سوالف طين

علي حسن الشمري

الحوار المتمدن-العدد: 4907 - 2015 / 8 / 25 - 23:05
المحور: الادب والفن
    

بجيتك روج فحطان لجرف مهدوم لونه
ولكَة بوجهك حيل يشبه طرّة العاكَة
يطاري الماي الك بية المباحر كيف
حنيتك جفوف امي
يمن شبكَة وداعك بيها ريحة طير
ادري منيلك هذا العرف بية
ترف واتلمسك بالظلمة كَمرية
اغنيك بملامح عود وابجيك بمحطة ناي
ازف صوتي نذر غبشة وافرعلك سفينة راي
يضحكة فيّ
أليمتة بهجرك تشمس
انتشيت لراكَـ طولك بصبع المخمور
امد نيتي اعلى خصرك كاس
افحط وانت بية تطوف
يمزة عمري ياهو الكَالك سكران
وانة شارب دفو عيونك
عشكَتك يا حلم مخمور
وسكرت بطارف الشفة
يسباحة بلهاة الماي كَطرلي ولو بوسات
أفرع فرح عنكَودين
كَيشت الهوة بطولك شفت روحي وكت غركان
لهفتي ومشتهاي ومستحة شفاي
بس اتكَودني من الطيف
اتبدة اعلى خدك واهس مرايات
عركَت بمستحاك شراع
نيتي مبللة وكَلبي سوالف كاع
والمك تكبر بعيني واشوفك ماي
نشغتك وردة بس بت بيت
يوم استاحشت من رفكَة الدخان
غنيت الدفو مراية
وشتلت الونة شوغة باب ما ضايكَـ ضوه حجاية
توسدت الضلع عطاب من مرّ الهوه تعبان
أنه فزة حلم منهوب
ضوة الشيب البراسي انجوم
ودريت بشوفك اعلى الشمس دم مبيوع
صرت مجبور اعيشك ليل
و ألك بيه حزن يسوة
من باب الله جديتك بجم شهكَة ودمع مديون
افراكَك بالجفن صفنات فيّ متعوب
حزن روحي.....سجّينة أخو ينشاف بيهة الحيف
لعمرلك سوالف طين
واردن بيك للطيش و طواري الماي
لدموع الصدكَـ لخدود ريع الكَاع
لحجاية برد والدفو شلون انباع
لجفوفي الحنينة الما تعرف وداع
صرت كسرة عصاري وفارش اجفوني لنده شوفك
شلتهة وداعتك بالروح
ثلجك جمرك الملهوف شهكَة مغربيتك غربة طيوفك
اذا عني كتلتة الخوف بس خايف على خوفك
وخاف تكَول ناسي الماي
انه اجيتك خلكَـ جرفين متحني بعطش روحي
اصفن والخضار ايشوط
على كل فطر بشفافي ملامح بير
يا حنة ضوة اعلى الباب
ينشغة كاس غبشة وحضنة متيهين
دفيني يضلع الشوكَـ
انه بجفاك ما تنحسب رجفاتي
اتخيلك كَمرة ماي.....على باب الحلم وعيونك نجومي
يشاتلني اعلى درب الليل
صفن جرحي وبجيتك هيل
وتكَاودنة بس اخيال منها وصرنة غنوة ريل
يحيرة شوكَي من اشتاكَلك وانت حضن مفطوم عن جفي
شجاها ملوحتك وياي ما خلت جرف بي روح
يلجمني الضوة بفركاك واتحنّة بشمس مغرب
وتاخذني يطيش الماي
علة كل ساجة مفرعه بلهاة الكيض
يمخوصر ضوة شندّيت
بعدني كَبال ذاك البيت
تشم حجايتك وانكسر فيّ دموع

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل