الفرق بين ذكر النحل والذكر المصرى وذكر البط

حمدى السعيد سالم

الحوار المتمدن-العدد: 4673 - 2014 / 12 / 26 - 23:06
المحور: كتابات ساخرة
    

ذكر النحل يقوم بتلقيح النحلة ويموت ....
الذكر المصري عشان يوصل للمرحله دي بيتلقح هو نفسه 100 مره من كل حاجه....
مره من ابو العروسه لما بيطلب منه شبكه ومهر وشقه وطلبات كتير فوق طاقته ...
ومره من ام العروسه وهي بتبص له من فوق لتحت لما يدخل عليهم ايده فاضيه....
ومره من الجمعيات اللي بيبقي داخل فيها ومش عارف يسدها عشان يتجوز...
ومره من الصنايعيه اللي بيشطبوا الشقه.....
ومره ساعه الولاده ومصاريف المستشفي و العقيقه والسبوع والطهور...
ومره لما يدخل ولاده مدرسه خاصه او انترناشونال عشان التعليم بقي في الحضيض...
ومره لما يديهم دروس في الثانويه ومايجبوش مجموع ويدخلهم كليه خاصه....
ومره لما يجي يجوزهم الخ الخ الخ .....
اما ذكر النحل فده .برنس .....
بيعمل اللي في نفسه وبيموت بعدها علي طول ...
ولا بيشيل هم مصيف كل سنه ......
او انه ياخد خليه نحل في التجمع الخامس ...
او يفتح منحل برايفت له عشان يحسن دخله ....
او يدخل عماد وابراهيم ولاده اللي مش متأكد اذا كانوا ولاده ولا لأ Honey language School...
ذكر النحل مابيجبش شبكه ولا بيدفع مهر ولا بيشيل مسؤوليه ......
بل بالعكس ربنا بينتقم له بعد كده ...
وبيخلي النحلة اللى هى سبب هلاكه تقرص بني ادم في قفاه وتقع هي كمان مفيصه عشان تنتهي قصه "جبروت امرأه " اللي كانت عايشاها دي.....
علي عكس الذكر المصري بيعيش ويموت ماحدش ببياخد له حقه ...
وبيحتسب الاجر والثواب عند ربنا.....
عشان كده انا مش عاوزك تبقي ذكر نحل او ذكر مصري ...
خليك دكر بط ...
اه دكر بط ...
شخصيه غامضه محدش يعرف عنك حاجه ...
لحد دلوقتي البرادعي مش عارف انت بتتزغط ازاي....
والبطه بعد ما دكر البط بتاعها بيموت بتصاب بالاكتئاب وبتعيش حزينه ...
ومابتبصش لدكر تاني غيره ...
ومافيش حد ممكن يملا عليها حياتها غيره ...
حتي لو كان توفيق عكاشه نفسه...
‏
حمدى السعيد سالم‬-;-
صحافى ومحلل سياسى

#حمدى_السعيد_سالم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل