( الجيش أبن العراق )

حامد كعيد الجبوري

الحوار المتمدن-العدد: 4327 - 2014 / 1 / 6 - 19:19
المحور: الادب والفن
    

القصيدة التي ألقيت في التجمع الجماهيري لأهالي بابل دعما للجيش العراقي

أخذ ثارك أمربع جيشنه المقدام
شنو هاي الحثالة وتوكف أكبالك
صيح الله وأكبر صيح يابو ( حسين )
و( فقار ) الصميده يصير ( فقارك )
( داعش ) ولد حيض أنغولة الشيطان
وأنت أبن ( الحسين ) وثاره من ثارك
معكودة أبكصصكم راية العباس
وفه ( العباس ) غيرة أتحزّم أفعالك
( بعقوبه ) أنسبت و( الموصل الحدباء )
وصلاح الدين دمعه ودمعة ( أنبارك )
أقره أوجوههم وأذكر سبايا ( حسين )
يتامه ( الطوز) ذمه أبركبة اعكالك
أكلت جبد ( حمزه ) مو هذاك اليوم
لهاذه اليوم ( هنده ) أتذبح أطفالك
(مرجانه) أحتيت (صبحه) و (يزيد) أنعاد
و (صدام) أحتيه وتموته بصرارك
ساحة طائفية التحضن الإرهاب
فض الاعتصام أبهيبة أفكارك
أفرزهم عدل عوفه المغرر بيه
دوّه كل العكارب سحكة بنعالك
سمعناهه بأذنه أشتطلب الساحات
يريد يعيد حكمه ويهجم الدارك
من بابل أنحيي كل أهلنه ( دليم )
تاريخ الرجال وزود ثوارك
( ريشه وأبن هايس ) صولة الشجعان
مو بس ( للرمادي ) أعيون لسوارك
مو بس زلم نفزع تفزع النسوان
ونتطوع نجيك ونسند أكتارك
المؤمن من جحر ما يلدغ مرتين
وهيهات الطفوف أتعود بنصارك
هب الريح أبوك أشسوه بالعشرين
يدوّي أبروسهم نيشان مكوارك
زيّنها اللحاية أم (الكمل) والدود
وأسحك روسهم بطراف بسطالك
جثثهم للجلاب وشبِّع الغربان
وفرِّح لليتامه أبزفة أخبارك
أنت أبن العراق وراسك التاريخ
الغيرة من توِّج من يكحم النارك
***

#حامد_كعيد_الجبوري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات