قصيدة قصة بداية

مينا امين

الحوار المتمدن-العدد: 4361 - 2014 / 2 / 10 - 15:34
المحور: الادب والفن
    

تعبان مخنوق مضايق !!
كل ده كلام هتقوله لو سألتك عن حالك ؟
وكمان بتعتب ومستنى اقولك مالك ؟
مش هسألك ولااقولك مالك
ولايهمنى حتى اعرف حالك
عارف ليه ؟
اللى ضيع حق نفسه وضيع حاجه بين ايديه
بقى يستنى حد يفكر يسأل تانى فى يوم عليه !!
مين يهمه حالك اكتر انا ولا انت ؟
مين فى حق التانى قصر بس لإمتى ؟
لإمتى هتفضل ماشى تايه وسط سكة ملهاش نهاية
الكل يتفرج عليك وعملوا حكايتك الف روايه
لإمتى بس هتفضل داير فى حلقه دايره ملهاش نهاية
هو صوت الحق تاعبك !
ولاوهم الدنيا سارقك !
لإمتى بس ده سؤالى دور انت ع الاجابه
انا محتاج اريح ضميرى
واقولك كلمه من جوايا
اللى مكتبش بأيده بدايته مش هتبقى ليه بدايه !!
فوق واعرف وضعك ايه
محدش تانى هيهتم بيه
وده الطبيعى على فكره
ايوه ده الطبيعى على فكره
انا مقدرش اسأل عن واحد تايه معندوش حتى امل فى بكره
ومش بعيد تكون غلبان ومش قادر حتى تكون فكره
عايز الحق ولا ابن عمه
عايز اللى ترتاحله ولا اللى تشيل همه
انا مش بقولك الكلام ده عشان اقولك متهمنيش
او انك مش فارق معايا انك تموت او ازى تعيش
لا خالص
انا بس عايز اقولك
محدش غيرك باقى عليكى
محدش اكتر منك ممكن يهتم بيك
وعشان كده انهى الحكايه
ولازم يبقى ليك
قصة بداية

#مينا_امين (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل