انا الخيال للمهرة ( شعر شعبي )

عماد عبد الكاظم العسكري

الحوار المتمدن-العدد: 4420 - 2014 / 4 / 10 - 13:15
المحور: الادب والفن
    

انا الخيال للمهرة
مناكل والشعر ديوان
والديوان حلوة سوالفه ومرة
وماني ابحاجة التصفيك
حتى اتكول حلوة أكتابتك حلوة
إنا الجلمة الرصينة الشاخت من اسنين
إنا بقلمي الرصاصة أتثور إلف مرة
إنا الخيال للمهرة
إنا البشفافهة الحمرة
إنا الماي اليبرد النار والجمرة
إنا الضيغم ابوكت الضيج
ما ينكاش زودي وحاروا أبأمره
إنا الدست الظلام ومادست كمرة
إنا الحيرت بيض هواي
إنا الدوخت كل سمرة
إنا ألما صفكت بأثنين
ويميني أيصافح اليسرة
إنا ألما شارت العربان بيه وطاحت العبرة
إنا الكلش فقير وهدمي للمحتاج ما كصره
دكلي اليرحل امن الدار
كلي شياخذ لكبره
إنا السر الثكيل الماكشف سره
إنا الطيب اليمر بجروح ما تبره
إنا بخنصر بنات بيوت
محبس لامع وشذرة
إنا الدفتر لون تقراه
بعده اتبطل أشتقرا
تعال وشوف كاع البور
بجفوف الزلم خضرة
إنا المعرض بصدري مجابل وي الموت
ياهو المعرض بصدره
وزلم ألما تثمن الموت
ما يخمد ضواها وداعتك جمرة
انا بصدر التودني اتعلك ابسكوت
ابوسنها بطرفها وكل جرح يبرى
تعال وشوف لا تستنكف العبرة
خيال لمهرتي الجامحة الشكرة

#عماد_عبد_الكاظم_العسكري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل