حكموا عليّا

محمد أحمد جمعة

الحوار المتمدن-العدد: 5595 - 2017 / 7 / 29 - 11:35
المحور: الادب والفن
    

حكموا عليّا

قاضى عادل حكم بالعدل قبل العدل مايحاكمه
مشى الكلام ع الكل و والكل بقى ماشى على حكمه
قال مين يدى مين ومين قصّر فى بيت حكمه
قال مين فى اللى كان له ذنب وقال فى الذنب هايحاكمه

حكموا عليا أسيبك قلبى ودموع عينى
ومهما طال البعد مابقاش يعزينى
قلبى حكم بالعدل وقالى تسيبها وتجينى
ما تنامش جنب الكُره وما تقولش لعريان القلب غطينى

أنا عاشق حكموا عليه يتظلم وماينامش يوم ظالم
يسرح فى الشوارع بدعوته على الظالم
حتى فى دعوته ع الظلم خايف يكون ظالم
وإزاى يعيش العشق فى قلب لقلب كان ظالم

أنا عشقى كان لى دوا بس كان علقم
ومهما طال ظلمه قليل ما كان يرحم
أنا كل مرة بقابلك أصحى ألاقانى بحلم
جربت فيكِ الصبر الصبر قالى إرحم

أجيبك منين يا هوى تشهد على اللى إتقال
بيقولوا عليك بخيل وإنى قليلf المال
أنا مالى كان إنتِ ومايجوزش فيكِ سؤال
وفقرى كان لله وحده مغير الأحوال

ركبنى جنبك ياهوى أحسن ما أروح وحدى
ما أنا أصلى عارفك هاتسيبنى هناك وحدى
يمكن فى الطريق نتفق تسيبها هناك جنبى
وإرجع لوحدك ياهوى أنا عمرى ما أسيب قلبى

قالولى مدح النبى بيشفى كل عليل
لبست شال درويش ومدحت صبح وليل
أنا قلبى عمره ما مال ازاى عليها يميل
حلم الربابة ضحكة وحلمى كان مواويل

لا الذنب كان ذنبها ولا حتى كان ذنبى
لا هى كانت سكتى ولا حلمت تكون جنبى
وقف النصيب محتار مابين قلبها وقلبى
ينفع كده يا نصيب تيجى على قلبى

الشاعر محمد أحمد جمعة

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل