لماذا نقرأ pdf ؟

البدراوى ثروت عبدالنبى

الحوار المتمدن-العدد: 5034 - 2016 / 1 / 4 - 02:08
المحور: العولمة وتطورات العالم المعاصر
    

فى ناس كانت بتسألنى ليه بقرأ pdf أكتر الوقت

بالنسبة للناس الى بتشترى كتب ، انا معاك جدا ان الكتب مغرية لما تزود شكل مكتبتك و تكبرها و ريحة الورق جنبك فى كل مكان ، احساس جميل ...

بس فى بعض النصايح ممكن قبل ما نشترى كتب و خلاص .

فى اقتراح جميل قبل ما تشترى كتب و تنزل و تتعب نفسك فكر ايه هى نوعية الكتب الى حابب تقرأ فيها ، مش أى كتاب و السلام لأن انت لما تنزل مكتبة أى مكتبة هما كام كتاب معروف بالإسم و البقية روايات حديثة سواء كانت فيها جودة و لا لأ بس انت بتشترى مع التقييم و خلاص و هنا فكر كويس أنت بتقرأ ليه .؟

طيب انت بتشترى ف الشهر متوسط 80ج ×12شهر =960 ج و موصلات و غيره ممكن ندخل 1000ج و الحصيلة حوالى 70 ، 80 كتاب .

و لو قعدت كدة و شوفت ان لك معدل ثابت ماسك موبايلك للنت و قت بين ساعة لاتنين يوميا ، يبقى بالشكل دا تقدر تشترى كاندل ب 1000ج او موبايل تاب 1500ج هتقولى ليه ؟
_هقولك التاب او الكاندل ممكن يشيل 1000 كتاب واكتر
_تنوع كبير فى الكتب و أشكالها و أفكارها .
_ تقدر تجيب أى كتاب او فكرة فى دماغك و تقرئها ف نفس الوقت .
_ بتكون قدرت تقنع عقلك ان فى جزء تطور جواك و فى برامج كتير تقدر تجبها عشان تحدد الدرجة الى تريح عينك ، غير ان فى التاب او الكاندل مش هيضايقك حجم الكتاب و لا الدنيا ضلمة و لا الشمس عالية ، فى مواصلات ، فى السرير فى أى مكان .
_معاك مذكرة على الجهاز تقدر تكتب فيها علطول و ممكن عاوز تركز عل. جزء ممكن تعمل اسكرين شوت للصفحة.

_بالاضافة لنقطة مهمة جدا هتوفر فلوس كتير و هتقدر تشترى كتب فعلا تثرى مكتبتك بالفلوس الى هتوفرها .

* والمكتبة العربية مشكلتها انها ضعيفة مفيش فيها تنوع و فقيرة فى الترجمة و لكن لو انت حبيت تشترى فعلا كتب روح مكان زى المركز القومى للترجمة او الدار اللبنانية أى مكان فيه ترجمة و اشترى الموسوعات الكبيرة و هتكلم ليه الموسوعة ؟ و ليه الأماكن دى ؟

أولا مراكز الترجمة و خاصة "القومى للترجمة" المكان دا مهتم انه يخرج شئ مختلف شئ اسمه ثقافة و تنوير و مهتم انه يعرفك كيف تفكر الشعوب المتقدمة و أين مكانهم الحالى .

ليه الموسوعات ؟
الموسوعة مش مجرد فكرة بتركز عليها بس الموسوعة كأنك قررت تنزل تغوص فى البحر ، هى حاجة زى البحر كل لما تكون مركز اكتر هتشوف حاجات أجمل حاجة دسمة شاملة ، فيها تنمية و تنوير للعقل و تعطى ثقل مختلف فعلا هتشوف الفكرة و اصلها و كيف نشأت و تطورت و ليه تطورت و هى واقفة فين و ايه العوائق ادامها هتلاقى الدنيا بتتغير معاك .

و هتلاقى ادب عالمى ، علوم ، فلسفة ، اجتماع ، سياسة ، فكر ، تاريخ ، اقتصاد ، فن ... هتلاقى كل حاجة تحبها و دى الحاجات الى هتضيف لشكل مكتبك و هتضيف لعقلك .

فى ناس كتير بتقول انها بتحب الكتب الورقية و انها بتريحها !

انا معاك جدا ان دا حقيقى و فى دراسات كتير بتقول النقطة دى ان القراءة فى الكتب مريحة للعين و بتوصل المعلومة اسرع و لكن ايه السبب فى دا ؟

الجنس البشرى لم يخترع القراءة الا من وقت قصير نسبيا فى التاريخ التطورى حوالى 4000 ق.م و هذا معناه ان العقل البشرى لم يتطور كفاية ليستوعب الادوات الالكترونية فى هذا الامر كفاية و لكن مع التدريب و التعود يعتبر الأمر أبسط و يسهل لنا بعد وقت هذا الأمر و كما قولت سابقا أن هناك برامج تحافظ على اعطائك أكبر جودة لتريح العين ..

طور نفسك و تعامل مع التكنولوجيا من جديد

#البدراوى_ثروت_عبدالنبى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل