جمال الشرقاوي
الحوار المتمدن-العدد: 5098 - 2016 / 3 / 9 - 19:03
المحور:
الادب والفن
أكيد في حَدّ بيحبَّـك
أغنية - أكيد في حَدّ بيحبَّـك -
أكيد في حَدّ بيحبَّـك
إنتَ ليه م حَسِّـيتش بيه
بُصْ بعيونـَـك دي جنبَـك
بطـَـرْف عين قلبَـك تلاقيه
قلبي مليان شوق إليك
أمله كله يشوف عنيك
لمَّـا يفرَح و لَّا يحزن
نِفـْسُه يبقىَ م بين إيديك
بينه و بين نـَـفـْـسُـه يلاغيك
يغنـِّـي إسمَـك بين شفايفه
لمَّـا تيجي عنيك فــ عنيه
يعيش لوحده فــ حلم شايفه
أكيد في حَدّ بيحبَّـك
إنتَ ليه م حَسِّـيتش بيه
بُصْ بعيونـَـك دي جنبَـك
بطـَـرْف عين قلبَـك تلاقيه
إتكـَـلـِّـم كتير عن نـَـفـْـسُـه
مشتاق يسمع بقىَ منـَّـك
خلاص م عندوش أمل تاني
إلَّا همسة حب عندَك
أكيد في حَدّ بيحبَّـك
إنتَ ليه م حَسِّـيتش بيه
بُصْ بعيونـَـك دي جنبَـك
بطـَـرْف عين قلبَـك تلاقيه
القاهرة - يوليو - الإثنين 19 - 7 - 2004 م - الساعة 30 و 11 ليلاً - جمال الشرقاوي - كاتب و شاعر -
#جمال_الشرقاوي (هاشتاغ)
كيف تدعم-ين الحوار المتمدن واليسار والعلمانية
على الانترنت؟