اريدك حلم أخضر

نضال مشكور

الحوار المتمدن-العدد: 4763 - 2015 / 3 / 30 - 10:42
المحور: الادب والفن
    

أريدك حلم اخضر
يخضرِ عيوني من يشوفنّه
وارد اشوفه الحقل زاهي
وغافي ابسلام
وبهنه بعراقنه..
والفخاتي
الفخاتي ارد أشوفهه كارصه بعشهه
.. ما تعوفه ولا احّد يهجولهه..
ومارد اشوف الفرات مدمّه
اوو دجله مجروح
اوو غرگان ابقهره
وبهمّه..
أرد اشوفه يهلهل وفرحان
يرگص ويدبچ
ويزف الموج لعروسته..
ولا ارد اتنوّع الهور مهموم
مغموم
وناشف اموشّل امّيته..
ولا الگصب والخوص يابس..
ميّتْ بحسرته..،
أرد أجدف المشحوف
بهده واشوف السمچ يلبط
مو يفرفح و محبوس بشبچته..
وكود الله يطّيني
طولة عمرْ
وعيون تشوف البعيد
مثل اليمامه بنظرهه
حته اتمايز غاد النخلْ
والنبگ والناعورْ
والگصب والشجرْ
وبلكي الله يكتبلي فد سفره
وأزور السيّاب بلبصره
حته احاچيه وانشدنّه..
واگله يا سيابْ يا شاعرنه
اي مو طگّت ارواحنه
دِييزي عاد قهرْ
امسح دموع المطرْ من قصايدك
ومن والسمه
والگيعان والنهرْ
ياسياب .. ياشاعرنه
انظم قصايد جديده
قصايد عن الحب
والفرح
وعن ليالي الأنس
والسهرْ
وكوون الله عاد
قريب يفرجهه..
ويخلّي الناس وأهلنه
تفرح وترگص وتتهنّه
تفرح وترگص وتتهنّه.

#نضال_مشكور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل