يعني شنو؟

مزمل الباقر

الحوار المتمدن-العدد: 4814 - 2015 / 5 / 22 - 13:14
المحور: الادب والفن
    

يعني شنو
لما .. يجيك ..
عطرها
في آخر ..ساعات ..
الليل؟

يعني .. سهر ........ طويل
بالحيل
وتشغل بالك .. بي
ذكراها

يعني.. النوم .. ينساك
في لحظة
يخلي ..عيونك .. مشرعة
بالتفكير

يعني عيونا .. تجي قدامك (1)
وبينك .. وبينا ..
النيل
والليل

يعني .. جفونا .
نامت .. بدري
وغرقت .. في الأحلام
براحة

وانت .. براك
في.. عز الليل

يجيلك ... عطرها
يدخل ليك .. من باباً
سري ..
وتغرق في ..
تفاصيل ..
وتفاصيل


يعني ... خيالك
يفضل .. صاحي
يونسك (2)
فيك

من .. يوم
لقاك .. الأول
بيها

ولي .. آخر
ثانية
شفتها .. فيها
وهي .. بتضحك
ليك ... وتعلق
وانت ... بريدا (3)
ديمة (4) .. معلق

يعني .. شنو؟
لما .. العطر ...... الوصلك
منها
يحلف إنك
ما حتنوم ..

وكلما .. تاخد
نفسك ..
تلقى ..العطر
اتخلل ..
جوه ..مسامك
ملا .. وجدانك
وسكن ..في حجرات
القلب ...

يعني ..تبقى
محير ..
وماك .. مخير
وما .. بتتغير

وتسأل .. نفسك:
هسع .. أرجع ليها
العطر ... الجاني ..في ..
آخر .. الليل؟

ولا .. أسيبو (5)
يساهر .. بي ...
كتير؟

ولا .. نبقى .. أنا .. وهو ..
أصحاب
وأقنعو .. حتماً..
بالتأجيل ؟





مزمل الباقر
امدرمان في 20 مايو 2015م

(1) قدامك : أمامك
(2) يونسك: يؤانسك
(3) بريدا: بحبها
(4) ديمة: دائماً
(5) أسيبو: أدعه

#مزمل_الباقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل