الحتة الشرقي

شيري باترك
كاتبة / باحثة نفسية ( مسجلة دكتوراه بعلم النفس )

الحوار المتمدن-العدد: 4866 - 2015 / 7 / 14 - 23:05
المحور: ملف فكري وسياسي واجتماعي لمناهضة العنف ضد المرأة
    

الحتة الشرقي اللي جواه هتمنعه من إنه يرتبط ببنت شايفة نفسها إنسانة مش قطعة لحمة للأكل وقت ما يجوع يأكل. الحتة الشرقي اللي جواه هتمنعه من إنه يرتبط ببنت قوية بنت حَفرت علي الجدران افعالها المغمورة الإنسانية للكل ودخلت سوق العمل وأظهرت نجاح وتفوق ووقتها هيقولها بعد الارتباط بيتك أولاً ،وثانيا وثالثاً ، الحتة الشرقي اللي جواه هتمنعه من إنه يرتبط ببنت لديها إعاقة جسدية ، ازاي و النعجة اللي بتتدبح علي المذبح ( السرير) لازم تكون من غير عيب خارجي وطبعا هو بيتمني إنها تشبه الجدة أمينة في الطاعة والخصوع والولاء . الحتة الشرقي اللي جواه هتمنعه من إنه يرتبط ببنت عندها طموح واعلي منه كده هيتقال عنه من الفارغين جوز الست جه جوز الست راح. الحتة الشرقي اللي جواه هتمنعه من إنه يرتبط ببنت واضحة وصريحة وعارفة يعني ايه ارتباط يعني مسئولية كبيرة وتوحد مع الاخر مش مطبخ وسرير وكم طفل وطفلة وتدفن كل قدراتها وامكانياتها ومهاراتها معاهم وفي المنتهي المجتمع يفسدهم في لحظة. الحتة الشرقي اللي جواه هتمنعه من إنه يرتبط ببنت ليها ماضي وعلاقة حتي لو علاقة سطحية أو مجرد صداقات مع شباب. الحتة الشرقي اللي جواه هتمنعه من إنه يغفر ليها أي ذنب حتي لو كان بسيط .الحتة الشرقي اللي جواه هتمنعه من إنه يشوفها بتضحك وتتكلم وتعبر وتشارك. الحتة الشرقي اللي جواه هتمنعه من إنه يعطيها مساحة من الحرية في التصرفات والملابس ونمط الحياة ككل . الحتة الشرقي اللي جواه هتخليه دايما فاكر انه إله وانتي كاهنا له ولازم تقدمي الصلوات والصوم والاعتكاف بأستمرار ، الحتة الشرقي اللي جواه هتخليه دايما فاكر إنه الاقوي والافضل والاحسن والاذكي والاجمل ومن حقه كل شئ ، من حقه يخون كما شاء ، من حقه يضرب فالضرب حلال شرعا .. الحتة الشرقي اللي جواه محتاجة تختتن وتنزع لكي يعيش الكل في سلام .

#شيري_باترك (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل