فى وسط الميدان

محمد أحمد جمعة

الحوار المتمدن-العدد: 5487 - 2017 / 4 / 10 - 00:06
المحور: الادب والفن
    

فى وسط الميدان

يانازل منازل حبايب زمان
أمانة توصل لشوقهم سلام
برغم الغرام والشوق للكلام
بتجرحنى لسه بحبة خصام
وبوعدها هانسى .. توعدنى تنسى
وتيجى فى بالى ليالى الخوالى
فأطلبها دافية بكل المشاعر
وتلبسلى صيفى فى عز الشتا
وتفتح قميصى وماحسش ببرد

يانازل تغازل بنات الشوارع
هاتلاقاها واقفة بتحضن كتبها
ومستنية صدفة تجمعنى بيها
وصاحبى رافعنى فى وسط الميدان
وأشاور وأنادى وأغنى بلادى
طابور حبى يجمع وأغنى معاهم نشيد السلام
وألف الشوارع وأقف فى النواصى وأنام فى الميدان
ونفسى ألاقيها او المح كتبها
وحرفى اللى كاتباه فى جلدة كتابها
او اسمع سكوتها وصداه اللى بيدّن وقت الغياب
قالولنا هاننزل فقولنا هاننزل
ونزلت معانا الحروف فى الكلام
وعدت سنة وصاحبى شايلنى
وبيلف بيا وبشاور وانادى
وأغنى بلادى ونشيد السلام
ولساها غايبة فى حروف الكلام

يا سامعك فى نبضى
وحاضرة فى قلبى
ماهاقدرش أخبى
حنينى وعشقى
فحاولى تلاقينى
وبصى فى حيطان الشوارع واقرى
اسمى واسمك فوق البيبان
فى طغيان مشاعرى
بقولك فى شعرى
وبكفر بحبك لعلى أنام
وأشد الرحال فيطردنى عشقى
خارج حدود الجمال والكمال

لو كنت أعرف يوم لما شوفتك
بأنى لآخر مرة بشوفك
ماكنتش هاسيبك فى وسط الكلام
ماكنتش هاغطى الميدان بالحمام
ماكنتش فى قلبى هاشعر ببرد
ولا كنت هاسكن زوايا الوجع
ماكنتش نزلت فى وسط الميدان

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل