إجتماع في قامشلو

زنار علي

الحوار المتمدن-العدد: 4342 - 2014 / 1 / 22 - 22:56
المحور: كتابات ساخرة
    

إجتماع في قامشلو .
الأول: هاي ساوينا إدارة ذاتية ديمقراطية ..جخوا.
الثاني: يا ترى مين راح يمشيها!!!! الفهمانين كلهم صارو بجنيف 2.
الثالث: آااا. صحيح نسيت شغلة هلأ الديمقراطية مو لازم تُطبق للشعب صح ولا أنا غلطان .
الرابع: إي صح . إجت الديمقراطية بس ما شفت شعب .
الخامس : دائماً بيحكو عن ( mehmudki u otmanki مَحّمودكي و عَتّمانكي) مين هدول .
السادس : يبدو هدول رؤساء الديمقراطية بالرضاعة .
السابع : ولله أنا ما بفهم بسياسة خلوني أحصل على ربطة خبز أحسن شي.
الثامن: ههههههه يا غبي المشكلة إذا ما صرت معهم مافي ولا شقفة خبزاية.
التاسع : أوووف طيب في حال ما صار معهم و جاب خبز من غير فرن
العاشر: وطي صوت.. أوعى يسمعوك مشان الله .
الحادي عشر: خير ليش شو راح يسير .
الثاني عشر : راح يزتوه للفرن يلي جاب منو الخبز / لكن حبيبي لأنو يعتبر خاين بهالحالة .
الثالث عشر : إيواااااااا هلأ فهمت شي هي الديقراطية مع الإدارة الذاتية.
الرابع عشر : بما إنو بتفهموا بسياسة معبر سيمالكا تابع للديمقراطية و لا للإدارة الذاتية .
الخامس عشر : يا فهيم معبر سيمالكا تابع للوزير .
السادس عشر: لعمى طيب مين الوزير
السابع عشر : يلي كشو للمك بآخر لعبة .
الثامن عشر : ووووو . وجعتولنا راسنا خلونا نلعب فتة تريكس بلا هالمسخرة كلها
التاسع عشر : أوف فتة تريكس بهالظرف
العشرون: ليش شو بهو الظرف حبيبي- ذاتية ساويناه - ديمقراطية جبناه
جنيف2 رحناه - . بدها فتة تريكس على هالأرض .
الواحد والعشرون: كفيها قول سيمالكا سكرناه - شعب نكحناه و مقبرة كبرناه و سجن وسعناه .
الثاني و العشرون : إيواه يا حبيبي .... ما خليتوا شي غير تلعبوا على هالأرض كمان .
الثالث و العشرون : رهيب إكتمل ممتاز صرتوا 22 .
الرابع و العشرون : لك شو صارلك يا حمار شو إكتمل ما إكتمل
الخامس والعشرون : بس يا ترى الجمهور بيقبلكم بالملعب .
السادس و العشرون : كل خرا عم نحكي سياسة ما عم نلعب .
السابع والعشرون : ظبتوا حالكم راح آخدكم لمونديال 2014 بألمانيا على الواحد 10 آلاف يورو والمصاري عند شخص ثالث -;-
الثامن و العشرين : بس يلي بعرفو مونديال 2014 بالبرازيل .
التاسع و العشرون : لطالما مانك رايح سد بوزك إخرس .لأنو فيزتنا ترازيت يا دب .
الثلاثون : ياللطيف يا مُحّمَد شو كانت حلوة نومت الفنادق بحياتي مانمت هيك . لك تخيلو شفت بالمنام كوردستان عم تصير .

حالُ كوردستان سورية 2014

#زنار_علي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل