حامد كعيد الجبوري
الحوار المتمدن-العدد: 4476 - 2014 / 6 / 8 - 01:03
المحور:
الادب والفن
يا مكان ...؟؟
أبيا مكان الانفجار ؟؟
باجر التفجير يوصل يا مكان ؟؟
يا هو مات ؟؟
ويا هو عاش ؟؟
الحمد لله ..
اليوم كملت النهار
الشكر لله ..
اليوم كملت النهار
وباجر يحلها .... السياسي
أيضيف يوم
تزيد ساعات احتضار
الحمد لله ...
نهر سوينه الدموع
دموع نبجي عالشهيد
دموع نبجي عالجريح
والوطن ساحة دمار
الحمد لله الانتخاب
وصار عدنه البرلمان
مو مثل ذاك العتيك
الشعب بيده الاختيار
الولاية الأولى خلصت
الثانية صارت سوالف
الثالثة بصمة وقار
الموت عالبيبان واكف
ما يفرق يشتغل بسم ألآله
ولا يهمه
يلكط زغار وكبار
الحمد لله اليوم عزراين شفته
بالوطن ناوي الأقامه
الحمد لله مات جيراني وصديقي
الحمد لله مات أبن عمي وأخويه
الحمد لله لسه أتنفس بريتي
والنفس ...
نار وشرار
***********
#حامد_كعيد_الجبوري (هاشتاغ)
كيف تدعم-ين الحوار المتمدن واليسار والعلمانية
على الانترنت؟