رحال لحسيني
كاتب
الحوار المتمدن-العدد: 1335 - 2005 / 10 / 2 - 10:38
المحور:
الادب والفن
1
سولت احلامي
واش نعرف
احبيبتي (؟)
كالت احبيبتي: قرب
سولت اقلامي
واش نكتب اقصيدتي (؟)
كالت قصيدتي: جرب.
2
وجربت نقرا اكلامي
طلعات قصيدتي: حب
وقربت نرسم اغرامي
طلعات بلادي: قلب
من بدية خطانا
يتعلم ألقانا
ضحكة شعب..
واللي يمشي امعانا
ايكون
اغنانا، رفيقنا فالدرب
حروف.. وشوف، وبسمة فخوف
وكلمة تفطم النور ع الظلمة
وحكمة ونغمة فرحة.
3
من فرحة ألعرس فـ ـايامي
قلبي يرقز فـ ـاغيامي
واشتاي تفيق انيامي
ويديع الحس..
يغيب اظلامي
وتبياض ايامي.
4
من طلعت الشمس فـ ـايامي
يرفرف عيد زين احمامي
لحبابي يبلغ حربي
وسلامي
5
سولت احلامي
سولت اقلامي
واغرامي وانغامي
كالو لي .... اتعذب !
* احلام واقلام: قصيدة زجلية من مجموعة شعرية ( مشروع ديوان زجلي) بعنوان " الغيمية والبارود ".
#رحال_لحسيني (هاشتاغ)
كيف تدعم-ين الحوار المتمدن واليسار والعلمانية
على الانترنت؟