الارض - في الايمان المسيحي

روماني سمير
كاتب, باحث, شاعر, مبرمج
(Romany Samir)

الحوار المتمدن-العدد: 5404 - 2017 / 1 / 16 - 16:48
المحور: العلمانية، الدين السياسي ونقد الفكر الديني
    

فكرة كدة هتكلم فيها بخصوص الارض .. وانتمائنا وتعلقنا بيها .. واغلب كلامي موجه لاخوة المؤمنين الاحباء المرة دي .. المسالمين .. اللي ديما بيتعاملوا ببرود مع الاحداث السياسية والوطنية .. اللي ديما يحسسوك انهم مش هنا.. واللي كل ما تكلمه او تناقشوا .. يقولك دا مش وطنا .. احنا لينا وطن تاني .. فوق .. عند الرفيق الاعلي .. ربنا

- كانت اول وصية للانسان من الله .. في البدء .. في اول اسفار التوراء .. تخص الارض .. "و باركهم الله و قال لهم اثمروا و اكثروا و املاوا الارض و اخضعوها " #تكوين_1 .. ونص الاية في اللغة الاصلية " وباركهم الله .. وقال لهم ..اثمروا .. واكثروا .. وجددوا الارض واكملوا نقصها .. واخضعوها " ..

- تملكوا فيها .. وحافظوا عليها .. اكملوا كل نقص فيها .. وجددوها بعد كل استخدام .. ربطنا بيها ومحبتها .. محبة الارض .. حملنا مسؤليتها .. وصار جزء من الايمان الاهتمام بيها .. وطبيعي اننا نرتبط بيها عاطفيا .. تصير جزء مننا .. وان اهملنا نبقي كسرنا وصية الله .. ونستحق لعنه اولادنا بعدينا ..

- وف #لوقا_19 اتكتب كدة عن يسوع " وفيما هو يقترب نظر إلى المدينة وبكى عليها .. وابتدي يخاطبها ويتكلمها عن خرابها .. المدينة العظيمة .. السائرة نحو دمارها بسبب غباء قادتها وغلاظة قلوبهم .. احب المدينة .. اللي حصل فيها امجاد عظيمة .. وبكي بسببها وعشانها .. كان وطني وبيحب ارضه وناسها .. وياما لعن غلاظ القلوب اللي عاملين فاهمين من قادتها ..

- ف والله ماعيب ولا حرام ولا من اهواء العالم وشره اننا نحب بلدنا ونقول لا للغلط .. دي وصية .. ويسوع نفسه اتأثر واهتم ببلده .. وكان عارف مسئوليته تجاها وتجاه ناسها ..

- دور في الكتاب .. هتلاقي كتير وكتير من الحكايات والاسرار .. دا لو عينيكم عاوزة تشوف .. وقلوبكم بتدور علي فهم ..

- كتير جدا جدا من الكنايس ومرتادوها .. دا فكرهم .. عايشين في كوكب اخر من الروحانية المفرطة اللي عزلاهم عن التفاعل مع الاحداث اللي تخص البلد .. غير مدركين انه عنها برضه هيعطوا حساب ..

- ولما يتزنق المؤمن الطاهر يقولك .. مكتوب صلوا لاجل الملوك وكل زي منصب .. مبدئيا كدة دا نص الاية .. بولس كتب كدة في رسالة لـ #2تيموثاوس_2 " فأطلب أول كل شيء أن تقام طلبات وصلوات وإبتهالات وتشكرات لأجل جميع الناس.لأجل الملوك وجميع الذين هم في منصب لكي نقضي حياة مطمئنة هادئة في كل تقوى ووقار." ... يعني اصلا اصلا من طبيعية المسيحية اننا نصلي من اجل جميع الناس .. الحلو والزفت .. ودي مشيئة الله .. بس منسقفلهمش في الغلط .. ومنوافقهمش .. بمعني انه ينفع نصلي لحاكم مش فاهم علي رجاء انه يفهم .. لكن مشتركش في عدم فهمه .. بالعكس .. اصلي عشانه لكن كمان اخد موقف منه ومن افعاله ..

- هختم بكلام يسوع .. لعل الاحياء منهم يسمعوا .. قال " ليس احد يضئ سراجا ويضعه خفيه .. او تحت المكيال .. بل علي منارة .. لكي ينظر الداخلون النور " .. يعني لو انت مؤمن بصحيح .. كون نور .. قول الحق .. كون فعال .. كون ملح الارض اللي يديها طعم .. يعلن الحق .. يدافع عن الناس .. والارض .. والوطن ..

#روماني_سمير (هاشتاغ)       Romany_Samir#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل