الحلم جنين الواقع - الجزء الرابع -

كريمة سلام

الحوار المتمدن-العدد: 5466 - 2017 / 3 / 20 - 14:34
المحور: الفلسفة ,علم النفس , وعلم الاجتماع
    

مقدمة:
تتواصل الأحلام بين الواقع والخيال .. بين الصحو والمنام .. يناجي الإنسان واقعه في عالم الأحلام ويشكو أوجاعه كل صباح وقبل أن ينام .. وهي تجارب حقيقية لأشخاص من مصر ومختلف أنحاء العالم .. يتواصلون بها معي لعل في تفسيري بعض السكينة أو الأمل أو بعض المواساة .. ورأيت أن أشارككم أحلامهم لعل تفسيرها يؤازركم في أحلامكم .. ويدخل الأمان على قلوبكم .. وأسعد بصحبتكم كل يوم .. وأقدم لكم النسخة الرابعة من سلسلة كتبي الحلم جنين الواقع ووليد المستقبل .. صباح الخير ..

الحلم : حلمت بتكلم مع رئيسة وزراء بريطانيا وزوجها وراحوا ناموا على
السرير
سؤال : انت متزوجة ؟
الجواب : آه
التفسير : عندك فرحتين منهم واحدة بعد زعل في حياتك الزوجية مع زوجك
وجاء الرد : مقدم ضدي ورق مزور وعاوز يطلعني من الشقة هو وأخوه وأخذ
حكم بالطرد في الاستئناف والمحامي وقف الحكم
رد مني : لا تقلقي عندك نصرتين غير عاديتين مهمين قوي

الحلم : حلمت ببغبغان إيده انكسرت وأنا جبت خيط وربطت إيده
سؤال : إيد واحدة
الجواب : نعم
التفسير : واحد طول النهار يقول كلام بدون فعل وفيه نص مشكلة مادية
غير المرتب الشهري وانتي عن طريق واحد حاولتي تظبطي الماديات دي.
وجاء الرد : اه سبحان الله

الحلم : حلمت جسمي محروق ما عدا وشي وجت واحدة رشت علي جسمي
وشالت الجلد المحروق من جسمي وجدت ارجلي من تحت الركبة كرمشت وكنت لبسة جلابية صفراء لكن مش مبينة العري بتاعي
التفسير : انتي تعبانة من جوزك او شخص يصلح لك زوج ومش راضية
تبوحي لاحد بذلك ولك حل ابعدي عن اخوتك واللي بينهم وبين زوجك لان عندك مشكلة مادية وزوجك حيبعد لكن مش حتسيبوا بعض لكن تعبك وتاعب نفسيتك
وجاء الرد : فعلا كنت زعلانه مع زوجي والان اتصالحنا والحمد لله وفعلا
عندي مشكلة في شغلي

الحلم : حلمت كل اسناني تؤلمني
التفسير : عندك مشاكل مع افراد العيلة كلها
وجاء الرد : هاها والله صح

الحلم : حلمت رايحة مدرسة ومعي ابني عشان عندي امتحان وركبت السيارة
بدون ابني وكانت سوداء ومعي زوجي بيسوق السيارة ونزلت من السيارة ودخلت الامتحان وكان لسه لم يوزع ورق الامتحان
التفسير: عندك مشكلة مع أصدقاء قدامي لان لديكي اكتئاب نحو شخص
اخر عاوزة تساعديه ماديا او عينيا مش قادرة وهناك تحذير لك للابتعاد عن الأصدقاء القدامي لأنهم سبب المشكلة اللي انتي فيها ولما ركبتي السيارة فيه قرار ستنفذيه أنت وزوجك لك فيه خير والقرار في يد زوجك وستأخذى فيه خطوات إيجابية ولما نزلتي حتصرفي نظر عن القرار لأن حيكون عندك اكتئاب من نوع آخر بسبب مشكلة على ورقة قضائية.
وجاء الرد : والله كله صح بشكرك

الحلم : حلمت أن أبي المتوفى لابس جلابية بيضاء وفيه طائر نازل من
السماء
التفسير : لو فيه ميراث يبقي مشكلة قديمة حتتجدد على الميراث والجلابية
البيضاء تشير إلى والدتك وهو زعلان معاها والطائر شخص انتهازي يأتي ليأخذ ما يريد فحسب ولا يظهر حينما تكوني بحاجة إليه.
وجاء الرد : أه أمي وأخوها أخذوا كل حاجة الفلوس والأرض ولم يعطوني
شيئاً

الحلم : حلمت بأبي صابغ شعرة اسود قوي وقاصص 2 قيراط من شعرة
وراكب تاكسي
التفسير : بتفكري في قرار نحو شخص بينك وبينه مشكلة زوجك أو عريس
سيفقد شيئاً أو شخصاً عزيزاً
وجاء الرد : طليقي مراته سرقت منه 75 الف جنيه

الحلم : حلمت بحلة فيها طبيخ ولحمة
التفسير : واحدة وستطمئنك من ناحية كلام بزعل
وجاء الرد : أختي وقالت لي خلاص قولي لزوجك مش حنأخذ منه فلوس

الحلم : حلمت بواحدة مسيحية نايمه جنبي في السرير وبلعب بيدي في شعرها
وكان شعرها لونه اصفر ماءل للبني
التفسير : عندك نصرة وفرحة في حياتك الزوجية من ناحية واحد تعبك في
ماديات غير ماديات شغله ومصروف معيشتة
وجاء الرد : فعلا هناك مشاكل مع زوجي على ماديات وعليه شيكات

الحلم : حلمت شعري طويل وفيه حشرات كتير ومسكت قماشة ومشط وقعدت
انزل من شعري وأموّت وصحيت
التفسير : شعرك زوجك عريس وله مكانه وفيه ستات ورجال عاملين مشاكل
بينكم وحصل كلام بزعل وعن طريق واحد تخلصتي منهم وقضيتي عليهم
وجاء الرد : طليقي وفيه مشاكل وهوة مبسوط ماديا

الحلم : حلمت البوتاجاز به عدد 2 صاج بداخله فيهم جاتوه شيكولاتة
التفسير : البوتجاز واحد والـ2 هما رجلين والتلاتة مزعلينك
وجاء الرد : جوزي والـ2 ولادي وفعلا الـ 3 مزعليني ربنا يحفظك

الحلم : حلمت بربي فراخ كتير وبسبها فترة طويلة بدون اكل وارجع الاقي منها
كتير ميت
التفسير : ستات على رجال مهما تصرفي عليهم وتعطيهم مش بيطمر فيهم
وحتي لما بتمنعي الفلوس عنهم بتجدي مشكلتهم منتهية ومش متأثرين بحاجة انتي بس اللي تعبانة بسببهم وهما مش بيحسوا
وجاء الرد : الله عليكي ربنا يخليكي لينا يارب

الحلم : حلمت بسيارة امامي وبعدها تختفي
التفسير : قرار بتفكر فيه وبيبعد
وجاء الرد : ينفع يكون ترقية
رد مني : نعم ترقية بعد ما تكون متأكد ان الترقية لك القرار بالترقية يكون
لغيرك
وجاء رد اخر : تمام صح كدة متشكر جدا

الحلم : حلمت بفتح درج وجدت فلوس ورق
التفسير : واحد وعامل ازعاج علي فلوس وانتي اساسا مفلسة
وجاء الرد : زوجي فيه غيرة

الحلم : بنتي حلمت والدها المتوفي بيضحك لها
التفسير : لو فيه ميراث يبقي الزعل علي الميراث
وجاء الرد : اه فيه ميراث

الحلم : والدتي بتقول لي تعالي نعمل فول قلتلها لا نعمل مكرونة قالت أمي على 70 يعني ايه
التفسير : ماما زعلانه وانتي عاوزة تعملي مشكلة على فلوس
وجاء الرد : اه صح

الحلم : حلمت جارتي دخلت عليا وقالت لي انتي قاعدة ليه قومي اعملي دلالات اورام
التفسير : حل لك من ناحية أشياء مخبياها على أحد وبتقوليها لأحمد زي مثلا لبس الحجاب عند البيت وبتقلعية عند الشغل
وجاء الرد : ربنا يخليكي شكرا كنت خايفه

الحلم : حلمت شعري أصفر وجميل أوي ولابسه فستان أسود والكل بيقول اني جميله قوي
التفسير : الفستان واحد وشعرك شخص اخر والاتنين يسببون لك متاعب
وجاء الرد : طيب شكرا

الحلم : حلمت بحب هان كتير اوي
التفسير : مشاكل علي فلوس
وجاء الرد : اه طيب

الحلم : حلمت راكب علي حصان ومعي سيف ولابس جلابية بيضاء
التفسير : انت مسيطر علي واحد مهم له مكانه عالية ومعك الوسيلة اللي تقدر تمحو اي شيء يعترض طريقك وزعلان مع مراتك
وجاء الرد : هاها صح أنا زعلان معاها

الحلم : حلمت انا ساكنة في مستشفي ودخل عليا حسني مبارك وحضني واعطاني شيكولاتة كبيرة
التفسير : بتعالجي مشكلة في بيتك وشغلك وامنية بتتمني تحقيقها مش حتحصل وحتفارقيها وحتزعلي زعل جامد جدا من واحدة
وجاء الرد : زميلي خطب زميلتي وحيتجوزا وكان المفروض انا
رد مني : لا تزعلي كل واحد يأخذ نصيبه ونصيبك في الخير انشاء الله

الحلم : حلمت انا وماما بنزعق مع بعض وبتقول لي انتي مالك وعاوزة اية وكذا
التفسير : حتتفقوا علي شيء
وجاء الرد : اه حصل ربنا يخليكى

الحلم : زوجي حلم أن في بيت امه 2 غرفة فيها كراكيب وفتح الثلاجة وجد بها دماغ واحدة وطالع منها دود
التفسير : عند منزل والدته مشاكل بسبب واحدة زوجك مش عاوز يشوفها وكلامها اللي بتقوله جايب لزوجك العين والحسد
وجاء الرد : اه كلامك صح شكرا

الحلم : حلمت عاوزة اروح المستشفي مع امي وقعت مني في الشارع
التفسير : عندك مشكلة علي ماديات مش حتعرفي تعالجيها
وجاء الرد : اه يعني مش ماما خالص .. ماديات .. شكرا

الحلم : حلمت بأكل عنب وحلاوة
التفسير : مشكلتين واحدة حتعيط اكتر ماتزعل والتانية حتزعل
وجاء الرد : ربنا ييسر الامر

الحلم : حلمت واقفه بنتظر مواصلة اركبها وحسه على الرصيف بأولاد صغار عجزة وبقول لنفسي ياتري حيأخذوا كام عشان يوصلوني سمعت صوت رجل من بعيد قال لي من هنا فديرت وجهي للجهة الاخري شاهدت من بعيد قصر الاتحادية وقال عشان توصلي حيأخذوا 300 وصحيت
التفسير : عندك مشاكل منكدة عليكي تخص شغل وليست معك أي وسيلة لتنهي النكد دة والمشكلة عشان توصلي لنهاية سعيدة فيه 300 ايه.. الحلم لم يجاوب
وجاء الرد : فعلا عندي كذا مشكلة منكدة عليا ليل ونهار تخص شغل ابني ومش عارفة تتحل إزاي وأنا ليس بيدى شيء
رد مني : بـ 300 أكيد فلوس بس ياترى 300 الف ولا 300 دولار ولا جنيه الله اعلم.

الحلم : حلمت أن 3 تماسيح بيهجموا على 3 خرفان
التفسير : 3 اشخاص مأمنين نفسهم ماديا وهم أساسا لا يعملون ويحبون المال ومسيطرين على 3 أشخاص آخرين ضعاف الشخصية
وجاء الرد : شكرا

الحلم : حلمت أني في مدرسة وكان فيه أسد شكله وحش ومعه 3 أشبال ومحاسن الحلو وانا معي 3 قطط صغيرة قطة هربت وباقي 2
التفسير : ابعدي عن الاصدقاء القدامي لانهم سبب متاعبك مع واحد شرس وعنيد ومسيطر وغيور جدا ومعه 3 اولاد صغيرة فيهم نفس صفاته ولك حل معهم وانتي معك 3 بنات مكارين وخداعين بينقلوا الكلام عفوي للاخرين لذلك بتحدث المشاكل وواحدة من القطط حتبعد مش حتستمر معك
وجاء الرد : شكرا ربنا يزيد علم

الحلم : أنا زوجة تانية وزوجي مخبي على أهله وطلبت منه يأتي ويخبرهم وبعدها حلمت ان زوجي جايب عندي ابنه الصغير وانا غيرت له ملابسة
التفسير : من كلامك ستحدث مشكلة مع زوجك وستضطري للرضا بالأمر الواقع اللي انتي فيه
وجاء الرد : يعني حنفضل كدة مش حيبات عندي
رد مني : لا بس عاوزة افهمك حاجة ان الحلم حدث مؤقت ليس دائم يعني ممكن تحلمي حلم اخر يغير الوضع لا تقلقي
وجاء رد اخر : تسلمي ربنا يبشرك بالخير طمنتيني

الحلم : حلمت بحمامة لونها أبيض وبيج دخلت من الشباك وأخري رمادية اللون وكان والدى المتوفي جالس وقال لي اذبحيهم وخذيهم وأكليهم للأولاد.
التفسير : 2 زعل مع واحدة والاخري بين الاكتءاب والوقار وفيه مشكلة قد يمة حتتجدد لو فيه ميراث يبقي المشكلة علي الميراث والذبح انكسروا وحتتحل المشكلة وتأخذي الميراث لاولادك
وجاء الرد : اه فيه مشكلتين مع اختي واخي يعني كدة حتتحل المشكلة وااخذ الميراث منهم
رد مني : نعم حتأخذي الميراث

الحلم : حلمت بملك الأردن جالس معي ورجال وبيتكلم حنعمل ونخلي وكان معي 2 زجاجة خمرة خبيتهم تحت كنبة وبعد الكلام أخذت زجاجة وخرجت وجدتها فاضية وودتها الكعبة ورجعت لأخذ الزجاجة التانية فلم أجدها وانتهي الحلم
التفسير : أمنية تتمناها فيها لسه كلام و2 ستات فيه كلام معهم تخجل تبوح به واحدة منهم انتهت المشاكل معها وتأمنت من ناحيتها وعاوز تخلي الواحدة الأخرى مثلها ولكنك مش عارف لأنها بعدت أو رفضت مش موافقة تبقى معك.
وجاء الرد : تمام الله يباركلك ويزيدك

الحلم : حلمت بواحد بحبه لابس اسود وماسك كيس فيه عيش وجبنه وانا غاضبة وبطبق غسيل وهوة بيهزر وكنت لبسة جلابية نص كم وشعري عاملاه كحكتين قدام
التفسير : انتي في الحلم ملابسه ومعزوزة بالنسبة له وهناك كلام على فلوس مع شخص ومزعلك لكن مش بيبينلك وهوة مزعلك ولبسك هوة هوة ومبيشتغلش وعنده 2 متسببين في تعب لك ومشكلتين.
وجاء الرد : هوة مزعلني عندة فلوس وأمه وأبوة بيصرفوا عليه وتعبانة منه عشان الفلوس والجواز

الحلم : حلمت أني أحضن كلباً
التفسير : واحد بيوعد ويخلف وعاوز يأخذ ما يعطيش وحتبعدوا عن بعض
وجاء الرد : ممكن يكون جوزى
ردمني : ممكن

الحلم : حلمت بسمع سبحانك ربي سبحانك سبحانك جل شأنك
التفسير : حتسمعي خبر عن فلوس تخصك
وجاء الرد : اختي انا عاوزة منها ذهب ورفضة تعطية لي وفعلا حصل كلام بس لسة ربنا كريم وأنا في مأزق كبير ومحتاجة الذهب فعلاً.

الحلم : حلمت لبسه جزمة فضي وبدون كعب وبدور علي زجاجة برفان وجدت جلد الجزمة بيتقشر.
التفسير : واحد له ميزة لكن ليس له مكانة عالية وعاوزة واحدة تنشر أخبار عنه لكن أهله بيتبروا منه
وجاء الرد : اه عشان معهوش فلوس لكن لو معاه يدوروا عليه وهوه قاعد مافيش شغل

حلم الأستاذة "فجر السعيد" .. حلمت اني راجعت البيت ولما جيت انزل من السياره لقيت الثلوج مغطيه المكان كله وصعب أفتح باب السيارة والثلج بكل مكان
شنو تفسيره؟
التفسير: فيه قرار يخصك عاوزة تاخديه والقرار في إيدك لكن لما حبيتي تصرفي نظر عن هذا القرار سيترتب عليه إزعاج لك من شخص وهاتضطري تصرفي من فلوس انتي شايلاها وهاتحتاري بين الصرف أو عدمه وفِي الاخر هاتصرفي فلوس

الحلم : حلمت بموبايل لونه ابيض موضوع في جراب لونه ابيض وانا طلعته من الجراب ووجدت 2 موبايل تانيين معي
التفسير : انتي منتظرة خبر من واحد مزعلك والسبب اللي بعده عنك واحد وحترجعيه لك لان معك خبرين تانيين ساعدوكي علي عودة اللي مزعلك لك
وجاء الرد : مافيش رد لاني سمعته من التليفزيون

الحلم : حلمت امي بتتجوز وهية ست كبيرة وناس كتير كانوا لابسين اسود عاوزه أعرف ايه ده
التفسير : انتي عندك مشكلة وحتتحل بالخير انشاء الله
وجاء الرد : انشاء الله الف شكر

الحلم : حلمت بغير لبنتي البامبرز وجدتها ولد
التفسير : بتتمني حل من واحد على ماديات متشاله الحل حيقلب مشكلة وحتزعلي
وجاء الرد : ايووووووا

الحلم : امي حلمت انها ماشية مع بنتي ودخلت شارع من غير بنتي فيه عربيات وبعدها سوق فيه زبيب بيتباع بس كبير وكانت حاتشتري ما اشترتش
التفسير : فيه حل لها لم تستفد منه وأصبحت تفكر في قرارات كتير ممكن تعملها وسوق الزبيب مشاكل على فلوس
وجاء الرد : معاشها اتأخر

الحلم : حلمت بأني في أسانسير بيطلع لفوق وبنزل ومش عاوز يقف
التفسير : واحد بيطلعك 7 سما وينزلك 7 أرض ومش بيبطل
وجاء الرد انتي ست جميلة اوعي ربنا يزيدك

الحلم : حلمت كأن واحد رماني بنواية بلح ولم تصبني لكن عملت صوت
التفسير : مشكلة مع واحدة تابعة لأحد متوفي ولم تؤذ بس حصل إزعاج لك
وجاء الرد : صح لسانك

الحلم : حلمت بجدتي المتوفية أعطتني شيكولاته وأكلتها وأخري وأخري وكل مرة آكلها وأعطتني كيس فيه شيكولاته وبرشام منع الحمل
التفسير : مشكلة قديمة ستتجدد ثلاثة مرات والكيس شخص وهناك خلافات معه بسبب الإنجاب
وجاء الرد : يعني مافيش خلفه.

الحلم : حلمت إن ماماعندها السرطان في بطنها وفي أسنانها
التفسير : هناك أسرار تخفيها عن بعض الناس وتقوليها لناس آخرين وهم بطنك أي زوجك أو خطيبك أما أسنانك فهي سلالة العيلة
وجاء الرد : اه

الحلم : حلمت بحصان بيجري وجاء عندي ودخل من الباب وانا واقفة بجوار الباب ولما شفت الحصان دخل من الباب ناديت علي ابني اللي بالداخل يا محمد يا محمد لم يرد لكن سمعت صوت الدش والمياه ثم خرج الحصان يجري للخارج في الخلاء وكان لونه بني
التفسير : الحصان واحد له مكانة عالية وعامل لك اكتئاب ودخوله بيتمني الامن والاستقرار من ناحيتك والباب واحد وأخوه اللي بتنادي عليه وخرج لانه لم يجد لديكم الـ 3 الأمن والاستقرار اللي بيتمناه بمساعدتكم وأخوه مأمن نفسه
وجاء الرد : ابني دكتور أسنان وعنده مشاكل في قرض للعيادة

الحلم : حلمت بحصان لونه بني وعلي عينه غشاوة كما لو كان يبكي
التفسير : شخص ذو مكانة عالية ويمر بمشكلة ومتسبب في اكتئاب
وجاء الرد : هو ابني وعنده أزمة مادية كبيرة

الحلم : حلمت بعسكري لابس رسمي ابيض وملفوف في كيس نايلون شفاف ونازل من السماء الي الارض اتفجعت وصحيت وكان ماسك في يده رشاش
التفسير : فرحة وخير لك من عند الله بس فيه شوية زعل لشخص
وجاء الرد : ربنا يفرحك شكرا ابني في أزمة وبدعي ربنا ينجيه

الحلم : حلمت بدور في جزامه على جزمة وكانت الجزم كتير
التفسير : بتدوري على رجل من كذا رجل يكون ملاءم

الحلم : حلمت بأكل عنب
التفسير : حتعيطي أكثر ما تزعلي
وجاء الرد : مافيش رد لأنني سمعته في حلقة على التليفزيون والتفسير كان خطأ فكتبت التفسير الصح

الحلم : انا عاوزة اخلف تاني حلمت بكيس شيبسي وبنتي طلعت منه صورة طفل
التفسير : جوزك عندة مشكلة وتنسي موضوع الخلفه
وجاء الرد : بس كدة؟
رد مني : اه كل شيء بأمر الله

الحلم: حلمت بمشاجرة مع زوجي وخلعت الطاقيه والطرحة من رأسي وكان الماء ينزل من أذني ليملأ ملابسي
التفسير : انت مبسوطه من ارتباطك بيه لكن لا تخافي حيحدث اتفاق بينكم علي ترككم لبعض وانت حتسمعي ان فيه فلوس راحت هدر علية وتأمن منها وانتي كنتي بتتعايقي بجوازك منه
وجاء الرد : يعني حنسيب بعض
رد مني : اه

الحلم : حلمت نزل لي فلوس في حسابى واخذتها ولا اعلم ما مصدرها
التفسير : انتي منتظرة فلوس ولسه لم تأت
وجاء الرد : ايوااااه مشكورة

الحلم : حلمت بزلزال هز البيت وبرة العمارات انهارت والاشخاص تتطاير مقطعه قطع وانا كنت مرعوب جدا
التفسير : انت عملت مشكلة هديت البيت وضيعت كل شيء وكمان خليت من حولك ينهاروا بسببك والمشاكل تجزاءت حولك يعني ستصل لتهدئة
وجاء الرد : بصراحة أنا مش عارف أقول لحضرتك إيه ربنا يحفظك وينور بصيرتك كمان ويزيدك علما

الحلم : حلمت على سطح عمارة 7 دور وماسكة في يدى ولد صغير وعاوزة أرميه من يدي مش عارفة
التفسير : أمنك واستقرارك ضايع وعاوزة تخلصي من نكد عندك مش قادرة لأسباب مادية غير مصروفك
وجاء الرد : ربنا يباركلك ويزيدك علما

الحلم : حلمت بأسد نايم علي طاولة وبيأخذوا منه دم كل شوية
التفسير : واحد شرس وعنيد وتاعب واحدة وتعبان وتعبه حينتهي في موعد محدد ومن الممكن أنه يجري فحوصات أو عملية جراحية
وجاء الرد : دة بابا وعنده أنيميا
رد مني: كل شويه يأخدوا منه دم دي التحاليل وحيخف ويبقي كويس انشاء الله

الحلم : حلمت انا وزوجي بعدي الطريق جت سيارة لونها ابيض وخبطت زوجي وانا فضلت ارجع
التفسير : السيارة قرار انتي بتفكري فيه ولما خبطت زوجك أفاق وانتبه لما تريدينه لأنك زعلانة والترجيع تخلص من الهموم
وجاء الرد : شكرا تمام

الحلم : حلمت ان اخي المتوفي اتجوزني وجبت دم
التفسير : مشكله قديمة وحتتجدد من ناحية جراحة لك
وجاء الرد : بس دة اخويا ومتوفي طيب ازاي
رد مني : مش أخوكي ده رمز لمشكلة قديمة وستتجدد والدماء هي الجراحة
وجاء الرد : طيب

الحلم: حلمت ان زوجي المتوفي اعطاني 20 جنيه ورق واعطي زوجته ام العيال برضه فلوس ورق وكتير
التفسير : زوجته مشكله قديمة وحتتجدد من ناحية أحد عاوز فلوس تخص زوجك المتوفي ومش ولما تدفعي حتفلسي يعني مش حيتبقي معك فلوس
وجاء الرد : كدة يعني

الحلم : حلمت بقول لاختي البدله دي اللي جوزى لبسها طويله شويه وعاوزة اقصرها
التفسير : انتي اللي الفلوس كتير بتصرف علي جوزك بعد طبعا ما سألتها متجوزة وقالت نعم وعاوزة تقصريها يعني تلمي المصاريف شوية
وجاء الرد : ايوة والله عندك حق

الحلم : انا خلصت مدرسه في الحقيقة فحلمت اني في المدرسه كيف هذا
التفسير : ابعدي عن الصحاب القدام لك لا تحكي لهم اي شيء يخصك لانهم سبب الازمة اللي انتي فيها
وجاء الرد : اييييييييييوا

الحلم : حلمت والدتي المتوفيه قالتلي اكلي الناس وكان فيه ستات لبسين اسود قاعدين علي الارض
التفسير : لو مافيش ميراث من الوالدة يبقي مشكله قديمه حتتجدد علي قاعدة اتفاق بالخير وحتنتهي علي موعد ولو فيه ميراث يبقي المشكله حتتجدد علي الميراث
وجاء الرد : ربنا يبشرك بالخير شكرا

الحلم : حلمت لبسه جلابيه خفيفة جوي والناس بتبص عليها
التفسير : جوزك ومبيشتغلش ومتكشف لك كل حاجه عنه
وجاء الرد : اه قاعد في البيت يعني مش فضيحه ولا حاجه
رد مني : لا ذى ما قلت لك

الحلم : حلمت بأمي المتوفيه عنييها نتنظر لي من فتحه في السماء
التفسير: لو فيه ميراث يبقي مشكلة قديمة وحتتجدد علي ميراث امك وبتقول لك استمري وانتي متأمنه لا تخافي
وجاء الرد : اه اخي واخد الشقة ومش راضي يعطيني حقي ورحت له مسألش كلمت ناس وورتهم الاوراق قالوا لي اشتكيه
رد مني : كلميه مرة أخري وقوليله حشتكيك ويكون معاكي ناس ذو تأثير عليه وان لم يستجب اشتكيه طالما معاك اوراق تثبت حقك

الحلم : حلمت انا في محل جزار وفيه كلاب كتير مسلوخه بتتدبح وما فيش دم
التفسير : اشخاص بتوعد وتخلف وعاوزة تأخذ ولا تعطي وبعاد عن اهاليهم وحيتأزوا بعيد عنك
وجاء الرد : كويس انك نورتيني مش عارف اقول لك اية

الحلم : زوجي حلم انني بخونه مع محمد رمضان
التفسير : امنيه بيتمني تحقيقها حيكون كذبه أو عدعه وليس فعل جنسي
وجاء الرد : تمام يا استاذة

حلمت : بزوجي ماسك انبوبة بوجاز وبيحاول يشغلها
التفسير : واحده وعامله مشاكل علي فلوس مع زوجك وهو بيحاول يخليها تساعدة
وجاء الرد : اخته عاوزها توافق معه علي بيع البيت وياخد فلوس من المقاول

حلمت ماسكه ولاعه وكل شويه اشغلها واطفيها
التفسير : انتي كل شويه تعملي مشاكل محددة المدة وتنهيها
وجاء الرد : هاها واللة كلامك صح

الحلم : حلمت بدولفين وانا كنت فرحانه بية قوي وزميلتي اعطتني 2 سلسلة ذهب
التفسير : واحد مأمن نفسه واجتماعي وبيحب يلهو وبتأتي الفلوس اليه بدون تعب ولا مشاكل وحيزعلك والسبب 2 ستات حتتعبي بسببهم نفسيا وجسمانيا
وجاء الرد : تمام شكرا

الحلم : حلمت جدتي المتوفيه وانا في المقابر شفتها داخل المقبرة وكلها دود
التفسير : مشكله قديمه وحتتجدد من ناحيه ارتباط والسبب الحسد
وجاء الرد : الله ينور عليكي صح هوه ده اللي حصل

الحلم : حلمت انني مريضه بالسرطان وذهبت للمستشفي
التفسير : انتي فيه اشياء تخصك بتقوليها لناس وبتخبيها عن ناس وعاوزة تعالجي الموضوع ده
وجاء الرد : اه انا قلعت النقاب بالقرب من شغلي لكن لما بروح بلبسه قبل البيت وتعبت مش عارفه اعمل ايه

الحلم : دايما احلم بماما المتوفيه تقول لي انا ما متش في الحادثة علي طول والحلم ده بيتكرر معي وماما فعلا متوفيه
التفسير : التكرار معناه انك بتعاني من شيء لسه ما انتهاش وماما المتوفيه مشكلة قديمه والمشكلة ما انتهتش وبتخص قرار عاوزه تعمليه وفيه استمرار في التفكير فيه كل ما تتىاجعي عنه ترجعي له تاني
وجاء الرد : اه بصراحة عاوزة البس النقاب ومش عارفة خايفة ارجع اقلعه تاني بعد ما البسه

الحلم : حلمت راكب موتوسيكل وركنته علي جنب ولاقيك واحد مكسور ذهبت اليه وفضلت اضحكه مش راضي يضحك
التفسير : لديك مشكله ماديه وانتهت وعدم ضحك الرجل معناه انك مش قادر تزاول عملك رغم نهاية المشكله الماديه لكن مش حتكون زعلان
وجاء الرد : ربنا يخليكي لينا ويبارك فيكي

الحلم : زوجي حلم انه وداني الحج وكنت لبسه ملابس الحج
التفسير : فيه امنية بيتمناها حتتحقق له
وجاء الرد : ربنا يبشرك بالخير

الحلم : حلمت ماشيه في شارع عند السيده نفيسه وكانت معي واحدة مسيحيه ورحنا محل سمك عشان ناكل وصاحب المحل جاب لي سمكة كبيرة صاحيه لكن لم ااكل ولا جاب اكل والبنت المسيحيه مشت وبعدها كلمتني في التليفون وقالت انا جايه بس مش عارفه حاجي فعلا ولا لاء
التفسير : فيه امنية بتتمني تتحقق وانتي في الطريق اليها ولك حل فيه فرحه لك
وفعلا شفتي الفلوس لكن فيه شيء حصل خلاكي تقلقي وانتي منتظرة الرد واللي سمعتيه خلاكي متحيرة حتاخدي الفلوس ولا لاء
وجاء الرد : استاذة ورءيسة قسم والله العظيم

الحلم : حلمت في ذقني حبه مضايقاني ولما شلتها عملت حفرة
التفسير : زعلتي من واحد ولما بعد ترك اثر في نفسيتك وده اللي مزعلك
وجاء الرد : شكرا لحضرتك تقريبا هوه ده اللي حصل

الحلم : حلمت انا وبنتي دخلنا المطبخ وجدت رجل دماغه بتنزل دم اخذت قماشه وربط بيها دماغه وقلت لبنتي تعالي نوديه المستشفي
التفسير : انتي بتفكري وعندك مشكلة وفيه كلام مزعلك علي احد حيعمل جراحة
لكن لك حل للمشكلة وعاوزة تعالجيها
وجاء الرد : انا حعمل عملية في العمود الفقري وعاوزه اروح لدكتور يعالجني من غير ما اعمل عملية

الحلم : حلمت بشرب قهوه من فنجان ومش قادره احدد شاي ولا قهوه
التفسير : واحد ومش قادره تحددي سيكون من ناحيته خير ولا شر
وجاء الرد : حصل ولا لسه حيحصل
رد مني : لو حصل يبقي خلاص لو لم يحصل يبقي هوه ده

الحلم : حلمت امامي علبة مناديل ورق
التفسير : واحده وحتفرقيها
وجاء الرد : خالتي الله يرحمها

الحلم : حلمت بروي ارض فيها زرع لسه صغير قمح وببص وراءي وجدت الارض مزروعه قمح كبير واخضر غير اللي امامي
التفسير : انت لسه حتبدا في بداية مشروع وفيه ماديات رايحة هدر لكن ربنا فاتحها من قبلك علي احد سند لك
وجاء الرد : متشكر جدا استاذة كريمه

حلمت بشنطة فيها فلوس ورق وفلوس فضة
التفسير : خير ونهاية مشاكل من ناحية ازمة مادية
وجاء الرد : شكرا ربنا يسمع منك انا مطلقه ومعي اولاد ورافض يصرف علي اولاده ومرتبي مش بيكفي

الحلم : حلمت بشنطه فيها موبايل ابي
التفسير : نهاية مشاكل وانتي بتنتظري خبر من واحد مزعلك
وجاء الرد : صح ربنا يباركلك في علمك

ولو الموبايل اسود واحد من وراءه خير

الحلم : حلمت بجارتي ماليش كلام معاها وانا واقفه بره باب الشقه وهيه في الصاله داخل شقتها بتعمل محشي ومعاها 2 ستات واحده منهم ماسه موبايل وبتتكلم وانا بقول لها اعمليلي معاكي ولو حله صغيره
التفسير : انتي اللي عندك مشكله علي فلوس ولك حليين حل منهم وضح لك انك حتتصلي بواحد والكلام معه عشان انا ما ليش حد بتعمل فيه كده
الرد : سبحان الله يامدام كريمه واحد كان في ضيقه وسلفته 3 آلاف جنيه وبيقول لي ماخذتش منك حاجه

الحلم : حلمت لبسه فستان لونه اخضر وكنت معجبه بيه وشعري كان طويل وعاجبني وقلت مش حقلع الفستان الا لما اتصور
التفسير : واحد منه خير وفيه واحد تاني تعبك والصور ال 2 حيكونوا ذكري بالنسبه لك فقط مافيش ارتباط
الرد : هوه مكلم اصحابي عليا وهوه زميلي في الشغل وده مزعلني

حلمت ابني وقع من الدور العاشر ومات وانا فضلت اصوت وابكي واصرخ
التفسير : نكد وانتهي وحتتحل مشكلتك
الرد : ربنا يسترك الله اكبر عليكي

الحلم : بنتي حلمت بواحده فب الشباك لبسه احمر وشكلها وحش مثل العفريته ودخلت الحمام وشدت السيفون وكانت بتضحك وانا خايفه منها
التفسير : حل لاخوها عامل لكم ازعاج وتعب لان فيه ماديات رايحه هدر بسببه علي واحد
الرد : احنا كنا مرعوبين فعلا فيه واحده خطبها ونحن لا نريدها لانه خاطب اخري نريدها نحن

الحلم : حلمت راكبه سيارة سوداء وفيه ساءق بيسوقها وكان معي شنطه سوداء تركتها في السياره ونزلت اشتري اشياء ولما رجعت ااخذها وجدت زوجة ابي فتحاها واخذتها منها
التفسير : قرار بتنفزيه واخذتي فيه خطوات ايجابيه وبدات المشاكل وتوقفتي عن القرار وانتهت المشاكل لان كان فيه شيء مخبياه والان اتعرف من زوجة ابيكي
الرد : كنت مخبيه اني حامل والان اجهضت

الحلم : ابي حلم ان حماه ابنه اعطت لابنه 2 حصيره
التفسير : فيه 2 ستات علي مستواهم منخفض مزعلين ابنه
الرد : اه مرات اخي وامها بيعملوا لاخي اعمال وبابا زعلان قوي

الحلم : حلمت بزيتون التفاحي اللي فيه حته حمراء والصبح رحت البريد عشان اصرف المعاش وجدت راجل معاه كيس فيه زيتون واقف هوه ده التفسير
التفسير : لا انتي عندك مشكله علي ماديات وحتزعلي
الرد : فعلا زعلت اختي اخذت مني المعاش بتاعي

الحلم : خطيبتي حلمت بيخلعوا منها الحلق وبيلبسوها حلق اخر وخلعوه الحلق الاخر كمان
التفسير : حتسيبوا بعض وحتتخطب لغيرك وحتسيبه هوه كمان
الرد : تركنا بعضنا واتخطبت لغيري وفي نغس الاسبوع سابها

الحلم : حلمت انا وماما الدنيا حوالينا ظلام وفيه شمعه منوره
التفسير : انتي الشمعه اللي كل شويه عندك مشكله تعباكي والاكتءاب ملازمك انتي ومامتك
الرد : بابا محبوس

الحلم : حلمت انني موت وشلني الشيخ ووضعني جوه التربه
التفسير : مشكلتك انتهت واصبحت انت العريس وستتزوج

الحلم : حلمت انني زانيت مع اختي
التفسير : حتعمل كذبه او خدعه لاختك وليس فعل جنسي
الرد : الحمد لله كنت خايف قوي

الحلم : حلمت اني سافرت ورحت مكان اقامه وجلست فيه
التفسير : لو امامك سفر فعلا يبقي حتسافر لكن لو مافيش سفر يبقي التفسير انك زعلان من شيء وحتعتكف في مكان لك وحتبعد وحتخلي نفسك في عزله عن الناس
الرد : فعلا اتغدر بي من خطبتي والحياه امامي صعبه فعلا انا في عزله مع نفسي

الحلم : جوزي حلم بشنطتين واحده فيها ملابس و التانيه فيها مانجه و بقول له اعطني انا و الاولاد بعددنا من المانجه قال لي لا دي لامي
التفسير : نهاايه مشاكل بين كلام بزعل و نهايه مشاكل بين زعل و دموع و تعب و جسماني بعيد عنك و عن الاولاد
الرد : هو فيه ميراث بينه و بين اخواته و هو مش بيتصرف و هو الراجل الوحيد بين اخواته البنات و امه

الحلم : حلمت خطيبي بيركب طياره و معاه عروسه لابسه ابيض
التفسير : معندهوش ارتباط خالص و لو هيسافر فعلا يبقي هيسافر
الرد : هو فعلا هيسافر يعني كده يا مدام كريمه مش شغل جديد
رد مني : لا طبعا

الحلم : حلمت اني ماسكه صور و بطلع سلم و انا في نص السلم لقيت كلاب عاوزه تعضني
التفسير : الصعود سببه واحد مهم و انتي في نصف الصعود قابلتك مشاكل من رجاله ياخذه ميعطوش و يقولو هنعمل مبيعملوش و يعضوكي يعني يؤذكي وانتي كده زي اللي رقصتي علي السلم لا استمريتي في الصعود و لا عارفه تخلصي من مشاكل
الرد : اتنقلت لمكان اعلي في الشغل و مديري هو السبب و في زمايل كتير معي مدايقين مني علي الترقيه

الحلم :بلاقي المياه تنشف من البحر و الرمله تعلا و العكس
التفسير : هيا الحيره بتنتهي علي الماديات و يتبقي الزعل و العكس
الرد : متشكره اووي ياا مدام كريمه كلامك صح

الحلم : حلمت لابسه بلوفر لونه احمر و الكمر لونه اخضر و ضهر البلوفر لونه رصاصي
التفسير : انتي متغاظه من وااحد في امان لكي معااه و في حد سند لهذا الشخص و تعامله معكي بين الوقار و الاكتئااب
الرد : ده طليقي و انا متغاظه منه و بنا ولد و امه و اخته و اخوه بيسلطوه عليا

الحلم : كنت راكبه ميكروباس انا وواحد هيخطبني و قلعت هدومي قدامه
التفسير : في قرار ارتباط بينكم لكن الارتبااط لن يتم مع هذا الشخص لكن يتم مع شخص اخر
الرد : فعلاا يا مدام كريمه الاولاني ده بينا مشاكل و في واحد جديد

الحلم : حلمت اننا بنترحم علي مرات اخي بفلوس واكل
التفسير : فلوس تخصها مش حتاخذوها ولا حتقسموها علي بعض
الرد : دي فلوس اصلها ماتت ورافعين قضيه تعويض
رد مني : لا مش حتاخذوها

الحلم : في بير السلم في كيااس لبن كتير
التفسير : رجااله عامله مشااكل
الرد : كلامك صح يا طنط فعلا كان في مشااكل كتير في بيتي مع قرايبنا

الحلم : في بيني و بين جوزي مشاكل و قضايا و حلمت انه بيدبح دبيحه الاول فتح جمبها و بعدين دبحهاا
التفسير : هيحصل الاول مششكله و بعدين في طلااق
الرد : ان شالا ياارب يريحنااا منه علي خير

الحلم : كنت مخطوبه و سبنا بعض حلمت بخطيبي معاه شنط و راكب عربيه و قالي انا
مسافر
التفسير : لديه نهايه مشاكل و في قرار هياخده يبعد
الرد : هو بعت فعلاااا و سبنا بعض

الحلم : حلمت دخلت كنيسه و فيها ناس بتصلي ستات و انا بصلي زيهم و واحد بعرفه واقف و الشخص ده في الحقيقه كان بيديني زيت لتعبي ابتسملي و فرق علي الستات كل واحد نص بلحه من البلح الاسود و عطاني نص بلحه زيهم و بعدين بلحه كامله
التفسير : انتي تعبانه و علاجك بتاخديه من الكنيسه و خفيتي لكن دلوقتي رجعتي تعبتي تاني
الرد : فعلا كان بيديني زيت و خفيت و دلوقتي تعبت تاني

الحلم : زوجي جه في الحلم و طلب مني اني ابني مقاام
التفسير : في حاله وفاه هتحصل انتي و زوجك المتوفي بتعرفي الشخصيه سواء راجل او ست
الرد : فعلا ابن عمي اتوفي

الحلم : انا متجوزه و حلمت اتجوزت جوزي مره تانيه
التفسير : جوزك عنده مشكله و ليس جواز
الرد : فعلا عنده مشكله

الحلم : حلمت بشنط سفر و جوزي قاعد جمبها و في طائر فوق راسه ضربته مشي ثم لقيت الطائر بينزل دم
التفسير : نهاايه مشاكل من ناحيه واحد مظبط دماغ جوزك و لما ضربتيه حصل اتفاق او مصالحه معه علشان هذا الشخص هيعمل جراحه
الرد : كلامك مظبوط ما شاء الله عليكي

الحلم: حلمت ان انا بقص شعري و الأصه في شعري كانت جميله اوي
التفسير : في زعل مع جوزك و بطلتي تمدحيه
الرد : كلاامك صح

الحلم : حلمت طالعه سلم وجدت كلاب لونهم بني واقفين في السلم
التفسير : عندك فرحه لكن فيه رجال عاملين لك اكتئاب ومضيعيين الفرحه
وجاء الرد : الله يزيدك يااستاذه كريمه

الحلم : انا في الحقيقه مسجون وحلمت دخلت عليا 2 ستات مرات اخي وظلت خارج الزنزانه والاخري جاءت بجواري وجلست قرفصاء وسندت ظهرها علي الحائط وانا عيني علي مرات اخي وبقول لها لما اطلع مش حتستني في البيت
التفسير : مرات اخوك واقفه لك وهي حل لك بعيد لم تستفد منه والاخري حل لك من ناحيه احد سند لك لكنه عاجز لا يعمل وفي الحالتين تستني الفرج والتوعد لمرات اخوك مش حتقدر تعمل حاجه ووقوفها علي باب الزنزانه منعه خروجك
وجاء الرد : انا مسجون لان اخي مات ومراته متهماني بقتله
رد مني : لكن لك حل علي موعد وهو الواحده اللي جالسه قرفصاء
وجاء الرد : عندي جلسه يوم 26 اغسطس
رد مني : لكن حترجع مره اخري للزنزانه عشان واقفه لك
وجاء الرد : اه حتي تنتهي اجراءت الخروج
رد مني : لا الحلم بيقول عوده ومافيش خروج

الحلم : حلمت بابي له لحية (ذقن) حمراء
سؤال : اين امك؟
جواب : متوفيه
التفسير : واحده وانتي متغاظه منها
وجاء الرد : مرات ابي وعاوزه يشتري لها سيارة

الحلم : حلمت لبسه فستان فرح وغيرته ولبست فستان اخضر
التفسير : لو انت متزوجه يبقي زوجك وفيه كلام علي طلاق لكن سيتحول الي خير او زوج اخر او عريس اخر لو مش متزوجه او عوده للاول
وجاء الرد : الحمد لله مرت المشكله علي خير بدون طلاق
رد مني : الحمد لله

الحلم : حلمت بيوم القيامه ومنزل امام بيتي مازال مهدوم وشاهدت واحد لابس بدله بيج قادم
التفسير : جاء اليوم اللي تانبي نفسك علي كل الوقت اللي ضيعتيه والان بتعاقبي
نفسك علي امنك او امانك اللي ضايع وفيه مشكله80 في الميه مع واحد حيزعلك
وجاء الرد : جوزي طردني من الشقه وفرج عليا الناس

الحلم : حلمت بجوزي ومراته متوفيين جايين وبيصحوا راجل ابنهم
سؤال : فيه ميراث
الجواب : نعم
التفسير : مشكلتين قدام وسيتجدد الكلام فيهم من جديد وفيه مشكله
وجاء الرد : طلبوا مني اوراق عشان المعاش
رد مني : حيحصل مشكله

الحلم : حلمت ب 4 فرخات او ديوك مش متذكر اوي محمرين و4 شمامات وقالوا لي تعالي كل
سؤال : اكلت
الجواب : لا
التفسير : 4 ستات او 4 رجاله تعبينك ونفسك تتخلصي منهم لو اكلتي كنتي تخلصتي منهم عدم الاكل سيظلون تعبينك والشمام 4 تهم لك تعبانه منهم نفسيا وجسمانيا وبتعيطي
وجاء الرد : انا يا مدام كريمه راجل مسجون وكلامك صح متهم منهم بقتل اخي
رد مني : لو مظلوم ربنا ينجيك

الحلم : حلمت بسم الله الرحمن الرحيم وشوش بتدور في داءره وكنت خايفه جدا وكان فيه ممثل واقف وكنت ابكي
التفسير : انت خايفه ليه انتي بتفكري في كذا حاجه وشغله دماغك من ناحيه فرحه بتتمنيها لكن لا تخافي حتمر علي خير
وجاء الرد : كنت خايفه لاني اريد ارتبط وذهبت لشيخ والحمد لله اني لم استجب له كان حيضيعني وبعدت

الحلم : حلمت بصرة دهب في الحقيقه مسروقه من اختي وانا في الحلم بنادي علي اختي وبقول لها الذهب اهه قالت لا ففتحت يدي اوريها حاجه في ايدي وجت دلايه مكتوب عليها الله
التفسير : انسي موضوع دهب اختك
التفسير ان فيه واحده تعباكي وتعبه نفسيتك وانتي زعلانه ولما نقلتي الزعل لاختك بعدت وتركتك تزعلي لوحدك وزعلك من بنت واحده تعباكي وتعبه نفسيتك وجسمك
وجاء الرد : اه مرات اخي

الحلم : حلمت لبسه قبعه او برنيطه او طاقيه لونها بني وقلعتها
التفسير : واحد بتتعايقي بيه وعامل لك اكتءاب وتبعدي عنه وتريحي نفسك من
وجاء الرد : حصل شكرا

الحلم : حلمت ان زوجي بيضاجعني بس في بطني
التفسير: بيعمل كذبه او خدعه في نفسه وليس فعل جنسي
الرد : الله ينور عليكي فعلا

الحلم : حلمت بواحد بيلبسوة جاكيت احمر
التفسير : نكد من وظيفة واحد
وجاء الرد : فعلا انا منتظره وظيفة لابني لسه وانا فعلا متنكده ومتغاظه

الحلم : حلمت بصرصار كبير احمر لما شفني هرب وجري
التفسير : واحد وانتي متغاظه منه وحيبعد وانتي السبب وهوه اساسا حشرة وبيءه لو لم يكن معك الوسيله اللي تقضي عليه بيها الحل تضربيه باللي في رجلك
الرد : كلامك مضبوط ده المدير اللي عند ابني راجل حشرة فعلا

الحلم : حلمت كنت في الحمام انا والمدير وبنتحاور علي مشكله تخص الشغل وبعدها خرجنا
التفسير : انت تعبانه نفسيا وجسمانيا وكذلك المدير ولما خرجتم انتهي التعب وستصلون لحل ايجابي او سلبي علي حسب الاتفاق

الحلم : حلمت هيفاء وهبي جالسه علي كرسى وبقول لها انتي اذاي تقولي لاخي بجيب لك خمره ومسكتها من شعرها وقعدت اضرب فيها
التفسير : فيه اميه لها مكانه لك في العمل وبتتمني تحققيها علي مشكله عامله لك مخالفه قانونيه يحاسب عليها القانون لكن مساءله بسيطه وحتتوصلي لحل مع زوجك واتفاق
وجاء الرد : صح هوه ده حصل فعلا ربنا يخليكي

الحلم : حلمت اني بشرب عصير رومان
التفسير : واحد مزعلك و غيظك علي ماديات
الرد : بشكرك جدا

الحلم: حلمت ابني الصغير و اختي الكبيره في البانيو بيستحمه و انا ببص عليهم في الحمام
التفسير : عندك مشكله و ليها حل من ناحيه واحد علي ماديات و ده تعبك و تعبك نفسيا و جسمانيا
الرد: فعلا في زعل مع واحد علي ماديات و يعني كده الزعل ميخصش ابني رد مني
رد مني : لا

الحلم :
حلمت ان انا بحصانين واحد راكب عليه جوزي و التاني راكب عليه راجل و ست
التفسير : واحد مهم و جوزك مسيطر عليه و والواحد المهم التاني فيه مشكله و ليها حل الرد : صح كده

حلمت اني ماسكه كتاب علم نفس
التفسير: واحد و لابد تدرسي نفسيته و الطريقه اللي تقدري توصلي بيها في التعامل معاه
الرد : اصله مجوز يا طنط ومعندهوش مقدره علي الارتباط مره اخري

حلمت بدولاب ورجعتله الضلفه
التفسير : واحده و هترجع لواحد ممكن انتي
الرد :يارب يا طنط

فى الحقيقه انا مربيه أرنب كبير
الحلم : حلمت بأرنب صغير لونه ابيض ومش هوه ده اللي انا مربياه
التفسير : شخص ضعيف الشخصيه ومزعلك ممكن يكون ابن جوزك مش ابنك لانك مش مربياه
الرد : لم يأت رد لأنني سمعته من التليفزيون

الحلم : حلمت بحصان ابيض في بني ولابس نظاره
التفسير : واحد له مكانه عاليه ومزعلك وعامل لك اكتءاب وفيه اشياء كثيره عنه غير معروفه مخبيها عنك
الرد : عرفت انه متزوج

الحلم : حلمت صورة خطيبي في برواز
التفسير : حيبقي ذكري لك
الرد : تركنا بعض خلاص شكرا



الحلم : حلمت راكبه علي فيل ومدلدله ارجلي
التفسير : واحد مدب وبيتكلم مع الناس من مناخيره متعالي وانتي مسيطره عليه وعلي ماديات
الرد : انتي صح شكرا

الحلم : حلمت شايله والدي علي ظهري وبوزع مصاحف
التفسير: والدك اصبح حمل عليكى وتوزيع المصاحف ربنا يرحمه ويقدرك
الرد : والدي تعبان قوي

الحلم : حلمت نايمه علي السرير وتحتي ملايه بيضاء ومخده ستان ومغطاه بلحاف
التفسير: واحده مزعلاكي وواحده تعباكي وواحد ناعي همك وتعبان عشانك
الرد : بابا

الحلم : حلمت بموبايل في بانيو الحمام
التفسير: انتي في انتظار خبر عن واحد والخبر الواحد تعبان
وجاء الرد : كان يوم قرأت فتحتي وجاء خبر من العريس انه عمل حادث وراح
المستشفي

الحلم : حلمت انه جه عندي البيت وايده اليمين مخبيها جوه هدومه وداخل
بيبوس ابني صغير
التفسير : عندك مشكلة علي ماديات غير مرتبك أو مصروفك مع زوجك أو
خطيبك المهم الطرف الاخر لك ومش حيشوف ابنك
وجاء الرد : تمام ربنا يباركلك

الحلم : طليقي حلمت بيه انه اسووووووووووود اوي وداخل بيضحكلي وسنانه
واضحه جدا وقعد ع الكنبه كأنه قاعدلي فاضيلي
التفسير : عندك زعل مع سلاله عيلة طليقك بسبب واحدة
وجاء الرد : تمام تمام ربنا يباركلك
الحلم : حلمت بثلج نازل علي ضهر كلب
التفسير : حتدفعي فلوس كنتي شيلاها وستذهب هباء والكلب واحد بيوعد
ويخلف وعاوز يأخذ ما يعطيش والفلوس رايحة علي احد سند له هدر وجاء الرد : انا دافعه فلوس عشان اشتغل وزوجي برضة حيدفع فلوس
رد مني : مش حيشغلوكوا اسمعي الكلام الفلوس حتروح هدر

الحلم : حلمت بدبلتي وزوجي متوفي مكسورة ونازل منها فتلتين
التفسير : فيه حاجة مزعلاكي من رجلين علي شيء خاص بزوجك
وجاء الرد : اه اه شكرا
الحلم : حلمت واحدة وضعت 4 خواتم ملونيين في كل يد 2 واحد احمر
واخضر واصفر وابيض
التفسير : الأيام القادمة 4 رجال حيكون معهم مشكلة علي ماديات غير
ماديات شغلك ومصروفك وعلي حسب اللون كل واحد حيكون تصرفه معك الاحمر غيظ منه علي الماديات والاخضر خير والاصفر تعب نفسي والابيض زعل
وجاء الرد : الله يباركلك
الحلم : حلمت ماشية ومعي واحدة وماسكة كيس أسود مش عارفة فيه إيه
ودخل في رجلي مسمار وطلعته فوجدتة سكين ونزل من رجلي سائل أبيض وصحيت
التفسير : عندك حل من ناحية واحد كبير في السن أو له مكانه عالية أو معه
فلوس بس مش عارفة موقفه منك اية وكذلك فية شخصية لها مكانه عالية حتؤذيكي في ماديات خاصه بشغلك لو بتشتغلي وطلوعه حينتهي الاذي اللي من ناحيتة لكن عندك مشكلة عائلية حتزعلي علي فلوس .
وجاء الرد : انا بشتغل ممرضة واخذت جزا واتشال مني لكن عليا ايصال
أمانه حيحصل فيه إيه
رد مني : عندك زعل علي ماديات حتروح هدر منك
الحلم : حلمت رجعت البيت وجدت والدي اتوفي
التفسير : مشكلة بابا بالنسبة لك حتنتهي
وجاء الرد : بابا مريض كنصر ورفض يعمل العملية
رد مني : ربنا يشفيه وعدم موافقه بابا علي العملية شيء مخليكي هادية
واحساس ان المشكلة انتهت بالنسبة لك
الحلم : حلمت بفتح الباب وجدت امي جالسة علي الارض وأمامها فراخ
وكتاكيت وجاءت قطة وأخذت أرنب وجاءت قطه تانية أخذت برضة أرنب وقطة تالته دخلت عندي انا بعدتها
التفسير : انتي عاملة ازعاج لواحد وامك تعبانة وتعبها حينتهي علي ميعاد
زعلانة مع ستات وبنات وواحدة مكارة وخداعة بعدت واحد ضعيف الشخصية عن امك وكذلك واحدة اخري بعدت شخص ضعيف الشخصية أما الواحدة التالتة انتي تخلصتي منها
وجاء الرد: أخويا وزوجي وابي متوفي هما اللي تعبيين أمي وأنا بسبب البنات
الحلم : حلمت لبسة فستان فرح والشمعة حرقت الفستان وخلعتة بعد ما اتحرق
التفسير : عريس زوج وواحدة عملت مشكلة تسببت في نهاية للارتباط وبعد
المشكلة انتي انهيتي الارتباط
وجاء الرد : شكرا ليكي ربنا يزيدك
الحلم : أنا كان عندي مزرعة والان لا .. وحلمت بطيور كتير وعليهم دود
التفسير : رجال ونساء لا يأتون إلا لمصلحتهم ولما تريد منهم شيء لا تجدهم
وكمان حسادين
وجاء الرد : أيوه بتوع مصلحتهم

الحلم : حلمت بإحدى أسناني طويلة في فمي اسناني ولما قلت لماما عليها
وبصيت عليها وجدتها بتنزل دم
التفسير : واحدة مهمة لك غير والدتك وواحدة اخري سنداكي لكن حتعمل
الست دي عملية جراحة
وجاء الرد : معانا في الشغل بتدافع عني وهية فعلا تعبانة ويمكن تعمل عملية كلامك صح

الحلم : حلمت بيكي يا ماما كريمة لبسه نظارة وتايير قصير وحضنتك قوي
قوي وشبعت من حضنك وبكيت والتايير شيك قوي
سؤال : لونه إية التايير
جواب : مش عارفة
التفسير : أنا أمنية لك بتتمني تحقيقها من ناحية واحد عندة مشكلة مادية
وأشياء كثيرة مخبيها عنه وهوة شخصية مهمة جدا لكن مش قادرة تحدد حيكون موقفة اية معاكي واخيرا حيحدث فراق بينكم لكن عياط فرج عليكي كدة أحسن لك
وجاء الرد : ربنا يخليكي أهم حاجة انا شبعت من حضنك واحسن برضة انا
مكنتش مرتاحة له
الحلم : دايما الاقي واحد واقف امامي وبيضحك
التفسير : مشكلة وحتزعلي وتكرار في المشكلة أو في مشاكل أخرى
وجاء الرد : كل يوم مشكلة مش بخلص من المشاكل
الحلم : حلمت لبسة فستان فرح وقلعته ولبست فستان تاني وكان فية ناس
معي بتسألني عملتي حنة
سؤال : أنت متجوزة
جواب : نعم
التفسير : زعل مع زوجك يصل الي الطلاق لكن ربنا سلم لما غيرتي الفستان
وعندك مشاكل ولها حلول في انك تبدأي بالصلح عشان مش كل مرة تسلم الجرة ماشي.
وجاء الرد : أنا متجوزة من 6 شهور وبيتكرر معي الحلم دة كتير
الحلم : حلمت بأبي المتوفي نايم علي السرير بتاعي وبيضحك وقال لي هاتي
لي اشرب بس لا جبت ولا شرب
التفسير : الحمد لله عندك مشكلة قديمة وحتتجدد في حياتك الزوجية لكن عدم
الشرب ما فيش حالة وفاة حتكون
وجاء الرد : الحمد لله مشكلة قديمة بس طيب شكرا

الحلم : حلمت بالرئيس السيسي واقف أمامي لابس بدلة كحلي وشعره أحمر
مثل البنجر وبتكلم معه بس مش عارفة الكلام اية
التفسير : بتتمني امنية تتحقق من جهة واحد مهم لكن الارتباط منه غيظك
وعامل لك اكتئاب وانتي متحيرة من ذلك الموضوع ومن تحقيقة الايجاب أو السلب

الحلم : حلمت بسيول من المياة تنزل علي بيتي من السقف
التفسير : فلوس حتجيلة من احد سند لك
وجاء الرد : انا عاوز ابيع البيت واخويا قال حيشترية مني

الحلم : حلمت ضربت اختي اللي مربياني بالقلم علي وجهها
التفسير : حتميزها دون غيرها بماديات غير معيشتك ومصروفك
وجاء الرد : طلبت مني اشتري نصيبها من ميراث والدي عشان تعمل مباني
لها ولأولادها.

الحلم : زوجي حلم معه سنارة واصطاد سمكة وعاوز يصطاد غيرها
التفسير : عن طريق واحدة حيأخذ فلوس وعاوز غيرها
وجاء الرد : انا اللي اعطيتهم له بنفسي
رد مني : تستاهلي من خيبتك
رد اخر : هاها يامدام كريمة

الحلم: حلمت بكلب أسود في منزل أهلي يركض خلفي يريد أن يعضني وكنت
كل ما اقفل باب يفتحة ويريد ان يعضني واستنجد بمن حولي لكن ما أحد استطاع إيقاف هذا الكلب وفي النهاية استخدمت بخاخ بنج علي وجة الكلب حتي توقف وتوقف
التفسير : واحد له مكانه أو معه فلوس أو كبير في السن والشخص دة عندكم
في البيت يريد أن يؤذيكي وكل ما تتكلمي مع واحد يبعده يعمل ازعاج لك وآخرين يعمل إزعاج لك وفي النهاية توصلتي الي انك معك الوسيلة التي تبعدية عنك وفعلا بعد
وجاء الرد : الله يجازيكي خير الشخص هووالدي للاسف دائما بيننا مشاكل
لأنه رجل استبدادي لازم يحطمك ويخلي كل شيء سلبي فيكي وأنا فعلا استخدمت وسيلة وهي غيرت رقم موبايلي وارتحت منه

الحلم : حلمت بأختي المتوفية بتغسل هدوم وبتنشرها
سؤال : فية ميراث من أختك
الجواب :آه
التفسير : كلام بزعل علي ميراث اختك مع واحد حيتجدد والكل حيعرف
وجاء الرد : اكتشفنا انها كانت متجوزة عرفي
رد مني : الكلام مع زوج خالتك اللي يزعل

الحلم : حلمت ب 6 سكاكين وواحدة واقفه شكلها جميل قوي
التفسير : مشكله عائلية مع 6 افراد ولك حل مش حتوافقي عليه
وجاء الرد : ربنا يستر ويسهل

الحلم : حلمت بأكل محشي كرنب وبذنجان
التفسير : خلافات علي فلوس وحتتحل الكرنب لكن البذنجان لا تظل
الخلافات مستمرة
وجاء الرد : يارب يامسهل

الحلم : بابا متوفي وحلمت ان بابا عاوز يجوزني جوز بنت عمتي وانا بكيت
كثير وكتبوا الكتاب ورفضت
التفسير : عندك مشكلة قديمة وحتتجدد ولك فيها حل علي ميراث بابا لو كان
فية ميراث
وجاء الرد : فعلا حصل مشكلة واتفقنا واخذت الفلوس

الحلم : حلمت ذهبت لبيت عمي وفتحت لي بنت ودخلت الحمام وعملت براز
ووسخت التواليت وشديت السيفون لم يشد والحمام نفسة مكسر وقلت إية ده وخرجت من الحمام وكلمت البنت لية كدة عمي مبسوط وعندة فلوس كتير ما يصلح الحمام ليش كدة
التفسير : انتي مش حتروحي لبيت عمك لكن فية لك حل معه ودخولك الحمام
انتي تعبانة نفسي او جسماني او الاثنيين علي ماديات خاصة بك والماديات واضحة ومعروفة ومش ضايعه عشان السيفون لم يشد وخروجك من الحمام حتشفي لان كلامك مع البنت علي ماديات عمك بتقول ان لك حل معه بأمر الله
وجاء الرد : لنا اسهم بأسمنا في ميراث أبي وهي فؤائد الاسهم وعمي رافض
يعطينا حقنا ونحن رافعين علية قضية
رد مني : لا تخافي فيه حل وهو إن البراز موجود ولم يبعده السيفون
يعني ماديات واضحة ومعلومة ولا أحد يقدر ينكرها

الحلم : حلمت بفتح فمي وجدت بالداخل من فوق فتحة كبيرة
التفسير : عندك مشكلة وخايفة تتكلمي والسبب واحدة
وجاء الرد : سبحان الله فعلا

الحلم : بابا متوفي وحلمت ان بابا عاوز يجوزني جوز بنت عمتي وانا بكيت
كثير وكتبوا الكتاب ورفضت
التفسير : عندك مشكلة قديمة وحتتجدد ولك فيها حل علي ميراث بابا لو كان
فية ميراث
وجاء الرد : فعلا حصل مشكلة واتفقنا وأخذت الفلوس

الحلم : حلمت بقبل واحد مسيحي
التفسير : بتتمني من شخص أنه ينصرك .. لكن القبلة معناها فراق .
وجاء الرد : شكرا

الحلم : حلمت بضع ايدي علي بطني وجدت حباية سوداء اتفتحت وطلع من
الفتحة جزع شجرة
التفسير : بسبب ماديات اضافية غير مصروفك الاساسي فية زعل بينك وبين
زوجك بسبب بنت أو ولد لواحدة عندها ثروة مادية
وجاء الرد : الواحدة قريبه ولا
رد مني : انتي وزوجك بينكم زعل بسببها على فلوس

#كريمة_سلام (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات