تنويمة للوطن ..

طالب الجليلي
(Talib Al Jalely)

الحوار المتمدن-العدد: 5164 - 2016 / 5 / 16 - 23:18
المحور: الادب والفن
    

لمن وصلت الكنطره
داعش تلكاني اوضحك
كلي التفت بس ليورا
شفت البيارغ رفرفت
فرهود صار الوطن
سلعتهم (اقحافه)او( فٓ-;-دٓ-;-ك)!
والدين بكبور اندفن
عركة حراميه صفت
والشعب بس هوّه الهلك
من طاح حظ الوكت
ارض الحضارات ابتلت
كل ساعه تطفو اعلى السطح
منفوخه جثّة عنز
بين المزابل رعت
سلطه اوحمايات اولفح
والجان امس يركع نعل
إبصاية ابريمر لِكٓ-;-حْ!
داعش أبد ماله ذنب
ذنب الشعب من ينتخب
أهل العمايم والسِبٓ-;-حْ
زيتوني لبسوا بالامس
والينتمي الغير( الحزب)
نفس الشكولات الطفت..
أحلِف ايكتلونه رفس..!!
باعوك يا هلوطن
سلعتهم اعمامه اومدس
بلعوك يا هلوطن
حسبالي يكفيهم خمس
حتى اللي ودّوه للحشد
عربونه مقبوض امن امس
باجر يودّون الفصل
من ينكتل..لهله
برقيّه وشجم فلس!
الله يا هلوطن ..
عمرك كضى
يوميه مشروع الجهه
مره انته بوابه صرت
شرقيه للامّه النحِس
حارس تدافع عن نٓ-;-جِسْ
واليوم للدين اصبحت
راية دَجَل ..
وبدمنا مغموسه غمس
والمنطقه الخضرا اصبحت
ليليه بس صفكه اوعرس
مبروك الك يا هلشعب..!
تستاهل ايطبّك حٓ-;-مِس
بيدك جبت هذا الوضع
عمرك كضيته بالردح
وتهوس إلياهو اليجي
باجر اوعكبه مثل امس
بس أرد ابشرك يا شعب
ظل نايم .. اهمسلك همس
بس لا تفز
حتى السما
ويّا الارض
حتى الكمر ونجوم هذا الوطن
حتى الشمس
باعوك باخضر يا وطن..
ظل ابغفوتك يا شعب..
باجر انكس من أمس !!!
باجر انكس من أمس .....

17 مايس 2016

#طالب_الجليلي (هاشتاغ)       Talib_Al_Jalely#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل