نووي نضال العزاوي

محمد الرديني

الحوار المتمدن-العدد: 5277 - 2016 / 9 / 6 - 09:24
المحور: كتابات ساخرة
    

خوية ام بسام على كيفك ويانه.
اذا تردين تضربينا بالنووي منو راح ينتخبك وانت تكولين راح ارشح للانتخابات وافوز غصبا عليكم لأن محد راح يبقى كلهم يموتون وتبقين وحيدة.
كلنا راح نموت وتبقين انت وحدك بالمنطقة الخضراء.
هذي وحده.
الثانية تتهمين العراقيين بانهم منافقين وأي واحد غلط عليك "منطي" عرضه لداعش.
يعني معقولة "عركة" الحبايب لازم تكون من نصيب داعش، هذا ظلم مو ام بسام؟.
الثالثة تقارنين نفسك بالرسول وتقولين "جمالي بكرشي... هههه كله فلوس".
عليك بالعافية انت وكرشك بس شوية ريجيم والكرش يروح وهذه مسألة سهلة.
الرابعة لاتعتبي عليهم فهم يغارون منك ومن كرشك وتعرفين ان اصحاب الكروش زاد عددهم هذه الايام واكيد تعرفين السبب.
بعضهم مع الاسف كما تقولين ناقصين غيرة وشرف بعد ان فضحوك في وسائل التواصل الاجتماعي.
لازم شوية نؤمن بالديمقراطية العراقية وبعضنا جديدة عليهم هاي "الديمغراطية" وحسبالهم الواحد يتكلم بكيفه ويشتم الآخرين بكيفه،بس لازم نوضع لهم حد لأن مايصير هذا الوضع.
ارجوك "وطي" صوتك ولاتصرخين:شلكم علاقة بكرشي وانا راح ادخل الانتخابات وافوز مية المية.
تدرين ام بسام انا اول واحد ينطيك صوته خصوصا من اشوف صورتك بالمرقط.
وارشحك لوزارة الداخلية حتى الذي لايعطيك صوته النووي جاهز.
هذا الشغل الصح، مو شغل العبادي.
صحيح المرأة عورة كما يقولون ولكنك "زلمة" يا ام بسام.
بقت شغلة وحده،اذا تريدين تخوضين الانتخابات فلازم تستفيدي من تجارب المسؤولين في المنطقة الخضراء وتعرفين اسرار فوزهم رغم بعضنا يفضل ان تكوني نائبة في البداية وبعدين على وزارة الداخلية مباشرة والشهادة مو مشكلة فسوق مريدي موجود.
نلتقي ان شاء الله بالمنطقة الخضراء قريبا بس بدون نووي الله يخليك، يكفينا السرطان والكآبة ونقص المواد المخدرة في المستشفيات والخطف و....

#محمد_الرديني (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل