي من ناحية واحد تاعبك وكل ماتحطي إيدك علي شعرها يقع )يعني كل ماتتعاملي مع الشخص ده يحصل زعل أكتر (وجاءت أمك حطت إيدها علي شعر البنت ) يعني ماما كمان حاولت إنها تتكلم علي الشخص ده( قولتلها دا بيقع) معني كدا أن في زعل ويا بعض وهيكون في خصام مع بعض
وجاء الرد : فعلا دا أخويا في الكليه إتفاجئنا إنه بيشرب سجائر وماما زعلانه خالص وأنا كمان زعلت منه خالص
....................................................................................

السلام عليكم ورحمة الله وبركاته
من فضلك ممكن تفسر لي الحلم ده
الحلم : أختي المتزوجة حلمت إنها و أمي أعطوا جواز السفر و 100 جنيه لمكتب و قال لهم أنتم هترحوا الحج
التفسير : ماما و أختي عايزين يروحوا الحج لو كانوا فعلا عايزين لكن ممكن يكون فيه أمنية بيتمنوها لكن 100 جنيه هي الفلس المادي إللي عندهم وحتخليهم ميقدروش يروحوا أو يحققوا الأمنية إللي نفسهم فيها
وجاء الرد : فعلا هم نفسهم يرحوا الحج لكن مافيش فلوس
...............................................................................................................
الحلم السلام عليكم ورحمة الله وبركاته أستاذة كريمة
الحلم : حلمت إن الدكتور أحمد عمر هاشم يعطي لي محاضرة و أنا أكتب وراءه و لكن لم أستطع كتابة المحاضرة كاملة و عندما إنتهي من المحاضرة سألني إذ كنت كتبت وراءه على أساس أن الطلاب سوف يأخذون المحاضرة مني و يصوروها فقلت له أكمل الكتابة لأني كنت أركز مع حضرتك فقال لي إذهبي و أحضري من حقيبتي أو شنطتي فلاشه بها المحاضرة و إنقليها على اللاب و بالفعل ذهبت و أحضرت الفلاشه ووضعتها باللاب توب.
التفسير: الدكتور أحمد عمر ( أمنية بتتمنيها من ناحية واحد بيزعلك و بيفرحك) والمحاضرة ( كلامه إللي إنتي بتحتفظي بيه) ولم أستطع تكملة المحاضرة (فيه حاجات كتير مش بتقدري تعمليها للشخص ده ) و عندما إنتهي من المحاضرة سألني إذ كنت كتبت وراؤه (يعني بيسالني كل حاجة أنا بقولهالك بتعمليها و لا في حاجات بتطنيشيها ) و يصوروا المحاضرة (الكلام و كل حاجة هتبقى ذكرى) فقلت له لم أكمل الكتابة( فيه حاجات كتير لم تهتمي بيها لأنك بتفكري في الأمنية إللي بتتمنيها تحصل ) فقال لي أحضري من شنطتي فلاشه (الشنطة نهاية مشاكل و الفلاشه ده من ناحية واحدة) فيها المحاضرة (يعني فيها كل حاجة إنت عايزه تعرفيها) و تنقليها على اللاب ( يعني كل الحاجات إللي بتعرفيها هتبلغيها لواحد من منطقة أخرى أو بره البلد إللي إنتي فيها ) ووضعت الفلاشه في اللاب يعني هتنفذي إللي قالته.
وجاء الرد : فعلا كان فيه عريس من طرف زميلة لي و هو بالخارج و أنا بلغته إني رافضه الموضوع
فجزاكي الله خيرا
...........................................................................................................
السلام عليكم ورحمه الله وبركاته
الحلم : حلمت أنا وأختى فى البيت ومعانا عشره كيلو تفاح أخضر وبنقلب فيه
التفسير : العشره كيلو تفاح مشاكل مادييه لسه فى بدايتها وبتقلبى فيه بتجبيها كده وتوديها كده عشان تلاقيلها حل
وجاء الرد : فيه مشاكل مادييه بينى وبين طليقى وأنا كبرت دماغى منها ورضيت بنصيبى
شكرا لحضرتك ربنا يزيدك من علمه
..............................................................................................................
السلام عليكم ورحمة الله وبركاتة كيف حالك أستاذه كريمة
الحلم : حلمت بفتح باب بيتنا لاقيت شابه شعرها قصير وفى إيديها كتاب وقالت لى إن هذا الكتاب جاء من القاهره ولم يأتى صاحبه لأخذه
وتطلب منى أن أخذه بدلا من صاحبه وكان الكتاب من تأليف أنيس منصور وكان مكتوب على الكتاب وهو لايزال فى يد هذه الشابه
إن محافظه المنصوره إحدى محافظات مصر علما إنى اعيش فى الشرقيه لكنى رفضت أأخذ الكتاب لأنى وجدته كتاب رعب ووجدت هذه الشابه على إيديها مرض جلدى عباره عن بقع بيضاء فخوفت وأغلقت الباب فى وشها
التفسير : (لما بتفتحي باب البيت )بتعملى إزعاج لواحد ومعك الوسيله( ولاقيتى الشابه شعرها قصير) الشابه دى حل لكى لواحد فيه زعل بينك وبينه( وماسكه كتاب فى إيديها) الكتاب ده واحد كويس (قالت لي إن الكتاب جاء من القاهره) يعنى الواحد ده عايش فى القاهره وصاحبه مخدوش( الواحد ده مش معه أحد يلهيه أو يشوف طلباته (وعيزاكى تخديه) يعنى إنتى مش معاكي واحد أهه يعنى واحد تخديه وخلاص( ولاقيتى مكتوب على الكتاب محافظه المنصوره إحدى محافظات مصر وإنتى عايشه فى الشرقيه )يعنى الشخص ده هيوديكى مكان غير المكان إللى إنتى عايشه فيه( ورفضتي تأخدى الكتاب) يعنى رفضتيه (ولاقيته كتاب رعب )يعنى إنتى متخوفه منه (ولاقيتى الشابه على إيديها مرض جلدى عباره عن بقع بيضاء) يعنى إنتى هتزعلى مع أحد من دمك ولحمك وهوه الكتاب بقصد واحد (( وخوفتى )لا مش هتخافى (وأغلقتى الباب فى وشها) ناهيتى الإزعاج للشخص ده
وجاء الرد : ماشاء الله على حضرتك الشخص ده إبن خالتى وكان عايش فى القاهره وكان مجوز بنت خالى وطلقها وإتقدملى بعد ما طلقها وهوه فعلا ملوش أحد يشوف طلباته هوه وأولاده وأنا طبعا رفضت وأغلقت هذا الباب عشان طليقته بنت خالى ومن لحمى ودمى. شكرا لكى ياأستاذه ياكبيره
...............................................................................................................
السلام عليكم : مدام كريمة أتمنى من الله تكونى بخير من فضلك عندى حلم عاوزة تفسيرة
الحلم : شفت نفسي فى لبنان وكان عازمنى على البلد مذيع لبنانى مشهور اول ماشفنى في البلد عمل نفسة ميعرفنيش وعاملنى معملة وحشة جدا وسبنى وركب طيارة ومشى
وأنا حزنت وبكيت لاقيت نفسي ماشية في شارع ولاقيت جميل راتب جالس جنب ماسح أحذية ندهت علية وروحتله
لاقيتي عينة فيها دموع وأسنانة مرصوصة قدامى إختفي جميل راتب وماسح الأحذية إتقلب لواحدة ست وكانت شغالة فى إشارة المرور
وكانت سيارات كتير المفروض تعدى الست رفضت وشورت على ساعة فى إديها وقالت إن الوقت خلص ممنوع السيارات تعدى من هنا كل السيارات مشيت ورجعت ومعدتش بالفعل وكان فيهم سيارة فنان مشهور رجع معاهم وهوه متغاظ خدتنى ومشيت معاها هيه وواحدة تانية ظهرت فجأة لقيت قوم زبالة مقتول فيه طفل صغير 13 سنة كدة ومرمى فى الزبالة وال 2 ستات بيقلبة فيه وهم عارفيين مين إلى قتلة
وصحيت على كدة : بالله عليكى تفسرهولى لإنى فى شدة جامدة أوى ربى يسعدك
التفسير : إنتى بتفكرى تروحى بلد تانية بس خايفة إذا روحتى تتعاملى هناك معاملة وحشة ومتحسيش إن دى بلدك وتبقى تعبانة( وإلى عزمك على البلد دى) هوه مافيش أحد عزمك (ولما شافك عملك معاملة وحشة )هوه الخوف إنك تروحى ومتعرفيش تتعاملى مع أحد هناك
( ولما سابك وركب الطيارة ومشي )يعنى إنتى خايفة إنك لو روحتى وهوه مشكلة
الراجل دة كدة المشكلة راحت لطرق بعيده عنك( وانتى كدة حزنتى وباكيتى) حزنك وبكائك فيه خير لك لأنك ماروحتيش ومشكلة الصعود إللى بتفكرى فيها دى تنسيها خالص (إنتى بقى ماشية في شارع لاقيتى جميل راتب) جميل راتب أمنية بتتمنيها الكلام كلوه تمثيل في تمثيل إللي بتسمعيه وأساسا جميل مش موجود يعنى الأمنية ضايعة ضيعة
( جالسةجنب واحد بيمسح أحذية) يعنى فيه مشكلة من ناحيتها مشاكل مع واحد بتتمنى منة الإرتباط ندهتى علية وروحتيله يعنى الأمنية إلى بتتمنيها هتبقى تعباكى من سلالة العيلة كمان جميل راتب ميت يعنى الأمنية إللى بتتمنيها خلاص صرفتى نظر عنها وكمان ماسح الأحذية إتقلب لست بقي لك حل من ناحية واحد وكانت شغالة فى إشارة المرور يعنى دى قرارات بتروح كدة وبتروح كدة يعنى لك حل في القرارات دى إللى بتفكرى فيها وسيارات كتير المفروض تعدى الست رفضت قرارات كتير المفروض تتخلصى منها مش قادرة (و لما شاورت على ساعة فى إيديها بتقولك فى توقيت معين ممنوع السيارات دى تعدى )يعنى هتفضلى ساكتة كدة لغاية ما يجى الوقت تتخذي قرار من إللى بتفكرى فيهم هتستفادى منهم
(كل السيارات رجعت ممنوع السيارات تعدى من هنا كل السيارات مشيت )يعنى خلاص كل القرارات مشيت وبعدت ورجعت
( كان فيهم سيارة فنان مشهور ) دى أمنية بتتمنى تتحقق القرار دة عدة منك ومستفتيش بية الست دى لما أخذتك ومعاها واحدة تانية بقى في حلين لك
فجأة لاقيتي قوم زبالة مقتول فيه طفل صغير 13 سنة الطفل ده مشكلة وعملالك إكتئاب عاوزة تساعدى أحد مادييا أو عينييا مش قادرة يعنى الموضوع دة عاملك مشاكل إللى هوه قوم الزبالة
ال 2 ستات بيقلبوا فيه وهم عارفين مين نإلى قتلة الحلين بيتقلك إن فيه أحد قبلك هوه إللى بيسعدة الحلين دول هما إللى عارفين مين إللى بيساعد الحد دة قبلك
وجاء الرد : أنا عاوزة أغير حياتى لحياة تانية وخايفة منها قبل الحلم دة كان عندى أمنيات كتير نفسي تتحقق
بعد التفسير كلها وقعت على الأرض وضاعت حتى القرارت فعلا مش عارفة أوصل لحل أو أرتاح
والحد دة أخويا وإلى بتسعه واقفة جنبة مراتة
أنا فعلا مش قادرة أسعده مادييا ولا معنويا ربنا يفك كربة يارب
إنتى جبتى كل إللى جواية بالفعل ربنا يسعدك
..........................................................................................................
الحلم : حلمت أخي فتح شنطتة و أعطى 3 هدايا لجدتي المتوفية حذاء في علبة كرتون و ثوب و مش فاكرة الثالثة وأعطى ماما حاجتين حذاء في علبة كرتون و ثوب و أعطاني أنا حذاء في علبة كرتون
و كنت لابسة تيشيرت أبيض نص كم و لاقيت عندي جاكيت جينز جديد أزرق بدون أكمام و لبستها
و بقول ليه ما أخذتهاش بالكمام و كنت لابسة بنطلون جينز أزرق
التفسير : ( أخي فتح شنطتة و أعطى 3 هدايا لجدتي المتوفية حذاء في علبة كرتون و ثوب و مش فاكرة الثالثة) الشنطة اللي ماسكها أخوكي دي نهاية مشاكل و لما أعطى 3 هدايا لجدتك المتوفية فكده المتوفية أخذت حذاء في علبة كرتون الحذاء ده واحد و معاه واحده أي كلام كده حيروح لجدتك أو هوه متوفي من الأول
و الثوب ده راجل ثاني ال 2 يا حيروحو لجدتك يتوفوا أو هما متوفيين و كده بقا فيه نهاية مشاكل مع أخوكي من ناحيتهم و(أعطى ماما حاجتين حذاء في علبة كرتون و ثوب) ممكن يكون هو و البنت أي كلام ممكن يرجعلكم هما الإثنين و الثوب ده واحد ثالث و (أعطاني حذاء في علبة كرتون) أخوكي حيرجع لك إنت كمان و معاه البنت إللي أى كلام دي (و كنت لابسة تيشيرت أبيض نص كم) الحب من ناحية واحد مزعلك نص كم يعني فيه مشاكل مع إثنين تبعه (و لاقيت عندي جاكيت جينز جديد أزرق بدون أكمام و لبستها) واحد ثاني فيه مشاكل مع إثنين تبعه و لبستيه فيه كلام على إرتباط (و بقول ليه ما أخذتهاش بالاكمام) يعني يبقى فيه مشاكل مع الإثنيين تبعه (و كنت لابسة بنطلون جينز أزرق و بس) الحب برضه فيه متاعب و فيه غيظ من ناحية هذا الشخص إللي إنتي بتحبيه
وجاء الرد : فيه شخصين إتوفو بعد جدتي و الشخصين دول من العيلة و الحذاء و الكرتونة طبعا ده أخويا و مراته مبيتكلموش معانا دلوقتي و ربنا يهديهم ويرجعو لينا و أنا بحب واحد مزعلني و مش مريحني خالص و مبيتكلمش معايا والثاني عاوز يتقدم لخطبتي إن شاء الله بس بعد مدة ثلاثة أشهر لو حصل نصيب.
..........................................................................................................
سلام عليكم لعلك تكوني بخير وسعيده ممكن لوسمحتب تفسر لي الحلم ده
الحلم : حلمت كنت في عياده الأسنان بأعمل أسناني(وأنا في الواقع بتابع مع دكتور الأسنان والدكتور ده عايز يخطب أختي) وفجأه لاقيت أختي إللي عايز يخطبها دي داخله علينا العياده ولابسه دريس روز وفيه ورد أخضر وورد روز وطرحه روز وشكلها مرهق ووشها كان عرقان بتمسحه بمنديل ورق
لو تكرمتي ممكن التفسير
التفسير : إنتي في عياده أسنان يعني بتظبطي موضوع يخص سلاله العيله وأختك لما دخلت عليكي معناها إن الموضوع يخصها
ولابسه دريس روز واحد شاب وفيه ورد أخضر وروز يعني معاه ستات من ناحيتهم خير وستات شباب
لابسه طرحه روز يعني الموضوع يخص إرتباط من واحد صغير ووشها عرقان وبتمسحه يعني دي مادييات حتفارقها
وجاء الرد : فعلا يادكتوره أنا بظبط لأختي موضوع إرتباط من شاب ومش عارفه حيكمل ولا لأ وفيه فلوس أختي بتصرفها على شغلها
حبيبتي يادكتوره كريمه ربنا يبارك لينا فيكي
.......................................................................................................
الحلم : موبايل أسود وجدته في البانيو في الحمام

التفسير : خبر منتظراه من واحد كبير في السن أو معه مادييات أو له مكانه عاليه ومهم بالنسبه لك والخبر بيقول أنه تعبان يا نفسي يا جسماني يا الأثنيين
وجاء الرد : خطيبي كام محدد يأتي للإتفاق علي ميعاد لكتب الكتاب إتصل وقال إنه عمل حادث ومحجوز في المستشفي
..............................................................................................................
السلام عليكم السيدة الفاضلة وزادك الله من علمه وخيره أتمنى أن تفسريلي حلمي إذ سمحتي
الحلم : رأيت كأني في بيتنا (القديم الذي بعناه منذ سنوات) وفي داخل غرفه كانت أصوات فئران تأتي من تحت حقائبي الخاصة بالملابس كانت سوداء أظن أن عددها 3 وكنت اريد إخراج الحقائب حتى أقتل الفئران لكني رأيت فأرا رأسه بحجم قبضة اليد يخرج من حقيبة يدي فأخذت حذاء وضربته لكنه لم يحدث له شيئا
ثم ضربته بحذاء آخر أسود فأثرت فيه الضربة لكنها لم تقتله وكنت واقفة مع أختي على عتبة هذه الغرفة فرأينا وزغ لونه أسود قاتم وفيه اللون الأحمر القاني وحجمه يفوق الشبر وكنا مندهشتين فدخل في الغرفة وإختفى وراء الخردوات التي تملأ الغرفة.
ثم رأيت بئر بيتنا القديم كانت عميقة جدا كنت أنا وأختي التانيه نقف على حافته والأشياء تتساقط وأنا خائفة جدا أقول لأختي أنظري إن البئر مملوءة بأشيائنا من ملابس وأغطية
قولت لها يجب أن نخرجها ثم رأيت البئر ردمت بالتراب حتى خرج التراب إلى السطح
ألف شكر لك أنت تزرعين فينا الأمل بهذه التفاسير الدقيقة والرائعة التي لا يقوم بها إلا خبير متمكن زادك الله من علمه وحفظك من كل شر.
التفسير : (الفئران) ستات خرابين بيوت (الحقائب) نهاية مشاكل من ناحية كلام عامل زعل وإنت عايزة تتخلصي منهم (لاقيتي فأر رأسه بحجم قبضة اليد) دي واحدة حاطة رأسها على مادييات إضافية وعينها عليها (لك يخرج من حقيبة يد فأخذتي حذاء) إستعنتي بواحد ليتفاهم معاها ولم يحدث شيء ثم إستعنتي بواحد آخر يا كبير في السن يا معه مادييات يا له مكانة وإقتنعت بكلامه لكن المشكلة مازالت قائمة.
(كنت واقفة على عتبة الغرفة إنت وأختك) إنت لك حل من ناحية واحدة إللي هي العتبة. (رأيتي الوزغ لونه أسود قاتم وأحمر قاني بحجم الشبر) ده واحد مؤذي ليه مادييات أو مكانة أو كبير في السن وضخم غايظكم دخل في الغرفة (وإختفى في الخردوات) دا مش عايز يبان متخبي.
(البئر) دا واحد معه فلوس (عميقة) يعني لازم تبذلوا مجهود حتى توصلوا للفلوس، كنت إنت (وأختك) التانية يعني لك حل من ناحية الفلوس، (كنت إنت وأختك على حافة البئر والأشياء تتساقط من ملابس وأغطية) يعني فيه زعل على الفلوس دي (لما قولتيلها لازم نخرج الملابس والأغطية) يعني لازم نبعد الكلام إللي بزعل عن الفلوس. (لما رأيتي البئر ردمت بالتراب) يعني الزعل غطى على الفلوس حتى ظهر للسطح.
وجاء الرد : فعلا الواحدة الفأرة دي مديريتي في العمل حاطتني في رأسها وكل تفكيرها فيه وعايزاني أخرج من العمل وغايظها الراتب إللي أحصل عليه وحواليها ستات ورجالة يحرضوها عليا وعلى كل العمال
والحذاء الأول أظنها رئيسة القسم إللي أعمل به تكلمت معاها لتتركني في حالي لكنها لم تسمع منها
والحذاء الثاني هو رئيس الإدارة المالية كبير في السن وله مكانة في المؤسسة إشتكيت له ووقفها عند حدها لكن المشكلة مازالت قائمة.
والوزغ ده المساعد بتاعها كلنا كنا بنثق فيه ونشتكي ليه منها وهو أفعى يوصلها كل الكلام ويحرضها حتى خسرت أهم عمل في المؤسسة وباقي عمل إضافي صغير حتى ده عايزني أسيبه وأنا محتاجة لأن عليا دين كبير لكني أفكر جيدا في تركه وربما البئر العميقة أبو المديرة صاحب الشركة إللي أعمل فيها أمواله كثيرة
والتراب كل الزعل إللي جرى وإللي مازال قائم بيني وبين بنته ربنا ينتقم منها
......................................................................................................
السلام عليكم
الحلم : حلمت شايله في إيدي باكت هدايا جواه سلوبيت بيبي ولد .. وسلوبيت بيبي بنت وبيجامه بيبي لولد ...وشايله كيس فيه جوافه
التفسير : ( سلوبيت لولد) مادييات عملالك مشكلة مع واحد و( السلوبيت البنت ) حل لك ( البيجامه لولد) كلام بزعل علي الولد ( كيس الجوافه) واحد تاعبك وتاعب نفسيتك ومخليكي غيرانه..
وجاء الرد : ماشاء الله عليكي يا طنط كله مظبوط ربنا يحلها من عنده
...........................................................................................................
السلام عليكم من فضلك هوه ظهور القسيس والصليب آية فى المنام
التفسير : 2 نصرة لك
وجاء الرد : يارب يسمع منك
.....................................................................................................
السلام عليكم مدام كريمة من فضلك تفسريلى حلمى جزاكى الله كل خير
الحلم : حلمت بمكان معرفهوش ببيع فىه جبنة وواحدة إشترت منى واعطتنى 175 قرش فضة وأخذت الجبنة كلها وهربت هىه وبنتها وفضلت أدور عليها ملقتهاش
رجعت لمكانى تانى ظهرت لية بنت طليقى لبسة لبس مدرسة ومن غير مكياج وبقولها غريبة وشك من غير مكياش لية وكنت لبسة عباية سوداء
والبنت كان معاها شوال فيه غلة معرفش نوعها آية قولتلها فضي الشوال دة على الشوال التانى وخلى بالك يندلق على الأرض وجلست أنا على كرسي أنترية وحطيت رجل على رجل وكان فيه تليفزيون موجود على رف بعيد عنى بيعرض مسلسل لصابرين بيحكى عن الغربة وصابرين كانت
بتبكى وأسنانها كانت مرصوصة فى فمها قدامى

التفسير : بتبيعى جبنة ( فيه مادييات تعباكى خاصة بمعيشتك ومصروفك ) وإشترت منك وأعطتك 175 ق فضة ( يعنى فيه فلوس هتجيلك تفك الأزمة إللى إنتى فيها ) وأخذت الجبنة( بعدت عنك مشكلة الفلوس ) وهربت هيه وبنتها وفضلت أدور عليها ملقيتهاش رجعت لمكانى تانى ( حلين لك حل مهم وحل قليل الأهمية ) وهربت( الحلين بعدوا عنك ) إنتى بتدورى عليهم ( عاوزة الحلول دى ترجعلك تانى( مقدرتيش) رجعتى لمكانك تانى وظهرت ليكى بنت طليقك ( يعنى فيه حل ليكى من كلام عاملك زعل من أصحاب قدامي ) ومن غير مكياش ( يعنى مبقتيش همك حاجة ومش ناوية تزعلى نفسك) قولتلها غريبة وشك من غير مكياج لية بتستغربى ( انتى مش هيكون فيه زعل من ناحية الحلة دي ) إنتى بقي لبسة عباية سوداء (العبايه واحد كبير في السن أو معاة مادييات أو لية مكانة ) هوه إللى إنتى لبسة كلام معاة على إرتباط ) والبنت كان معاها شوال فيه غلة معرفش نوعها ( البنت دى حل لك من ناحية واحد عندة مادييات وإنتى مش عارفة المادييات دى آية بالظبط ) قولتيلها حطى الشوال دة على الشوال التانى (يعنى حطى مادييات دي على الواحد التانى وخلى بالك إن مافيش فلوس تروح منهم هدر كونى حريصة وجلستى على كرسي أنترية ( يعنى بقى ليكى مكانة ) حطيتى رجل على رجل ليكى (وظيفتين ) وكان فيه تليفزيون موجود على رف ( واحد بيزعلك ويفرحك ) محطوط على رف ( مسنود على واحد ) بعيد عنك عارض مسلسل صابرين بيتكلم عن الغربة ( الغربة دى إنتى حاسة إنك عايشه غريبة وسط إلى إنتى معاهم ) والمسلسل دة ( هو الكلام إلى إنتى بقى بتسمعية بيضحك بية عليكى ) صابرين بتبكى ( بكائها فرج عليكى ) وأسنانها كانت مرصوصة فى فمها ( من ناحية أحد من سولالة العيلة إنتى فيه فرج عليكى من كل شخصيات من سولالة العيلة عندك
وجاء الرد : يارب يكون فيه فرج فعلا فى شدة وكرب شديد جدا لأخويا ويارب تتفرج علية
وفعلا عندى مشاكل ماديية فى شغلى وكنت منتظرة حل وراح ربنا يكرمك ويجازيكى خير
.................................................................................................................
مساء الخير مدام كريمه
الحلم : حلمت حمايا وإبنته معاهم شبكه كبيره وطويله طول مش عريضه ومليانه سمك وأنا كنت قاعده في غرفه في مكان واسع جدا وهما شايلين الشبكه
وجم عند غرفتي ووقفوا وندهوا عليا أشيل معاهم فرفعتها معاهم على العتبه
وحمايا فتح جزء من الشبكه وأعطاني شويه سمك
مع العلم إن حمايا هو خالي وإبنته بنت خالي وفيه مشاكل.

التفسير : الشبكه واحده ومعاها مادييات وليها مقام عالي عشان طويله والمادييات معاهم
ولما جم عندك ندهو عليكي تشيلو معاهم عشان يكون ليكي نصيب في المادييات دي إنك تأخذي منها
رفعتيها معاهم علب عتبه كبيره وحطتيها علي جمب يعني الفلوس دي هتروح لواحده الأول وهي إللي حتقسم وحماكي فتح جزء من الشبكه وأعطاكي شوية سمك حماكي هيديكي جزء من الفلوس
وجاء الرد : حمايا بخيل معايا جدا ومستولي على فلوس زوجي وبدعي ربنا إني أأخذ أي حاجه منهم ربنا يهديهم شكرا. مدام كريمه
..........................................................................................................
السلام عليكم ورحمه الله وبركاته كيف حالك السيدة الفاضلة أتمنى تتكرمي وتفسريلي حلمي إذ سمحتي وجزاك الله خيرا

الحلم : رأيت أنا وأختي متزوجة وأختي الثالثه بنركب قطار كان يمشي وإحنا نتفرج من نوافذ القطار كان الطريق مليان رجالة فايتين هذا سكران أكرمك الله وهذا لص وغيرهما وعندما توقف القطار نزلنا فجاء لصوص فقلت لأخوتي أركبوا ركبوا المقطرتين إللي خلفي وأنا في مقطورة في الأمام بنفس القطار وأنا كنت أمنع لصا من أخذ مرآة صغيرة موجودة بالقطار في الخارج ثم جاء لص آخر وغافلني وأخذ مفتاحين كانا معلقين في باب مقطورتي من الداخل
وبعد عدة محاولات أرجعت المفاتيح ولكن عندما أقلع القطار أخذ اللص المفتاحين كان ملصقين مع بعض في حلق خاص بالمفاتيح فحزنت وقولت في الطريق سأتعرض للصوص ربما شكرا.
التفسير : ( إنت وأخواتك راكبين قطار) أنتم كلهم تنفذوا طريقة واحد صارم عايزكم تطبقوا كل إللي يقولكم عليه (تطلوا من الشبابيك ) يعني الشبابيك هيه أخوتكم رجالة أو بنات أو أحد إللي هو القطار نفسه، (كان الطريق مليان رجالة) يعني الطريق إللي تستخدموها لتنفيذ تعليمات وطريقة الواحد الصارم كلها مليانة مشاكل، (الراجل السكران) هيه مشكلة لما تتعاملي معاها تحسي إنك مش مستوعبة الكلام (واللص) يعني حرامي أو يتكلم على زواج يعني عريس.
(لما نزلوا من القطار) صرفوا نظر عن الراجل الصارم إللي ما كنتوش تطبقوا كلامه (واللصوص إللي جاءوا ) هما عرسان. (قولتي لأخوتك إركبوا المقطورتين) المقطورتين إثنين ستات هما إللي يحركوا القطار الواحد الصارم يعني أخواتك بعدوا عن الراجل الصارم (وإنت ركبتي مقطورة) أخرى، المقطورة واحدة ست
وإنت ايضا بعدتي عن القطار وممكن الستات دول تابعين للراجل الصارم. (اللص) عريس ولما غفلك وأخذ (المفتاحين) هو أخذ منك وسيلتين عندك تضبطي بيهم أمورك (كانوا معلقين في باب مقطورتك) الباب واحد تابع للست إللي روحتي عندها (ثم بعد محاولات إسترجعتي المفتاحين) إسترجعتي الوسيلتين (ثم لما تحرك القطار) يعني بدأت خطوات إيجابية إتجاه الراجل الصارم وتنفيذ تعليماته (أخذ منك مرة أخرى المفتاحين) فقدتي مرة أخرى الوسيلتين
(المفتاحين كانوا في حلقة خاصة بالمفاتيح) (الحلقة) واحدة ست عندها كل الوسائل (لما حزنتي) إنت مش حتحزني وقولتي( في الطريق ربما أتعرض للصوص) يعني قولتي ربما يجيني عرسان وأنا أحزن ليه ولا أتضايق.
وجاء الرد : الراجل الصارم الوحيد في حياتي أنا وأخواتي هوه أبونا صارم جدا لكنه حنين.
وفيه مشاكل بينه وبين أمي ومتزعلين. الستات إللي راحت ليهم أخواتي ربما حواتهن يعني واحدة من أخوتي متزوجة حديثا وبعدت عن أبويا
والثانية بعد الحلم بيومين جاها خطيب ولسا ما إتفقناش على حاجة وأنا عندي راجل في حياتي بس لسا ما عملش حاجة جدية وأنا فعلا متضايقة وزعلانة.
...............................................................................................................
السلام عليكم .... بعظ إذنك تفسريلي الحلم ده

الحلم : حلمت فى أوضة النوم قاعد علي السرير والدتي المتوفيه وزوجة أخي و صديقتي
وكنا صايمين بس معرفش كنا في رمضان ولا صايمين ليه بس غالبا كان رمضان
وكان زوجي يجلس في الصالون ..الغريبه إني كنت بأكل بقسماط في إيدي و زوجي كمان لاقيته كان فاطر وبيأكل ..معرفش بيأكل آيه وكنت بقول لصاحبتي ومرات أخويا أعملكوا موز باللبن ولا بلاش إنتوا صايمين ...ومعملتش حاجه ..إنتهى

الحمدلله أنا بصوم رمضان في الحقيقه ومش بفطر إلا بعذر

التفسير : (مامتك المتوفيه قاعده علي السرير) يعني فيه مشكله قديمه عندك في حياتك الزوجيه هتجدد ( و زوجة أخي وواحده صاحبتي ) يعني حلين لك في المشكله و(كنا صايمين بس معرفش كنا في رمضان ولا كنا صايمين ليه) الصيام فيه كلام إنتي محتفظه بيه مستنيه تقوليه في وقته (جوزك قاعد في الصالون ) جوزك مشكله لك (والغريبه إن أنا كنت بأكل بقسماط في إيدي وزجي كمان لاقيته كان فاطر وبيأكل ) البقسماط هو الزعل إللي مش مخليكوا بتتكلموا علي مادييات ..دي مادييات إضافيه بتجيلكوا غير مصرفكوا أو شغلكوا .... ولما لاقيتيه فاطر يعني خلاص هوه إتكلم وقال إللي عايز يقوله في غير وقته (مش عارفه بيأكل آيه ) يعني إنتي مش عارفه هوه بيتكلم علي إنهي فلوس ( بتقولي لصاحبتك ومرات أخوكي أعملكوا موز باللبن ) يعني الحلين إللي من ناحية المشكله إللي فب بيتك وبتقولي أعملكوا موز باللبن يعني المشكله من واحده والواحده دي مخلياكي زعلانه ومتنكده علي المادييات ..( ولا بلاش إنتوا صايمين ) يعني بلاش نتكلم مش وقته ( و معملتش حاجه ) كويس إن معملتيش حاجه
وجاء الرد : أنا وزوجي فعلا فيه مشاكل بيننا علي مادييات وأنا من كتر ما زهقت من الكلام في الموضوع قررت أبطل أتكلم معاه في الفلوس .... و بالنسبه للمشكله فعلا أنا عايزه نجيب شقه بدل إللي سيبناها و هوه إتكلم معايا من فتره كده علي شقه ممكن يجيبها بس الموضوع ممشيش ففعلا حسيت إنه إتكلم بدري عن ميعاد الكلام لإني إتعشمت علي الفاضي ..... و كنا طالبين سلفه من الشغل ورئيسة اللجنه مش عايزه تعمل اللجنه غلاسه كده ..دي الست إللي مزهقاني فعلا...لكن الحلين دول لسه مافيش حلول ظهرت وربنا كريم
الف شكر ليكي يا ست الكل وربنا يكرمك ويفتحها عليكي وعلى كل إللي بتحبيهم يا رب
..............................................................................................................
السلام عليكم ورحمة الله وبركاتة بارك الله فيكى ياأستاذه كريمه
الحلم : حلمت إنى فى بيتنا القديم وبقول لماما دورى على أخوكى كذا ولمى شمل العيله علما إن خالى ده متوفى وكنت فى الحمام وفى إيدى طبق المونيوم بغسله علما إنى مطلقه وشكرا
التفسير : إنتى بتطلبى من ماما إن فيه مشكله قديمه عايزاها تتكلم فيها وتنهيها
وإنتى فى الحمام يعنى تعبانه جسمانى أو نفسى والطبق ده واحد وهو إللى تاعبك ومزعلك على مادييات إضافيه بتجيلك الواحد ده نمره إثنين أو ثلاثه وبتغسليه بتحاولى تشيلى الزعل منه
وجاء الرد : ربنا يزيدك من علمه أنا فعلا بطلب من ماما تنهى مشكله قديمه خاصه بزوجات أخواتى وإهمالهم لأولادهم والراجل إللى مزعلنى على مادييات طليقى شكرا لحضرتك
.........................................................................................................
أنا آنسه
الحلم : حلمت ببص في مراية النيش لقيت نفسي بذقن سوداء إستغربت.
وبعد كده بقيت قاعدة علي الأرض مع واحدة بقولها أنا عندي ذقن . قالتلي هتتجوزي. وأحد من أخواتي وزع كل الأوض بتاعة الشقة . وقال إن أنا أروح أوضة جوزي
و بقيت أنا والواحدة دي ماشين في السطح قولتلها ماما عملت آيه لما عرفت قالتلي ربعت إيديها
و قالتلي محدش متخلاش عنك فعيني دمعت ومسكت دمعتي إنها تنزل وقلت لها نصيب.
التفسير : (تقفي قدام المرايا بتاعة النيش) . النيش ده واحد وإنتي عايزة تعرفي فيه آيه جواكي من ناحيته.
(لقيتي نفسك بذقن سوداء) يبقي فيه واحد يا كبير في السن يا معاه مادييات ياله مكانة عاليه هتبقي مرتبطة بيه.
(قعادك علي الأرض) هتبقي تعبانة وتعبك هينتهي علي ميعاد وليكي حل الواحدة دي في الكلام علي الواحد إللي إنتي هترتبطي بيه إللي هوه الدقن
(لما قولتلك هتتجوزي) يعني هيبقي فيه مشكلة( وإن أحد من أخواتي وزع كل الأوض بتاعت الشقة). يعني هيبقي السبب السكن واحد من أخواتك. سبب المشكلة. (وقلت نروح أوضة جوزي )موضوع السكن ده هيبقي عامل مشكلة( إنتي كمان
والواحدة ماشين في السطح )الحل مخلي أمنك وأمانك ضايع مش لقياه. (وقلتي لها ماما عملت آيه لما عرفت) قالتلي ربعت إيديها يعني إنتي بقي في الوضع ده . حل من ماما. بس لما ربعت إيديها يعني المادييات الإضافية إللي بتجيلها. ماما كده هتقيدها وحتحتفظ بيها لنفسها. مش هتساعد منها لأحد
(لما بتقولك محدش ما إتخلاش عنك )يعني كلهم وقفوا جمبك . يعني مش لاقية أحد يقف جمبك(.وعينيكي دمعت) الدموع فرج عليكي. (ومسكت دموعك) يعني مسحتيها يعني مكنش أحد بيحس بيكي إن إنتي بتتمني الفرج.( وقلت لها نصيب) يعني إللي يكون يكون بقي
وجاء الرد : المفروض فعلا فيه واحد حرتبط بيه . ومتوقعة فعلا مشاكل تحصل. و أهيه هتحصل . وإللي ربنا رايده حيكون
...............................................................................................................
مساء الخير مدام كريمه
الحلم : حلمت الله يكرمك إني أخرجت براز في الحمام لكن مش في المرحاض على الأرض في الحمام و كنت خايفه أحد يشوفوه فروحت واضعاه في بالوعة الحمام
التفسير :( البراز) دي مادييات إنتي محتفظه بيها وشايلاها وبعد كده طلعتيها وصرفتيها لكن مش على واحد
(في الأرض )يعني صرفتيها كده في طريقها تروح هدر( لكن إنتي خايفه إن أحد يشوفها يعرف إن معاكي فلوس روحتي حطاها في البالوعه )
(والبالوعه) دي واحده وبتأخد الفلوس وتكتم عليها وتقول ما أخذتش (وإنتي في الحمام )تعبانه يا نفسي يا جسماني ياالإثنين
وجاء الرد : كلامك مزبوط ميه الميه مدام كريمه أنا فعلاً كنت شايله فلوس ومكنتش عايزه أحد من أهلي يعرف إني معايه الفلوس دي و للاسف صرفت الفلوس دي هدر .. وبالنسبه للحمام أنا فعلاً تعبانه نفسياً وجسمانياً
.............................................................................................................
سلام عليكم يا طنط كريمة الف شكر علي تفسيراتك بشرك الله بكل الخير💚

الحلم : حلمت إني في بيت جدتي المتوفية وهيه عندها 3 كتاكيت وأنا قاعدة علي الكنبة وفيه كتكوت بيحاول يطلع وأنا حطيت المخدة عشان ميطلعش
وأنا قاعدة حسيت إن جدتي زعلانة مني وبعدها روحت ماسكة موبايلي وفتحت الفيس بوك بتاع خطيبي السابق ولاقيت الناس بتبارك لية وبيقولوا الشارع كلة هيكون فرحان بيك
التفسير : ( الكتاكيت) 3 ستات وفيه منهم غيرة ( وإنتي قاعدة علي الكنبة) إنتي زعلانة بسبب واحدة (وفيه كتكوت بيحاول يطلع) يعني واحدة منهم بتقولك إنها ملهاش دعوة بيهم ب ال 2ستات الثانيين( وإنتي حطيتي المخدة) يعني إنتي بتقوليلها أنا معايا واحدة. (والموبايل) خبر إنتي منتظراة ( ولما شفتي إن الناس بتبارك لخطيبك) لا هو عندة زعل. ( وجدتك زعلانة منك) لا هيه مش زعلانة منك
وجاء الرد : أنا زعلانة من بنات عمي فعلاً وبخصوص خطيبي السابق معرفش هو عندة زعل دلوقتي ولا آية
....................................................................................................
الحلم : حلمت فيه 2 خرفان شكلهم خروف و حجمهم صغير حجم الفأر كانوا في غرفة فتحت عليهم الباب خرجو بسرعة بإتجاه البلاعة و دخلوا وسطها و شربو من مائها
و أنا ملئت طاسة بالماء ووضعتها في الأرض و حملتهم من البلاعة ووضعتهم جنب الطاسة و شربوا الماء فحسيت إنهم عطشانين جدا و شربوا نصفها و رجعو للغرفة و إستغربت لحجمهم الصغير ووضعت إيشارب روز على رأسي و عملت فيه دبوس في الجانب.
التفسير : ( حلمت فيه 2 خرفان شكلهم خروف و حجمهم صغير حجم الفأر ) شخصين ممكن يكونو طفلين صغيرين أو شباب طالما هما خرفان شخصيتهم ضعيفة ( كانوا في غرفة فتحت عليهم الباب)و لما فتحت عليهم الباب عملت لهم إزعاج (خرجو بسرعة بإتجاه البلاعة و دخلو وسطها و شربو من مائها ) البلاعة دي واحدة وأي فلوس بتروح لها بتطويها وبتقول مأخذتش
دخلو وسطها و شربوا من ميتها يعني هيه سابتهم يأخذوا فلوس براحتهم ( أنا ملئت طاسة بالماء ووضعتها في الأرض) الطاسة واحدة وأخذت فلوس ممكن تكون إنتي (و حملتهم من البلاعة ووضعتهم جنب الطاسة) جبتيهم جنبك (و شربوا الماء فحسيت إنهم عطشانين جدا و شربوا نصفها) خدوا نص الفلوس (و رجعوا للغرفة) بعد ماكنتي عاملة لهم إزعاج (و إستغربت لحجمهم الصغير) لا مش حتستغربي و لا حاجة (وضعت إيشارب روز على رأسي و عملت فيه دبوس في الجانب) ده إرتباط من واحد شاب و عملت دبوس في الجنب فيه واحد هو عامل المشكلة و موقف الموضوع.
وجاء الرد : 2 شباب صغيرة عاوزين يتقربو مني و أنا رفضاهم و عاوزة راجل آخر و لسه بنتفاهم و نتكلم على الإرتباط بس عندو ولد مش عارفة رأي آيه في المسألة دي.
...........................................................................................................
الحلم : حلمت كنت نايمه علي السرير في الصاله بتاعة البيت ومتغطيه بغطا أحمر وكان فيه واحد قاعد علي كرسي جمبي بيتفرج علي التليفزيون المفروض إنه عريس وجي البيت بس بات عندنا ومكنش بيبص عليا وأنا نايمه
و كنت لابسه طرحه و قلعتها وقمت من علي السرير ودخلت أوضتي ونمت علي سريري وإتغطيت ب 2 بطانيه زرقه ولحاف أخضر وجاءت ماما وتيته زعقوا للواحد دا وصحي من النوم وقام قعد معاها علي الأرض
وأنا قمت قفلت بابا أوضتي فنظر ناحيتي وقال أهلا بالمدام المستقبليه وضحك كدا بس كان شكله وحش ومكنتش حباه وكان معايا واحده في الأوضه قريبتي
التفسير : السرير دا إنتي تعبانه من ناحيه إرتباط ومتغطيه تعبانه وتعبك هينتهي علي ميعاد والغطا الأحمر واحد ستر ليكي وعاملك غيظ الواحد إللي قاعد ده مشكله علي مكانه وبيتفرج علي التليفزيون ده واحد بيفرحك ويزعلك وهتكون المشكله دي مركزه معاه مش معاكي عشان مش باصصلك دخلتي أوضتك هيكون فيه كلام علي إرتباط حقيقي بقي والبطانيه دي واحده وعملالك غيظ وتعب واللحاف ده واحد ومن ناحيته خير ممكن يكونوا بابا وماما
لما ماما زعقت للشخص ده خلاص هما هيتعاملو مع المشكله دي بعيد عنك ولما قال لك أهلا بالمدام المستقبليه المشكله هتكون من ناحيه إتمام الجوازه
والضحك ده زعل والست إللي معاكي دي حل لك وشكله وحش
لاشكله مش وحش ومتقدريش متحبهوش لانه ده مشكله مش واحد

وجاء الرد : كان فيه إرتباط وحصل كلام فيه بس مكملش وخلاص إنتهي
والواحد إللي بيفرحني ويزعلني دا واحد سند ليا فعلا بس مفيش كلام تاني علي إرتباط دلوقتي
وماما وبابا لا مفيش تعب و العلاقه معاهم كويسه مفيش مشاكل
......................................................................................................
الحلم : حلمت إشتريت جمبري أو أحد أعطاهولي مش فاكر بالظبط بس تقريبا إشتريته لأني دخلت عليكم البيت بالجمبري وبقولكم ده رخيص إشتروا إنتوا كمان
وكنت فاكر الجمبري صغير بس كل ما أطلع واحده من جيبي الآقيها كبيرة وأتفاجئ بحجمها
و قعدت أأكل فيهم وتقريبا كانوا 4 أو 5 مش متذكر بس غالبا 4 .
التفسير : ( الجمبري ) ده فلوس بس لها مواعيد بتيجي فيه مش في أي ميعاد أو أي وقت تلاقيها
( وجايه بيقولكم إشتروا إنتوا كمان )يعني خدوا إنتوا كمان من الفلوس ،( ومعنى إن الجمبري كان صغير وطلعه من جيبه يكبر) يعني الفلوس لما بقت معاه زادت ، (كانوا أربع أو خمس جمبريات) معناه إن الفلوس لما بقت معاه زادت .
وجاء الرد : بارك الله في حضرتك وبإذن الله يكون خير .
...........................................................................................................
الحلم : حلمت ببيت جارتنا ولع وأنا كنت حاطه الأنبوبة والبوتجاز في أوضتى وكنت خايفه قوى النار تلقط فيهم بس في آخر الحلم الحريقه كانت إنطفت
التفسير :( إنت عندك مشكلة مع واحدة معاها فلوس وكنتي خايفه النار تلقط فيهم) يعنى خايفه المشكله تزيد( وفي آخر الحلم الحريقه إنطفت )يعنى هتنتهي المشكلة .
وجاء الرد : دى كانت جمعية وخرجت منها وإللي مسكاها مش عاوزة تديلى فلوسي غير لما يخلصوها ممكن تكون هيه دى المشكلة وهتنتهي؟
رد مني : آة
......................................................................................................
السلام عليكم : مدام كريمة من فضلك تفسريلى حلمى
الحلم : دائما بسمع سورة( النصر ) اذا جاء نصر الله والفتح ورأيت الناس يدخلون في دين الله أفواجا فسبح بحمد ربك وإستغفرة إنة كان توابة
أرجو منك تفسير هذا المنام بالله عليكى
التفسير : القرآن والوضوء والصلاة فى الحلم أمان وإطمئنان لك من ناحية حاجة بتتمنيها
وجاء الرد : يارب تتحقق بحق لااله الا الله أشكرك وربنا يعطيكي الصحه يا وش السعد
.........................................................................................................
حضرتك بتقولي ان (( الدعاء ))في الحلم أمان وإطمئنان
يعني إيه أمان وإطمئنان.... يعني لو حلمت إني بقول يارب أنجح يبقي فعلا هنجح
التفسير : إنتي طالما إنك خلصتي كل إللي عليكي وبتكلم في إنك بتعملي كده يبقي اه..لكن مش تلعبي وتحلميلي إن إنتي بتقولي يارب يبقي خلاص لازم تكوني عاملة إللي عليكي الأول.
وجاء الرد : إن شاء الله هعمل كل إللي عليا. وأشد حيلي السنادي. يارب
الحلم : ويعني إيه واحدة رجلها مكسورة.
التفسير : لو كانت رجل واحدة هتبقي نص المادييات إللي خاصة بمعيشتها أو مصروفها فيه متاعب
لو أرجلها الإتنين يبقي المادييات كلها فيها متاعب
وجاء الرد : عندي مشاكل في سعيه لرزقي وبدعي إنها تتحل
الحلم : ويعني آيه موبايل مظبوط منبه وعمال المنبه يرن.
التفسير : إنتي مستنية في ميعاد معين يجي خبر من واحد. هيجيلك في الميعاد إللي إنتي مستنية فيه. أو عليه الإتفاق
وجاء الرد : هوه ده الخبر إللي مستنياة علشان ( رجلي المكسورة ) يعني المشاكل إللي في معيشتي تتحل. يارب يجيي يارب يارب
‏ الحلم : ومكتب في المنام . يعني آية ؟
التفسير: المكتب في المنام يعني المكانة في العمل
وجاء الرد : دايما أحلم بالمكتب ساعات قاعدة عليه وساعات لا. و ماكنتش أعرف يعني آيه
.................................................................................................
الحلم1 : السلام عليكم. لو سمحتي يعني آية طائرة هليكوبتر (( إللي بيبقي فيها مروحة من فوق دي)) في المنام
التفسير : واحدة وفيه صعود من ناحيتها وسبب الصعود ست إلي هتساعدها علي الصعود يعني أمنية هتتحققلها
وجاء الرد : لسه متحققش أنا حلمت الحلم ده يوم 30/9. ولسه معرفش. بس بظن إن في 2 ستات أخوات الحوار ده من ناحيتها هما

الحلم 2 : يعني إيه أشوف ((قاعدة الحمام بلدي .. إللي في الأرض دي... مش الإفرنجي إللي بتبقي عندنا في البيوت ..
التفسير : قاعدة الحمام البلدي في الحلم بيبقي فيه مشكلة قضائية
سؤال : ليا أنا ولا لشخص آخر
الإجابة : بينك وبين شخص آخر. شوفي إنتي مين بقي
وجاء الرد : الدعوي القضائية فعلا في خناقة وإحتمال بتعمل محضر.
الحلم 3 : آيه ((الجليد ))في المنام أرض الشقة بتبقي ثلج جليد كده .. يعني آيه
التفسير : الجليد يعني مادييات تدفعيها من جيبك
وجاء الرد : عندي خسارة في معيشتي شديدة وبفكر إمتي هتتحل
الحلم 4 : يعني آيه الآقي ماما عندها شنب زي شنب بابا في وشها. وشكرا
التفسير : حل لك من ناحية واحد
وجاء الرد : لسه متحلش.. وده إللي أنا بدعي بيه ليل نهار إنه يتحل
.............................................................................................
أستاذة كريمه من فضلك فسري لي الحلم ده مع العلم إني آنسه
الحلم : حلمت إني زوجه لشخص أعرفه والشخص ده مات في الحلم والناس عزيتني فيه وبعد ما انتهي العزاء كنت قاعدة حزينة علي فقده جدا وإنتهي الحلم علي كدة
وشكرا ليكي كتير
التفسير : كان فيه مشكلة عندك وإنتهت لما الشخص ده مات (والناس عزتك فيه ) العزي شئ طيب ( وبعد ما إنصرف العزاء كنت قاعدة حزينة علي فقدة ) الحزن حاجة كويسة مش وحشة غير لما تبقي فرحانه هقول ليكي إنتي هتزعلي لكن كده حزينه يعني هتفرحي
وجاء الرد : أنا بعاني من مشاكل مع زمايل لي في العمل بس لسه ما إتحلتش
الله يخليكي ويبشرك بالخير دايما ذي ما بشرتيني ماتتصوريش قد آيه أنا محتاجه حل لمشاكلي دي
شكرا ليكي
......................................................................................................
لحلم : حلمت بعربية الشخص إللي بحب واقفة و هوه مش موجود فيها و الجاكيت بتاعه أزرق غامق واضعه في مكان السواق و أنا واقفة من برة قدام السيارة.
التفسير : ( عربية الشخص إللي بحب واقفة) ده قرار بيخصك إنت و القرار ده مش واخد و لا خطوة إيجابية واقف (جاكيت بتاعه أزرق غامق وضعها في مكان السواق) جاكيت بتاعه يا إما وظيفة يا إما إنتي مكان السواق يعني متحير مش عارف يعمل آيه و لا آيه و القرار يخصك و مش قادر يأخذ خطوة إيجابية في القرار و طبعا أزرق غامق بين الغيظ و بين التعب (و أنا واقفة برة قدام السيارة) يعني شايفة كل ده و مش قادرة تعملي حاجة.
وجاء الرد : إحنا مبنتكلمش مع بعض كده من دون سبب قطعنا و مش قادرين نرجع العلاقة.
...........................................................................................................
الحلم : حلمت كنت في الشارع و في إيدي خيط حرير روز طويل جدا و جمعته في إيدي
و فيه 2 بنات في يد كل واحدة خيط حرير مش عارفة لونهم ودخلت بيت و دخلت غرفة نوم واحد بحبه ونمت على بطني في السرير
و الخيط لفيته على صباع إيدي و مسكاه
و الشخص إللي بحبه جاء جنبي في السرير بتاعه و قعد وصدره عريان و قبلني في كتفي مرتين
و إيده مررها على ظهري و كتفي و شوية كان عاوز يقلعني البنطلون رفضت
و سابو و أنا نمت كده
و لما صحيت لاقيت الصبح جه و خرجت من غرفة نومه و أحضر الفطار
لاقيت البيت مافيهوش أسمنت في الحيط و أبوه و أمه جالسين على الأرض و دخلت المطبخ برضو مافيهوش أسمنت و لا بلاط أخذت 3 كؤوس عملتها في الصينية و كانت الصينية وسخة و مسحتها و عملت عليها قطعة قماش بيضاء مطرزة من الجانب و عليها الكؤوس و فتحت الحنفية غسلت إيدي و روحت أبحث عن إللي بحبه
لاقيته في السطح و بيتكلم في التليفون مع راجل و سمعته بيقول ده هو بسببه قلعولي الموتوسيكل و أخذت الصينية وضعتها فوق سفرة مدورة و قالي أبوه كويس إنك مسحتي إللي هي الصينية.
التفسير : (كنت في الشارع و كان في إيدي خيط حرير) الخيط الحرير واحد و تاعبك و في إيديك يعني
عن طريق المادييات الإضافية إللي بتجيلك إنت متمسكة بيه (جمعت في إيدي) يعني إنت عايزة تسيطري
عليه (و فيه 2 بنات في يد كل واحدة خيط حرير مش عارفة لونهم ) حلين لك من ناحية الواحد إللي تاعبك ده و من ناحية المادييات الإضافية مش عارفة لونهم مش قادرة تحددي الشخص ده حيبقى مصيرك معاه آيه (دخلت بيت و دخلتي غرفة نوم واحد بحبه) بتفكري بالأمن والأمان و الزواج من ناحية هذا الشخص (نمت على بطني على السرير و الخيط لفيته على صباع إيدي و مسكاه ) نايمة على بطنك في السرير إنت تعبانة من إرتباط و تعبك حينتهي على مبعاد و صباع إيدك ده ممكن يكون أخوكي و لفيتي الخيط عليه عايزة الشخص ده إللي تاعبك يلف و يدور على أخوكي علشان يخليه يوافق (جاء جنبي في السرير) ده مشكلة (قعد في السرير و صدره عريان) يعني مافيش حب من ناحية (وقبلني في كتفي مرتين) كتفك واحد سند لك و البوس فراق يعني إستحالة يتكلم مع أحد مهم بالنسبة لك مرتين يعني مرتين يحصل كلام و هوه يرفض ( و ايدو مررها على ظهري وكتفي) بيمحلس لك من ناحية أحد سند لك إن إنت تتصرفي معاه و كتفك أحد سند لك و عايزك إن إنت تتصرفي معاهم وهو بيستهبل كده (و شوية كان عايز يقلعني البنطلون) ده بيستهبل يعني الكلام على الجواز يبقى بينك وبينه و بس (رفضت) ممكن تجي في مرة و مترفضيش تلاقي نفسك وقعتي في مطب (و ساب البنطلون ) هوه في مرة مش حيسبه (و لما صحيت لاقيت الصبح) يعني مبقاش فيه إكتئاب عندك (خرجت أحضر الفطار لاقيت البيت مافيهوش أسمنت في الحيط ) مافيش حاجة تسندك من ناحية أحد سند لك (و أبوه وأمه جالسين على الأرض ) هما الإثنين ممكن تعيشي معاهم و يبقو تاعبينك (و دخلت المطبخ برضو مافيهوش أسمنت و لا بلاط ) العيشة هناك يبقى يعلم بها ربنا( أخذت 3 كؤوس وضعتها في الصينية و كانت الصينية وسخة ) 3 كؤوس 3 رجالة و الصينية واحدة و كانت وسخة كان فيه مشاكل من ناحيتها و مسحتيها إنت شيلتي الزعل (و عملت عليها قطعة قماش بيضة مطرقة من الجانب و عليها الكؤوس ) فيه كلام بزعل و مطرزة كلها مشاكل الكؤوس 3 رجالة (فتحت الحنفية) فيه مادييات من واحدة (غسلت إيدي) المشاكل إللي عندك من ناحية المادييات الإضافية حتروح (و روحت أبحث عن إللي بحبه لاقيته في السطح) أمنه و أمانه ضايع (بيتكلم في التليفون مع راجل) خبر بيوصله لواحد (سمعته بيقول ده هو بسببه قلعولي الموتوسيكل) الموتوسيكل واحد عندو مشكلة فلوس حيبعدو عنه ( و أخذت الصينية) حيلبس في واحدة (وضعتها فوق سفرة مدورة) فيه واحدة بتلف و بتدور و ضمته لها ( وقالي أبوه كويس إنك مسحتيها إللي هيه الصينية ) يعني شيلتي الزعل و ضبطتي الدنيا.
وجاء الرد : ده واحد مدوخني و زعلانة منه و تفارقنا مرتين وطلب يتقدم للبيت لكن متقدمش و عندو مشكلة ماديية ودلوقتي مبيكلمنيش يعني مبنتكلمش مع بعض كده من غير سبب و لا خصام
..............................................................................................................
الحلم : السلام عليكم ورحمة الله وبركاته
أستاذة كريمة ممكن أعرف معنى حضور مؤتمر في المنام آيه
التفسير : الحضور في المنام معناه أنه لا ليس في الوقت الحالي
وجاء الرد : تمام كنت أتمنى إني أعمل أبحاث و أحضر مؤتمرات لكن الحمد لله
..........................................................................................................
السلام عليكم ورحمة الله وبركاته
الحلم : حلمت بعمتى تعاتبنى وتقول لى لماذا لاتخدمى عمتك مروه وهى والده فقلت لها انا لابولد ولا أحد بيخدمنى وكانت زوجه جدى باعته لحمه متقطعه لعمتى الذى تحدثنى فى الحلم ولكن عمتى بتقول إن هذه اللحمه بايته وبعتت أيضا لحمه لبنت عمتى وفيها قطعتين دهنه
علما إنى مطلقه وشكرا
التفسير : عمتك دى هيكون بينك وبينها كلام وتفاهم ولما بتقولك ليه مبتخدميش عمتك مروه هى مش عيزاكى تروحى عندها
وبتقولك لما بتولد يعنى لما يكون عندها تخلص من هموم
ولما قولتى أنا لابولد ولا أحد بيخدمنى إنتى عندك هموم مبتتخلصيش منها ولا أحد واقف جنبك مراة جدك بعته لحمه مراة جدك حل لك فى كلام زعل واصل لعمتك
عمتك بتقول إن هذه اللحمه بايته ده كلام قديم
ولما بعتت لبنت عمتك ده كلام جديد بزعل رايح لبنت عمتك والدهنه من ناحيه أحد من دمك ولحمك
إنتى شوفى آيه بقى
وجاء الرد : فعلا عمتى طيبه معى بس بيحصل زعل بينى وبين بنتها التانيه لأنها مراة أخويا وأكيد هيه بتزعل عشان بنتها ساعات عشان طبعا بنتها بتوصل بطريقتها هيه وأختها التانيه إللى ممكن يحصل كلام بزعل من ناحيتها
لحد الأن لم يحدث بس ممكن ربنا يسترها وإللى من لحمى ودمى هى بنت عمتى دائمآ فى مشاكل بينا ربنا يهدى
ماشاء الله عليكى ياأستاذه كريمه شكرا لكى
.............................................................................................................
أنا أعمل رقية بورق السدر
ومنذ بدء الرقية وأنا أرى رؤية ورا أخرى وهذه الثانية بعد الأولى التي أرسلتها لك، فأتمنى أن أعرف تفسير كل رؤية والله يجازيك كل خير خالة كريمة ويكرمك من خيره إن شاء الله أنا لست متزوجة
الحلم : رأيت دخلت فندق كبير وتوجهت لقاعة مثل المدرج كان فيها ناس مليانة أظن مختلطة أو فقط نساء لا أتذكر وكنت أتنقل بين الكراسي وأريد الجلوس في الأمام
وفي منتصف القاعة إنزلقت كل الكراسي وفيها الناس لأن الأرضية كانت عبارة عن أتربة وأحجار بيضاء
يعني الكراسي لم تكن مثبتة والأرضية لم تكن مبلطة.
أنا كنت أمسك في الكرسي حتى لا أقع من أعلى المدرج لأسفل
ثم ذهبت للجهة الأخرى في نفس القاعة وكانت عكس الجهة الأولى
الكراسي مثبتة والأرضية مبلطة
ثم ذهبت لشراء عقد مصنوع من حبات كل حبيتين باللون الأحمر والأبيض ملصقتين مع بعض
وخاتمين كل خاتم مصنوع بحبيتين حمراء وبيضاء وقلت أظن إمرأة تبيعهم أن تعطيني القرطين فأعطتني قرط واحد فضي ولما حملته سقط و أصبح شفرة حلاقة ولما رفعته ووضعته على أذني حتى أشوف أن كان يناسبني تحول إلى قطعة خبز فقلت لا أريد القرطين فقط أأخذ العقد والخاتمين وشكرا.
التفسير : دخولك الفندق بتتمني أمن وأمان فيه ترويح لك
ولما دخلتي ( المدرج فيه ناس ) حوليكي مشاكل وليها حلول (وإنت مش قادرة تحددي فيه نساء ولا رجاله) إنت مش عارفة فيه مشاكل ولا حلول (و تتنقلي بين الكراسي) يعني المكانة بتاعتك تتغير كل شوية بتحاولي تتقدمي للأمام يعني للأحسن (وفي منتصف القاعة إنزلقت كل الكراسي) يعني لما وصلتي لنص الشيء إللي إنت عايزاه كل المكانة راحت بالمشاكل والحلول (لأن الأرضية كانت أتربة وأحجار بيضاء) يعني التراب زعل والحجارة زعل مع إخواتك (والكراسي غير مثبتة) يعني المكانة كلها ضايعة (والأرض غير مبلطة) يعني مش واقفة على أرضية ثابتة حياتك مزعزعة (وإنت ماسكة الكرسي) يعني إنت بتحاولي تحافظي على مكانتك ومتمسكة بيها عشان ما تضيعش. (ذهبت للجهة الثانية) غيرتي إتجاهك خالص وبعدتي (كانت الكراسي مثبتة والأرض مبلطة) يعني لاقيتي كل إللي بتتمنيه كل حاجة ثابتة (روحتي تشتري عقد مصنوع من حبات) العقد واحد كل حبيتين واحد وواحدة بينهم زعل وغيظ( اللونين الأحمر والأبيض) و(الخاتمين) ربما رجلين أو ولدين .
(أعطتك قرط فضي) دا واحد عنده حاجة تميزه (لما رفعتيه لقيتيه شفرة حلاقة) يعني الواحد دا أصبح ست والواحدة شفرة الحلاقة تضييع أي واحد يقرب منك (ولما رفعتيه على أذنيك أصبح قطعة خبز ) لما حبيتي تسمعي عن الموضوع تحول الكلام على مادييات (قولتي لا أريد قرطين) يعني الراجلين مش عايزاهم بالسلامة (فقط أأخذ العقد) واحد (والخاتمين) ممكن عيلين أو راجلين تانيين شوفي إنت.
وجاء الرد : فعلا خالة كريمة كل حياتي وما بانيته وإتعذبت علي شانه راح
العمل تقريبا خسرته ومشاكل لا حصر لها في الحب لا إرتباط ولا أولاد وأنا مقررة أنسى كل شيء وأنطلق
وأفعال العقد أظن أنه الراجل إللي في حياتي
والست هيه أنا بيننا زعل من لا شيء كل الظروف تفرقنا رغم إن كل واحد بيسعى للتاني
وأظن الخاتمين ربما ولدين لأنه لا يوجد في حياتي رجل إلا واحد وربما يكون هاذان الولدان منه أن كتبنا لبعض أن شاء الله.
.................................................................................................................
السلام عليكم ورحمه الله وبركاته كيف حالك السيدة الفاضلة ممكن تفسريلي هذا الحلم إذا سمحتي وجزاك الله خيرا
الحلم : رأيت كأني عروسا دون أن أرى معازيم ولا أرتدي الفستان الأبيض رأيت إنه بعد إنتهاء العرس ذهبت للغرفة لزوجي الذي كان في الحلم مديري في العمل
أو يشبهه فكان معه رجل آخر أو ضيوف فأشار إلي بان لا أدخل فرجعت وتذكرت إني غير متزينة ولا ألبس جيدا فكانت إحدى النساء تمشط شعري وتمسك ببعضه وتشده للخلف بماسك ثم وضعت ايلاينر أسود فوق عيني ثم لبست فستانا بلونين الأبيض والأحمر يلمع ثم فتحت حقيبة كان فيها ملابس التي جلبها لي زوجي ولم تعجبني وأخرجت منها ملابس نوم وملابس داخلية السفلية والعلوية وكانت بالحرير وبالأحمر فقط.
ثم رأيت أني أمسك دفتر العائلي الأصليه بعائلتي والآخر الخاص بأختي التي تزوجت حديثا في الواقع ودفترين آخرين فقلت متى يكون لي دفتر عائلي شكرا السيدة الفاضلة.
التفسير : (كأنك عروس) فيه زعل بس وبعدين لما (إنتهى العرس ) خلاص إنتهى الزعل ( روحت لغرفة زوجك) بقى في كلام على إستقرار وأمن وزواج ( وإللي كان في الحلم مدير أو يشبهه) أمنية لك بتتمنيها من ناحية الزعل إللي فات على أن يتم الإرتباط (والواحد إللي معاه) هي المشكلة إللي مخوفاكي (والضيوف) إذا كانت رجالة تبقى مشاكل (فأشار إلي بعدم الدخول) يعني المشاكل هي إللي تمنع إتمام الإرتباط (ورجعتي) بعدتي ( إفتكرتي إنك مش واضعة زينة)
أنت كدا كويسة (ميش لابسة كويس) ما فيش واحد مزعلك (وواحدة تمشط شعرك ) الست هي حل ليك من ناحية واحد عامل مشاكل بينك وبين إللي عايزة ترتبطي بيه (تمسك الشعر وتشد للخلف) يعني تمسك البعض مش عامل مشكلة وتشد للخلف عاوز يبعد .
(لما حطبتي الأسود فوق عينك ) واحد ويكون سبب إنك تزعلي ( لبستي فستانين بلونين أحمر وأبيض) ده هو العريس في زعل وغيظ من ناحيته (ويلمع) عملك مشاكل (فتحت حقيبة ملابس) فيه نهاية مشاكل من ناحية كلام مزعلك جابهالك زوجك لو كنتي متزوجة (لم تعجبك) لا تعجبك
(طلعتي منها ملابس) يعني بعدتي الكلام ونهاية المشاكل عن الكلام لي عملك زعل من ناحية زواج ومن ناحية حب ملابس داخلية العلوية حب والسفلية زواج كانت حمرا فيه غيض وحرير يعني عاملالك متاعب.
( كنت مسكة دفتر عائلي الخاص بالعائلة ) إنت بتتمني عقد قرانك ويبقى إنت زي أختك يعني حتبقي زي أختك.
وجاء الرد : فعلا فيه شخص أحبه ويحبني لكن إجتمع أهل الأرض إن لا تسير أمورنا بخير ويسر فكل العوائق والمشاكل إجتمعت حتى تمنع إجتماعنا تحت سقف واحد وفيه مرات كثيرة أفكر في التخلي عنه وهو أيضا يئس ولكنه يرجع في كل مرة وأنا تعبت ويئست ومليت فلو كنت أعرف إنه يحدث لي هذا لهاجرت لأبعد منطقة حتى لا يحدث لي هذا فكل العلاقة غيظ وزعل كما قولتي
أنت فعلا رائعة وكأنك معي إدعيلي خالتي كريمة ربي يتمم هذا الإرتباط، تستاهلي جائزة نوبل للتفسير يا رب جائزة عالمية لك.
..............................................................................................................
الحلم : حلمت راكبه عربيه سوداء وعالية و خطيبي كان بيسوق وأنا قاعده جنبه و حاسة إني مش قادرة أأخذ راحتي معاه وعايزاه يوقف العربيه
فاتشعلقت في رقبته علشان يوقف وفعلا وقف بالعربية وخدني من أيدي ونزلنا منها ومشينا سوا
وكنت لابسه جيبه سوداء وكانت السوستة مفتوحه فقفلتها
وبعدين لقينا رجاله كانوا واقفين وفجأة ظهر واحد لابس لبس الشرطة
راح نحيتهم و خوفهم و مشيت أنا وخطيبي وهوه ماسك إيدي فشوفنا واحد واقف في أوضه
الواحد ده كان لابس زي جلابية و بصراحه مش متأكدة أن كان لابس زي الشيوخ ولا لأ
و لاقيتني بفكر و بقول لنفسي آيه
ولا يجر منكم شنآن قوم علي الا تعدلوا إعدلوا
التفسير : (العربيه السوداء ) قرار مهم والقرار مش بإيديك بإيد خطيبك و فيه خطوات إيجابية لو كانت العربيه ماشية
(حاسة إني مش عارفة أأخذ راحتى معاه وعيزاه يوقف) يعني مخنوقه من القرار ده لما لقيته في إيديه وبدأ يأخذ خطوات إيجابية (اتشعلقتي في رقبته علشان يقف) يعني قيدتي كبريائه وفعلا مبقاش فيه خطوات إيجابية في القرار ده
(نزلنا منها و مشينا سوا) يعني صرفتي نظر عن القرار ده انتى وهوه
(إنتي لبسه جيبه سوداء والسوسته كانت مفتوحه وإنتي قفلتيها )
الجيبه السوداء هوه و فيه كلام علي جواز لكن السوسته واحده وعملالك إزعاج وإنتي سكتيها
(الرجاله إللي شفتيها ) دي مشاكل حواليكي وواحد لابس لبس الشرطة نصره لك و بعد المشاكل عنك.
(مشيتي إنتي وخطيبك وشوفتوا واحد واقف في أوضه لابس جلابية ) يعني الأمن والأمان بتاعكوا فيه مشكلة من ناحيه واحده ولو كان لابس زي الشيوخ فهنا الكلام علي جواز
وإنتي متخوفه ترتبطي بيه وهوه معاه واحده تانيه ما يعدلش بينكم .
سؤال : هو ناوي يطلق الزوجة الأولى ؟
الجواب : لا لأن فيه أولاد
رد مني :خلاص هي الزوجة الأولى السوسته وعاملة إزعاج ولما قفلتيها سكتيها.
وجاء الرد : إيوه يا مدام كريمة فعلا فيه مشاكل بسبب زوجته الأولي لأن معاها أولاد وأنا بحاول أهدي الأمور و مش عوزاه يطلقها
...................................................................................................
السلام عليكم ورحمة الله وبركاته
بنت أخويا عروسة جديدة من حوالى شهر شوفت لها حلم
الحلم : شفت بنت أخويا وهيه فى البانيو عارية تماما والمياة شفافة وأنا شايفة كل جسمها بالمنطقة الحساسة وكانت تتألم
وواقف جنبها زوجها وماسك إيديها وبيحاول يخفف عنها الألم
التفسير : بنت أخوكى حل لكى من ناحية زوجك وهوه عاملك تعب نفسي أو جسمانى أو الإثنبين
والحل مش هتستفادى به علشان كانت عريانه
والمياة شفافة يعنى المتاعب دى تخص مادييات واضحلك كل حاجة عنها
وشايفة كل جسمها والمنطقة الحساسة الموضوع دة عامل متاعب فى العلاقة الزوجية أو الجنسية إللي بينك وبين زوجك وكانت بتتألم لا هيكون فى النهاية فيه حل للمشكلة
وواقف جنبها زوجها يعنى مشكلة لك وماسك إيدها من ناحية مادييات إضافية بتجيلك وبيحاول يخفف عنها الألم يعنى بيحاول يتفاهم معاكى علشان تهدى
وجاء الرد : كان بينى وبين زوجى زعل من حوالى سنة ومن وقتها الحمد لله مافيش زعل والحالة الماديية الحمد لله على كل حال
......................................................................................................
السلام عليكم ممكن تفسير حلمى مدام كريمة
الحلم : حلمت فى مكان معرفهوش وواحدة بتطلب منى أجلس مع مسنة فى المستشفي
قولت لها أخلص إللى ورايا وأروحلها لاقيت نفسى نظفت حمام بلدى بالطرقة وخليت الحمام زى الفل
وكان خارج منة ولدين كنت غسلة بنطلونهم وأخذوهم منى يلبسوهم عشان ماشيين وغسلت خشتين كانوا على الأرض إللى كنت بمسح بيهم غسلتهم جيت رجعت حتة على الأرض والتانية بفرشها إتقلبت ستارة
إستخسرت أحطها على الأرض وأنا غسلتها ومخلياها زى الفل أخذتها وحطتتها على السرير
وكان السرير علية مخدتين صغار والكبيرة مش موجودة الست ظهرت تانى تقولى تعالى إجلسي مع الست المسنة قولت لها أخلص وأجيلك وكنت برتب السرير بس مكنش علية المخدة الكبيرة
وصحيت على كدة أنا في كرب ويارب يكون فيه خير بالله عليكى تفسرهولى مدام كريمة
التفسير :( الوحدة إللى بتطلب منك تجلسي دى) حل لك ( مع مسنة في المستشفي) تجلسى مع واحدة يكون لك حل قولتليها أخلص من إللى ورايا ( يعنى الشغل إللى بتعملية) أخلصه وأروحلها( لا مش هتروحى ) لاقيت نفسي نظفت حمام بلدى بالطورقة ( الحمام تعب نفسي أو جسمانى لك ولما نظفتية مافيش تعب نفسي ولا جسمانى لك) الولدين دول مشكلتين إنتى أمنتى الجوازة من ناحيتهم ( أخذوهم منى يعنى لما البنطلونات إتخدت ( كدة مبقاش فيه كلام على الجواز) عشان ماشيين (هيبعدوا ) الخشتين كانوا على الأرض (يعنى وسيلتين بيسعدوكى إنك تظبطى كل حاجة) الخيشتين إللى غسلتيهم ورجعتى حتيتيها على الأرض والتانية إتقلبت ستارة ( يعنى إللى عملتية دة من ناحية التهدأة وشلتى الزعل ولما إتقلبت ستارة ( بقى فيه كلام على شغل لك) وإستخسرتى تحتيها على الأرض ( الوسيلة دى إستخدمتيها بعدتيها عشان تستفادي منها وغسلتها وخلتها زى الفل وأخذتها وحطتها على السرير ( يعنى الوسيلة دى هتساعدك على إتمام الإرتباط أو يبقى فيه كلام على جواز ) والسرير كان علية مخدتين صغيرين ( الجوازة بتاعتك دى فيها بنتين صغيرين والكبيرة مش موجودة الست يعنى فيه واحدة كبيرة كمان مش موجودة ) لا موجودة والست إللى بتظهرلك كل شوية ( حل لك من المتاعب إللى إنتى فيها
وجاء الرد : ولله كلامك صح أنا فى متاعب ربنا وحدة بس إلى يعلم بيها أشكرك على تفسيرك للحلم بالدقة دى
........................................................................................................
السلامم عليكم حضرتك
الحلم : شفت نفسي في سوريا وكأنوا عندهم قطار حديث لونوا أحمر وسريع جدا فبقول أنا خايفه أصعد القطار مش عارفه الناس مأمنه إزاي فواحد بيقولي إنه السوريين فرحانيين بالقطار علشان يقلل الزمن بينهم وبين شغلهم ودراستهم .
يعني آيه حضرتك؟

التفسير : القطار واحد صارم يقولك شمال شمال يمين يمين تمشي كده ماتفتحيش بوقكك تمشي كده تسمعي الكلام (وقطار حديث) يعني الواحد ده مودرن مش دقه قديمه (وأحمر وسريع) يعني غايظك والسرعه بتاعتوا يعني عاوز كل حاجه قوام قوام لما بتتكلمي معاه. (فبقول أنا مش عاوزه أصعد القطار) خايفه تصعدي القطار يعني خايفه تمشي على نهج هذا الرجل. (مش عارفه الناس مأمنه إزاي) يعني ممكن يحصلك متاعب. (فواحد بيقولي إن السوريين فرحانيين بالقطار.) الواحد ده هو المشكله إللي إنتي حتعمليلها الف حساب وتخافي منها لأن كل السوريين إللي تبعك حيبقوا زعلانيين لو إنتي قربتي من هذا الشخص. (علشان يقلل الزمن) يعني العيشه معاه تقصر العمر ولو حتدرسي أو تشتغلي ده مش حيساعدك على فكره.
سؤال : حضرتك أنا عراقيه مش سوريه
فيه معنى إني أشوف نفسي في سوريا وعمري مادخلتها.
الجواب : عايزه تسافري ؟ لو عايزه تسافري يبقى فيه كلام على إنه فيه واحد صارم هوه إللي حيسفرك.
وجاء الرد : فيه كلام فعلا على سفر أنا متردده بس فعلا فيه واحد في العيله شخصيتوا صارمه عاوزني أسافر معاه.
ميرسي لحضرتك
.....................................................................................................
الحلم : حلمت رايحه رحله للقاهره وهأخذ إبني معايا وفعلا أخذت فلوس وروحت استني الأتوبيس بتاع الرحله مع أصحابي ولاقيت معايا فلوس مش كفايه وأخذت إبني علي رجلي في الأتوبيس
ولما الأتوبيس لسه متحركش قلت أروح بسرعه أجيب فلوس بدور في الشنطه لاقيت فلوس جديده خمسات كتتتير تكفي وروحت لماما أكلت فطير ومخلل ورجعت تاني للأتوبيس
التفسير : الفلوس الورق فلس يعني محتاجه فلوس
وأكل الفطير يعني مشاكل مادييه
والمخلل فلوس متشاله المفروض تزيد
والرجوع للأتوبيس يعني خترجعي لحياتك الزوجيه وتشوفي حالك
وجاء الرد : إيوه حضرتك عندي مشكله مادييه واحد نصب علينا وأخذ فلوسنا وممعناش فلوس دلوقتي خالص
وفعلا تعبانه مادييا جدا بس برجع تاني أنتبه لحياتي وبيتي وأستعوض ربنا
متشكره جدا لحضرتك عمرك ما بعدتي عن الواقع خالص
.............................................................................................................
حلم ماما
الحلم : حلمت ماما وراها شباك كبير و قدامها شباك صغير وسمعت الزجاج إللي وراها إنكسر و التفتت وراها رأت الزجاج منكسر و قالت لي الزجاج إنكسر
قلت لها حتى الزجاج بتاع الشباك الصغير حينكسر.
التفسير : ( ماما حلمت وراها شباك كبير) الشباك الكبير ده إبنها (و قدامها شباك صغير) الشباك الصغير ده بنتها (سمعت الزجاج إللي وراها إتكسر) يعني إبنها يبقى عملها متاعب أو هوه يبقى عندو متاعب (و التفت وراها وجدت الزجاج منكسر و قالت لي الزجاج إنكسر) يعني حتعلموا إن أخوكي عنده متاعب و حتبلغك ( و قلت لها حتى الزجاج بتاع الشباك الصغير حينكسر) يعني حتى أنا إللي هيه بنتها حتبقى تعبانة زي ومتشغليش بالك إحنا الإثنين حنبقو تعبانين بقول لماما.
وجاء الرد : ده صحيح يا أستاذة تمام أخويا زعلان هوه و مراتو و لسه ماما بتخبرني ومراتو هي السبب في الزعل إللي مابينه و مابينا الله يهديها
.......................................................................................................
الحلم : حلمت إني في مكان وعايزة أوصل لبيت بس البيت علي رصيف وأنا علي رصيف تاني
وعايزة أعدي بس الطريق ده فيه رمل و طوب وحاجات البناء جيت أعدي لاقيت الجرار الكبير إللي بيشيل الرمل ده وخايفة أعدي منه
و الجرار ده مشي ولاقيت حصانين خوفت منهم
وعدوا وجيت بعد كل ده عديت ودخلت البيت لاقيت في البيت مدرس كان بيديني اسمه كذا وجارنا ده متوفي وأبويا الله يرحمهم متوفي كمان
و أنا لما شوفتهم دمعت وجارنا ده ضحك أول ما شافني وقعد يدعيلي
التفسير : البيت الأمان إلي بتتمنيه وإنتي بره الأمان ده والرمل زعل ومشاكل والطوب مشاكل مع الأخوات
الجرار راجل قوي بيشيل أي حاجة تيجي قدامه ولما لقاني خايفة مشي ومعمليش حاجة
والحصانين رجلين لهم مكانه عاليه هيساعدوكي في الوصول للبيت إللي هوه الأمان إللي بتمنيه
رؤية المستر وجارنا وبابا تجدد مشكلة مع الاصحاب والدموع فرج دعاء جارنا المتوفي حل للمشكلة دي
وجاء الرد : أنا فعلا بمر بمشكلة بس مش خناقة هوه أنا في كلية وجتلي حاجة غير إللي أنا عايزاها الموضوع مزعلني شوية وبحاول أحول لكلية تانية عشان أدخل حاجة أنا حباها وهيه دي المشكلة إللي فعلا بواجهها دلوقتي ومزعلاني
.........................................................................................................
الحلم : حلمت كنت في مكان غير المدرسه وكان عليا إمتحان ودخلت متأخره وأصحابي كانوا موجودين من قبلي وكانوا بيحلو الإمتحان سوا
وأنا إتوترت وجيت أحل نسيت الإجابات وكنت قاعده علي الأرض وهما قاعدين علي سلم فجأت واحد ست المفروض هتكون حماتي وأعطتني غش عشان انقله
فالمراقبه شافتها وضربتها بالقلم وكانت لابسه أسود وفضلت تعيط وجت المراقبه تأخذ مني الغش أنا خبيته وقولتلها ماعييش حاجه فنقلتني علي ديسك أقعد عليه وفضلت قاعده أفتكر في إللي ذاكرته واحل في الإمتحان وأنا كنت لابسه أسود وكان شكلي مبهدل جدا
التفسير : لما تبقي في مكان غير المدرسه يعني إنتي بعيده عن أصحابك إللي ممكن يؤذوكي وكان عليكي إمتحان وأخرتيه ده معناه إن عندك إكتئاب من ناحيه أحد عايزه تساعديه مادييا أو عينييا
وأصحابك دول ناس تانيه عملت المساعده إللي انتي عايزه تعمليها و إتوترتي لما عرفتي إنهم ساعدوه وكنتي قاعده علي الأرض يعني تعبانه وتعبك ده هينتهي علي ميعاد
وهما قاعدين علب السلم زي إللي رقصو علي السلم لا عارفين يكملوا ولا ينهو المساعده إللي قدموها وجاءت واحده ست دي حل ليكي والغش ده مساعده مادييه أو عينييه ولما ضربتها المراقبه بالقلم ده هيبين إللي هتعمليه وهيتميز عن باقي المساعدات وكانت لابسه أسود الشخص إلي عايزين تساعدوه ده كبير في السن أو له مكانه عاليه أو معه مادييات ولما عيطتي الحل هيكون بالخير لك
ولما المراقبه جت تأخذ منك الغش إنتي رفضتي يعني خبيتي المساعده إللي بتعمليها مش عايزه أحد يعرف ولما إنتقلتي علي الديسك المتاعب راحت والديسك ده واحد هيكون سبب في إنك تحققي إللي نفسك فيه
وشكلك المبهدل لا إنتي ميه ميه وشكلك لا مبهدل ولا حاجه
وجاء الرد : فعلا أنا عندي مشكله وبعدت عن أصحابي القدام وفيه أحد يهمني أمره عندك مشكله ومشكلته مزعلاني و بحاول أساعده من غير ماأحد يعرف حاجه بأنه يتجاوز المشكله دي ويارب تنتهي بالخير ذي ماحضرتك قولتي وهوه بيشتغل شغلانه كويسه فعلا
............................................................................................................
الحلم : حلمت رايحه مع صاحبتي نجيب طرح ودخلنا المحل وبعدين لاقيت واحده معرفهاش خوفتني طلعت أجري من المحل وجريت ورايا ولحقتني
و كتبت علي وشي حاجه بس مش فاكراها آيه
وضربتني بالقلم وصوابعها علمت علي وشي وعملت دمامل وقعدت أحكي لصاحبتي وأحكي للناس وأنا بعيط قووووي وبمسح الميك اب و تقريبا البنت دي بتتكلم عليا وحش مش فاكره بالظبط شوفتها وأنا بحكي لصاحبتي والناس وطلعت أجري وراها عايزة أضربها

التفسير : معاكي صاحبتك ورايحه محل طرح لك حل من ناحية كلام ع إرتباط
و لما لاقيتي واحده متعرفيهاش خوفتك يعني فيه حل خلاكي تبعدي عن الموضوع ده بتاع الإرتباط
ولما جريتي جريت وراكي يعني الحل ده ملازمك لكل مكان بتروحيه
ولحقتني يعني الحل ده ممكن تستفادي منه وكتبت علي وشك حاجه بس مش عارفه آيه وضربتك بالقلم
القلم ده واحد وهيبقي فيه إتفاق معه مش ضرب
صوابعها دي علمت علي وشك الصوابع دي أخواتك وعلموا علي وشك يعني بينبهوكي وعملت دمامل يعني عملت مشاكل تعباكي مع العريس ده
وبعدين قعدتي تحكي لصاحبتك وتحكي للناس وإنتي بتعيطي الموضوع ده الكل هيعرفه وعياطك فرج عليكي
وبمسح الميك آب يعني الزعل هتشيليه
البنت بتتكلم وحش عليكي يعني الكلام حلو هيتقال عليكي شوفتها وأنا بحكي لصاحبتي وطلعت أجري وراها عايزة أضربها
جريك وراها عايزة تستفادي من الحل ده مش عايزاه يبعد عنك

وجاء الرد : فعلا موضوع الإرتباط ده كان الأول بيخوفني جداا وحاليا فعلا إخواتي علموا عليا فيه حاجه أخويا الأصغر مني عايز يرتبط والموضوع ده مضايقني وبحاول علي قد ما أقدر مش أزعل وأحاول أمشي موضوعه وأنا بقيت بحاول ماأخفش من موضوع الإرتباط وإني أمشيه وربنا يعمل الخير و ربنا يباركلك
واحده صاحبة ماما حلمت
الحلم : إن زميل ماما المتوفي بيضحك ليا ولماما وأنا لابسة طرحتي وماما لابسة العباية السمرا
دا معناه آيه
التفسير : (زميل ماما المتوفي) مشكلة قديمة هتجدد (وبيضحك )هيحصل زعل دا كله لصاحبة الحلم وإنتي وماما حليين لها من ناحية إرتباط من واحد الواحد ده يا كبير في السن يا إما معه مادييات يا إما له مكانة عالية
وجاء الرد : هوه لو الموضوع علي إرتباط لسه محصلش حاجه بس صاحبة ماما خايفة إني أأخذ حاجه كويسة زي بنتها وبالذات المكانة العالية دي هو لسه بس هيه كل خوفها إني أرتبط بأحد مستواه عالي
ربنا يباركلك ويجازيكي كل الخير ويبشرك يارب بكل خير
.............................................................................................................
السلام عليكم
الحلم : حلمت بشتري عربية جديدة وحلوة جدا وأخذتها وبسعر أقل وبابا ساقها وماما وأختي كانوا معانا وأنا قولت إني هديها لبابا ويسيب بقي عربيته وماما قالتلي ماهو بابا دافع معظم ثمنها ( أنا متزوجه )
التفسير : العربية إللي إنتي إشتريتها دي قرار بتفكري فيه وجديدة يعني قرار جديد بالنسبة لك وحلوة يعني القرار ده مزعلك وأخذتيها بسعر أقل يعني مشكلة القرار ده مادييات وإن بابا ساقها يعني القرار في أيد بابا وهتأخذي خطوات إيجابية في القرار ده
وماما وأختك دول حلين ليكي ولما قولتي إنك هتديها لبابا يعني بابا هيضايق بسبب القرار ده والمادييات بتاعته ويسيب عربيته يعني ينسي القرار إللي هوه واخده ولما ماما قالت بابا دافع معظم ثمنها يعني القرار بتاعك ده بابا متحمل أكتر المادييات فيه
وجاء الرد : تمام أنا فعلا كنت عايزة أشتري عربية وبابا يبيع عربيته وأعطيله عربيتي وبفلوس عربيته يسد فلوس عليه
شكرا
.......................................................................................................
السلام عليكم ورحمة الله وبركاته
الحلم : حلمت فى التليفزيون مباراه كوره وطرفي هذه المباراه إثنين من لاعيبة نادى الزمالك بيوشوشو بعض إن هناك قلق فى البلد
التفسير : التليفزيون واحد بيبكيكى ويفرحك ومباراة كورة قدم كلام فى مادييات عايزه تحققيها إنتى وهوه
وإثنين من لاعيبه الزمالك واضح لك الطرفين إللى بينك وبينهم مادييات وكانوا بيوشوشو بعض يعنى الكلام على تحقيق المادييات هيكون فى السر بينك إنتى وهوه ممكن يكون التليفزيون إن فيه قلق فى البلد
ان لولا فيه ظروف هى المقصره على تحقيق المادييات بينك وبين الطرف الثاني والإثنين الاعيبه ممكن يكونوا المشكلتين إللى عندك وعاملين متاعب عشان متحققيش مادييات
وجاءالرد : فيه فى حياتى واحد فعلا بالمواصفات دى بس أنا عايزه فعلا أحقق مادييات بسى إللى بيسعدنى على كده والدتى مافيش حتى الآن حاجه فى السر ممكن يجد شئ والمشكلتين هما زوجات أخواتى شكرا لحضرتك بتعبك معى ربنا يجزيكى خير
.................................................................................................
السلام عليكم : من فضلك تفسريلى حلمى مدام كريمة
الحلم : حلمت بولدى المتوفى جالس على الأرض ومعه حلة كبيرة فيها بواقى سمنة بلدى وفيها 2 ثعبانين واحد رفيع جدا والثانى كبير وتخين وكان لونهم مايل للخضار
وولدى بيقولى أطلعى على الحلة عشان تعرفى وزنك وأنا خوفت أطلع الثعبان الكبير يلدعنى دخلت غرفة لاقيت أختى تجلس على الأرض وصحيت على كدة
التفسير : والدك (دة مشكلة وبتجدد) وجالس على الأرض (المشكلة تعباكى وتاعبة نفسيتك ) ومعاة حلة كبيرة فيها بواقى سمنة ( يعنى فيه مشاكل على مادييات مع واحدة ) فيها 2 ثعابين واحد رفيع والثانى كبير ( فيه شخصين مؤذين ) لونهم مايل للخضار ( يعنى بيبينه أنهم قصدهم خير) ولدى بيقولى أطلعى على الحلة عشان تعرفي وزنك ( يعنى لما تطلعى حتسيطرى على الشخصية دى عشان تعرفى قيمتك ) وإنتى خوفتى تطلعى أحسن الثعبان الكبير يلدغك ( يعنى الشخص المؤذى إللى جوة الحلة يؤذيكى
و خفتى( لا إنتى مش هتخافى) دخلت غرفة لاقيت أختى تجلس على الأرض( يعنى ليكى حل من ناحية أختك والحل دة تاعبك وهينتهى على ميعاد
وجاء الرد : فعلا الحلة دى زوجة أخى وفيه مشاكل على مادييات وال2 ثعبان دول أهل طليقى
وأنا فعلا كنت ضعيفة ولازم أعمل لنفسي شخصية
الحين يكلونى ربنا يفرج كربى وكربك يارب روحى ربنا يكرمك ويعطيكى الصحة والعافية ياست تتاقل بكنوز الدنيا يسعدك ربنا
....................................................................................................
مرحبا لو سمحتي
الحلم : شغت بالمنام عدي صدام حسين إبن الرئيس العراقي عامل حفله بالمدافن وقاعد على كرسي وحواليه ناس كتير تعزف وترقص وأنا وأهلي في مكان قريب عليهم كأننا في نفس المدافن جنبهم بس إحنا مش معاهم بالحفله وفيه صواريخ وضرب نار بيعدي فوقيهم بس هم مش متضررين منه ولا حتى معبرينوا
يعني آيه حضرتك لو سمحتي.
عدي صدام في الحقيقه ميت

التفسير : عدي أمني بتتمنيها تتحقق
والحفله هيه الزعل إللي يخص الجوازه( وقاعد على كرسي) يعني ليها مكانه بالنسبه ليكي الجوازه دي ( وحواليه ناس كتير تعزف وترقص ) دي المشاكل إللي حوالين الجوازه إنها تتم لكن الأمنيه مش حتحصل لأن عدي متوفي
والصواريخ إللي بتتضرب هيه الرجاله إللي إتكلموا وعملوا مشاكل والمشاكل دي ليها مده محدده وتنتهي.

وجاء الرد : فيه كلام على خطوبه وجواز. والجوازه دي فعلا مهمه عندي بس مشاكل كتير وناس تدخل نفسها في إللي ليه وإللي ملهوش وباين إنها كمان حتتتفركش .
شكرا لحضرتك
الحلم ‏: لو سمحتي تفسيريلي المنام ده
كأني أنا وأختي بنلف ورق عنب في البيت وفجأه دخل علينا البوليس بس لابسين بدل عادي مش بدل بوليس
وقبضوا على أختي وكانوا عايزين يغموا عينيها بقماشه سوداء
أنا عيطت وإترجيتهم يسيبوها علشان هيه ماعملتش حاجه فتركوها.
يعني ايه حضرتك ؟
التفسير : ورق العنب إللي بتلفيه إنتي وأختك دي مادييات عليها مشاكل (ولما دخلوا البوليس عليكوا لابسين بدل عاديه) يعني فيه مشاكل على المادييات ديه (ولما قبضوا على أختك) حتزعل من المشاكل دي فعلا (وكانوا عايزين يغموا عينيها بقماشه سوداء) يعني فيه كلام عامل زعل على حاجات مهمه مش عايزين ألختك تعرفها (ولما عيطتي) عياطك ده فرج ليكي (ولما إترجيتيهم يسبوها) حتتدخلي في الموضوع ده تشوفي آيه إللي ممكن يحصل وحتشوفي هما عايزين آيه وتعمليه (ولما تركوها فعلا) يعني خلاص حتنفذي طلباتهم والموضوع حينتهي.
وجاء الرد : حضرتك أنا مسافره بلد تانيه وبعيده عن أهلي وفعلا حصلتلهم مشاكل وماكانوش عايزيني أعرف علشان ماأقلقلش وأختي فعلا مضايقه من المشاكل دي خصوصا وإن أنا بعيده عنها وهيه لوحدها وأنا كمان عايزين يعملوا لي عمليه وكنت مش موافقه لكن دلوقتي خلاص مفيش مفر لازم أعملها .
ميرسي لحضرتك تعباكي معايا
..........................................................................................................
السلام عليكم من فضلك تفسريلى حلمى مدام كريمة

الحلم : حلمت بولدى المتوفى جالس على الأرض ومعه حلة كبيرة فيها بواقى سمنة بلدى
وفيها ثعبانين واحد رفيع جدا والثانى كبير وتخين وكان لونهم مايل للخضار
ووالدى بيقولى إطلعى على الحلة عشان تعرفى وزنك
وأنا خوفت أطلع الثعبان الكبير يلدعنى
دخلت غرفة لاقيت أختى تجلس على الأرض
وصحيت على كدة
التفسير : والدك (دة مشكلة وبتجدد) وجالس على الأرض (المشكلة تعباكى وتعبة نفسيتك ) ومعاة حلة كبيرة فيها بواقى سمنة ( يعنى فيه مشاكل على مادييات مع واحدة ) فيها 2 ثعبان واحد رفيع والثانى كبير ( فيه شخصين مؤذيين ) لونهم مايل للخضار ( يعنى بيبينو أن قصدهم خير) والدى بيقولى أطلعى على الحلة عشان تعرفي وزنك ( يعنى لما تطلعى حتسيطرى على الشخصية دى عشان تعرفى قيمتك ) وإنتى خوفتى تطلعى الثعبان الكبير يلدغك ( يعنى الشخص المؤذى إللى جوة الحلة يؤذيكى
خوفتى( لا إنتى مش هتخافى) دخلت غرفة لاقيت أختى تجلس على الأرض( يعنى لك حل من ناحية أختك والحل دة تاعبك وهينتهى على ميعاد
وجاء الرد : فعلا الحلة دى زوجة أخى وفيه مشاكل على مادييات والثعابين دول أهل طليقى وأنا فعلا كنت ضعيفة ولازم عمل لنفسي شخصية الحين يكلمونى ربنا يفرج كربى وكربك يارب روحى ربنا يكرمك ويعطيكى الصحة والعافية ياست تتاقلي بكنوز الدنيا يسعدك ربنا
..........................................................................................................
السلام عليكم ورحمة الله وبركاتة شكرا يا أستاذه كريمه على إهتمامك وردك عليا
الحلم : مراة أخويا حلمت فى بيت أهلها داخل الحمام فشافت حشره كانت مفكراها نحله بسى لاقيتها دبور جابت كيسه ومسكتوا بيها وكانت عايزه تموتوا بس صحيت قبل ماتموته
التفسير : مراة أخوكى فى بيت أهلها فى الحمام يعنى هىه تعبانه يا جسمانى يا نفسى يا الإثنين وحشره فكراها نحله النحله دى واحده زنانه ولاقيتها دبور واحد زنان
وجابت كيسه ومسكته عن طريق واحد
وكانت عايزه تموته بس صحيت قبل ماتموته يعنى كانت عايزاه يخلصها منه بس محصلش
وجاء الرد : هيه بتقول حاليا لم يحدث شئ ممكن بعد كده شكرا لحضرتك
........................................................................................................
دكتوره كريمه لو سمحتي أنا متجوزه ومخلفه
الحلم : حلمت هتجوز وماما طبخت أكل كتتير وعايزه تظبطني فقالتلي أنا رايحه أشتريلك حاجات ولاقيتها جايبه كريم لفرد الشعر وإزاله الشعر لأني هتجوز
وفجأه لاقيت جوزي أو بابا مش فاكره مين فيهم كان مطلوب يمضي علي شيكات كضمانات للجواز وبابا كان بيستشير صديق له بس إنتهي الحلم أنا أصلا متجوزه
التفسير : فيه مشكله مادييه( وماما بتشتري حاجات) معناه إنها هتساعدك في حل المشكله( وإشترت كريم لفرد الشعر) يعني حتحل المشكله( وإزاله الشعر )يعني حتحسن من مكانتك بسبب المشكله( وبابا وجوزي مش فاكره أي منهم كان هيمضي علي شيكات )يعني فعلا فيه مشكله مادييه( وبابا بيستشير صديق) يعني هيكتم علي الموضوع ومش هيعرف أحد
وجاء الرد : فعلا كان فيه مشكله وخناقه كبيره بيني وبين جوزي وفعلا ماما إللي ساعدتني وحلتلي أزمتي دي
وفعلا بابا عرف وكتم علي الموضوع وكل كلام حضرتك سليم ربنا يباركلك يارب
...........................................................................................................
السلام عليكم ورحمة الله وبركاته كيف حالك يا أستاذه كريمه
فيه بنت كنا جيران زمان بس مكنشى فيه أي كلام بيننا
الحلم : حلمت إنها جيبالي صينيه مدوره عليها كعك على شكل دوائر وبتقول ماما باعته ليكى ده
(وأمها فى الحقيقه متوفيه ) وقلت لها هيه لسه فكرانى وقولتلها سلميلى عليها قالت الله يسلمك ومشيت
التفسير :( البنت دى) حل ليكى من ناحيه واحده بتلف وتدور وعامله مشاكل على مادييات ولما( قالتلك ماما بعتالك ده وماما متوفيه) يعنى فيه مشكله قديمه هتتجدد من ناحيه المادييات إللى مع الواحده دى
( وقولتى هيه لسه فكرانى ) زى ما بتقوليلها هوه إنتى بتستعبطى (ولما قولتلها سلميلى عليها )هيحصل زعل( ولما قالتلك الله يسلمك) هترد عليكى بزعل
وجاء الرد : ماشاء الله عليكى يادكتوره كريمه كل إللي حضرتك قولتيه حصل فعلا بعدها حصل زعل بينى وبين مراة أخويا وأنا سبحان الله قولتيلها إنتى بتلفى وتدورى وهيه زعلت من كلمتى دى بارك الله فيكى
.....................................................................................................
الحلم : جوزى ودانا عقيقة مولود أنا وأولادى بس مش فاكرة المولود بنت ولا ولد
ولما روحنا عرفنا إنها مراته إللي ولدت وكان فيه كلام كتير وناس كتير
ولما روحنا البيت أنا إللي طلبت الطلاق حتي بناتي قالوا مش عايزينه وطلقني أنا

التفسير :( العقيقة) .. مشاكل مادية تخصك وتخص بناتك
(المولود مش فاكرة بنت أو ولد) ... يعني مش عارفة آيه المشكلة فيه حل ولا حيحصل زعل
(عرفنا إنها مراته) ... لو متجوز يبقا المشكلة هيه مراته ولو مش متجوز يبقي فيه حل لك
(كلام كتير وناس كتير) ... يعني فيه مشاكل وليها حلول
(الطلاق) .... نهاية المشكلة
(مش عايزينه) ... لا هما عايزينه ومتسمكين بيه
وجاء الرد : فعلا فيه مشاكل ماديية مع زوجى ومش عارفة حتتحل إزاى
... الحلم : حلمت ماشيه مع صاحبتي و فيه واحده عندها شرابات سألناها عن السعر لقيناه قليل
فأخذت منها شربات كتير لونها أسود وبيج وشفافه
وصاحبتي زي بصيت في إيدي لاقيت سلسله لونها أصفر بس مش ذهب فقولت لصاحبتي السلسله دي عجباني هروح أحاسب عليها بعد مانأخذ الشرابات
التفسير : (الشربات) بيكون كلام علي إرتباط( سعرها قليل) يعني ممكن الجوازه مفيهاش مشاكل (أخذتي الشرابات) يعني إنتي مستعده للجواز (لونها أسود) يعني الشخص ده كبير في السن أو له مكانه عاليه أو معه مادييات
( بيج )يعني فيه 80% زعل وخلاف (وشفافه) يعني كل حاجه مكشوفه عنه ليكي
(والسلسله ) دي واحده (لونها أصفر) يعني مسببه لك غيظ ومقيده كبريائك (ومش دهب) يعني مش تعباكي نفسيا ولا جسمانيا (ولا مش عجباكي )إنتي هتبقي عايزه تبعديها بعد الجواز
وجاء الرد : كان في إرتباط قبل كدا بس محصلش نصيب وإفترقنا وكان بسبب واحده زي ماحضرتك قولتي.
................................................................................................
الحلم : حلمت سمعت صوت حاجة ورايا و لما اليتفت لاقيت واحدة ست و حاملة في إيديها النجفة سقطت من السقف وتكسرت
قولت للست دي النجفة هيه إللي عملت الصوت ده.
التفسير : (صوت حاجة ورايا) ده أحد سند لك و أي حاجة صادرة منه (و الصوت ) ده ازعاج جاي من
أحد سند لك ( لما اليتفت ورايا لاقيت واحدة ست شايله في إيديها النجفة) دي واحدة عملا لك مشكلة و
إنت النجفة (سقطت من السقف) بعدتك عن أحد حماية لك (وإتكسرت ) يعني عملت لك مشاكل و متاعب جسمانية كمان (قلت للست دي النجفة هيه إللي عملت الصوت ده) يعني بتقولي لنفسك هيه عاملة إزعاج وبرضو مش حتبطل.
وجاء الرد : مرات أخويا بعدت عننا أخويا و مبيتكلمش معانا ومنها لله ربنا يهديها و فعلا أنا مرضت و ماما كمان.
.............................................................................................................
مساء الخير عليكي يا أستاذة كريمه
من فضلك لو سمحتي فسري لي الحلم ده مع العلم إني انسه
الحلم : رأيت إني أجلس بجوار الشيخ الشعراوي رحمه الله علي دكه وكانت الدنيا نهار
وقلت له " إدعيلي يا شيخ " فقال لي تعالي نصلي معا " " وأنا أدعيلك" وذكر إسم من أسماء المجاهدين في الإسلام مش فاكراه .
ولكي جزيل الشكر يا أستاذة
التفسير : (الشيخ الشعرواي قاعدة جنبه ) إنتي بتتمني عقد قران لكن للأسف هوه متوفي فالموضوع صعب ( قاعدة علي دكة ) إللي تاعبك واحده ست (الدنيا نهار ) إنتي مش مكتئبه (بتقولي له إدعيلي ياشيخ ) يعني عايزه الموضوع ده يتم ولما قال لك ( تعالي نصلي معا وذكر إسم أحد المجاهدين وأنا أدعيلك ) يعني واحد كويس لكن هل صليتي؟ لوصليتي إنتي وهوه هتتأمني ولو مصلتيش يعني لسه مش دلوقتي إن يبقي فيه عقد قران
وجاء الرد : كلامك صحيح يا دكتورة أنا لم أصلي مع الشيخ في الحلم وحتي الأن لم يتم عقد قران
أصبتي يا دكتورة شكراا ليكي .
...........................................................................................................
السلام عليكم ورحمة الله وبركاته
الحلم : حلمت ماشية فى شارع شبه ظلام وكان في طينة وبحاول أمشي فى حتت مافيهاش طينة
بس إتكعبلت وقعت فى حفرة كلها طينة وكنت حزينة جدا
لما قمت من الحفرة لاقيت الميه صافية خالص وشوفت إنى لابسة جزمة بيضاء ومشيت ومافيش طينة على هدومى ولا على الجزمة
وقمت من النوم
ياريت تقوليلى دة تفسيره آيه أشكرك جدا وأسفة لتعبك
التفسير : ماشية فى شارع ضلمة إنتي مكتئبه
والطينة هىه المشاكل إللى فى طريقك
بتحاولى تمشى فى حتة مافيهاش طينة يعنى بتحاولى تظبطى أمورك وبتشوفى عايزة تعملى آيه
إتكعلتى ووقعتى فى حفرة فيه مغرز أو مقلب حيتعمل لك كلها طينة يعنى كلها مشاكل مادييه
وكنتى حزينة جدا لا إنت مش حزينة ولا حاجة كويس إنك حزينة الحمد لله
لما قمتى من الحفرة لاقيتى المياة صافية يعنى المشاكل خلاص إتظبطط المادييه
وشوفتى إنك لابسة جزمة بيضاء الجزمة البيضاء واحد مزعلك
وماشيتى ومافيش طينة خلاص مبقاش فيه مشاكل تخص جوزك أو تخصك علي مادييات
بس الجزمة دى واحد وهدومك واحد تانى أو إنتهي الزعل إللي بينكم
وجاء الرد : تمام حبيبتى
الحمد لله كان فى مشاكل زمان من حوالى سنة كدة مع زوجى بس الحمد لله إتحلت كلها بفضل الله
لكن مافيش حد تانى أو راجل تانى
.................................................................................................
السلامه عليكم

الحلم : حلمت فاتحه باب الشقه والبوابه بتمسح السلم والميه نازله مفضضه وفيه جاره واقفه بضهرها بتديني كيس نايلون فيه كالون
وبتقولي فاطمه بتقولك غيرى الكالون فردت الجاره إللي بالشقه جنبي قالتلي أنا غيرت القلب بس
مع العلم جارتي دى جوزها متوفي وأنا في خلاف مع زوجى
التفسير: (باب الشقه مفتوح ) شخص معموله إزعاج (والسلم بيتمسح )يعني المشاكل إللي إنتي فيها حتتحل وتروح ( الميه المفضضه ) دى ماديات ورايحه هدر
( كيس نايلون وفيه كالون)
الكالون واحد ومكشفلك كل حاجه عنه ومعاه واحده
( غيرى الكالون) جارتك دى حل ليكي يعني إبعدى الواحده دى عنه
( ردت جارتى وقالت أنا غيرت القلب بس) دى حل تاني ليكي يعنى الحب إللي من ناحيه الواحده دى إنتهي
جاء الرد : كلام حضرتك كله صح دى زوجته الأولى وبتحاول ترجعه
جزاكي الله كل خير
.......................................................................................................
السلام عليكم
الحلم : شوفت روحت أجيب عيش بالبطاقه بتاعة العيش مشتغلتش. والموظف قالي روحي غيريها من مكتب البطايق عشان مخدوشه عشان تشتغل وخرجها من الماكينه وأعطهالي
معناه ايه؟
التفسير : البطاقه واحده وفيه مادييات خاصه بمعيشتك ومصروفك بتأخذيها عن طريقها(مشتغلتش) يعني مافيش فلوس هتأخذيها (الموظف قالك روحي غيريها من مكتب البطايق) يعني روحي الأساس الموجود فيه الست دي أو شغلها أو شوفي مكانها فين عشان تنهي علاقتك بيها عشان تأخدي المصاريف الخاصه بيكي بعيد عنها (البطاقه مخدوشه) يعني الست دي بقي عندها مشكله وممكن الست دي تكون إنتي نفسك.
وجاء الرد : ايوه كده فهمت ما شاء الله
أنا فيه ميراث بينا وبين زوجة أبي وهيه بتماطلني وفيه ناس ماسكين التقسيم بس أنا ماليش كلام معاهم وبفكر أروح أخلص مني ليهم عشان هيه عايزه تخصم من الورث الخاص بيا وماعييش فلوس وهيه إللي ماسكه كل حاجه عايزه تقسم على مزاجها مش حسب الشرع
جزاكي الله خير
ماشاءالله 💚 🌹
...........................................................................................................
السلام عليكم مدام كريمه كيف حالك،،
الحلم : أختي حلمت بأن عمها والد زوجها متزوج زوجه خالهم والكل منصدم وبيسألو زوجه خالهم عن زوجها تجاوب بأنها خلاص تركته،،
التفسير : فيه مشكله بين أختك
وجاء الرد : بالفعل أختي عندها مشكله مع زوجها في الوقت هذا بارك الله في علمك مدام كريمه
...................................................................................................
السلام عليكم ورحمة الله وبركاته
الحلم : لي سؤال من فضلك لو شخص قال لوحدة في المنام يا مدام
و هي في الحقيقة آنسة
ما معناه
التفسير : الواحد ده لو بتعرفيه و عايز يجوزك يبقي فيه كلام على الزواج
و لو متعرفيهوش يبقي مشكلة على إنك هتفضلي آنسه ومفيش زواج
و جاء الرد : أعرفه و يا رب يبقي فيه زواج و ربنا يسعدك
.........................................................................................................
الحلم : حلمت كنت جالسةأنا و مرات أخويا في عربية واقفة هيه في مكان السائق و أنا جنبها هيه فاتحة الباب إللي جنبها و هيه لابسة شبشب خروج جلد أسود بكعب عالي و شراب أسود و جيبة سوداء و لابسة قميص أبيض و لمه شعرها ومش بنتكلم أنا و هيه
التفسير : ( جالسة إنتي و مرات أخوكي في عربية واقفة هيه في مكان السائق) العربية إللي ركبتيها إنتي و مرات أخوكي قرار بتفكري فيه بس القرار في إيدها هيه علشان قاعدة مكان السواق (إنتي جنبها) هيه المتحكمه في القرار (هيه فاتحة الباب إللي جنبها) يعني فيه واحد في القرار ده معمول له إزعاج (و هيه لابسة شبشب خروج جلد أسود بكعب عالي) من ناحية مشوار انت القرار ده اللي بتفكري فيه يخص واحد من دمك و لحمك و جلدك (أسود) ياكبير في السن يا معاه مادييات ياله مكانة عاليه و الكعب العالي المشوار ده مهم (والشراب الأسود) إرتباط من ناحية واحد يا كبير في السن يامعه مادييات ياله مكانة عاليه (و الجيبة السوداء) الجواز من ناحيتة فيه إعزاز (و القميص الأبيض) الحب من ناحيتة مزعلك (ولمة شعرها و مش بنتكلم إنا و هيه) يعني الواحد ده إللي إنتي بتفكري فيه عاملك متاعب و مافيش بينكم كلام.
وجاء الرد : زعلانين أنا وماما مع أخويا بسبب مراته و هوه كمان زعلان مننا و فيه واحد بحبه مزعلني و مش بنتكلم مع بعض مش عارفة ليه مافيش خصام بنا بس هو إتغيرمني.
........................................................................................................
السلام عليكم أستاذه كريمه
الحلم : حلمت كنت في الشارع وفيه أستاذ كبير بالسن أسمه عبدالمنعم مشي معايا وبيدلني على الطريق
وشفت أستاذ تاني من بعيد وكنت أشاور له أعمله باي باي كمان وقبلت يدي وشاورتله من بعيد قوي آيه معناه ده🤔
التفسير : (الأستاذ الكبير إلي ماشيه معاه عبدالمنعم ده) مشكله وملزماكي( بيدلك على الطريق) يعني إنت
عايزه تشوفي توصلي لآيه لكن إلي حصل إن (إنت شفتي أستاذ تاني)
يعني فيه مشكله تانيه شايفاها من بعيد و المشكله بعيده عنك
( وبتشاوري )يعني حتفارقيها مش حتقرب منك زي عبد المنعم ده كمان (قبلت يدي وشاورتلو )يعني فراق كده للمشكله دي حتفارقيها لو الأستاذ ده إنتي بتتعاملي معاه ممكن يبعد مش حتشوفيه تاني .
وجاء الرد : فعلا فيهأاستاذ كويس إنتقل مكان تاني وزعلت عليه
.........................................................................................................
الحلم : حلمت إنى فى مكان معرفهوش وفي إيدى عنقود عنب أبيض ولاقيت واحد أمامى بسأله عن قضية الخلع قالى ترفعيها وتأخذى الخلع بعد 6 شهور
وأخذ منى عنقود عنب من العنقود الكبير وإختفى العنب من إيدى
ودخلت غرفة لاقيت فيها أنترية جالسه علية أمى ومرات أخوية وأخويا وطفل رضيع بيعيط بصوت عالى
لبست شبشب رجالى ودخلت جلست على كرسى الأنترية معاهم
أمى وأخوية وواحدة جالسين على كنبة الأنترية
والكنبة التانية مرات أخويا جالسه عليها وكانت حزينة
قالت هوه الطفل دة بيعيط لية الست قالت أصلو إتعود على أخوكى ولما أخدناه منة عيط
الست أعطتنى قطعة بانية فراخ وأعطت أمى وقالت للست أمى وأخويا مشوارهم بعيد وأنا مشوارى قريب عنهم
وصحيت على كدة
التفسير : عنقود العنب الأبيض إللي في إيدك( واحد بيخليكى تزعلى وتعيطى علي مادييات إيضافيه بتجيلك ) والواحد إللى أمامك دة إللى بتسألية عن قضية الخلع ( دة مشكلة وعاوزة تأخذى معلومات عنها ) وأخذ منى عنقود عنب من العنقود الكبير( يعنى بعد عنك جزء زعل من الواحد المهم إللى مخليكى تعيطى ومزعلك) وإختفى العنب من إيدى ( يعنى خلاص مبقتيش تزعلى ولا تعيطى علي المادييات الإيضافيه إللي بتجيلك ) دخلتى غرفة انترية جالس فيها ماما ومرات أخوكى ( يعنى فيه قعدة هتكون لكى فيها حليين من ناحية مامتك ومرات أخوكى ) وأخوكى وطفل رضيع بيبكي (أخوكي و الطفل الرضيع ( مشكلتين وفيه من ناحيتها خير عشان بيعيط ) لبستى شبشب رجالى ( يعنى فيه مشوار لازم هتروحية) ودخلتى جلستى على كرسي الأنترية معاهم (يعنى المشوار دة هتروحى وتجلسى معاهم وهتشوفى هيقولو آية) ماما وأخوكى وواحدة ( دول ال 3 تاعبينك بسبب واحدة الكنبه) والكنبة التانية مرات أخوكى جالسه عليها وكانت حزينة ( يعنى لكي حل بالخير من ناحية واحدة ) قولتي هوه الطفل دة بيعيط لية ( يعنى هتستغربى من المشكلة البسيطة إللى إنتى فيها يبقى فى خير من ناحيتها ) الست قالت إن الطفل إتعود على أخوكى ( يعنى الكلام مرجعة عند أخوكى وهوه إللى عامل المشكلة ) ولما أخذناه منة عيط (يعنى لما بعدنا المشكلة عن أخوكى المشكلة بان لها حل ) الست دى (حل ليكى ) ولما أعطيتك بانية ( يعنى فيه مادييات حرقة دمك بعد الشر من واحدة والواحدة دى بينك وبينها مشاكل ) وأعطت ماما ( برضة ماما مخنوقة منها ) وقولت للست أمى وأخوية مشورهم بعيد وأنا مشوارى قريب عنهم (إنتى بتستبعدى ماما وأخوكى في الموضوع للقعدة إللى هتكون والكلام )
وجاء الرد : كلووووووو صح الوحدة دى مرات أخويا فعلا حرقة دمى ودم أمى على مادييات ربنا يهديها وعنقود العنب واحد بيبكينى أكثر من الزعل هوه أخويا ربنا يفك كربة يارب وفعلا عندنا مشكلة كبيررره قوووووى ويارب يبشرك زى مابشرتينى ويفك كرب أخويا ونخلص من زن مراتة
وفعلا أنا عندى مشوار مهم هروحة يارب يكون فيه حلول زى مبشرتينى ربنا يرفع عنك أى كرب ويطمن قلبك يارب
...........................................................................................................
الحلم : حلمت بنتي الصغيره عندها عشر سنين كان أخوها بيهزر معاها وبيزغزغها وبتضحك جامد جدا جدا لدرجهإ انها غابت عن الوعي خالص وجسمها إتخشب ومش بتنطق ولقيت خربوش علي رقابتها كده وبقوله عملت فيها آيه وقلت إسم أخويا أنا وهوه ماكنش موجود أصلا وهما كانو قاعدين علي الأرض وبيهزروا
التفسير : إبنك مشكله و بنتك الحل
و الهزار هيبقا فيه حل و مشكلة
هتزعلك من ناحية كبريائك
و الزعل هيكون من ناحية أخوكي لأنك ذكرتي أسمه
و جاء الرد : فعلا أنا أخويا متغير معايا الفترة دي أوي
.....................................................................................................
الحلم : حلمت بطليقي لابس قميص ابيض وبنطلون اسود وجاكتة سودا وتخين اوي وشعر راسو ناعم وخفيف جدا وفيه شوية صلع وعامل التسريحة قدام ووشو ابيض واتخن من الحقيقة ...بعدها لقيت نفسي عاملة بوست عالفيس بقول بعد الشر عنك يا خالتي نوارة ... (نوارة دي تبقي امو وانا كنت بقولها عمتي نوارة مش خالتي)
التفسير : (القميص الأبيض) يعني العاطفة والحب بينكم فيها زعل و (البنطلون الأسود) إنتي بتتمني منه الجواز فيه خير و(الجاكت الأسود )يا واحدة تانية يا إما وظيفة بالنسبالك ..(وشايفاه تخين أوي ورأسه ناعمه )هوه مش تخين ولا حاجة وشعر رأسه إنتي وفيه زعل بينكم (وخفيف) فيه مشاكل وفيه شوية زعل مش بتتكلموا بعض( عامل التسريحة قدام) يعني مبين إنو بيعتز بيكي لكن الحقيقة لا (وشوه أبيض وتخين)والبوست عالفيس ده علي امه يعني ممكن تكوني بتشتميها ..
وجاء الرد : فعلا فيه زعل جامد مابينا وأنا كنت بتمني أرجعله وهوه متجوز حاليا ومخلف وهوه مش تخين صح وسمعت إن أمه وقعت وإتكسرت نزلت بوست بحسب ربي وإزاي ربي بيجيب حق الواحد لعنده
..........................................................................................................
الحلم : حلمت أخواتى بيتخانقوا وبيحاولوا يخنقوا بعض وأنا كنت بحجز ما بينهم وأشيلهم عن بعض .
التفسير : (أخواتك دول) هيتفاهموا (وبيحاولوا يخنقوا بعض) يعنى كل واحد كبريائه نائح عليه (وإنت بتحجزى) يعنى بتحاولى تظبطى ما بينهم .
وجاء الرد : أيوة هما في الحقيقة كان بينهم مشاكل أو بمعنى أصح حاليا مش قريبين من بعض لكن بيحبوا بعض وزى ما حضرتك قولتى أكيد كبريائهم إللي مانعهم يرجعوا زى الأول .
...........................................................................................................
أنا مطلقه وعايشه في بيت بابا وماما متوفيه الله يرحمها
الحلم : أختي حلمت إنها عند الباب في البيت وكانت عايزه تأكل وفتحت البوتاجاز لقيت رنجا معفنه وأكل كتير معفن
التفسير : التفسير لأختك مش ليكي والبوتاجاز هيه عايزه مادييات من شخص ممكن يكون جوزها أو أحد تاني هيه عرفاه ولما لقيت رنجا دي فلوس متشاله المفروض تكون زادت وعليها مشاكل
وجاء الرد : فعلا تفسير الحلم حقيقه هيه عايزه فلوس من جوزها والفلوس دي عليها مشاكل كتير بين أختي وجوزها
.........................................................................................................
الحلم : حلمت كنت في البيت بجمع الماء في البالوعة جنب الصالون و دخلت عليا جارتنا علشان تخطبني لأخوها في إيديها بيتزا عليها جمبري وضعتها على السفرة مدورة
و رحنا أنا و هيه جلسنا على كنبة جنب شباك بيطل لبرة وشفت أخوها من الشباك جاي على بيتنا و دافع عربية تسوق مش عارفة فيها آيه و دخل العمارة ووصل لعتبة بيتنا
و شفت باب الشقة كان مفتوح.
التفسير : البلاعة ) دي واحدة بتبلع أي مادييات بتروح لها مادييات عليها مشاكل أو معليهاش مشاكل و لما تروح لها بتطويها وتقول مأخذتش و لا شفت و إنتي بتجمع الماية عندها يعني بتحوشي فلوسك عندها حتضربهم و مش حتقلك خادت حاجة (دخلت علي جارتنا خديجة علشان تخطبني لاخوها) فيه حل لك بس الحل حيعملك مشكلة (في ايديها بيتزا عليها جمبري) الحل ده من ناحية ماديات و الماديات دي إضافية بتجيلك و الجمبري اللي عليها ده الفلوس دي مبتجيش الا في مواعيد مش على طول ( وضعتها على السفرة مدورة) يعني فيه لف و دوران حق عليك على الفلوس دي ( و رحنا انا و هي و جلسنا على كنبة جنب شباك) الكنبة دي وحدة تعباكي و الحل كمان تعبك من ناحيتها جنب الشباك يعني على واحد يا اخوكي يا اختك (بيطل لبرة و شفت اخوها من الشباك) اخوها ده مشكلة (دخل العمارة ووصل لعتبة بيتنا) المشكلة اهي جات لك للبيت (و شفت باب شقة كان مفتوح) إزعاج معمول لواحد.
وجاء الرد : البالوعة دي خالتي أعطتها فلوس علشان الحمل ومصاريف الولادة مردتش حاجة
و فيه مشكلة مع مرات أخويا على فلوس بيبعتها أخويا كل شهر لماما و هيه منعته و ده مسبب إزعاج لي و لماما.
........................................................................................................
الحلم : حلمت كنت في البيت بجمع الماء في البالوعة جنب الصالون و دخلت عليا جارتنا خديجة علشان تخطبني لأخوها وكان في إيديها بيتزا عليها جمبري وضعتها على السفرة مدورة و رحنا أنا و هيه جلسنا على كنبة جنب شباك بيطل لبرة و شفت أخوها من الشباك جاي على بيتنا و دافع عربية تسوق مش عارفة فيها آيه و دخل العمارة ووصل لعتبة بيتنا و شفت باب الشقة كان مفتوح.
التفسير : ( البلاعة ) واحدة وكل المادييات إللي بتروح لها عليها مشاكل و معليهاش مشاكل بتطويها وتقول ما أخذتش حاجه ولا شفت( و إنتي بتجمعي الماية عندها) يعني بتحوشي فلوسك عندها حتضربهم و مش حتقولك أخذت حاجة (دخلت علي جارتنا خديجة علشان تخطبني لأخوها) فيه حل لك بس الحل حيعملك مشكلة (في إيديها بيتزا عليها جمبري) الحل ده من ناحية مادييات و المادييات دي إضافية بتجيلك و الجمبري إللي عليها الفلوس دي مبتجيش إلا في مواعيد مش على طول ( وضعتها على السفرة مدورة) يعني فيه لف و دوران على الفلوس دي ( و روحنا أنا و هيه و جلسنا على كنبة جنب الشباك) الكنبة دي واحدة تعباكي و الحل كمان تاعبك من ناحيتها
جنب الشباك يعني على واحد يا أخوكي يا أختك (بيطل لبرة وشفت أخوها من الشباك) أخوها ده مشكلة (دخل العمارة ووصل لعتبة بيتنا) المشكلة جاءت لك للبيت (و شفت باب الشقة كان مفتوح) إزعاج معمول لواحد.
وجاء الرد : البالوعة دي خالتي أعطتها فلوس علشان الحمل ومصاريف الولادة مردتش حاجة و فيه مشكلة مع مرات أخويا على فلوس بيبعتها أخويا كل شهر لماما و هيه منعته و ده مسبب إزعاج لي و لماما.
......................................................................................................
ده حلم لماما :
الحلم : حلمت ماما كنت حأكل قطعة زجاج لونها أخضر بس منعتني و كان بجانبي ولد صغير بيأكل قطع زجاج أخضر و أخذ قطعة زي إللي كانت في إيدي و قالها أأكل دي قالت له لا ومنعته كمان و شافت الفم بتاعه مملوء و أخذت تنزع الزجاج وقالت له هيه بتألمك قالها آه بتألمني.
التفسير : (حلمت ماما كنت حأكل قطعة زجاج لونها أخضر) إنتي حل لماما من ناحية مشاكل هيه متكشف لها كل حاجة عنها و الحاجة دي خير هيه بتتمناه (بس منعتني) لا مش قادرة ماما تستفاد من الحل ده (و كان بجانبي ولد صغير بيأكل قطع زجاج أخضر) الولد بالنسبة لماما و بيأكل قطع زجاج أخضر مشكلة و متكشف كل حاجة عنها لماما من ناحيتها خير (وأخذت قطعة زي إللي كانت في إيدي و قالها أأكل دي قالت له لا) هيه مش حتقولوا لا حتسيبه يأكلها لأنه هوه مشكلة أساسا و هيه مش حتقدر تعمل حاجة (شافت الفم بتاعه مملوء) يعني الكلام بتاع المشكلة بقا كثير (و أخذت تنزع الزجاج) يعني الحاجات إللي متكشف لها مل حاجه عنها بتبعدها عايزة تعرف حاجات ثانية آيه هيه إللي عاملة المشكلة (و قالت له هيه بتألمك قالها آه بتؤلمني.) يعني هيه مش بتألم و لا حاجة بس هيه عاملة قلق لماما.
وجاء الرد : ماما عندها مشكلة مع مرات أخويا و هيه مسببة لها قلق و بتقول كلام وحش عنها منها لله.
...................................................................................................................
السلام عليكم يا دكتوره ...لو سمحتي أرجو التفسير
الحلم : رأيت وكأني أركب طائرة كبيرة والطياره تحلق في السماء و كنت أجلس على كرسي فيها و معي ركاب كثيرين أجانب شكلهم شويه صيني أو ياباني زي دول شرق آسيا ونظرت لواحد منهم لاقيته محمود ياسين وكان يجلس على كرسي في الطائرة وينظر ليا أوي ...وزي ما يكون فيه باب مفتوح في الطائرة لأني شايفه نور الشمس داخله جوه الطائرة
متزوجه ولدي طفله
التفسير : (الطياره.)... واحده عندها صعود وبتحلق في السما .... وواخده خطوات إيجابيه فعلا في الصعود وإنتي جالسه على كرسي فيها يعني هيكون لك مكانه ...ممكن تكون الطياره دي رمز ليكي إنتي وإنتي إللي عندك صعود أو فيه واحده عندها صعود الواحده دي هتكون سبب في صعود ليكي وهيكون ليكي مكانه لأنكي جالسه علي الكرسي ...معاكي ركاب زي ما سالتك قولتيلي رجاله على ستات...... يعني المشوار ده فيه مشاكل بس ليها حلول وهما أجانب يعني المشاكل دي مش عارفه تتعاملي معها إزاي و ......شكلهم شويه زي صيني أو ياباني زي شرق آسيا ....يعني الشخصيات دي عمرك ما إتعاملتي معاها يعني المشاكل مش عارفه تتصرفي إزاي معاها أو هتتفاهمي إزاي في المشاكل دي.... لما بصيتي لواحد لقتيه محمود ياسين يعني إنتي فيه أمنيه بتتمنيها بعد زعل تحصلك بس محمود ياسين مش بيمثل دلوقتي ..يبقى الأمنيه دي بقت صعبه و كان بيجلس علي كرسي في الطياره ....يعني الأمنيه إللي بتتمنيها دي من ناحية إنه يبقالك مكانه وأهميه .....لما محمود باسين بينظرلك أوي ....يعني الأمنيه صعبة التحقيق والمشكلة مركزه عليكي أوي....و زي ما يكون فيه باب مفتوح في الطياره يعني فيه واحد معموله إزعاج في المشوار ده وإنتي شايفه نور شمس في الطياره يعني إنتي شايفه الأشعه مش الشمس نفسها..... فإذن الشمس واحد مصدر دفء وحنان لك والأشعه مراته هيا إللي داخله جوه الطياره ...أو واحده تبعه وأصله لك وانتي متونسه بيها...شوفي موضوع السفر آيه أو الأمنيه آيه
وجاء الرد : بالنسبه ليا أنا لسه والله مافيش حاجه ..بس يا رب يكون فيه ....بالنسبه للأمنيه هما بصراحه كذا أمنيه بس يمكن إللي بتلح عليا دلوقتي إن جوزي يرجع يستقر معانا لأنه علي طول مسافر وسايبنا وحاولت أتكلم معاه كذا مره بس مبوصلش لحاجه و يارب يحصل حاجه في الموضوع ده ... والواحد مصدر دفء وحنان ممكن يكون أخويا بس مراته عامله إزعاج ليا مش بتونس بيها ..... شكرا لحضرتك تعبينك معانا ربنا يجازيكي خير
..............................................................................................
الحلم : حلمت بواحده أعرفها في الأصل منقبه بس شفتها في الحلم بدون نقاب وطلبت مني أن أعملها خدمه وقالتلي وصلي الحاجات دي المخزن معايا
ورحت معاها ونزلنا بدروم تحت وحطينا الحاجه وأعطتني ثلاث خواتم ذهب وشكلهم حلو وفرحت بيهم
وقالتلي أحسن من الفلوس وأخذتهم ومشيت
أخذت أمي وروحنا مطعم كان فوق في الدور الأخير وشايفين مصر كلها من فوق بس كنا خايفين وفي نفس الوقت مبسوطين خايفين عشان عالي جدا وشكرا لحضرتك
التفسير : ( الواحده إللي من غير نقاب) فيه حل ليكي إنك تبقى مع زوجك مافيش زعل بينك وبينه (طلبت منك تعملي ليها خدمه وتوصلي معاها الحاجه )يعني الحل ده مطلوب منك أشياء تعمليها وبعدين لما (نزلتي البدروم أعطتك ثلاث خواتم ذهب )يعني ثلاث رجاله تاعبينك وتاعبين نفسيتك
(وشكلهم حلو) ولا شكلهم حلو ولا حاجه( وإنتي فرحتي) لا هتزعلي
( وقالت لك أحسن من الفلوس )مش أحسن من الفلوس ولا حاجه دول تاعبينك بس ما باليد حيله مجبره
( أخذتي ماما وروحتي المطعم فوق في الدور الأخير) المطعم خاص بالمادييات أو شغلك أو مصروفك
في الدور الأخير فيه علو شأن لك لكن في نفس الوقت أمنك وأمانك تاعبك مش مستقره
( شايفين مصر كلها )آه شايفها بس مش حاسه بحاجه
وبعدين (كنتو خايفين وفي نفس الوقت مبسوطين) إنتو مش خايفين بس زعلانين خايفين عشان عالي وعلو الشأن عاملك متاعب وإنتي مش عايزه كده
وجاء الرد : فعلا يا مدام كريمه في ثلاث رجاله تاعبني وفعلا علو الشأن عاملي متاعب كتيرة في العيله
ربنا يخليكي يا مدام كريمه
......................................................................................................
الحلم : حلمت لابسه جاكيت أبيض وأمي ماشيه معايا لابسه أبيض وقدامي خطيبي الأول لابس أبيض كل ما أبطء يبطء عشان أحصله تسلم عليه ومشي.
التفسير : الجاكيت الأبيض زوجك ومزعلك ومامتك حل لك من ناحيتها لكن لبسها الأبيض خلاف بينها وبين باباكي وخطيبك الأول زعل معاكي واقفلك بالخطوة وزعل علي مادييات إضافيه كانت بتجيلك (السلام اللي بالأيدي ).
وجاء الرد : فعلا فيه زعل مع زوجي وأمي بتحاول تصلح لكن هيه زعلانه علشاني.
...............................................................................................................
الحلم : ماما شافت إن جدي المتوفي كان قاعد في بيته وبيأكل عيش ناشف عمال يقرقش فيه
ومرات جدي جابت عيش شالته عندنا في البيت عيش ناشف وطري
وبعدين جت أخذت تلات رغفان من العيش إللي شايلاه وبعدين ماما أخذت حته من العيش الناشف وأكلتها وبعدين راحت بيت أخوها وإبن أخوها ده متقدملي وكانت لابسه عبايه سمرا مفتوحه وتحتها عبايه بيضاء والعبيتين ملهومش كم ومشت كدا من غير كم ودراعها باين وكانت ماشيه بشعرها من غير طرحه وبعدين جت تقول سلام عليكو صوتها ماطلعش فشاورت لهم إن زورها تاعبها وكان في حفره قدامها كانت هتقع فيها بس ربنا ستر وموقعتش في الحفره
التفسير : (الجزء الأول لما جدك أكل عيش) دا وحش (أما مرات جدك جابت لكم عيش) دي مادييات( الناشف) عليه زعل (والطري) مش عليها زعل
( أخذت تلاته منهم) يعني أخذت تلات دفعات أو رجاله فيه مادييات خاصه بيهم هيا هتبعدهم عنكم
( وماما لما أخذت حته من العيش الناشف إللي عليها زعل) ماما هتأخذها وتستفاد بيها
(العبايه السمراء) دي بابا (ومفتوحه) يعني عاملها مشاكل و(فيه عبايه تحتها )يعني بابا إتغير بعد ماكان فيه مشاكل بقي كويس أو فيه أحد تاني غيره (والعبايتين مالهومش كم) يعني فيه إتنين ستات تبعه مزعلين ماما يعني عاملين لها مشاكل( ومن غير طرحه )يعني باباكي مش معاها ومافيش ستر( وجت تقول سلام عليكم )يعني حبت تعمل صلح مقدرتش
( وقالت ذورها تاعبها يعني حاطه همها في قلبها وساكته (والحفره )دي مغرز أو مقلب( بس ماوقعتش فيه )يعني مش هتتأثر بالمقلب
وجاء الرد : مافيش فلوس مرات جدي هتأخذها ولا ليها حاجه عندنا بس ماما فعلا كان فيه مشاكل مع بابا بس دلوقتي كويسين مع بعض
والستات كان فيه فعلا ستات تعبينها من أهله وماشيه وفيه مشاكل كتماها فعلا وتعبانه منها ومش بتتكلم عليها فعلا زي ماحضرتك قولتي
..................................................................................................
الحلم : حلمت كنت قاعده بتجمع كبير فيه ستات ورجاله وكانت تنورتي كل شويه تنزل وأرجع أرفعها وفيه واحده كلمتني قالت فيه واحد عايز يأخذ الخاتم والشرايط بتاعتك
وأنا فعلا كنت البس خاتم وقولتيلها إزي يتجرأ يتكلم كده ..
وآي يعني لما أشوف عروسه تعمل ماكياج ؟
التفسير : (التنوره بتاعتك كل شويه تنزل )يعني كل شويه يبقى فيه كلام إن مافيش جواز وإنت بكلامك تخلي يبقى في كلام على جواز (وفيه واحدة كلميتني قالت فيه واحد عايز يأخذ الخاتم والشرايط بتاعتك ) يعني ليكي حل من ناحية واحدة عايزة تبعد الواحد إلي ممكن تكوني مش عايزاه والشرايط إلي هي كل سيرة وحاجه خاصه بيكي والخاتم إللي لبساه يعني كان في واحد معاكي (وقلتيلها إزي يتجرا يتكلم كده)يعني إنت إلي بكيفك تبعدي الشخص ده أو ترجعيه مش أي أحد والناس إللي قاعده معاهم ستات ورجالا يعني إنتي حوليكي مشاكل بس لها حلول
(والعروسه إللي عامله مكياج )يعني كلام على جواز وعرس حيبقى فيه زعل بالنسبه لك
وجاء الرد : صحيح أستاذه كريمه أصحابي ديما يقولولي متي تتجوزي وحتكبري وإنتي لسه مش متجوزه وأنا مبحبش أحد يتكلم معايا في الموضوع ده لأنه خاص بالنسبالي.
..........................................................................................................
إزيك أستاذة كريمه لو سمحتي
الحلم : حلمت قريبي قاعد يبكي علشان عايز يتجوزني وأنا مش موافقه و كنت قاعده جمب أخويا وأختي كانت ماسكه تليفون ومتضايقه وتقول إرتحتي جوزي عايز يجوزك لواحد وأنا قلتلها إللي يتكلم عليه وحش أدوس عليه
وخرجت بره وقلت لأختي هاتي موبايلي الكبير والشريحه بتاعتي بالموبايل الصغير ومتورهوش لأحد خوفت يشوفو إسم إللي أنا بحبه بقائمة الأسماء. مع إني مبتكلمش مع أحد ومعنديش أحد بحبه
التفسير : (قريبك إللي بيعيط) ده مشكله وفيها فرج وعايز يتجوزك الجواز مشكله مش جواز
ولو كان فيه كلام على جواز إنت حتوافقي (وكنت قاعده جمب أخويا) ممكن يكون أخوكي حل لك بس تاعبك (أختك كانت بتمسك تليفون وتقول إرتاحتي..) يعني أختك حل لك وإنتي مستنيه خبر من واحد ومش حتبقي متضايقه وجوزها عاملك مشكله مع أحد (وأنا قلتلها إللي يتكلم عليه وحش أدوس عليه) يعني بيتكلم كويس مش وحش وتعتزي بيه( وخرجتي بره) بعدتي عن كل الكلام أختك حل ليكي (وعايزه الموبايل الكبير ده )واحد وإنتي مستنيه منه خبر( والشريحه ) ممكن تكون إنتي( والموبايل الصغير) واحد يكون أقل أهميه وإنت مستنيه منه خبر ومش عايزه أحد يعرف (والشريحه) يعني إنتي بتتمني من الواحد الصغير ده يجيلك رد منه عشان كده إنتي طلبتي الشريحه (وإنتي مش عايزه أحد يعرف) إنت بتحبي واحد صغير غير ده
وجاء الرد : أستاذه كريمه أنا من زمان كنت بحب واحد ومحصلش نصيب وفيه واحد من قرايبنا أهلي موافقين عليه وأنا مش عايزاه عشان أنا لسه بحب الشخص ده ومحدش يعرف أنا مش بوافق علشان كده
................................................................................................................
السلام عليكم ورحمة الله وبركاتة لو تكرمتى ياأستاذه كريمه تفسرى حلم لأختى
الحلم : أختى حلمت إنها بتعمل لحماتها المتوفيه أكل عباره عن مخلل مكون من فلفل وليمون بس الفلفل كان ظاهر أكتر وفى مكان غير بيتها وإنتهى الحلم دون أن تقدم لها شئ
التفسير : لو حماتك أكلت كان حيكون فيه خاله وفاه لكن حماتها هنا مشكله قديمه وهتجدد على مادييات متشاله ودلوقتى زادت والليمون الكلام إللى بتسمعيه عن الموضوع ده دلوقتى بيقعدوا يقولوا ياحول الله ويصعبوا على الموضوع إللى أختك بتتكلم عليه بس الفلفل كان ظاهر أكتر فى مكان غير بيتها آه الكلام كان على المادييات أكتر من الكلام إللى فيه تصعيب
وجاء الرد : ماشاءالله عليكى يا أستاذه كريمه كل إللى قولتيه فعلا حصل وبيحصل جوز أختى دخل مشروع وخسر فيه وبنصعب كلنا على الموضوع ده ودلوقتى عايز يأخد الفلوس المتبقيه ويبنى بيها محلات فى أرض تبعه له عند بيتهم
شكرا لحضرتك وعلى وقتك إللى بتديه لينا
.............................................................................................................
الحلم : حلمت كنت أنا و ماما في الصالون و قالت لي حنغير غطاء كنبة الصالون كان لونها أحمر في أسود ووافقت على اللون الموف أو الأزرق .
التفسير : (حنغير غطاء كنبة الصالون بعدما كان أحمر في أسود) يعني بعد ما كان الكلام إللي من ناحيتة واحدة غايظكو و الكلام ده كان المفروض فيه إعزاز (وافقت على اللون الموف أو الأزرق ) يعني إتغير الوضع من ناحية الواحدة حيبقى فيه صفاء في الكلام إللي عامل الزعل و لو كان اللون أزرق حيبقى فيه متاعب و غيظ برضو.
وجاء الرد : الكلام إللي مسبب الغيظ بنسمع من مرات أخويا وهو بيحاول يمنع ده و مش عارفين حتتغير و لا لأ.
................................................................................................................
الحلم : حلمت دخلت غرفة نوم أنا و ماما و راجل معرفهوش ولقيت المرتبة لونها نبيتي موقفها على الحائط فتح سوستها ومد إيدو للداخل و حمل كيس به نقود معدن و أعطاها لي مسكتها و طلب مني أحضر العشاء و خرج هوه و سابني أنا وماما بنحط السرير رأسه للحائط و روحت جبت جردل و منظف و مسحت البلاط و بقول بعدين احضر العشاء.
التفسير : (دخلت غرفة نوم أنا و ماما و راجل معرفهوش) الراجل ده فيه مشكلة من ناحية جوازك منه و ماما حل لك (لقيت المرتبة لونها نبيتي موقفها على الحائط) الجوازة دي غيظ على إكتئاب موقفها على الحيطة معتمدة على أحد سند لك و (فتح سوستها) السوستة بتاعتها هوه معاه واحدة عاملة إزعاج لك (و مد إيدو للداخل و حمل كيس به نقود معدن) الكيس ده واحد فيه نقود معدن يعني فيه مادييات (و أعطاها لي مسكتها) يعني حيديلك فلوس (طلب مني أحضر العشاء و خرج هوه ) الفلوس دي حتبقى مصروف لك إللي أعطاها لك (سابني أنا و ماما بنحط السرير رأسه للحائط) الجوازة والكلام عليها حتبقى مصدرها عند أخوكي ( روحت جبت جردل و منظف) الجردل ده واحد و كل الوسائل إللي من ناحيته حتظبطي بها الأمور (مسحت البلاط) حتشيلي الزعل (و بقول بعدين أحضر العشاء) الباقي إللي معايا أخليه لمصروفي مش حصرف كل الفلوس إللي أخذتها منه.وجاء الرد : فيه راجل طلبني للزواج و إحنا بنتكلم و بنتفاهم لسه متقدمش للبيت و حكالي على طليقته و سبب طلاقه و ده فعلا خوفني آخذ قرار بس لازم التشاور مع أخويا إللي هوه سندي
... سلام عليكم لوسمحت تفسريلي حلمي
الحلم : أنا حلمت إني في مكان ذي المدينه الجامعيه وبلم حاجتي في شنط وأكياس سوداء علشان أروح البيت ولميت حوالي أربع شنط ومنهم شنطه فيها زجاجات خضراء من بتاعه الحاجه السقعه بس فاضيه مفيهاش حاجه ساقعه
وروحت مع صحباتي وركبنا الميكروباص وأنا كنت زعلانه وقولت حاجي بكره أأخذ باقي الشنط بس شنطي كانت أتقل من شنط صحباتي
وروحت البيت لاقيت فيه عريس جاي لأختي في عربيه بيضاء ونزل قفصين برتقال قدام باب البيت
وكان في العربيه شوال غله وركب العربيه ومشي مدخلش البيت
وأختي كانت واقفه قدام المرايا بتلف طرحه بيج ولابسه جيبه سوداء وبلوزه بيج منقطه في بني
وأنا قدام المرايا التانيه بلبس بندانه ولاقيت شعري شكله وحش جبت المشط وسرحته ولميته ببندانه سوداء
التفسير : بتلمى حاجتك يعني في نهايه مشاكل والأكياس السوداء رجاله كبيره في السن أو لها مكانه أو معها مادييات علشان تروحي البيت يعني ترجعي لأمنك وأمانك
ولميتي 4 شنط يعني نهايه 4 مشاكل من ناحيه كلام عامل لك زعل
وزجاجات الحاجه السقعه ستات مافيش كلام يقولوه يضايقك صاحباتك دول حلول ليكي
والميكروباص ده مشوار إرتباط وشنطك أتقل من شنط صاحباتك يعني عندك متاعب أكتر من صاحباتك
والعريس ده جاي في عربيه بيضاء يعني واحد واخد قرار يزعل
وقفصين البرتقال يعني راجلين حيكونوا سبب إنك تزعلي وتعيطي والعياط أكتر
شوال الغله ده واحد معه مادييات وخدها ومشي من بره بره مدخلش البيت يعني تراجع في القرار اللي كان متخذ فيه خطوات إيحابيه
أختك إللي واقفه حل ليكي من ناحيه الإرتباط وفيه زعل والجيبه السوداء فيه إعزاز من ناحية جوازة
والبلوزه البيج الحب من ناحيته زعل 80 في الميه وإكتئاب متفرق وقدام المرايا عايزه تعرفي إللي جواكي من ناحية الشخص ده
شعرك وحش العريس كويس
والمشط واحد عامل زعل بينكم ولمتيه ببندانه يعني واحده كبيره في السن أو لها مكانه حتحجمه لما تلاقيه فرد نفسه عليكي
وجاء الرد : أنا فعلا عندي مشاكل وكانت خلاص حتتحل بس ظهر لينا مشكله مش عارفين نحلها
والعريس ده عريس أختي والإرتباط خايفين منه وزعلنا رغم إنه شخص كويس
وأنا فعلا عيطت إنهارده بسبب راجلين في إيدهم يحلو المشكله ومش راضيين
........................................................................................................
الحلم : حلمت إنئ وجدت فى الثلاجه 4 أكياس لبن حليب و 4 أكياس مخروطه بس مش عارفه مين إللي جابهم إبنى ولا زوجى
التفسير : هيبقى فيه نكد على مادييات عندك والثلاجه واحدة ممكن تكون إنتي وال4 أكياس 4 أشخاص سبب النكد المادي لك اللبن والمخروطه ومش عارفه مين سبب النكد زوجك ولا إبنك علي المادييات
وجاء الرد : أنا وأولادى التلاته وسبب النكد زوجى
....................................................................................................
السلام عليكم : من فضلك تفسريلى. حلمى
الحلم : أنا شفت طليقى واقف في صالة فيها أنترية ومحدش جالس علية
كان موجود هوه وأمى وواحدة وواحد لابس جلابية بيضاء طالع أبوة بس مش شكلة وطليقى كان صابغ شعرة وشنبة أسود وهوه في الحقيقة شعرة أبيض قولت هوه صابغ شعرة أسود لية وفين الأبيض وكان لابس تيشيرت أحمر وبنطلون أسود
لاقيتة باس أبوة وباس أمى وكان في قلم أسود أخذتة من علي الأرض وأعطيتة لست عشان كان معاها ورقة عاوزة تكتب حاجة وصحيت على كدة

التفسير : طليقي( مشكلة ) واقف في صالة فيها أنترية ( الأنترية دة قعدة رجالة إللى ممكن تكون هتحصل) ومافيش أحد ( يعنى مافيش قعدة رجالة هتكون ) كان موجود هوه وأمى وواحدة وواحد( يعنى هوه مشكلة و ماما حل لك والوحدة حل تانى والواحد دة (مشكلة تانية)
واحد لابس جلابية بيضاء ( مشكلة من ناحية واحد مزعلك) طلع أبوة بس مش شكلة ( يبقي أبوة مزعلك ) وطليقي كان صابغ شعرة وشنبة أسود ( يعنى شعرة وشنبة الأسود إنتى وبيتكلم عنك بإعزاز) وهوه في الحقيقة شعرة أبيض ( لا شعرة أسود بعد مكان بيتكلم عنك بوقار بطل ) قولتي هوه صابع شعرة أسود لية ( يعنى لية بطل يتكلم علية بوقار ) فين شعرة الأبيض(فين الوقار بتاع زمان إللى كان بيتكلمة علية ويقول أنا وانا) كان لابس يتشيرت أحمر( يعنى الحب بينكم بقى فيه غيظ ) وبنطلون أسود يعنى( الجواز فيه إعزاز)
لاقيتة باس أبوة وباس أمى( يعنى هوه مفارق باباه ومزعلو ومزعل مامتك) فيه قلم أسود أخذته من على الأرض( القلم الأسود ده واحد ياكبير في السن أو لية مكانة عالية أو معه مادييات ) وديتة لست عشان كان معاها ورقة عاوزة تكتب حاجة( الست دى حل ليكى من ناحية ورقة رسمية ممكن تكون العودة بتاعتكم لبعض إنتى وهوه )
وجاء الرد : هوه فعلا طليقى مزعل أبوة وأمى فيه بينهم زعل. وأنا باردوا زعلانه من أبوة
وطليقي فعلا كان دايمن بيتكلم عنى كتير بس بطل وفعلا فيه غيظ وحرقة دم منة
وباقى الحلم منتظرة تفسيرة بس مشاء الله عليكى ربنا يزيدك علم
.......................................................................................................
السلام عليكم ست كريمه..
الحلم : حلمت واحده ست سألتني أي سورة قرآنيه بتحبي ..حتى نعملك جزء خاص فيكي..حكيتلها سورة الواقعه وسورة الرحمن..وعازه أحكيها سورة الكهف ماطلعت معي .طلعت معي سورة يوسف .
التفسير : (الآيات القرآنيه) آمان وإطمئنان للشخص في الحلم (وعاوزة تحكي سورة الكهف ما طلعت معكي) فيه أمان ثاني مش قادره تحققيه .
وجاء الرد : فعلا ست كريمه أنا مبسوطه مع أهلي .ومرتاحه بس فيه موضوع .ما إنقسلمي .والحمدالله على كل حال.
............................................................................................................
الحلم : حلمت إني في محل ملابس وعماله أختار لبس عاجبني قوي منهم تونيك عباره عن خرز كله طويل لونه جميل. أنا متزوجه

التفسير : (اللبس إللي عاجبك) كلام مزعلك من ناحية جوزك و(عاجبك )لا مش عاجبك (والخرز) مشاكل من ناحيته.
وجاء الرد : فعلا فيه مشكله كبيره معه وسمعت كلام مزعلني
................................................................................................
أنا كنت عامله إستخاره لشخص
الحلم : حلمت أنا وهوه كنا في مكان وتايهين وفيه زحمه كتير مكان زي خان الخليلي كدا
وبعدين هوه سابني عند واحده ست معرفهاش عشان تروحني البيت وروحتني البيت ولاقيته باعتلي فيديو علي التليفون متصور له وهوه في مكان عامل زي أرض الجولف كده وحواليه شجر وخضره كتير ولابس قميص بينك وتيشرت أبيض تحته ومش فاكره البنطلون
وكان التيشرت واسع عليه حسيته مش مظبوط وكان زعلان ومصور نفسه وهوه كان عمال يجري ويتنطط ويلعب رياضه
التفسير : (إنتو تايهين) يعني عايزين يكون فيه أمن وأمان لكم ومش عارفين تعملوا ده (والزحمه رجاله علي ستات) دي مشاكل وليها حلول
( وأما سابك) ده حل عشان يوصلك للأمن والأمان إلي إنتو عايزينه
وبعدين (بعتلك فديو )يعني هيبلغك برساله إن الموضوع منتهي وهيبقي ذكري بالنسبه لك (والأرض والخضره) دي مادييات (والشجر )دي ستات ومعاها مادييات
( والقميص البينك) ده حبك له عاميلك غيظ (والتيشرت الأبيض) واحده قبلك كان يعرفها (والتيشرت واسع) يعني مستواه أعلي منك (والبنطلون مش فاكراه) يعني مفيش إرتباط
وهوه مش زعلان ولا حاجه( وبيلعب وبيطنط) هيبقي ذكري لأنه هيبقي عنده متاعب
وجاء الرد : آه فعلا عايزين يبقي فيه أمان وفيه مشاكل وإتحلت بس إحنا لحد دلوقتي مع بعض وكان فيه واحده فعلا إتقدملها ومحصلش نصيب
..........................................................................................................
مدامً كريمة إزي حضرتك عندي حلم لو ممكن تفسرهولي الحلم : حلمت إمبارح كأني رايحة المول ولابسة جاكت أسود بكم ..بس واسع عليه قوي ،، وطويل شوية ،،كأنه جاكت بيحمي من المطر ،،وأنا في المول ببص علي رجلي لاقيتني لابسة في رجلي جزمة سوداء وفي التانية جزمة بيضاء فإستغربت وقولت أكيد أنا كنت مستعجلة مأخذتش بالي بس كنت مكسوفة قوي خايفة أي حد يشوف الشوز ودخلت المول وكان زحمة وفيه ناس كتير.. رجالة وستات بس الستات أكتر
الحالة الإجتماعية منفصلة وعندي بنتين. والف شكر
التفسير: رايحة المول بتفكري في المادييات الخاصة بمصروفك أوً بمعيشتك
والجاكت الأسود يا إما عريس يا إما وظيفة وفي الحالتين فيه إعزاز من ناحيتهم
وواسع عليكي شوية معناه لو كان عريس فحيبقي مستواه أعلي منك وطويل شوية وماديياته قوية ..والجاكت بيحميكي من المطر يعني أي مادييات بتروح هدر هوه بيبقي محافظلك عليها
(الجزمة السوداء والجزمة البيضاء) الجزمة السودة واحد أما كبير في السن أو عنده مادييات أوً له مكانة عالية وده نصه معاكي ونصه في حتة تانية أكيد متجوز
والفردة التانية بيضة الواحد ده مزعلك وبرضه نصه معاكي ونصه في حته تانيه أكيد متجوز
مكسوفة أحد يشوف الشوز معناه إنك مكسوفة إن أحد يعرف إنه متجوز ودخولك المول وزحمة وفيهً رجالة وستات معناه مشاكل وحلول تخص المادييات
وجاء الرد : الف شكر مدام كريمة أنا حاليا مش مرتبطة بأي أحد يمكن في المستقبل أحد يتقدم. ممكن الجزمة البيضاء طليقي لأنه عاملي إكتئاب وكمان عايزني أرجعله بس هوه مش متجوز بس يمكن يكون يعرف واحدة. ويمكن الجاكت يكون الشغل بتاعي الأمور الحمد لله أحسن من الأول. وأنا فعلا بفكر في المصروف والمادييات وقلقانة علي طول ربنا كريم
...........................................................................................................
سلام عليكم أستاذه كريمه
الحلم : حلمت بالبس حذاء بكعب عالي وكنت تعبانه فيه وقريبتي أعطتني جوارب كانت على السلم
وأنا أخذتها بس هيه مازعلت كانت راضيه تعطيني🙄
تفسير الحلم : الحذاء إلي إنتي لبساه واحد له مكانه عاليه وكنتي تعبانه فيه مش حتبقي تعبانه ولا حاجه (قريبك تعطيكي جوارب ) يعني جوازات تانيه بتكلمك عليها ( كانت على السلم) يعني فيه صعود ليكي من ناحيتها وإنت أخذتيها يعني حتفكري في الموضوع ده (بس هيه مازعلت كانت راضيه تعطيكي)يعني فريبتك حتكون زعلانه ومش موافقه انك تتزوجي الجوازات الحلوة دي
وجاء الرد: شكرا جدا صحيح أنا بدرس في الجامعه ويتقدمولي منها شخصيات مهمه كتير
.............................................................................................................
السلام عليكم مدام كريمه، ،،
الحلم : حلمت بأمعاء الخروف وأخذتها أريد حشوها
تفجأت إنها لازالت متسخه أخذتها لتنظيفها جاءت أختي عطلتني وطلبت مني شغل ثاني تركتها وقولت سأرجع لتنظيفها
التفسير : الخروف واحد شخصيته ضعيغه والأمعاء هيه الناس إللي معه أخواته أمه وكبدته واحده بيحبها
وكنتي عايزه تحشيها يعني فيه مشكله فلوس معهم وتفأجات إن لازالت وسخه يعني في مادييات عامله مشاكل معهم وإنتي عايزه تنهي الموضوع هذا
وأختك عطلتك يعني فيه حل يخليك تسكتي شويا
وطلبت منك شغل ثاني يعني في حاجه حتلهيكي عن الموضوع ده
وتركتيها وقولتي لما نرجع أنظفها يعني سبتي الموضوع إلي أن تشوفيله حل وتبعدي منه المشاكل
وجاء الرد : بارك الله فيك وبالضبط فيه موضوع مشكله وأنا تركته إلي أن أجد الحل مع نفس الشخص حقيقه إن شخصيته ضعيفه ومايعرف يحزم الأمور ضروري من مشاوره إلي أهله وحدثت مشكله وأنا نويت أحلها وأختي وقفتني وقالتلي خليها مع الوقت
...............................................................................................
مدام كريمه كيف حالك ان شاءالله بخير
الحلم : حلمت شاب دخل بيتنا ومعه علب حليب وكوسا وبذنجان محفورات وجاهزه للحشو وأنا معجبه بالأشياء التي دخل بها ولكني قولت لأخواتي إن هذه الأشياء يريدها لأخي وليست لبيتنا
التفسبر : (الشاب ده دخل بيتنا) مشكله (ومعه علب حليب ) ستات ومنكده عليك
(والكوسا والبذنجان محفورات )مادييات محفوره من الداخل تعني ان كل الفائده منها متخذه وباقي الظاهر فقط (وجاهزه للحشو )يعني جاهزه للكلام والمتاعب
(وإنتي قولتي لأخواتك إن هذه الأشياء يريدها لأخي وليست لبيتنا ) تعني هي المشكله وهوه يتكلم في الظاهر( وأنا معجبه بالأشياء )الأعجاب بالحاجه يعني زعل من المشكله
وجاء الرد : بارك الله فيك ونفع في علمك مدام. ،،،بالفعل أنا عندي مشكله في بيتنا وعلب حليب انتي قلتي ستات صحيح عندي قريباتي منكدات عليا وكلامهن وااااجد ومتعبني
وفي مشكله وربي يكفيني شرها
...........................................................................................................
الحلم : حلمت دخلت محل أحذية وعجبتني جزمة لونها كافيه بس كانت أرضي
وشوفت جزمة لونها بني بكعب عحبتني بس مش عايزة اللون البني فسالت علي اللون الكافيه ده عالي قالت لا وبعدين البنت إللي بتشتغل في المحل دخلت تدور قالت لاقيت الجزمة الكافية بكعب ولما سألت علي سعرها قالت ب 21 جنية
التفسير : (الجزمة إللي عجبتك) دي عريس لو كنتي مش مخطوبة (وكان لونها كافيه) بين الزعل والإكتئاب من الشخص ده (وكانت أرضي )يعني ملهوش مكانه عاليه
(شوفتي جزمة لونها بني) واحد تاني عاملك إكتئاب( وبكعب) له مكانه عاليه (عجبتني )لا مش هيعجبك ولا حاجه( بس مش عايزة إللون البني )يعني الإكتئاب تاعبك
(وسألتي في اللون الكافيه) يعني سألتي علي الشخص الأولاني( ده عالي) قالت لا يعني له مكانه فعرفتي إنه ملهوش وبعدين( البنت إللي بتشتغل في المحل دخلت تدور قالت لاقيت الجزمة الكافيه) يعني إنتي ليكي حل من ناحية الواحد إللي هوه الجزمة الكافية إللي بكعب إللي له مكانه عاليه( ولما سألتي علي سعرها قالت ب 21 جنيه) يعني الموضوع فيه مشكلة ماديية
وجاء الرد : فعلا بيتقدم لي عرسان كتيير و الموضوع ده عاملي زعل جامد وتاعبني نفسيا جداا بس من كترهم أنا مش عارفه أحدد العرسان دي مين بس هوه عموما الموضوع ده عاملي
إكتئاب
وربنا يسترها يارب. ويجازيكي خير علي تعبك معانا يارب العالمين
.............................................................................................
السلام عليكم لو سمحت يا دكتورة ممكن تفسر لى الحلم ده ربنا يجازيكى خير يارب
الحلم : إبنى 16سنه حلم أنا وهوه وأبوة وأخواته ماشيين فى طريق رايحين نجيب خاتم من أنبوبه فى وسط مياه وبالفعل جبنا الخاتم وإبنى لبسه فى إيدة وبعد كدة قابلنا ست جميله جوزى قال لإبنى أقلع الخاتم الست تعلى فكره الخاتم الأول كان أبيض وفيه فص أزرق والخاتمين التانيين اكسسوار مش قوى..
التفسير : الخاتم واحد ومعه واحدة معاها فلوس متأمنه مادييا مش هيقدر يلبسه فى إيدة عن طريق المادييات ومش هيستفاد منه الواحد دة خلاص بعدنا عنه معه واحدة غيظاكم وتعباكم وفيه مشكلة مادييات مع الواحد دة وأخذتو الخاتم إنتهى الموضوع والخاتمين التانيين عاملين غيظ وإبنك حيوافق ومش هيجرى وراء الست ولا حاجه والإثنين الأخرين كويسين
وجاء الرد : والله يا حبيبتى إبنى ده مغلبنى كل يوم مشاكل بسبب الفلوس والمصروف وهوه متصاحب على واحد ظروفه الماديه كويسه وأنا بحاول أبعدة عنه لأنه بيسهرة للفجر لكن إبنى بيستفاد منه مادييا
يمكن دة الخاتم الأول لكن الخاتمين التانيين لسه معرفش لأن الموضوع لسه كنا بنتكلم فيه إمبارح إللى هوه إنه يبعد عن صاحبه وإبنى فعلا ربنا يهديه وإحتمال يكون الخاتمين أخواته الإثنيين وهما غيظينه وتاعبينه وفعلا بنفرض عليه إنه يمشى مع إخواته لكن ماديا صفر ..جزاكى الله كل خير إبنى إفتكر إن الخواتم جوازه ليه 😂😁
....................................................................................................
الحلم : حلمت كنت في غرفة لبست سروال روز و بلوفر مخطط روز في أسود و شعري مبلول وجمعت شعري في إيشارب أسود و قلت لازم اعدله
و جاء جنبي الشخص إللي بحبه عريان و بيتكلم معايا و راح للغرفة إللي قصاد الغرفة إللي أنا فيها و جلس هناك وبيستناني أروح عنده
ولاقيت ورايا ماما و بنت خالتي وكانت بتلبس هدومها و أنا فضلت معاهم.
التفسير : (لبست سروال روز و بلوفر مخطط روز في أسود) السروال الروز واحد شاب والبلوفر المخطط روز في أسود واحد تاني شاب وفيه حاجات إعزاز منه (شعرك مبلول) ده واحد ثالث و إنت متأمنة من ناحية (جمعت شعري في إيشارب أسود و قلتي لازم أعدله) الواحد ده يا كبير في السن يا معاه مادييات يا إما له مكانة عاليه وفيه كلام علي إرتباط وانك تعدليه يعني حتظبطيه ويحصل كلام علي إرتباط (و جاء جنبي الشخص إللي بحبه عريان) يعني إنت مش معاه و لا معاه أولاد و تعبان يا نفسي يا جسماني يا الإثنيين (إتكلم معايا) لا مش حيتكلم و لا حاجة (راح للغرفة إللي قصاد الغرفة) يعني عامل له إستقرار و أمن مع نفسه (و جلس هناك و بيستناني) لا مش حيستناكي تروحي عنده (ولاقيت ورايا ماما و بنت خالتي) دول حلين لك (و بنت خالتي كمان بتلبس هدومها) لو كانت سايبة جوزها حترجعله أو حيجلها عريس (و أنا فضلت معاهم ) الحلين ملازمينك مسبوكيش.
وجاء الرد : أنا بحب واحد صغير و فيه واحد ثاني عاوز يتقرب مني معه مادييات و الثالث إنتهت علاقتي بيه و بنت خالتي حترجع لزوجها كانت بعيدة عنه.
..................................................................................................
أنا كنت عامله إستخاره لعريس
الحلم : حلمت أنا في بيت جدي وفيه ستات من العيله كانوا قاعدين
مرات عمي جابت ملح ورشته في البيت جوه وبرا
ومرات عمي التانيه شتمتني فضربتها وكانت معاها سكينه كانت عايزه تعورني بيها بس ماعرفتش تعمل حاجه
سبتها وروحت أنادي أخويا بس الجو كان ممطر برا في الشارع وكان فيه طين في الشارع مكان ميه المطر
أنا خرجت حافيه مش لابسه حاجه في رجلي أخويا كان في القهوه وكان رجاله كتير قاعدين علي القهوه فأنا بصيت علي رجلي لاقيت كلها طينه وشايله الفستان إللي لبساه بإيدي بس مش فاكره لون الفستان آيه
أخذت أخويا من القهوه ومشيت ومكلمتش أحد من الرجاله إللي قاعده
وحكيت لأخويا إللي مرات عمي عملته فيا ومشينا علي بيتنا
التفسير : (الستات دول )حلول ليكي (مرات عمك رشت ملح في البيت جوه وبره) مادييات متشاله هتروح هدر ومصاريف ومرات عمك هتكون السبب
(ومرات عمك التانيه هتضربك) لا دا هتقولك كلمتين حتفوقك (ومعاها سكينه) بتقولك علي مشكله عائليه ممكن تحصل (وبتفهمك الجو مطر) دي ماييات هتروح هدر( والطين) هيحصل زعل علي المادييات دي
( خرجتي حافيه يعني )مافيش عريس( والقهوه والرجاله) دي مشاكل( وبصيتي علي أرجلك )دي مادييات وعليها زعل تخص مصروفك أو شغلك لو بتشتغلي
( وشايله الفستان) بإيديكي يعني العريس عنده مشكله مادييه (أخذتي اخوكي وروحتي ومكلمتيش أحد) يعني بعدتي نفسك وقولتيله علي المادييات إللي ضاعت هدر
وجاء الرد : هوه لحد دلوقتي مافيش مادييات تخصني ضاعت هدر ومرات عمي إللي رشت الملح مبتجيش بيتنا فمعرفش بارضو دي دورها آيه والمشاكل آه فيه مشاكل كتير
.....................................................................................................
السلام عليكم : معلش ماما كريمة الحلم دة لأخويا الكبير من فضلك تفسريهوله
الحلم : أخوي حلم إنة بيكلم إبن خالته في التليفون وبيطلب إيد أختة قفل التليفون ولبس بدلة سوداء تحتها قميص أبيض بدون جرافتة وبنتة لبست تايير أسود بجيبة كرانييش منقط بأبيض
ولما راح سلم علي إبن خاله ولم يسلم علي خاله قاله أصبر أشرب الشاى الأول
بعد كدة دخل غرفة لقي فيها كنبة وبنتة نايمة وخالتة المتوفية بتبوس رجل بنتة البنت رفستها برجليها
حب يوطى بيبوس رجل بنتة أحد عضة عضة جامدة جدا
من ورا
رجع يوطى عشان يبوس رجل بنتة تانى لقي بنتين بيبصو علية من تحت الكنبة وصحى علي كدة للعلم أخى منفصل
التفسير : (أخوكى بيتكلم في التليفون )يعنى فيه خبر عندة عاوز يوصلة وهوه بيوصلة( وطالما إبن خالتة هوه إللى بيرد علية) يبقى فيه مشكلة
والرد هيكون فيه مشكلة لأخوكى( وبيطلب يد أختة قفل التليفون) لما بيطلب أختة وقفل التليفون يعنى الكلام هيضايقة (وقفل التليفون )كدة أخوكى نهى المكالمة إللى كان بيتكلمها (وأخذ قرار ولبس بدلة سوداء )( البدله )يعنى ياعروسة ياوظيفة( وسوداء) الوظيفة هتكون وظيفة محترمة( ولو جوازة) يبقى يا كبيرة في السن أو لها مكانة عاليه أو معها مادييات( ولابس تحتها قميص أبيض) فيه واحدة قبل دى كان بيحبها وهوه زعلان منها كدة
(بدون جرفتة )مافيش كلام على جوازه كدة
(بنتة لبست تايير أسود بكرانيش) لية حل من ناحية التايير الأسود دة (الجيبة الكرنيش) الجوازه من الواحدة دى كلها مشاكل (منقط بأبيض) فيه زعل( ولما راح سلم علي إبن خالتة) يعنى المشكلة هتزعلة
(ولما جاء يسلم على خاله قال له أصبر ) يعنى لا
( وإشرب الشاى )يعنى فيه زعل والزعل هيبقي على مادييات وحاجات هتكون غايظة أخوكى
بعد كدة( دخل غرفة لقي فيها كنبة وبنتة نايمة عليها) الكنبة دى واحدة وبنتة نايمة عليها له حل من ناحية الواحدة دي
( خالتة المتوفية بتبوس رجلة بنته) مشكلة قديمة وهتتجدد وليها حل( ولما تبوس رجل بنتة والبنت رفستها) كدة مافيش فراق ولا حاجة( حب يوطى ويبوس رجل بنتة) هوه لوكان باس رجل بنتة كان هيفارقها مش أحد حيموت يعنى حتفضل بعيدة عنة( أحد عضة عضة جامدة جدا )العضة دى معناها فيه كلام هيضايق أخوكى
( رجع يوطى يبوس رجل البنت تانى رغم الكلام) بارضو كدة هيبقي فيه فراق للبنت يعني يبعد عنها من ناحية مادييات تخص مصروف البنت ( شاف إثنيين بيبصو علية من تحت الكنبة)( الإثنيين بنتين) لة حليين من ناحية واحدة فممكن الحليين سبب إنة يرجع بنتة
وجاء الرد : فعلا كل كلمة صح جوازة لة كلها مشاكل وبنتة فعلا عند طليقتة ولسه مرجعتش البنت والحل عند واحدة فعلا لو وافقت عليهم البنت ممكن يأخذها وترجع ربنا يصلح الحال يارب أشكرك على تفسيرك صح جدا
..........................................................................................................
السلام عليكم ورحمة الله وبركاته
الحلم : حلمت بسياره عامله حادثه وفيها رجاله لا أعرفهم ولم أركب السياره
وفيه واحد وقع منها وبطنه إتفتحت وطلع منها دم كتير بس أنا لم أرى هذا الرجل هوه كلام بس وداخل العربيه راجل زعلان قوى على إللى مات ده وشه إحمر من الحزن
التفسير : العربيه لما عمل حادثه ده قرار عايزه تأخذيه بس القرار مافيش نتيجه منه هيبقى منه متاعب أكتر وفيه ناس إنتى لا تعرفيهم وكنتيش راكبه إنتى مش عارفه تحركى القرار ده ولا تأخذى فيه خطوه إيجابيه وزى مايكون واحد وقع منها الواحد ده مشكله وبعد عن القرار وبطنه إتفتحت يعنى زوجة الراجل ده بقى فيه متاعب من ناحيتها والدم الكتير هيكون فيه جراحه من ناحيتها بس أنا لم أرى هذا الرجل إنتى بتسمعى كلام وخلاص لكن إنتى مش عارفه الحقيقه آيه والراجل إللى زعلان يبقى المشكله مش هيكون فيها زعل ولما مات إنتهت المشكله وكان وشه أحمر كنتى متغاظه طبعا من المشكله دى
وجاء الرد : القرار كان من إتجاه عريس كان متقدم لى وأنا لم أراه فعلا ولكن هوه وسط خالى وأنا رفضت لأنى وجدت إن هذه الجوازه فيها مشاكل كتير وهوه كان متجوز قبل كده وكان فيه مشاكل بينهم وأنا رفضت وهوه كان زعلان وكان عايز يحصل مقابله بينا لكنى رفضت الموضوع من البدايه وإنتهى والحمدلله.
شكرا لحضرتك بارك الله فيكى على تعبك وإهتمامك يجعله فى ميزان حسناتك
............................................................................................................
ده حلم لماما
الحلم : حلمت ماما فيه واحدة ست أعطت لها حزامها و ماما جربته على وسطها وجدته واسعا و مسكته ماما في إيديها وقالت للست ده مش بتاعي و الرسم مختلف و اللون غامق والرسم أعوج و سقطت منها قطعة على الأرض بس ماما حملتها بيدها و الست دي أجابتها دي بتاعك و شافت مرات أخويا بتتكلم مع أمها و ماما واقفة بعيد.
التفسير : (واحدة ست أعطت لماما الحزام) ده واحد مصدر أمن و أمان لماما (وهوه بتاعها) يعني الأيام بعداه عنها (وماما جربته على وسطها وجدته واسع) يعني الشخص ده مستواه أعلى من ماما علشان كده مقدرتش تضبط أمورها معاه (و ماما مسكت في إيدها و قالت للست ده مش بتاعي ) يعني مش قادرة تقرب منها و لما مسكت بإيديها عن طريق المادييات الإضافية إللي بتيجي لماما برضو مش قادرة تتمكن منه و تخليه يجلها أو تقربوا منها (الرسم مختلف و اللون غامق و الرسم أعوج ) يعني ماما قعدت تتمعن فيه و قالت فيه حاجات مش مريحاها إللي هيه الرسم شكله واللون الغامق بتاع الحزام إللي هوه ياكبير في السن يا معاه ماديات يا له مكانة (و الرسم معوج )يعني شايف نفسه على ماما دي الحاجات إللي باعده ماما عن الشخص ده (سقطت منها قطعة على الأرض بس ماما حملتها بإيديها) يعني فيه حاجة منه ماكنتش قادرة تضبطها لكن برضه (عن طريق إيديها جابتها من الأرض) عن طريق المادييات الإضافية إللي بتيجي لماما قدرت إنها ترجع إللي ناقص في هذا الشخص (و الست دي أجابتها دي بتاعك (و شافت مرات أخويا بتتكلم مع أمها و ماما واقفة بعيد. ) مرات أخوكي و بتتكلم مع أمها الإثنيين دول رغم إنهما حلين ماما بصالهم على إنهما ممكن يعوقو موضوع الأمن والأمان بتاع ماما من ناحية هذا الشخص إللي هو الحزام.
وجاء الرد: الحزام ده أخويا و هوه غضبان من ماما مبيتكلمش معاها و ده مزعلها و السبب مرات أخويا عملت مشكلة.
.........................................................................................................
أزيك أستاذه كريمه
الحلم : حلمت زوج أختي كان بيكلم أخويا عني وأخويا إتضايق منه وقال ده عاوز أحد يأخذه مستشفى أمراض نفسيه
وأنا دخلت عليه الأوضه كنت البس فانيله قصيره رجليه باينه وكنت بخبيها وقلتله أنا ماعمتلك حاجه ليه تتكلم عليه وهوه كان قاعد على السرير ويبكي.
التفسير : فيه مشكله بينهم هما الإثنيين تخصك وأخوكي مش حيتضايق ولا حاجه(وقال ده عايز أحد يأخذه مستشفى أمراض نفسيه) لا هوه عايز تتكلمو معاه بطريقه متخلهوش يتضايق (أنا دخلت عليه الأوضه وكنت البس فانيله قصيره) الفانيله دي حبك لواحد وقصيره يعني فيه مشاكل ورجليكي باينه في مشكلة مادييات وكنتي بتخبيها مش عاوزه أحد يعرف عندك مشكلة فلوس وهوه بيتكلم عليكي يعني عاوزه المشكله تضبطيها علشان تخلصي منها (وهوه كان قاعد علي السرير ويبكي) المشكله دي تعباكي في حياتك الزوجيه عايزه يتم إرتباط وبيبكي المشكله حتبقى في النهايه فيها فرج ليكي لو كان فيه عندك مشكله فموضوع الإرتباط فيه فرج لك
وجاء الرد : زوج أختي عايز يجوزني من أي أحد يتقدملي من قرايبنا بس أنا عاوزه أحد أنا أختاره ويتم إرتباط من أحد أنا عوزاه مش هو يختارلي
.............................................................................................
الحلم : حلمت إن أختي شايله بنتي وقاعده علي شباك المطبخ بتاعي وإبني قام طالع من نفس الشباك وقعد عليه وأختي شايفاه ومعملتش اأي رد فعل بتبص عليه وخلاص
لما أنا شوفت إبني طلع في الشباك وقعد عليه إتصدمت وناديت عليه علشان يرجع بس وقع من الشباك بصيت عليه وقعدت أصرخ بس من غير صوت صوتي مكنش طالع خالص كنّت هموت عليه وصحيت مفزوعه أرجو التفسير من فضلك
التفسير : (أختك وبنتك) حليين ليكي من ناحية أختك أو بنتك (وشباك المطبخ) مادييات خاصه بمصروفك أو بشغلك( وإبنك) ده هيبقي مشكله ليكي من ناحية أختك أو أخوكي إللي هوه الشباك (ولما أختك شايفه إبنك بيوقع ومعملتيش آَي رد فعل) معناه أختك حل ليكي من ناحية مشكله بس مش هتستفادي بالحل ده
(ولما شوفتي إبنك طلع علي الشباك وقعد عليه إتصدمتي) معناه إنك لما إتعاملتي مع المشكله متصدمتيش ولا حاجه
(ولما ناديتي عليه علشان يرجع) معناه إنك عايزه المشكله تبعد عن أختك أو أخوكي إللي هوه الشباك
( ولما وقع من الشباك) معناه إن المشكله بعدت عنك (ولما قعدتي تصرخي) الصريخ فرج عليكي وصوتك هيطلع ومشكلتك هتختفي وتتحل.
وجاء الرد : تسلميلي يارب وربنا يزيدك من علمه كمان وكمان أنا فعلا عندي مشكله المفروض أنزل مصر علشان أمتحن ماده عندي في الكليه ومش هينفع أنزل لأن لسه وضعه وبنتي صغيره علي الطياره وأختي كانت عايزه تدخل الإمتحان بدالي وأنا خايفه عليها ليعرفوا إنها مش أنا وتبقي مشكله كبيره ليها ربنا يخليكي لينا يارب ومتحرمشي منك أبدا
..............................................................................................
الحلم : حلمت إني كنت مع واحدة عند محل أبي وبعدين مشينا علشان نروحو قولتلها هتلنا حاجة نأكلها في الطريق فكان فيه موزة في إيدها أعطتهالي وأنا أكلت منها قطعه صغيرة وشوفتها بتشتري موز باردو وحلوة طحينية وأكلت حتة منها وبعدين إختفت البنت وأنا لاقيت نفسي في طريق وعايزة أروح فضلت أجري والطريق أولة ظلمة بعدين بدا ينور زي نور الفجر شويه شويه عديت علي شجر وأراضي زراعية خضراء وبعدين وصلت بيتنا وكان أخويا وإبن خالتي موجدين فضربتهم وأعطيتهم طفل إبن جيرانا كان علي إيدي وإطمئنت نفسي إني وصلت البيت
التفسير : ( الوحدة) دي حل ليكي وكنتي عايزة تروحي للأمن والأمان بتاعك
( الموزة) دي واحدة وبتخليكي تزعلي و تعيطي( بس بسيط لما كلتي حته )فعلا هتزعلي زعل بسيط
(الحلاوة الطحينية) هتزعلي في حاجة تانية علي فلوس( لما البنت إختفت )كدا الحل راح وبقي( عايزة تروحي) عايزة ترجعي للأمن والأمان بتوعك (أول الطريق ظلمة) إنتي مكتئبة و( بدأ نور الفجر يظهر ) الإكتئاب هيخف شوية شوية (الشجر) دا ستات مبسوطة مادييا( والأراضي الزراعية) مادييات تانية بتاعة ناس فيها خير( وصلتي البيت) إنتي كدا بدأتي تكوني في أمان (أخوكي وإبن خالتك) مشكلتين (وضربتيهم) فيه تفاهم وإتفاق( وأعطتيهم الطفل) هيبقي مشكلة علي مادييات إضافية بتجيلك
وجاء الرد : أنا فعلا فيه واحدة مزعلاني وخليتني أعيط كتير وفعلا عندي مشكلة علي مادييات وفعلا عندي إكتئاب بسبب مشاكل كتير أنا ملقيتش لها حل
...................................................................................................
السلام عليكم من فضلك تفسريلى حلمى
أنا شفت نفسى في الصالة والشباك مفتوح وظاهر أمامى مكان لغسيل السيارات وكان أمامى سيارة سوداء بتتغسل بالماء والصابون
وشواية سمك وكانت بتشوى سمك بلطى
قولت كويس الشواية قريبة أشترى من الشباك أحسن ما أنزل وطلعت بصيت لاقيت واحد في الصالة أمامى بيلبس وماشى قولت لة عاوزة فلوس أشترى حاجات رفض يعطينى قهرنى وزعلنى قولت لة هتنزل وبارضة مش هتعطينى فلوس طلع من جيبة كرت ماكينة ممسوحه منه الكتابة
قولت لية وأنا أعمل بية آية دة وهوه مش عارفة مشي ولا لأ وصحيت على كدة
التفسير : الشباك المفتوح دة ممكن يكون أخوكى (ومعمولة إزعاج) والمكان إللى بيغسل السيارات ( دى مادييات من ناحيةقرارات إنتى بتفكرى فيها تنفذيها ) كانت أمامك سيارة سوداء( السيارة دى قرار من
ناحيتة إعزاز وخير ) وبتتغسل (يعنى بتأمن القرار دي بالماء والصابون ( يعنى متأمنه وبكل الوسائل) الشواية إللى إنتى شيفاها وعليها سمك ( دى واحدة ومنكدة عليكى علي فلوس) ولما قولتى كويس الشواية قريبة أشترى من الشباك أحسن ( الشباك دة أخوكى وهخلية هوه إللى يسطفى معاها بدل ما إنتى ماتروحى ) بصيتى لاقيتى واحد في الصالة قدامك بيلبس وماشى( الواحد دة مشكلة) وقلتيله عاوزة فلوس أشترى حاجات ( يعنى مشكلة مادييات) رفض يعطينى ( لا هتأخذى فلوس) وقهر مش هتتقهرى وزعلك مش هتزعلى
وقولتيلة برضوا عاوزة فلوس ( لا هوه مش هينزل وهيعطيكى) طلع من جيبة كرت ماكينة ( أهو الكرت دة هوه الوسيلة إللى ممكن تأخذى بيها مادييات ) ممسوحة منة الكتابة ( إنتى متعرفيش عن ماديياتة) قولتيلة لية وأنا أعمل بيها آية يعنى أنا عاوزة فلوس وهوه مشي ( إنتى موصلتيش لحل لموضوع المدييات دى )
وحاء الرد : فعلا عندى مشاكل ماديية والشواية دى مرات أخويا الله يسامحها
وفعلا خليتها منها لأخوية في موضوع المادييات والله كلامك كله صح ربنا يكرمك ويديكى الصحة يارب
...........................................................................................................
الحلم : حلمت في بيت أو شقة وكان فيه حرب في المنطقة إللي أنا فيها لاقيت نفسي عريانة أنا و إبني
مسكت إبني ولبسته هدومه ولاقيت نفسي لابسة شورت لحد الركبة وقميص أزرق
قولت المهم مستورة وركبت أنا و إبني وستات العيلة الأسانسير وكنت عايزاه ينزل بينا لقيته ركب للدور الخمسة وتلاتين ولاقيت أجانب كتير قاعدين في مكان مفتوح وبيصورو القذائف إللي بتقع علي المباني إللي جنبنا وقعد الأسانسير يتحرك ويمشي بينا علي جنب مش فوق وتحت
ولاقيت الناس بتنط منه للدور إللي إحنا فيه ده فنطيت أنا وإبني فيه ورجع الأسانسير لمكانه وقالو ده خرب قولت الحمد لله إننا نطينا منه
التفسير : الطيران الحربي ستات بتتمني منهم نصرات لكن للأسف بيعملولك مشاكل وبيضيعو أمنك وأمانك
( لاقيتي نفسك عريانة ) إنتي لا راجل ولا اولاد وتعبانة نفسي أو جسماني أو الإثنيين وحتي إبنك موجود معاكي بس مش عاملك حاجة فانتي حاسة إنك عريانة
(مسكتي إبنك ولبستيه هدوم ) يعني فيه كلام بزعل وإبنك مشكلة وعاملة كلام بزعل (لاقيتي نفسك لابسة شورت لحد الركبة) دا واحد عندو مشكلة مادية (القميص الأزرق) الحب من ناحيته بين الغيظ و التعب (قولتي المهم مستورة ) يعني راضيتي بإللي كان ( ركبتي أنا وإبني وستات العيلة الأسانسير) الأسانسير واحد بيرفعك سابع سما وبينزلك سابع أرض وإنتو إللي ركبتو معاه بتنفدولو كلامه براحته (وكنتي عايزاه ينزل بيكي) لو نزل يعني هبوط الأمنية إللي بتتمنيها من ناحيته مش حتتحقق لو نزل (لقيته ركب طلع لفوق) يعني فيه صعود وفيه تحقيق أمنية حتكون من ناحيته.. إنتي لما نطيتي من الأسانسير يعني بعدتي من الراجل ده (ورجع الأسانسير لمكانه) يعني هوه راح يرتاح مع نفسه (وقالوا ده عطل) ده معدش يقدر يعمل خطوة إيجابية خلاص كده ...(قولتي الحمد لله إنك نطيتي منه )يعني الحمد لله إنك بعدتي عن هذا الشخص ...
وجاء الرد : مرات طليقي بتوز طليقي عليا ولأنه سهل الإنقياد فعملالي مشاكل معاه... وإحنا مطلقين وإبني عصبي جدا والأسانسير دا طليقي وأنا فعلا أخذت خطوات وبعدت عنه نهائي مع إن جوه نفسي واجعني وبس بقيت أقرر بعقلي وأنا حاليا بعافر معاه فيه مشاكل ملهاش لازمة ويارب أنجح وأصعد ويتحقق تفسير حضرتك وهوه كمان بعد ومعدش يجي يأخذ الولد ....ربنا يحفظك
.......................................................................................................
شفت واحده جايه عليا في الحلم بتقولي إن البدي إللي أنا لبساه بتاعها هيه و طلبت مني أقلعه فقلتلها حاضر و لاقيت زورار و عروه في البدي بيتفتحوا فأنا بعدها مقلعتش البدي وفضلت لابساه
التفسير : الواحده إللي جايه عليكي معناها أن الشخص ده في أحد تاني معاكي بيحبه و لما طلبت منك تقلعيه الحل إنك تهدي من ناحيته ولما قلتيلها حاضر يعني مش حتوافقي أنك تبعدي عنه أو هو فعلا حاليا باعد عنك دلوقتي
و الزورار و العروة واحد وواحدة بينهم مشكله و عاملين لك مشكله و فضلتي لابسه البدي يعني إنتي متمسكه بالشخص ده و مستنياه يرجع.
وجاء الرد : إيوه كلام مضبوط مدام كريمه
........................................................................................................
الحلم : حلمت بالشخص إللي بحبه إنه خطب واحدة غيرى وإني كنت بتفرج بالحلم علي صور خطوبتهم كانت واحدة ناشراهم .
التفسير : خطب واحدة غيرك يعنى عنده مشكلة مش معناه أنه هيخطب واحدة غيرك ولا حاجة
وجاء الرد : والله أول ما قمت من النوم عملتله بلوك عشان الحلم😂😂🤭💔
........................................................................................................
الحلم : حلمت كنت رايحة محطة الأتوبيس و كان السواق واقف برة كأنه بيستناني علشان أركب معاه و لما قربت من الأتوبيس ركب السواق و تحرك الأتوبيس
و أنا أجري و مسكت في الباب و هو بيضحك عليا بس قفزت و جلست في الباب علي السلم و رجلي برة و فضلت كده.
التفسير : (الأتوبيس) ده قرار يخص إرتباط (و لاقيته واقف) مفيش خطوات إيجابية فيه (و السواق) مشكلة لك في الموضوع ده (لما قربتي من الأتوبيس ركب السواق) لكن أول لما شافك حتركبي الأتوبيس يعني أول ما بدأتي تتكلمي على موضوع الإرتباط ركب الأتوبيس يعني فيه مشكلة ( و تحرك) أخذ خطوات إيجابية في موضوع كلامك على الجواز (و أنا أجري علشان أمسك الباب) يعني علشان تمسكي في الواحد إللي عايزة ترتبطي بيه (و السواق كان بيضحك) المشكلة حتزعلك (قفزتي) يعني ركبت قدرت إنك فعلا تأخذي خطوات إيجابية في موضوع الإرتباط (لكن جلست على السلم ) لا منك عارفة تكملي و لا منك عارفة تنزلي زي إللي رقصوا على السلم لا عارفه تكملي الجوازة ولا عارفه تنهيها (و رجلي فضلت برة و رحت كده) يعني العيشة في المشوار ده مش حتنفع.
وجاء الرد : ده واحد تمسكت به رغم إنه بيختفي مرات و بيظهر مرات ثانية مش راسي على بر مش عارفة أكمل معاه و لا أوقف بس مش باين منه خير
..........................................................................................
سلام عليكم يارب تكوني بخير أنا صليت إستخاره عشان عريس جاي لأختي
الحلم : حلمت أنا في عيادة جوزي وواحد من المسئولين عن التراخيص كان جاي العياده علشان يعمل مخالفه
فجوزي قفل باب العياده والراجل معرفش يدخل وكنت أنا وجوزي ودكتور زميله ومريض والممرضه و كنا قاعدين على كراسي جوه العياده والباب مقفول والممرضه كان معاها سوداني وعزمت عليا فأخذت قرن سوداني وقشرته وماكلتهوش كله وكان معايا كتب بذاكر فيها (مع إن انا متخرجة وبشتغل) وقومت مشيت على طريق بيتنا وكان بالنهار وقابلت واحده زميلتي وأنا كنت لابسه دريس كحلي وطرحه بيج وشايله الكتب وزميلتى بتقول هدومك عره ومتليقش بيكي قلت لها هدومي كلها قالت أه كلها هاتي بليزرات بدل الدريسات والبسي
وإحنا ماشيين قابلت واحده كانت مكشره في وشي وسلمت على من غير نفس
وأنا مشيت زعلانه وروحت قلت لماما وأخواتي أنا عايزه أغير هدومي وأشتري هدوم تانيه
التفسير : الحلم يخصك إنت إللي عندك مشكله (ووجودك في العياده) يعني عايزه تعالجيها وتحليها( و المسئول ده )إنت بتستنجدي بأحد علشان تحلى المشكله
(ولما جوزك قفل الباب ) رفض أحد يتعامل معاه
(قاعدين على الكراسي) يعني ليكم مكانه
(الباب مقفول) ده ممكن يكون جوزك أو صاحب العياده مش معمول له إزعاج
(والسوداني) مادييات ترفيه مش أساسيه تشتري أشياء وليست خاصة بمصروفك( قشرتيه وماكلتهوش) يعني شيلتي المادييات الزياده ومقدرتيش تأخذيها
( الكتب )دي رجاله عايزه تعرفي حيتصرفوا إزاي معاكي (وماشيتي بالنهار) يعني مش مكتئبه( قابلتي زميلتك )يعني ليكي حل
( الدريس الكحلي )جوزك90٪فيه إعزاز (والطرحه البيج )يعني 80٪ الإرتباط فيه زعل
( صاحبتك بتقول هدومك عره كلها) يعني صفات جوزك كلها كويسه ويليق بيكي وبتعتزي بيه( قابلتي واحده وسلمتي عليها) حل مش حيريحك( ولما روحتي قلتليهم أنا عايزه أسيب جوزي واختار واحد تاني) مش حتكوني زعلانه
وجاء الرد : الله يبارك فيكي أنا فعلا عندي مشكله وعايزه أحلها وجوزي راجل محترم جدا كل الناس بتقدره وأنا كنت عايزه فلوس أشتري هدوم وقلت خلاص لأن الأمور ماتسمحش
....................................................................................................
السلام عليكم ورحمة الله وبركاته
الحلم : حلمت بشتري بيجامة لونها بنفسجي فاتح و جديدة وبشتريت لأختي بيجامة لونها برتقالي و لبستها
مع العلم إني لست متزوجة و أختي متزوجة
التفسير : (البيجامة البنفسجي الجديدة ) واحد صافي مش شغال قاعد في البيت و لسه عارفاه جديد و (البيجامة التانية) زوج أختك عامل متاعب نفسية و جسمانية لها
وجاء الرد : إلي الآن أنا معرفش أحد لكن أختي ممكن المشكلة النفسية و الجسدية إنها مش بتخلف
..............................................................................................................
مساء الخير يامدام كريمه
بعد إذن حضرتك.
الحلم : شفت الرئيس السيسي ربنا يحفظه ويعينه. قاعد على كرسي وقدامه طرابيزه كبيره وبيشتم في راجل وإللي شتمهم كلهم رجاله.انتهى المنام شكرا.
التفسير : الرئيس السيسي أمنيه بتتمناها من ناحية مكانه عاليه أو حاجة تخص شغلك .وإللي تعباك واحده ست. وبيشتم في الرجاله فيه إتفاق في المشاكل إللي حتقابلك.
وجاء الرد : أنا لي فلوس عند واحده وفيه بوادر إننا حنتفاهم وأأخذ حقي..
ربنا يحفظ حضرتك ويديمك لينا
ويحفظ الموهبه الجميله دي .
الف شكر يامدام كريمه.
..........................................................................................................
الحلم : حلمت واقفة أنا وطليقي وماسكة وشه وكأني عايزه أغريه وأعجبه ونبص لبعض
التفسير : إنتي كده مش طايقاه ونفسك هوه إللي يجي يتكلم معاكي ويبقي عايز يرجعك أو كده..
وجاء الرد : و الله صح ههههههه ربنا يفتح عليكي
........................................................................................................
الحلم : السلام عليكم من بعد إذنك تفسريلي الحلم هدا...
الحلم : حلمت بعقارب صغيرة بتخرج من بطن رجل إبني وأنا بعصر رجله علشان يخرجو العقارب منها .. وبحرك العقارب بإيدي تموت بلاقيها ميتة وفيه عقربة صغيرة حركت ذيلها لدغت إبني في رجله عيط منها ..
إبني عنده خمس سنين وأنا وأبوه مطلقين
التفسير : ( إبنك ) مشكلة تخص مادييات عندك و إنتي (بتعصري رجله ) بتبعدي المشاكل عنك ( والعقارب) شخصيات شباب وستات مؤذيين (وبتحركي العقارب بإيديك تموت )يعني عن طريق المادييات الإضافيه اللي بتجيلك بتخلي أذاهم ينتهي لما يبقو ميتين ... و (العقربة الصغيرة حركت ذيلها لدغت إبنك )يعني واحدة معاها واحد أذته ( عيط منها) هوه فرج عليه
وجاء الرد : فيه مشاكل مع طليقي علي المؤخر حقي مدفعهوش وكان عايز يأخد الواد مني ..وبحس إن إللي بيعمله ده من مراته وأهله لأنه عديم الشخصية سهل الإنقياد وأنا بعافر بحمي الواد منهم وربنا يفرج
...................................................................................................................
الحلم : حلمت بنت خالي بتقولي إن إللي كنتي مخطوباله لسانه إتحرق أو إنقطع
التفسير : بنت خالك دي حل ليكي من ناحية واحد ولسانه إتحرق الكلام إللي كان قاعد يتكلمه عمل مشكلة ولسانه إنقطع يعني بطل يتكلم
وجاء الرد : فعلا إللي كنت مخطوباله كان بيفضل يتكلم مع الناس إنه عايز يرجعلي وكذا أحد جاء و قالي كدا يمكن بيعرفني انه فيمكن الحلم دة بيعرفني إنه معدش يتكلم
ربنا يجازيكي خير ويجعل إللي بتعمليه ده في ميزان حسناتك يارب العالمين
. الحلم : أمي حلمت إنها شافت واحد خبيث ولئيم بيعطي أحد 100 جنيه
قلتله إنت واخد كل مالى وسيبني ومش عاوز تدينى أى فلوس أصرف منها
سيبته ومشيت أسئل علي حمام لاقيت واحدة بسألها عن الحمام قالت الحممات قفلت
وكان شكل الست وحش جدا وميشت لاقيت راجل سألتة عن الحمام قلتله عاوزة حمام عشان عندى السكر وعايزة أنزل نقطة ماء هتنزل منى
ومشيت تانى لاقيت واحدة جلسة في مدخل عمارة علي الأرض لبسة أسود في أسود كبيرة فى السن بردو
بسألها عن الحمام قالت هوه إحنا عندنا ماية وصحيت علي كدة
التفسير : ( الواحد دة مشكلة ليكي علي مادييات) ولما سبتية ومشيتى ورحتى تسألى عن الحمام ) إنتى كدة تعبانة جسمانى يانفسي يا الإثنيين) ولما لاقيتى واحدة قالتلك الحمامات قفلت يعنى( ليكى حل متبقيش تعبانة لانفسي ولا جسمانى ولا الإثنيين) الست وحشة (الحل كويس) ومشيتي لاقيتى راجل سألتية عن الحمام ( بارضوا هتقبلك مشكلة تانية وبتسألى بارضوا عن إنك تعبانة عن إللى من شوية متكلمين علية ( عشان عندى السكر ) فيه حاجات مزعلاكى ومنكدة عليكى علي فلوس) عاوزة أنزل نقطة مياة هتنزل مني (عاوزة فى جزء الأمان المادى إلى إنتى فيه هيروح منك) مشيت تانى لاقيت واحدة في مدخل العمارة جالسة علي الأرض ( حل تعبك وهينتهى علي ميعاد من ناحية واحد كبير في السن أو معه مادييات أو لة مكانة عاليه ) وبرضوا بتسأليها عن الحمام يعنى برضوا بتسألى عن المتاعب إللى إنتى فيها النفسية أو الجسمانية أو الإثنيين
وجاء الرد : فعلا والدتى معاها مشاكل نفسية وجسمانية بسبب أخ لها زعلانه علية جدا ويارب يفك كربة
أشكرك لزوقك وتفسيرك للحلم
..........................................................................................................
الحلم : حلمت بقول لواحده صاحبتي علي مكان زي شغل ولو راحت هتكسب شقة
وتاني يوم بتكلمني وهيه فرحانه وبتقولي أنا كسبت الشقة دي وروحنا قعدنا فيها ولما عرفت إنها كسبت كنت عايزة أخلي أخويا يقدم علشان يكسب بس مش فاكرة قدم ولا آيه
مش عارفه دا ليه تفسير ولا آيه
التفسير : بتتمني حل من ناحية أمن وأمان عايزاه
يحصل ( ولما لاقيتيها بتكلمك وهي فرحانه) الحل ده هيزعلك هيجيلك خبر هتزعلي( وبتقولك إن هيه كسبت شقه )مافيش كسبان شقة ولا حاجه (وروحتوا قعدتوا فيها) مش هتروحوا (ولما عرفتي إنها كسبت كنت عايزة تخلي أخوكي يقدم )لا إنتي كمان عايزة تبعديه عن الموضوع ده
وجاء الرد : فعلا كلامك كله صح هوه كان فيه عريس متقدم من ناحية صاحبتي دي وبعدين حصلت حاجات زعلتني وإنتهي الموضوع ومكملش وأنا قولت لأخويا مش يتكلم في الموضوع ده ربنا يجازيكي الخير كله ياارب ويديكي الصحة والبركة في العمر علي إللي بتعمليه معانا ده
..........................................................................................................
السلام عليكم لو سمحت يا حبيبتي إبني 13سنه
الحلم : حلم فيه كلب ماسك سكينه وبيجري وراءه وأصحاب إبني هربوا من الكلب لكن إبني معرفش وضربه بالسكينه ومات ونزل دم
والحلم ده حلمه قبل كده مع إختلاف إن الكلب كان إنسان
أرجو أن تطمنيني من فضلك
التفسير : الكلب واحدبيوعد وبيخلف وما بيعملش حاجة وعاوز يأخذ ما يعطيش وعامل مشكله بين العيله وموته انتهت المشكله والدم فيه كلام علي جراحه
وجاء الرد : فعلا إبني عمل عملية وكان فيه مشكله عائلية وإنتهت جزاكي الله كل خير
.......................................................................................................
الحلم : زوجي حلم إني في بيت ماما وبطبخ أكل لية ولأخواتي ووضعت ليهم في الأكل سكر بدل الملح وهما بيكلوا وأنا بضحك علي السكر إللي أنا وضعته في الأكل (عندى 37 سنة)
التفسير : فيه زعل مادى بينك و بين جوزك على مادييات إنتى كنتى شيلاها و صرفتيها و هما بيكلوا و إنتى بتضحكى إنتى زعلانة أكتر منهم و هما مافيش أحد حاسس ولا همه حاجة قاعدين يستفادوا من الفلوس دى إللى إنتى شيلاها و خلاص وإللى بتتصرف هدر
و جاء الرد : الله ينور عليكى و يذيدك من العلم أكثر و أكثر فعلا هوه ده إللى حاصل و كلامك مظبوط أنا معايا راجل عنده لامبلاه ومستفز
.................................................................................................
السلام عليكم ورحمة الله وبركاتة
الحلم : حلمت ماما بتكوى خمارها وكان لونه كحلى وهوه فى الحقيقه عندها الخمار ده وقالت هىه مسافره لخالتى دبى عشان فيه فشل وأنا إستغربت وسألت نفسى فشل آيه فشل كلوى ولا آيه علما بأنى مطلقه
التفسير : ماما حل لصاحبه الحلم من ناحيه واحد إللى هوه الخمار وهيه عايزه أضبطه 90٪ هيه مرتحاله وهوه فى الحقيقه عندها من الأول مش جديد والفشل الكلوى زعل من واحد وفشلتى فى العيشه معاه
وجاء الرد : فعلا فيه واحد كنت مرتحاله وأحاول أغيره للأحسن ولكنى فشلت
شكرا لحضرتك كل كلامك مضبوط
.................................................................................................
لسلام عليكم
الحلم : حلمت سلمت على راجل من قرايبى وسلم عليا بيده سلام جامد لدرجه إنى إتألمت لأن أيده كانت زى إللى بتشوك خشنه بطريقة فظيعة
التفسير : الراجل مشكلة وهتزعلى ولما إتالمتى أوى في إيديكى على مادييات إضافية بتجيلك هيه دى إللى عليها المشكلة وهتزعلى
وجاء الرد : فعلا فيه مشكلة وزعلت وفعلا على مادييات
شكرا مدام كريمه
...........................................................................................................
الحلم : السلام عليكم أستاذه حلمت كنت ماشيه مع صاحبتي وبنتكلم عن السفر وشفت أستاذ الرياضه من ظهره لابس بيج وبيكلم صحابه وأنا مسكته من ظهره وكنت عايزه أقوله أنا حسافر بس هوه مشفنيش ولا إنتبهلي وأنا كان شعري مفرود وأتباهى بيه .
أنا طالبه وفيه مشروع سفر بس أنا عايزه أكمل دراسه مش عايزه أسافر عازبه
التفسير : صاحبتك حل ليكي من ناحية إنك عاوزه تكملي دراستك (شفت أستاذ من ظهرو) عند مشكلة من ناحية أحد سند ليكي مزعلك 80% (بيكلم صحابه وأنا مسكته من ظهره) تعبك أحد سند ليكي ( كنت عايزه أقوله أنا حسافر بس مشفنيش) إنت عايزه تتكلمي عن السفر بس خايفه يرفضه (وكان شعري مفرود وأتباهى فيه) إنت مش متجوزه شعرك واحد من ناحية إرتباط تاعبك والشخص ده طهقتي منه
وجاء الرد : صاحبتي بتقولي إتجوزي ولا تسافري وأخويه عامل المشكله بتاعت السفر وأنا زعلانه علشان مش عايزه أسيب دراستي وماخبرت أحد عن السفر غير صاحبتي وأنا مش مرتبطه وفيه أحد مزهقني فعلا
.......................................................................................................
الحلم : حلمت دفعت أجرة سيارة خمستين ورق وأعطاني جوز بنت خالتي باقي تلات جنيهات ونص جنيه عمله معدنيه وكان معانا زوجته وواحده كمان كنا في سياره أجره
جوز بنت خالتك كان سايق السيارة
لا أنا لم أري مين السائق
التفسير : ( السياره إللي إنتي راكبها دي )قرار إنتي واخده والقرار ده ليكي فيه مشكلة فلوس وإنتي واخده فيه خطوات إيجابيه
( بنت خالتك دي وجوز بنت خالتك أعطوكي تلاته جنيه معدن) يعني فيه فلوس هتجيلك عشان تغطي المشكله الماديه( وكان معاكي زوجته وبنت تانيه )يعني ليكي حليين حل ليكي( والبنت التانيه) حل تاني
وجاء الرد : شكرا يا أجمل مفسره أحلام فعلا فيه ضيق مادي ومنتظره أبيع أرض
...............................................................................................................
السلام عليكم يا دكتوره بعد إذن حضرتك تفسير الحلم
الحلم : حلمت الرئيس الأمريكي الحالي قاعد معايا في السرير ومتغطين بالبطانيه وبيتكلم وكأننا في
إجتماع وباصص في أوراق في إيده كده هو قاعد مش نايم علي السرير وشكرا لحضرتك
التفسير : (الرئيس الأمريكي) أمنيه بتتمنيها في الشغل (لكن طالما قاعد في السرير) إنتي بتتمنيها تكون في الحياه الزوجيه (والبطانية )واحدة مصدر دفء وحنان لكي( وبيتكلم في إجتماع )معناه إن الأمنيه دي في الأول تخص الشغل وتخص أوراق رسميه إللي هوه باصص فيها
( وقاعد مش نايم )معناه ان الموضوع تاعبك وهينتهي علي ميعاد
وجاء الرد : فعلا أنا بتمني أشتغل وأتوفق في حياتي الزوجيه
..........................................................................................................
الحلم : حلمت أسوق سيارة كويس جدا و ليست ملك لي وخطيت مطبات وفي النهاية أجد أن الموتور ضاع و بدور عليه وواحد قال لي ثمنه عشرون ألف جنيه
مع العلم بأني معرفش أسوق
التفسير : ( السيارة )قرار في إيديك( و هيه مش ملك لك) وإنك متقدريش تتحكمي في القرار ده لكن تستطيعي أخذ خطوات إيجابية فيه
(و خطيتي مطبات )يعني مصاعب في القرار ده (و ملاقتيش الموتور) هو الشخص صاحب القرار ده( و بتدوري عليه) يعني مش هتدوري عليه و السبب مشكلة مادييه
وجاء الرد : فعلا فيه شخص متقدم لي و أنا أخذت قرار بالرفض لمشكلة ماديية
..........................................................................................
مدام كريمة إزي حضرتك ماعليش أنا حلمت حلم و عايزة أسالك علي التفسير،
الحلم : حلمت أن طليقي إشتري لي بلوفر ًصوف لونه سيلڤر بسوستة من قدام وقاليً ده من واحدة بتعمل على أديها أخذته منه ووقفت قدام المرايا علشان البسه وقفلت السوستة وكان على كل كم زي خط طويل الخط أبيض وفيه أحمر ونقت أسود ووالدتي كانت واقفة جنبي .. كنت عايزةً أعرف معنى الحلم لوسمحتي وألف شكر.

التفسير :( البلوفر الصوف) واحد مصدر دفء وحنان لك (والفضي )فيه ميزة بتميزه (والسوسته) معاه واحدة
(والوقوف قدام المرايا ) عايزة تجيبي إللي جواكي من ناحيته علشان تشوفي حتعيشي معاه ومعاه الواحدة ولا لأ
(ولما قفلتي السوستة )إنتي كده قفلتي أي إزعاج من ناحيتها مش حيقصر فيكي خلاص يعني حتركنيها
علي جنب من حياتك. (والكمين ناس تبعه والخط الملون) فيه حاجات مزعلاكي وغايظاكي من ناحيتهم وفيه حاجات كويسة( ووالدتك) فيه حل لك من ناحيتها
وجاء الرد : كلامك صح يا مدامً كريمة هوه عايزيني أرجعله وأنا بفكر ...بس أنا معرفش إذا كان يعرف واحدة ولا لأ ؟ هوه حارق دمي ومش بكلم أهله وساعات بيعمل حاجات كويسة.
.................................................................................................
الحلم : حلمت واحد سمين وشكله مش عاجبني كان شايلني وأخذني على عربيه بيضاء وكان مش مصدق وبيبصلي وفجأه شفت وجه واحد بوجهي مباشرة عنده وحمه بوجهه بالحقيقه كان متقدملي زمان ورفضته وإتخضيت منه
التفسير : (الواحد السمين ده) هوه مش سمين ولا حاجه (وشكله مش عاجبك) لا عاجبك (كان شايلني وأخذني على عربيه) عايز يبقى في قرار بينك وبينه والقرار يبقى في يده إنه يرتبط بيكي (والعربيه بيضاء) القرار ده مزعلك ( وكان مش مصدق وبيبصلي) لا ده مصدق إنه ممكن يأخذك ويبقى فيه قرار بينكم ومركز عليكي (فجاه شفت وجه واحد مباشره في وشي عندو وحمه ) يعني ده مشكله من ناحية واحد معاه ست ضهرلك الشخص ده ومش حتتخضي ولا حاجه وإنت كده متحيره بين الإثنيين
وجاء الرد : آه والله صحيح فيه واحد شكله عاجبني ومش سمين شكله رياضي معايا بالكليه لسه بيحاول يكلمني
وانا لسه بفكر
والشخص التاني لسه مافيش حاجه بشكرك جدا غلبتك معايا
.........................................................................................................
مساء الخير مدام كريمه من فضلك
الحلم : حلمت واحد عريان نايم جمبي وأختي قالت إنتي ليه عايزه ده لانه طويل وحتى عيونه أحلا وإتخضيت وصحيت
التفسير : الواحد ده مشكله ليكي من ناحية ان مافيش عريس مافيش أولاد إنت تعبانه يانفسي ياجسماني يا الإتنين (أختي قالتلي إنت ليه عايزه ده لأنه طويل يعني فيه حل لك من ناحية أختك وطويل يعني الشخص ده مهم ( وحتى عيونه أحلى) يعني مركز عليكي بس تاعبك (وتخضيتي وصحيتي) لا مش حتتخضي ولا حاجه
وجاء الرد : أختي بتقنعني بواحد قاريبي بس أنا مش عايزاه وعايزه واحد يكون شخصيه ومهم
.....................................................................................................
ده حلم لماما
الحلم : حلمت ماما كانت في غرفة مظلمة هيه و أخويا و مراته و مش شايفهم و شوية و هما ولعو النور و قالت ولعتو النور و تركتهم و خرجت من الغرفة.
التفسير : (ماما كانت في غرفة مظلمة هيه و أخويا و مراته) هما الثلاثة عندهم إكتئاب (هيه مش شيفاهم) مش عارفة حاجة عنهم ( و شوية و ولعوا النور) يعني عملوا مشكلة (و قالت ولعتو النور و تركتهم و خرجت من الغرفة) يعني سابتهم في مشكلتهم و بعدت.
جاء الرد: مرات أخويا عاملة مشكلة مع أخويا و عاوزاه يقطع صلتو بينا و ميساعدناش ماديا.
......................................................................................................
في عريس جاي يشوفي إنهاردا وصليت إستخاره
الحلم : حلمت إنهم جم البيت بس جم بيتنا الجديد وأنا ماكنتش في البيت إتفاجئت بيهم فمرضتش أطلع السلم إللي قصادهم وروحت أطلع من مكان تاني بس ماكنش فيه سلم كان خشب وحيط صغير وبطلع عليه بصعوبه
ومسامير في الخشب غزتني في رجلي والأخر طلعت ووصلت البيت لاقيت الشقه من فوق مفروشه فرش جديد وفخم زي ماكنا ناويين نفرشها وأحسن
وبعدين دخلت الحمام عشان كان عندي البريود وغسلت الفوطه إللي كنت لابساها وخرجت غسلت إيدي ووشي بالمياه ودخلت أوضتي فالدولاب بتاع أوضتي لسه مكملش كله ومش عارفه ألبس آيه فأختي طلعت عبايه سمراااا وأعطتهالي عشان ألبسها وكان فيها خطوط خضر من فوق وأخذتها ودورت علي طرحها عليها فراحت جايبه طرحه سوداء كمان قبل ما ألبسهم غيرت البرا ولبست واحده مظبوطه لأن إللي كنت لبساها الأول كانت واسعه
التفسير : هما مش هيجو( ولما إيتفاجئتي) لامش هتتفجئي (ومرضتيش تطلعي السلم إللي ناحيتهم) يعني مافيش ليكي صعود (وطلعتي من مكان تاني من خشب) يعني صعود نمره إثنيين( وحيط )يعني حد سند ليكي وصغير في السن( وطلعتي بصعوبه )يعني واخداه وسيله تساعدك
(والمسامير) رجاله مهمه وهما إللي هيساعدوكي في الصعود نمره إثنيين
( والآخر طلعتي) يعني بقي ليكي إستقرار( والشقه مفروشه) هييقي فيه كلام علي إرتباط وأمن لك (وزي ماكنتو ناويين )لا مش زي مانتي عايزه هيكون فيه كلام يضايقك في الإرتباط ده (ودخلتي الحمام) يعني تعبانه نفسي أوجسماني أو الإتنين (والبريود ) دي معناها إن فيه كلام علي جراحه بس (لما غسلتيه) بقيتي مأمنه خلاص( وغسلتي إيدك) أتأمنتي من ناحية مادييات( ولما خرجتي من الحمام) يعني خلاص مبقتيش تعبانه( ووشك لما غسلتيه) هوه العريس وهتأمنيه هوه كمان
(غيرتي البرا )يعني كنتي بتحبي أحد وبعدتيه وهتوافقي علي ده( ومظبوطه) يعني مش هتبقي موافقه
عليه أوي( ودخلتي أوضتك )بتتمني أمن من ناحية واحد ولسه
( مكملش) يعني لسه الإرتباط مكملش ولسه مقررتيش هتختاريه ولا لأ
(وأختك جابتلك عبايه) يعني فيه حل من ناحيتها علي واحد كبير في السن أو معاه مادييات أو له مكانه عاليه( أعطتهالك عشان توافقي عليه وكان فيها خطوط خضر) يعني من ناحيته خير (وأخذتيها ودورتي علي طرحه )يعني فيه إتمام إرتباط من الشخص ده
وجاء الرد : أولا هما فعلا أعتذروا ومجوش إنهاردا
والصعود رقم 2 ده معرفهوش آيه بس يمكن ده يخص أثر الإرتباط ده علي شغلي
الناس المهمين إللي بيساعدوني دول أهلي والتعب موجود فعلا نفسي وجسماني إنما الجراحه لحد دلوقتي الحمد لله مافيش حاجه
الشخص إللي متقدم ده عليه إختلاف يعني فعلا مش زي ماكنت عايزه وهوه مكانته كبيره في الشغل بس معرفش بقي مين إللي بحبه وهيمشي ومين هيجي هوه إللي في الصوره دلوقتي شخص واحد ومبحبوش عااادي بس عموما حضرتك عمرك مافسرتي حاجه غلط ليا ربنا يزيدك من فضله
......................................................................................................
الحلم : حلمت كنت في الحمام أنا و ماما و هيه لابسة بيكيني أسود بستحمى و كان في الحمام شخص بحبه و معاه راجلين وعريان مش لابس حاجة قامت ماما من جنبي و هوه جاء جنبي و تكلم معايا و رجعت ماما و هوه قام راح لمكانه و جلست ماما جنبي و سمعت صوت ست بتتكلم معاه و كانت شقراء وعريانة بتستحمى و راحت و جاء راجل كبير بيتكلم معاه وخرجت من الحمام لبست جلباب جديد بني فاتح و مطرز في الوسط. و شفت بيسين فيه باللونات فوق سطح الماء في الأول لونهم أزرق و في الأخير لونهم أحمر.
التفسير : (كنت في الحمام أنا و ماما ) تعبانين يا نفسي ياجسماني يا الإثنين (و هيه لابسة بيكيني أسود) يعني فيه زوج لماما يا كبير في السن يا معاه مادييات يا إما له مكانة (بتستحمى) يعني بتأمن نفسها من ناحيتة ( و كان في الحمام شخص بحبه و معاه راجلين و عريان) يعني فيه مشكلتين من الشخص ده و عريان معهوش زوجة معهوش أولاد تعبان يا نفسي يا جسماني يا الإثنين (قامت ماما من جنبي) يعني ماما كانت حل لك و بعد (و هوه جاء جنبي) هوه مشكلة لك (تكلم معايا) إنتي عرفتي آيه الموضوع بالضبط (رجعت ماما و هو قام ) فيه حل لك من ناحية ماما و هوه بعد المشكلة إللي تخصك لما قام (ماما جلست جنبي) فيه حل لك من ناحيتها (سمعت صوت ست بتتكلم معاه) حتسمعي إنه حيكون فيه حل (و كانت شقراء) طبعا الحل ده حيتعبك نفسيا و يعملك شوية إكتئاب (و عريانة) الحل ده مافيش راجل مافيش زوج مافيش أولاد من ناحية الراجل ده يعني شكله مش موافق على أي حاجة (بتستحمى و راحت) الست دي كانت حل بالنسبة له وبعد (و جاء راجل كبير بيتكلم معاه) معاه مشكلة.
(خرجت من الحمام و لبست جلباب جديد بني فاتح ) لما خرجت مبقتيش تعبانة لا نفسي ولا جسماني ولا
الإثنيين و لبست جلباب جديد فيه كلام على واحد غير العريان ده و بني فاتح عملك إكتئاب على شوية
زعل (و مطرز من الوسط) الأمان إللي من ناحيته كله مشاكل (و شفت بيسين فيه باللونات لونهم أزرق و في الأخير لونهم أحمر) هو الواحد إللي ممكن تتأمني من ناحيته بس الباللونات دي معاه ستات فوق سطح الماء هما إللي يبقون عامليين لك المتاعب و كان لونهم أزرق بين التعب و بين الغيظ و في الأخير لونهم أحمر بقا من ناحيتهم الغيظ طبعا ده المكان إللي ممكن يكون فيه إرتباط أو إعلان الخطوبة بس مش باين حاجة ممكن الستات دي هي السبب.
وجاء الرد : تعبانين أنا و ماما من مشكلة مع مرات أخويا والبكيني الأسود بابا وماما مازالت بتحبه وهيه مطلقه منه والشخص إللي بحبه كانت بيني و بينه مشكلة و إتحلت والجلباب ده واحد عاوز يتقرب مني و لسه فاتح الموضوع معي مادييات كويسة بس متزوج
و البيسين ده إبن الجيران عاوز أخرج معاه و نتفاهم على الخطبة بس لسه ماأخذتش قرار.
.........................................................................................................
السلام عليكم يا دكتوره لو سمحتي تفسريلي وجزاكي الله خيرا
الحلم : حلمت وأنا ماشيه ببص جنب الرصيف لاقيت 50 جنيه مصري وبعد كده 20 جنيه مصري و ببص لاقيت رزمه كده يوروهات ولاقيت جنبهم محفظه رجالي جلد أسود مليانه عملات أجنبيه يوروهات على دولارات أخذتها..و فتحتها عشان أعرف مين صاحبها لاقيته واحد مسيحي عرفت من الإسم ...قولت لازم أرجعها لصاحبها بس معرفش إزاي وصحيت وكانت في إيدي المحفظه
التفسير :( الرصيف ده واحد وجنبه خمسين جنيه مصري) يعني فيه فلس مادي بسببه ..(.بعد كده عشرين جنيه) فلس تاني ...(ببص لاقيت رزمه كده يورهات )ده فلس على كبير مادي ...(ولقيت جنبهم محفظه رجالي جلد أسود) المحفظه دي هيا الفلوس بتاعة واحد ياإما كبير في السن ياإما معه مادييات قويه ياإما له مكانه عاليه طبعا ممعهوش مادييات ...(مليانه عملات أجنبيه يوروهات على دولارات )المحفظه دي واحد في الأول يبقه فيه فلس بعد كده يبقى فيه خير من ناحية الواحد ده..(أخذتها فتحتها عشان أعرف مين صاحبها لاقيته واحد مسيحي )يبقه ليكي نصره بقه كده.( خلاص إنتي عايزه الشخص ده يبعد) بس مش هتقدري تبعديه هوه إللي هيفكلك الأزمه بتاعة الفلوس دي.
وجاء الرد : والله يا دكتوره فيه مشكله على شقه بتاعة 2 إخوات جوزي ..وإحنا عايزين نشتريها بس ده عاوز فلوس كتير وده عاوز فلوس كتير وإللي معانا ميكفيش ...ممكن ده الفلس المادي ... بس مين إللي ممكن يحلها الله أعلم ...ويارب تتحل من عند ربنا ..و يكون فيه طريقه ينزلوا الفلوس شويه
ربنا يكرمك وكتر الف خيرك يا ست الكل
..............................................................................................
السلام عليكم
اولا اشكرك وجزاك الله خير
الحلم : رأيت في منامي إني حامل وبتكلم مع أحد مش عارفة هوه مين وبقول له أنا ها أولد بعد شهر رمضان يعني هاصوم الشهر كله وهاأولد أول 2
متزوجة وعندي أربع أولاد ومش حامل ومش بفكر في الحمل علي الإطلاق
التفسير : الحمل في الحلم عندك هموم وبتتكلمي مع واحد بتتعاتبي معاه وبتوصفي له الهموم إللي إنتي فيها ولما بتقولي له هاولد في شهر رمضان يعني الهموم إللي جواكي ها تخلصي منها لما يجي الوقت إللي ممكن تتكلمي فيه وفي حاجات مخبياها جواكي ومش هاتقولها الا لما يجي ميعادها وبتقولي له يعني ها أفصل ساكتة طول الشهر واولد أول 2 يعني 2 من إللي جواكي ولا 2 من الشهر كلامك غامض
كنت أقصد أول شهر 2
أول شهر 2 هاتبدأي تتكلمي عن السر إللي إنتي عارفاه الميعاد إللي إنتي حددتيه ده أكيد فيه حاجة
و جاء الرد : حصلت لي مشكلة و سببت لي هم كبير و كنت رافضة أتكلم فيها في البداية و بعد فترة قليلة إتصلت بأخي وحكيت له المشكلة و مين إللي السبب فيها
و حاول أخي إيجاد حل لها



#كريمة_سلام (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- الحلم جنيه الواقع - الجزء السادس
- الحلم جنين الواقع ووليد المستقبل .. الجزء الخامس
- الحلم جنين الواقع - الجزء الرابع -
- صورة الفاكهة في الحلم
- فستان الزفاف وأحلام الصبايا
- الأحلام ولعبة الحروف
- حلمك مرآة يقظتك
- أحلام العنزة في الأبراج الصينية
- حلمك أنت شكل تاني
- أحلام ذوي الاحتياجات الخاصة
- دردشه فلكية
- أحلام زوجة جندي
- شخبطة صباحية
- هدايا الأحلام في عيد الحب
- أحلام غرفة النوم
- الحيوان في أحلام الإنسان
- الحشرات في أحلام الإنسان
- الطيور في أحلام الإنسان
- الحلم جنين الواقع - الكتاب الثالث -
- الحلم والحيوان والناس


المزيد.....




- في دبي.. مصور يوثق القمر في -رقصة- ساحرة مع برج خليفة
- شاهد لحظة اصطدام تقلب سيارة عند تقاطع طرق مزدحم.. واندفاع سا ...
- السنغال: ماكي سال يستقبل باسيرو ديوماي فاي الفائز بالانتخابا ...
- -لأنها بلد علي بن أبي طالب-.. مقتدى الصدر يثير تفاعلا بإطلاق ...
- 4 أشخاص يلقون حتفهم على سواحل إسبانيا بسبب سوء الأحوال الجوي ...
- حزب الله يطلق صواريخ ثقيلة على شمال إسرائيل بعد اليوم الأكثر ...
- منصور : -مجلس الأمن ليس مقهى أبو العبد- (فيديو)
- الطيران الاستراتيجي الروسي يثير حفيظة قوات -الناتو- في بولند ...
- صحيفة -كوريا هيرالد- تعتذر عن نشرها رسما كاريكاتوريا عن هجوم ...
- برلمان القرم يذكّر ماكرون بمصير جنود نابليون خلال حرب القرم ...


المزيد.....

- فيلسوف من الرعيل الأول للمذهب الإنساني لفظه تاريخ الفلسفة ال ... / إدريس ولد القابلة
- المجتمع الإنساني بين مفهومي الحضارة والمدنيّة عند موريس جنزب ... / حسام الدين فياض
- القهر الاجتماعي عند حسن حنفي؛ قراءة في الوضع الراهن للواقع ا ... / حسام الدين فياض
- فلسفة الدين والأسئلة الكبرى، روبرت نيفيل / محمد عبد الكريم يوسف
- يوميات على هامش الحلم / عماد زولي
- نقض هيجل / هيبت بافي حلبجة
- العدالة الجنائية للأحداث الجانحين؛ الخريطة البنيوية للأطفال ... / بلال عوض سلامة
- المسار الكرونولوجي لمشكلة المعرفة عبر مجرى تاريخ الفكر الفلس ... / حبطيش وعلي
- الإنسان في النظرية الماركسية. لوسيان سيف 1974 / فصل تمفصل عل ... / سعيد العليمى
- أهمية العلوم الاجتماعية في وقتنا الحاضر- البحث في علم الاجتم ... / سعيد زيوش


المزيد.....


الصفحة الرئيسية - الفلسفة ,علم النفس , وعلم الاجتماع - كريمة سلام - الحلم جنين الواقع - الجزء السادس