شعر دارمي شعر الفرات الأوسط

ميسون نعيم الرومي

الحوار المتمدن-العدد: 4782 - 2015 / 4 / 20 - 14:08
المحور: الادب والفن
    

شعر دارمي شعر الفرات الأوسط
ميسون نعيم الرّومي

بـيـنْ الجفنْ والعينْ تشرد واضمكْ
يزبگْ غَـفـلْ وايـروحْ چا ويَـنَـه رَسْمَـكْ
***
مي اوزلال ابصيف والوكت تموز
والعطش شربة ماي يتوسل الكوز
***
يا حلوَه يَم دَگـّـاتْ اعيونچْ سبَنـّـي
اسهام اوتِصوّبْ دومْ ابْگـَـلبي رمَنـّـي
***
ينـْـحَتْ اضْلوعي ايريد يتـْـسـلـَّـه بيهـَـه
حطهه ربابـَـه اودوم يعـْـزفْ عَليـَـهَه
***
امغرب اوماشي وين يابعد روحي
هالبعدك اوانت اهنا ما بطـَـلْ نوحي
***
بسك ..أگلـَّـه اوبس يتزايد ازود
مرمرني وانسليت لن گلبه اسود
***
ما ينحچي اوينگال أسأل واعيده
متگلي ليش اشبيك شنهي التريده
***
ما اسمع اليحچونْ مشدوهَه هالروح
خلاني هذا الضيم بس احسبْ اجروحْ
***
يالغربت ليغاد من ضحك سنك
ردلي الگلب والروح ماينفعنَّـكْ
***
ظالم يـِريد العون ياعينَه صلفَه
خلي الطبگ مستور يوم اوأكشفَه
------------------------------------------------------------
ســــتوكهولم
نيسان / 2015

#ميسون_نعيم_الرومي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل