الملحد بيحترم الله ..!

مهاب مجدى يوسف
()

الحوار المتمدن-العدد: 4450 - 2014 / 5 / 11 - 23:26
المحور: العلمانية، الدين السياسي ونقد الفكر الديني
    

..
في البداية ماتتخضش من العنوان .. خد نفس عميق .. و إبتدى :)

الفترة الأخيرة وسط كلامى مع صديق لي .. قالى الكلام ده : الملحد العبيط بدل ما يلاقي ربنا في الآخر و يروح النار , الأضمن له إنه يختار أي ديانة سماوية ليها كتاب أهو يضمن حتى إنه لو ربنا موجود يقوله أنا إتبعت ديانة :D :D


لابد التنويه : الكلام الجاى مش ردي على صديقي .. لأن الرد الأصلي إحتوى على العديد من الشتائم .. و هو ما ستمنعه إدراة نشر " الحوار المتمدن " :D :D :D


نتكلم بالراحة ... حمادة - متدين - يصوم - يصلي ... في العيد بيشرب خمرا " مع إنها في دينه حرام " .. بيتحرش " بس إشطا طالما هايصلي أو هايعمل حاجة حلوة يبقى إشطا " ... طبعاً بيحلل لنفسه كل حاجة بمبدأ " أتبع السيئة الحسنة تمحها " ... على حد تعبيره : عايش حياته و ضامن آخرته !!!!!


لو جيت تتكلم معاه في الدين ... تلاقيها مقضيها و مطريها .. لو جيت تسمع أرائه تلاقيه متناقض بما يكفي إنك تصدر جميع الأصوات بجميع الطبقات :D


لو جيت تسأله سؤال زي " هو ربنا موجود ؟؟؟؟ " ... ماعتقش أبداً إنه هايقولك " أيوة " !!!!!!!!!!!!!!!!!!!!!!!!


هو ممكن مايردش عليك و يقولك دي مش محتاجة سؤال ... أو لحد دمه حامي ممكن يتخانق معاك 3:)


أكيد طبعاً مش قصدي تعميم إن أى حد متدين هو كده .... الفكرة ببساطة : إننا لو إعتبرنا شخص زي ده بيحترم " الله " ( لأنه متبع ديانة ) يبقى أعتقد إن إحنا نفسنا محتاجين نفهم يعني إيه " نحترم الله " !


ناخد مثال تانى .. و نكمل كلام .... :)


شخص ما ... بعد ما بحث بطريقة ما ... و فكّـر بطريقة ما ... وصل لنتيجة ما .. و قال إنه مش مقتنع بوجود إله !! - سامع حد بيقرأ المقال و بيشتمني :D -


هدي أعضائك يا برنس ... الشخص ده بحث و وصل لنتيجة ... إختلفت معاه أو إتفقت ده مايلغيش إنه فكّر و بحث " حتى لو في نظرك هو مخدوع أو مُـضلل "


لو الشخص ده كان حيادي و صريح مع نفسه بالقدر الكافي و وصل للنتيجة دي أعتقد إنه " بيحترم الله " أكتر من حمادة اللى فوق :D :D


** حاسس إنى إبتديت أخرّف .. صح ؟؟؟؟ :)


- إزاى واحد بيحترم حد مش مقتنع بوجوده ؟؟؟؟؟ o.O o.O


أولاً : أنا ماقصدش خالص الإخوة الحلوين اللى شغالين ليل نهار " يشتموا " في الله - مع إنهم مش معترفين بوجوده ! لأن دول ( آسف ) أقل من إننا نتكلم عنهم أصلاً . ( نقطة )


ثانياً : أعتقد لو ملحد "" منطقي "" بما يكفي برضه هايعرف إنه ماوصلش للنتيجة دي و إنه كده خلاص عرف التيتة و إنه برنس و هايبتدي يحارب الدين و الله -- لأنه هايحط نسبة ( حتى لو صغير جداً جداً ) كإحتمال إن الحاجة دي قد تكون صحيحة ... !!!


( حاول تقرأ الجملة الأخيرة كام مرة )**


من وجهة نظري ... إن الشخص الملحد اللى وصل للنتيجة دي بصدق أفضل بكتييييير و بـ " يحترم الله " أكتر بكتييييير من حمادة اللى بس موجود على الدين خوفاً من العذاب في الآخرة

بل بالعكس أعتقد إن حمادة هو الأحق بالعذاب !!!!


تخيل معايا حمادة بيقول إيه لـ " الله " بدون قصد :


إنت موجود ؟؟ مش موجود ؟؟ ... مش مهم .. المهم أعمل اللى على مزاجى ... و في نفس الوقت أعملك اللى على مزاجك علشان ماتودينيش النار -_- -_-


...

الملحد يحترم الله ....


إنتهى :)

_________________________________________________________________________

هذا المقال هو رأيي الشخصي .. إختلف معايا و قول رأيك " بس من غير شتيمة " :D :D :*
>
>
http://www.facebook.com/mohab.magdy.youssef

#مهاب_مجدى_يوسف (هاشتاغ)       #          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل