عبدالكريم هداد
(Abdulkarim Hadad)
الحوار المتمدن-العدد: 6004 - 2018 / 9 / 25 - 09:52
المحور:
الادب والفن
خَسارَة ضاعَتْ وياكْ خسارَة ضاعْ كلْ شِي
مَحَبتِي صافيَة ويّاكْ وانتَ بحضنْ رمْشي
رِسمتَكْ بينْ العيونْ
قصيدَة طفل وجنون
وأريدْ اليوم أنساكْ ولَمْلِمْ روحِي وامشِي
كِنتْ فرحانْ بكلْ شِي كِنتْ أشبَهْ الأطفالْ
وانتَ ويّايْ تِمْشي فرحْ ألوانْ وأشْكالْ
شوگَكْ حلم رِمْشي وهَواكْ بروحِي مَوالْ
مَواكبْ عيدْ مَحْلاكْ
مَلكْ من أمْشِي ويّاكْ
ليشْ تِبيعْ عَرشِي..
أريدْ اليوم أنساكْ ولَمْلِمْ روحِي وامشِي
خَسارَة شْگد مَحَبتِي عَرَفْهَا بْصوتِي النايْ
كنتْ وردَة ودمِعتي خسارَة كِلِشْ هْوايْ
واسمَكْ من ضِحِكْتي اسمَكْ بوسَةْ شْفايْ
صداقة گلبي يِهْواكْ
ونجمَة روحِي بِسْماكْ
ليش تخون كلْ شِي ..
أريدْ اليوم أنساكْ ولَمْلِمْ روحِي وامشِي
#عبدالكريم_هداد (هاشتاغ)
Abdulkarim_Hadad#
كيف تدعم-ين الحوار المتمدن واليسار والعلمانية
على الانترنت؟