إيرينى سمير حكيم
كاتبة وفنانة ومخرجة
(Ereiny Samir Hakim)
الحوار المتمدن-العدد: 4804 - 2015 / 5 / 12 - 15:42
المحور:
الادب والفن
يا آدم غرقان فتفاحك
وتفاحك كتير
عمال تلوم
وانت محتاج لفوقان الضمير
خفت كتير
واتهربت من اختياراتك اكتر
ولسه شايف نفسك مَلكِ للدنيا
وعلى الجنة امير
وانت لو كانت فيك الملوكية
واللا طبع من طباع الأمير
كنت شيلت قرارك على كتفك
واتحملت نتايجه
وجاهرت بحقيقتك
ولا أجدعها سفير
إنما انت اخترت صيت
من غير حقيقة
وغِنى فأصله فقير
وعملت من صيتك ستار
تخبي وراه جرايمك الكتير
بتلوم فيها وتقسى عليها
وترجمها قدام الجماهير
وعمال تقول هى السبب
فأول قطمة
ومنتاش مكسوف من أكاذيبك
وانت غرقان فتفاحك الكتير!!
#إيرينى_سمير_حكيم (هاشتاغ)
Ereiny_Samir_Hakim#
كيف تدعم-ين الحوار المتمدن واليسار والعلمانية
على الانترنت؟