جواد القابجي
الحوار المتمدن-العدد: 4399 - 2014 / 3 / 20 - 09:12
المحور:
الادب والفن
أبوذيَّه
*******
اشمالك غيره ما عندك + ولصلاح
الحرامي انعرفه بالنظره + ولص لاح
يخَي جدّامك الفرصه + ولصلاح
وختار الذي بيهم رجيَّه
**************
شعبنه اشبيك اصحه ليش نايم
ولتنه او فرهِدت حقنه العمايم
*************
مو نفس الجحُر !! كلساع لدغات
ما تاخذ عِبر ..
وك هاي آفات !!!!
گوم او علّي صوتك ..
للســــــــــــــماوات
لا تلعب ابعقلك .. هالبهايم
***********
قريبه التجربه او غيِّر او إختار
انزع خوفك "
او إختار الأحرار
القضيَّه بين اديك ..
الجنَّه والنار
لتگول اشعليّه او تبقه هايم
*********************
بيدك يالعراقي اتنظفْ لعراق
من كلمن حرامي
او قذِر أفّاق
وتعيد إلنه الأمن
والحب والأشواق
وتصون إعراقنه .. من هالجماجم
***************
ثور اوطگ حديدك سوِّي تغيير
إجتَّكْ فرصه
اختها ابد متصير
فك عينك
ولا تسمح ابتزوير
اوشوف المخلص .. اختار الملائم ..
***********************
#جواد_القابجي (هاشتاغ)
كيف تدعم-ين الحوار المتمدن واليسار والعلمانية
على الانترنت؟