جرحي وطني

غالب المسعودي
(Galb Masudi)

الحوار المتمدن-العدد: 5970 - 2018 / 8 / 21 - 18:43
المحور: الادب والفن
    

جرحي وطني
د.غالب المسعودي

اني مو وكح
بس الجروح تلوم
تعاتبني وتكول
هاكد شايل هموم
انة جرحك واشتيكلك من كد الشتم
صرت راية غربان
او ما حجيلك
من تاكل المكتوم
شنو..........؟ما يصحة ضميرك
ملح الكاع ما غزر
ما اكلك
ليش.......مكتوم..........؟
مكتوم لن كتمت هموم
حزني بلجي
تصحة الغيرة
ويطلع المضموم
والضماير تتنظف او بعد
ما لوم
آني
شكلون ................اكولن اه
والضحكة على شفتي علامة.....!
انا من الفرح حتى الفوك.............الفوك ..........مهوم
او يضل مهموم
شلون......... اكولن................. آه
والواوية تتمنة
مكطوع ذيلي
جا لني اساويهة
او شرابي كل يوم يفور سموم
بس انة.........انة!!!!!!
انا من اشرب الماي
ما كح
وانا من اشرب التيزاب............ ما كح
شربت التيزاب مالح.........
اهي.............. اهي ..........السعلوه تآكل بينة
إو نتكوه
جا مو............... جا مو.................
الطنطل
ياكل بالخيال او يخوفونة
او تبقى بس
جروح
ونرد للسكايف
اجفونا دموع
منو طنطل
شفت طنطل
كتلة ...شنو انت.......؟.
جدحت شمعة النهرين

شرد مني او لبد غارة
كلالي ابد ماكو..............ابد
طنطل
همة الجانوي بزمن اصنام
صاروا بهذا الوكت
طنطل
جانوا يردون
تباح الروح
والوطن مذبوح.............
والثكالى تنوح
والطمي على حسين ياسكينة............................!
جا هذا الوصانة
بيه حسين..................؟
وكل ايد الجرب
ياكل بيهة
تلاوينة
اهي صارت
جزيرة بوسط العار تتمخط
يوم اهنا
ويوم هناك
كل....... خيوطه مخربط
تآكل دوم او ما تنفطم فد يوم
و
الشيطان مخاويهة.........................؟

#غالب_المسعودي (هاشتاغ)       Galb__Masudi#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل