طالب الجليلي
(Talib Al Jalely)
الحوار المتمدن-العدد: 5158 - 2016 / 5 / 10 - 23:35
المحور:
الادب والفن
ضجت ..
كابلت رسمك واتخيلت
روحي،
على اجتافك بجيت..!
حسبالي باقي العمر
ويّاك..
أكضيه
ولو علبعد..!
يلطلّسم عشكك
مادريتك بحر
وانا ذبني الوكت
غفله
اوبين روجاتك
سيسيت ..!
خلصٓ-;-ن اسنيني
ادورلك عذر
يوميه تزعل
وانا روحي تزعل عليّه
لو زعّليتك ..
ونته على اجروحي
وهمومي
انتجيت ..
ما دريت ..
عتكن اخيوط المحبه
العلكتهن ..
ملّت شابيج الأيمّه
اوكثرن
انذور اللي انذرتهن
ونته لا خيط اليجيبك
لا نذر ..
لا كلبي بطّل حنينه
اولا آنه هيدته
اوبالجذب
منك ايسيت ..!!
10 مايس 2016
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟