قلنالوا ارحل يا عباس قالولنا اطلعوا من البلد

طلال الشريف

الحوار المتمدن-العدد: 4970 - 2015 / 10 / 30 - 16:12
المحور: القضية الفلسطينية
    

قلنالوا ارحل يا عباس قالولنا اطلعوا من البلد
د. طلال الشريف
طلعنا من البلد وارجعنا لقينا غزة رايحة لحماس قلنالكوا الرئيس هو المسئول الأول عما جرى ولن يستطيع استعادة غزة وما صدق أصلا تحل غزة عنو قلتولنا الرئيس كان قادر لو أعطى الأوامر بس الرئيس بيحافظ على الشعب وبدوش حرب أهلية وإحنا ما بنعمل زي حماس قلنالكوا هادا قصر ذيل قلتولنا لا الرئيس حكيم وراح يصلح الوضع ويعيد غزة بالدبلوماسية وخنق حماس وثمان سنين واحنا بنتجادل وعالفاضي الأصل في القصة ببساطة لا الرئيس ولا غيرو بهيك إدارة ضعيفة وفاسدة في السياسة وضعيفة في الشعبية والرئيس ما بيعرف في العسكرة والرئيس ضعيف في حزبو أصلا وما عندو عقل ديالكتيكي مسئول عن الشعب كله وما بيقدر يرجع غزة أو يتصالح مع حماس وظلينا لليوم في مهزلة بدنا مصالحة وما بدنا مصالحة وحماس قالت وحماس عملت وحماس بتقول عباس عمل وعباس قال .. يا عمي عباس المشكلة سواء حماس على خطأ أو هو على خطأ فهو إن لم يكن مسئول عما حدث فهو المسئول عن استعادة غزة واخضاع حماس بكل الطرق وحل المشكلة وإعادة لحمة الوطن ومش ثماني سنوات ولسا الحبل عالجرار كان لازم بعد اسبوع يرجع غزة وإلا فهو غير أهل لاستعادة وحدة الوطن بكل الطرق فهو ان كان ضعيفا في السياسة فهو أضعف أصلا من قوة الجغرافيا لمرور العسكر علشان هيك بلاش تضييع وقت وارحل يا ريس خلي الطريق لاستعادة الوحدة تصبح أسهل فأنت لا تعرف في الحلول.
قلنالوا ارحل يا عباس بعد ما خرب فتوى محكمة لاهاي وتقرير جولدستون قلتولنا اطلعوا من البلد اطلعنا من البلد وارجعنا لقينا البلد واكلة طين والأنفاق بتعمل مليونيرات وغليت الأرض والأسعار والفقر زاد والخريجين بيزيودوا والعوانس والشباب مش عارفة تتجوز وانهروا ترامال من القهر وإجت الحرب الاولى على غزة والرئيس لإنو وطني ما بدو يرجع على ظهر دبابة هيك قال الله وأعلم قالولوا اليهود والا لا وراحوا قعدوا يشتغلوا في رام الله وأفقروا ناسها وظلوا يعملوا تنسيق أمني لحد ما الناس هناك كرهتهم من فسادهم وكنا بنقول المشسكلة في الرئيس بيعرفش يدير بلد وناس وهما يقولوا الرئيس محنك، محنك في إيش مش عارف وصرنا مضحكة لكل الشعوب وهو مازل سفريات عالفاضي.
قلنالو ارحل يا ريس قالولنا اطلعوا من البلد طلعنا من البلد وارجعنا لاقيناه فاسخ فتح وفاصل أعضائها المختلفين معو وقطع رواتب الناس المنافية لحقوق الانسان وعامل فرقة بين أهل الضفة وغزة وخرب التيار الوطني كلو لأنو لما بتكون فتح بخير بيكون التيار الوطني بخير ولا همه شيء عامل فيها عنتر بس عالفتحاوية والشعب في رام الله مش على حماس طبعا يا سيدي اللي بيعمل عنتر على حزبه ما يروحش لحماس يعمل معها اتفاق ةيريح زلامها وهو عارف انهم بيضحكوا عليه ومسضعفينوا بس هو راح جكر وخوف من ارتفاع شعبية خصمه الفتحاوي وشوية شغل صار مع حماس لتسهيل المساعدات الاماراتية ولهيك راح سلقلقلو عزام اتفاق وطلعت القصة على فشوش والناس تعبت كتير وما في منفذ وبيقولوا هو اللي موقف المعبر وزادت معاناة الناس وكبرت الهموم ولا رحل ولا راضي يرحل هالرئيس طيب شو بدو مش عارفين قلنالوا ارحل قالولنا اطلعوا من البلد.
طلعنا من البلد وارجعنا لقينا الرئيس شاحن الوضع وقلهم راح يضرب قنبلة قلنا يا مسهل الراجل غير طريقة الدراويش و راح هدد في الامم المتحدة ورجع لقى الشباب طفح الكيل وزاد الحد لأنو ما جاب إلهم شيء وفهموا إنو مت عندو نية قاطعة لمواجهة اسرائيل وبدو يرجع للمفاوضات وصارت انتفاضة القدس وهو بيتفرج عالدم وما صدق حدا يتدخل وظل ساكت كأنوا الانتفاضة في سيريلانكا مش مسئوليته عن شعب ولازم يقف جنبهم وراح ترك صحابو يفسدوا رأي الناس ضد الانتفاضة وبدوش عنف خايف تيجي حماس على رام الله وهيو الدم بينسكب من شباب زي الورد وهو عينو على المفاوضات .. مفاوضات ايش يا راجل وايش عندك لا قادر تجيب نتائج مع حماس ولا مع اسرائيل ارحل يا رجل كفاية وين مودينا بدنا رئيس زينا مش زي النرويج احنا هنا بفلسطين ارحل بلاش يعملوا فيك زي القذافي ارحل عالبدري القصة صار فيها دم ومش طالعين من البلد واللي مش عاجبه الانتفاضة يرحل هو ورئيسه.
30/10/2015م

#طلال_الشريف (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل