حرت وياك..

طالب الجليلي
(Talib Al Jalely)

الحوار المتمدن-العدد: 4807 - 2015 / 5 / 15 - 04:26
المحور: الادب والفن
    

حرت..
أرد اوصفك يا ترف
كللي اشأسميك..؟!
شهكة فجربسمتك..
والشعر هلهولة عرس !!
صاغاك رب الحِسِنْ
حتى ابتِلي بيك...!

دَوَّرت عمري اوكضى
وسنيني طشّرها الهوا
غيرك فلا كلبي جوى!
ابآخر محطّه الكيك !!؟؟

12 مايس 2015

ما رهم كبلك بشر
وانته ابقفل رهميت
شاهين دولبني المطر
وبشبجتك حطيت
لا بيَّه اطيرن بعد !!
يا ترف..
يا طير السعد !!
وتكلّي هاي اشبيك !!؟؟

حيران بيك اشكثر
بس لاهي غيمة صيف
كل عمري هيمه اوقهر
روحي انحلت ياحيف
حن الله تالي العمر!
ما أدري ...
يمكن سحر ..!!
لو سِحِِر هوّه البيك ..!!

ظلمه اودليلي العشك
والبحر عبريته
دلّالي صار الجنح
رف ... انهيَم بيته !!
حسبالي كلبك يرف
وتحن حنين الخشف
وبروحي عود اسكيك !!

14 مايس 2015

#طالب_الجليلي (هاشتاغ)       Talib_Al_Jalely#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل