مناجاة ليليه..!!

طالب الجليلي
(Talib Al Jalely)

الحوار المتمدن-العدد: 4997 - 2015 / 11 / 26 - 17:27
المحور: الادب والفن
    

مناجاة ليل ..!!

اخ لو تدري من
تصد عينك عليه
تشتل ابروحي حديقه
اوتفز
زرة زرازير اوبلابل
حتى ورد الذابل
ايورّد اوينثر عطر
ويكوم يحجي!!
انا امن اشوفك ياحلو
اتدوهن..!!
مدري افرح
مدري أبجي
كدرت عمري اعلى عمرك
وانا عمري
مثل دخان الجكاير
مابين دكات الكلب
والروح خضره
العمر حاير...
جا شنهي انته!
يللي جيدك خيزرانه
وعيونك اتسودن
يا خشف..
يللي شعرك ابريسم
على اجتافك
ايشتِّم !!
ايهفهف ...
تدري من تحجي
جني اسمع تراتيل
ابكنيسه
وغدي صافن اتعبد
ابمحراب الحِسِنْ
وك..
ردّني للعشرين
حِسنَك
اتلاوى ليليه
وي ساعات السهر
اتنطر ايطر الفجر...!!
بس امن اشوفنّك ياترف
انسى روحي اودنيتي
انسى جلمات العشك
تغدي جلماتي الحضرتهن
أمس ..
مثل روجات النهر
تستحي اتجيس الجرف!!
تظل اجفوني محتاره
وي كلبي
جدّامك
اجناحات بلبل
مستحيه ، تِخذِف
تِرِف..

26 تش2. 2015

#طالب_الجليلي (هاشتاغ)       Talib_Al_Jalely#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل