وليد المسعودي
الحوار المتمدن-العدد: 6199 - 2019 / 4 / 12 - 01:22
المحور:
الادب والفن
تصافينه تصافينه
تصافينه تصافينه
بعد غيمة وحزن
لملم أغانينه
بعد ليل وهجر
كدر أمانينة
تصافينه تصافينه
بين الحبايب شركه
ما تطفه هاي الضحكه
عصفوره وتغني بفرح
طارت باسامينه
تصافينه تصافينه
بس ياوكت ليوين
يبقى متاني قلبين
شجرة وتحط عليه
طيور اثنين باثنين
هاي بوسة بلاية عش
ما يغطيها الهوه
عايشة اللحظة بخجل
ما يداريها الضوه .
دمعة وفراك وحضن
باقي ويانه الزمن .
عطشانة جلمة احبك
وسط القلب
وبنص شرايينه
تصافينه تصافينه
على موعد غرام
هواي حفظتنه البساتين
جوه الشمس منتظرة
شفة ويابس التين
ما يلم خيوطه عاشك
بين دمعات وملامه
تكبر الوسفه وتصير
حسرة وهموم وندامه .
خطوة وعيون ودرب
نعلك شموع ونحب
يبقه للضحكة ربيع
يلون طيوف العشق
وبكل عناوينه
تصافينه تصافينه
#وليد_المسعودي (هاشتاغ)
كيف تدعم-ين الحوار المتمدن واليسار والعلمانية
على الانترنت؟