نا قلت شَقْ خْلا ولا لِمْعاطي

صلاح الداودي

الحوار المتمدن-العدد: 4450 - 2014 / 5 / 11 - 07:19
المحور: الادب والفن
    

تْبرّيت من اللُّئْمان والهبّاطة
تبريت نا من القواد والوزّاكة
تبريت ملغلمان والرقاصة
تبريت ملمرتزقين والتياسة
تبريت نا من التبّاع واللحاسة
تبريت من البهتان والعفّاطة
تبريت نا من البيوع والمضايع
تبريت ملقطعان والحسّاسة
لا رجلة معاهم تنفع لا كْياسات لا لاباقة
لا حْمِلت قوادين لا كرّاطة
مرزن كرادن لوحهم
مرزن فراكن روحهم
منهم شكون يْبرّح نبّاح ليل نهار والنباحة
ومنهم من باع عمرو سلاطة
حافظينها لغة طحين خلطوا خلاطة
خلّوط بوخلّوط خلطوا خْلوط
خلوقي مِشتْ فلوس ما لمساطة
لا فهمت مبهومين وإلا صنايع
لا فهمت مربوطين في المواثق
لا فهمت مزطولين روث بهيم
لا فهمت موبوئين في محنتهم
لا فهمت سرب جراد جاب جرابع
لا فهمت صبر البل وإلّى ضبابع
لا فهمت ذيب الصحاري طاحت فيه
نا قلت شق خلاء ولا المعاطي
الكنتار أشرف واللي هج والهطّاطة
ملّيت من الثعلوب والحزّوب والضفداعي
راكب عَدَم الناس بالبرْداعي
نا قلت شق خلا ولا المعاطي
لا فهمت شموا بخور حرقوا بلاد
لا فهمت هذا الكل مزمياطة
لا فهمت طابو شعير قالوا سكرنا
لا فهمت بول بعير فاحت ريحَ
ولا فهمت بوبعلّي وْحل فرباطه
لا فهمت هاج وْرَلْ بْلَعُوا بزاقه
نا قلت شق خلا ولا المعاطي

#صلاح_الداودي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل